正東胡同烤豬 (已結業)

今次第一次特登出去食中菜！聽講呢間好出名，屋企人又想試，就去左食喇！叫左個胡同烤豬餐（好似係必叫既），黎到烤豬店唔食烤豬唔係掛。個餐有脆豬皮，配埋啲桂花糕，估唔到又幾夾。食落個脆豬，火候岩岩好，脆卜卜，再配番個桂花糕中和下啲味！即刻覺得無咁熱氣！呢個唔記得左幾錢，不過份量就唔多既，多人可以叫多幾碟！推介埋成都水煮牛肉，第一次食，個醬好正好野味，加左啲蔥花吊下味，未試過既真係要試試佢喇！好似係88蚊，份量夠好抵食呀～

今日入左將軍澳工作，就順便約住將軍澳既朋友收工一齊食飯，我話好耐無食中菜，佢就提議帶我去食胡同烤豬。我地叫左個胡同烤豬餐，最先上菜既小籠包一般正常，無特別驚喜，緊接住有烤豬同豬件桂花糕，烤豬真心好味，個皮仲卜卜脆同埋件豬又唔肥膩，仲可以用餅皮加青瓜一齊食，口感不錯，之於個爆脆豬件桂花糕真係第一次見，無諗過一件肉可以加甜品一齊食，口感好新鮮，其他主食仲有香炸小黃魚同鹽水鴨，又係正常無特別驚喜菜式，最後甜品有我至愛既高力豆沙，炸得脹卜卜，不過豆沙餡就太少，唔夠滿足。同埋記住只要like fb page或check-in，就有免費高力豆沙一客(兩件)

每逢節日都要同屋企人做節，端午節都唔例外，媽咪整親腳我地唔想佢辛苦，決定係娘家附近食呢間烤豬~爸爸媽媽年纪大慣左五點幾食晚飯，就返佢地我地六點鐘已經到左~人多叫左一隻烤豬同好多小菜，最出色當然係烤豬啦，皮脆肉嫩，肥瘦適中，仲有得用餅皮包住黎食，加自己鍾意既配料同醬汁，大人细路都玩得好開心 另外做得比較出色既係红油龍抄手同成都蒜泥白肉，红油龍抄手麻辣醬汁配搭薄嫩既麵皮同鹹香既內餡非常有味帶勁 成都蒜泥白肉蒜香味濃，好入味又爽口，非常開胃!走之前媽媽比左我同家姐每人八隻糭，就算腳痛都堅持要包糭比我地，母愛真係偉大 計我話只要一家人開開心心一齊，食咩都好味~

繼上一次自己獨食爆脆豬件伴桂花糕後，今晚終於可以帶老公來分享胡同烤豬。為番起28元大洋一件，都幾珍而重之咁慢慢嘆！碟烤豬一上碟係暖笠笠，感覺似即燒。食落口外脆內軟，唔會係一啖肥膏嗰種口感。因為我口水多過浪花，將今日遇見巴士呀叔欺凌婆婆事件一五一十咁同老公討論後，烤豬開始涼左⋯但口味，豬皮依舊脆卜卜。反而，要提提包烤豬塊薄餅要趁熱食，涼了會大打折扣。整體，胡同烤豬性價比高！

今晚老豆叫阿媽唔好煮出街食, 就揀左屋企附近呢間餐廳,老豆提議食胡同烤豬餐(＄365), 包羅萬有唔洗煩!!!唔知點形容胡同烤豬拼爆脆豬伴桂花糕好呢？通常飲宴乳豬係第一道上, 桂花糕就包尾上, 呢度竟然將兩樣混埋一齊, 幾有創意! 烤豬片同餅乾都好脆口, 桂花糕作為夾心清香微甜, 一啖咬落去鹹甜軟硬咩都有, 層次分明.鹽水鴨份量唔少, 鹹鹹地幾惹味, 皮白肉嫩、肥而不膩, 送飯一流.炸小黃魚香酥可口, 咸中帶辣, 魚肉都算滑, 成條連尾都可以食.仲有幾樣食物就唔多介紹喇，整體水準唔錯, 父母都滿意~

