正宗山西刀削麵皇

營業中

休息中

大家一睇個HEADING一定會話我太誇, 但確實我病左去完醫院, 搭巴士返荃灣途中, 竟然俾我記起這間。返到荃灣已中午時間, 明知人多排隊又有排等, 我一定揀外賣。平時黎食一定揀麻辣, 廉辣的感覺由入口後慢慢滲出, 辣腔不辣唇,  一絕, 奈何明知自己病, 就此乖乖揀雙拼。到時發現已裝修, 比起以前陰沈的感覺, 現在摩登又不失有少量懷舊元素。雙拼配熱飲$48, 外賣加一蚊。我揀左金錢肚及五香牛肉刀削麵。金錢肚- 亦有豬肚, 要小心選擇, 配料分量一向都多, 滷水味濃, 入口爽而有陣陣咸香, 雖有少許黏牙, 但仍易咬柔軟五香牛肉- 薄片牛展, 每片都半透明狀, 別以為厚此薄彼, 實質可令每片都吸收足夠的味道, 香軟入味, 有濃濃的牛香, 正刀削麵- 我不二之選, 喜歡厚厚的麵質, 彈牙有質感, 厚薄不一, 皆因師傅即場拎住大粉團削,刀功非重點, 重點是粉團是即場搓好就好, 非常新鮮。 

成日都有人排隊既山西刀削麵，經過左咁多次終於的起心肝試下佢！叫左麻辣豬扒刀削麵，其實個人覺得個面同759賣緊果隻冇咩分別，不過個炸豬扒好得！新鮮熱辣既酥炸豬排上面加麻辣同蒜頭，勁熱氣不過都忍唔住食曬！呢個價錢黎講好抵！值得一試！不過其實我以為會有個湯底係麻煩，點知冇.... d麻辣係碟豬扒度，唯有自己不落去碗麵度....

今日晏就收左工 拿拿臨落荃灣黎幫襯點零鐘到已經排晒長龍，不過都好快入到去坐✌🏻️一坐底嗌個手撕雞拉麵加麻辣 再叫多個蒸小籠包子😳首先要講下個麻辣，真係十分滿分，麻而香 有少少嗆喉 辣後痺 正到不得了 另外加上大量蒜粒 香上加香！ 麻辣混合手撕雞 雞肉嫩滑 再有青瓜絲襯托 更加香口 食一口即拉即煮手拉麵 ，手拉麵拉得好好 彈牙湯甜！等左陣 小籠包子上枱 即蒸出黎熱辣辣 當然即刻點醋加薑絲放入口😁啲濃湯即刻湧出 差啲辣親咀皮薄饀靚無得彈😳👍🏻食飽飽都要即刻走 事關實在太多人😂唔好阻住下一枱

數年前從他口中認識正宗山西刀削麵皇，那時我們時有光顧，雖然環境狹窄，但刀削麵水準確實使人一試難忘，然而不知從何時我倆開始減少到這裡用餐，是日很想尋回那久違的味道，便來到這間荃灣人氣刀削麵店，周六中午時段很幸運地不用排隊～我選了上海水餃刀削麵 $40。圓渾的上海水餃很足料，餃皮屬於較厚那種，而粗幼相若、長短不一的麵條質地如同記憶般煙韌爽口，湯底清淡，整體配搭不俗，不知是自己大食了還是怎樣，記得以前來吃時吃完會很飽很飽，但今次竟然覺得份量剛剛好…哈哈！他則選了金錢肚拼上海水餃刀削麵 $43。另外點了上海小籠包 $2X。一客共有五隻，兩人分著吃剛剛好，賣相不俗。記得以前來吃時其小籠包內裡沒有湯汁，當時還很好奇，今次帶著這個印象再吃，輕咬一口，熱噴噴的小籠包皮算薄，鮮甜的湯汁溢出，好吃之餘不禁懷疑自己的記憶是否正確，不過現在已經無從稽考了。套餐跟有豆漿，吃刀削麵當然少不了一杯冰凍的甜豆漿！很滿足！吃畢後付款時驚覺門外已有一條人龍，果然是人氣店～同時看到食店將在9月尾至10月頭暫停營業、裝修的告示，雖然要告別熟悉的小店環境，但隨著時代變遷，眼見小店環境頗有歷史，裝修成更舒適的環境是在所難免的，能