有台灣朋友黎香港旅遊，佢話香港既烤豬都好有名，既然佢有要求，就等我帶佢食新派烤豬。今日叫左個胡同烤豬餐 $365, 再加個魚湯浸翡翠苗 $68, 我地兩個都食到好飽.特色菜一 "胡同烤豬", 食法同片皮鴨一樣, 都係用皮包住肉+青瓜+醬一齊食, 再加個麻醬沙律，好fresh 特色菜二 "爆脆豬件桂花榚", 朋友話第一次見呢個食法, 好特別, 不過我本身唔太鍾意食桂花榚, 我就覺得麻麻地其他仲有小籠包, 鹽水鴨, 香炸小黃魚, 全部都賣相OK, 味道不錯甜品就有高力豆沙, 炸得唔錯, 如果D豆沙涵多D就仲正真係唔好睇每碟菜個份量細細份, 台灣朋友話咁先好, 佢可以試多D唔同菜色, 仲話今餐佢好滿意, 一定要由佢黎請客

放工和朋友到他家附近一帶晚餐， 餐廳位於商場内， 門面光鮮， 食物質數和衛生環境都不錯的。我們很喜歡食烤乳猪的， 上openrice 看見這家的烤乳猪很特别， 因此來會一會它🐷我們二人點了一份胡同烤豬餐。有得食胡同烤豬+爆脆豬伴桂花糕 第一次見烤猪夹桂花糕這個組合。 聽上去好像很不夾的感覺， 但吃入口感覺很夾， 桂花糕是清凉的，剛好中和了脆乳猪的熱氣 另外，胡同烤豬比平時婚禮吃的好吃和較香脆。 皮很薄， 不油腻，好像猪肉紙般的脆片一樣。另外，小籠包也十分yummy, 有正宗小籠包的風味和水準， 皮不後，肉很新鮮，入面的熱湯也很好鮮甜，肉與湯的比例很好整體來說食物水準很好。 真的要一讚他的配搭，烤乳猪配桂花糕和小籠包， 中和了熱氣， 不用怕喉龍痛耶 還有一點不夠喉呢。

好兄弟新屋入伙，尋日晏晝去了佢屋企house warming, 見還有時間又未係時間返屋企，於是去樓下間烤豬店試試。餐廳加入了京式烹調方法，還帶點上海和其他外省菜的元素，而成為一間京滬式烤豬專門店。點了一個冷盤，脆皮素鵝，幾卜卜脆，又足料，唔似得其他小店咁裡面空洞洞，食空氣似的，一d都唔遜色喎！爆脆豬件伴桂花糕，坦白說，望落去好似細細粒藝術品咁，層層都有多種滋味，老一代人未必接受到，覺得整色整水，但我認為幾創新，食落去感覺好過癮。又甜又鹹咁，好特別的味道！下次會帶老公來試試那個主角 - 胡同烤豬，一起分甘同味，哈哈哈！

兩口子來到這裡撐枱腳，雖說是傳統中菜，但裝潢卻非常時尚modern，令人喜出望外。我們選了胡同烤豬餐，可以試到招牌菜又非常豐富，價錢亦算合理。最令人印象深刻的要數胡同烤豬拼爆脆豬伴桂花糕，它的賣相很精緻，烤豬和餅乾之間夾雜著哈蜜瓜和桂花糕，清新又滋味，是令人意想不到的配搭，完全是fusion感覺。然後就是京滬菜的代表──小籠包，新鮮熱騰騰端到台上，皮不會很厚，也算煙韌，入面肉餡有不少湯汁，味道和口感都不錯。甜品高力豆沙也很美味，咬下去彈牙有口感，入面是滿滿的豆沙蓉，甜度恰到好處。這個套餐還有香炸小黃魚和鹽水鴨，只是忘了拍照，整體而言是物有所值的。

老豆媽子去完旅行返黎，執完行李無時間買餸煮飯，唯有落街食啦，媽子話正東胡同烤豬開左咁耐都未試過，成日行過門口見到d師傅切烤豬好吸引，鍾意食乳豬但係平時比媽子禁制住既老豆即刻舉腳讚成~等位既時候係出面玻璃睇住d師傅切乳豬已經流晒口水，坐底叫左個胡同烤豬餐另外加左個媽子至愛魚湯翡翠苗~個餐都幾豐富，有烤豬，烤豬拼桂花，小黃魚，鹽水鴨，小籠包，高力豆沙同花茶~其中最出色當然係烤豬啦，個皮好脆，用薄餅包住食別有一番風味，食落好fresh又可以減少油膩感，連一向健康怕肥膩既媽子都讚個烤豬拼桂花得兩件，由於我唔鍾意食桂花比左老豆媽子食，賣相幾靚gei，不過見老豆媽子拆返開d桂花同件豬分開食，我諗咁fusion佢地未接受到……其實可以考慮下將件桂花糕改為鎮江肴肉丫，應該會夾d鹽水鴨味道咸左少少，黃花魚炸得好脆好香口，小籠包同高力豆沙都唔錯~最令人感到驚喜既竟然係魚湯翡翠苗魚湯味濃又唔會過咸，翡翠苗鮮嫩又無草青味，連平時好怕陣草青味既我都食左唔少~

上個禮拜有朋友話帶我去食胡同烤豬，佢既食法同片皮鴨方式一樣，都係用皮包著脆脆烤豬同青瓜一齊食，估唔到呢個食法又幾好味，口感變得無咁肥膩，仲可以加蜜糖芥辣醬，好食！另外呢個胡同烤豬仲跟埋沙律，上面淋左花生醬，不錯不錯~胡同烤豬

十幾年未入過將軍澳，趁好朋友生左B女坐月中，幾遠都要入去探探朋友同玩下B女啦~約埋另一個朋友一齊去探B女，B女醒左一陣飲完奶又瞓左，費事左住新手媽媽休息，我地決定早D走人去附近搵間餐廳傾計順便食埋晚飯，新手父母介紹我地食正東胡同烤豬，反正我地完全no idea lee頭有咩食，就試試啦~黎烤豬店當然要叫烤豬啦（$168），烤豬肥瘦適中，表皮烤得香脆可口~比起其他烤豬，佢特別在配料，用左食片皮鴨概念加上新意（哈密瓜同蜜糖芥辣），用軟淋淋gei薄餅加新鮮青瓜同哈蜜瓜再加上蜜糖芥辣包住黎食，口感好清新，青瓜同哈蜜瓜中和左烤豬gei油膩。令你不知不覺食唔停口另外仲叫左個小籠包（$30），一籠四隻，皮都算薄，入面都幾多汁，不過唔知係咪我地擺左一陣先食，個皮有少少乾硬，總括黎講都唔錯gei~

Yesterday I supposed to hang out with Kris, but I got stood up for work. I brought Kris to have her favorite crispy pig to show my sincerely apology! The Hu Tong barbecue pig was fantasy. Generous portion for two persons, tasty is perfect. They provide a warm reminder the standard way how to enjoy the crispy pig, it's so nice! Kris recognize to apply the sauce after wrapping the pig but it was wrong! She was thankful to the warm reminder. LOLThe deep fried egg whites was tasted well, although it

We brought the little princess 👧🏻 to visit her god mother in TKO. There is a restaurant called ''正東胡同烤豬'', my hubby said there was a same restaurant located at Wan Chai few years ago. I searched ''or'', it really showed the same name but it has been closed. We would try to ask if they are related but the shop manager was super busy. God mother was very welcome and ordered steamed pork dumpling, sweet & sour fish w/ pine nuts and the most famous dish - crispy pig! Although the crispy pig was quit

其實呢間嘢得閒就會做下團購，我第一次識佢都係因爲團購！佢出名食片皮鴨&乳豬，因爲後者真係有d貴，我地食左前者。d皮燒得都算脆，但唔知係咪因爲佢太多人上得慢？基本上送到黎已涼。d用黎包住食既薄片就有d太厚左少少。但用青瓜同哈密瓜做配菜對我黎講都算幾新鮮！$40團購黎講好抵食！不過用返正價我就未必會叫啦！