是晚阿豬又黎食刀削麵。大熱天時係出面排左成5mins等位。阿豬又係叫左麻辣豬扒刀削麵。碗麵同麻辣豬扒是分開上的，豬扒炸得過火，勁乾身又硬。麻辣醬今次只一味死辣，實在頂唔順。刀削麵就keep到啦，麵條煙韌，配合湯底很不錯。最後阿豬將豬扒浸落湯食，都係勁硬，最後阿豬都係放棄呢幾塊豬扒！

聽聞荃灣有刀削麵享負盛名 便前往一試正值晚市時段 人流暢旺 幸好無需排隊便得一桌本人試左麻辣東玻肉刀削麵雖然本人知道會分開上 但侍應果然將東玻肉及刀削麵「分開上」 準確啲咁講係前後上先黎麻辣東玻肉 頗為吸引 色澤均勻 肥瘦適中可是肉質不算太高質 雖有脂肪 但未夠柔軟表面放上爆香嘅蒜蓉及辣椒本人稍稍試左蒜蓉及辣椒 雖然炒得非常香 辣度亦適中 但總覺得與東玻肉不太配未幾 刀削麵被送上 份量出期地多 女士們想必未能完成所有份量麵條略粗 但細看之下 發覺麵條粗幼相約 顯示師父每下刀削力度相約本人先淺嚐一啖湯 清中帶咸 麵身頗為煙韌 極富彈性 本人每之進食麵皆連湯飲用 湯與刀削麵相襯 頗為匹配本人總覺得整知組合不太合襯麻辣與東玻肉不夾東玻肉與湯不夾 因將其浸份湯後 原本帶有嘅醬汁則一同浸走所以本人將每樣獨立食用最後本人只認為不過不失

友人Theo今次推介我食刀削麵。我首次來到這間麵館。坐無虛席。我點了我要的紅油温泉蛋刀削麵。加凍奶茶。配菜點了涼伴海蜇及蒜泥煄蹄。個刀削麵賣相好正。麵條好似海帶。好彈牙。有木耳同花生。但因為個湯底好辣。配菜長時間泡浸在勁辣湯底。單單食粒花生都頂唔順。温泉蛋一般好食。我只可以消化半碗麵。個涼伴海蜇好清爽。個蒜泥煄蹄混入太量蒜泥，混合可以食出好滋味配搭。因為在勁辣關係，所以直覺好似杯凍奶茶好易入口。

對於我黎講荃灣唔係一個熟悉既地方，今次途經荃灣當然要search下有咩好野食啦下午三點到門口都要排隊先入得😧等左十分鐘左右就可以入去，都好多選擇，我揀左豬手豬大腸刀削面，豬手好淋好入味，豬大腸都有成十件咁多，不過刀削面就韌左小小同粗左小小，不過可能係人手既關係係有d分別，不妨一試

成日行過都見到好多人排隊，而且又拎哂獎又盛，就咁睇店面真係唔似咁好食，今日決定要試下，試完真係覺得名不虛傳！叫左個餐，雙拼$43配埋豆漿，都幾大碗同埋真係好多餸！勁多豬腸！有成10幾舊，仲要係厚切，舊舊都好肥美，超正連我咁鐘意食豬腸都食到有d流！刀削麵煙煙unun，有咬口，豬手都蚊得幾入味幾冧，有兩大舊，食完好滿足，而且味道真係有水準過一般既麵店👍

晚上收工黎荃灣搵食，見到刀削麵有幾個人係門外排隊，我都不咁落後，排埋一份。都排左成20分鐘，好熱。入到去冷氣好涼，當下好舒服。叫左口水雞刀削麵。口水雞份量唔多，不過一人份量係咁架啦！雞肉尚算嫩滑，皮也不會油膩，辣油方面覺得不算太辣，幾好。刀削麵既湯睇落好清下，飲落唔會過咸，好飲。刀削麵非常煙韌，食幾條飲啖湯，好正！

每日鋪頭入面都好多客人，午餐同晚餐果d時間仲要係門口排隊，一直都好想試下。難得收工見到無人排隊，緊係去試下喇！😊最重要係個大腸同手撕雞，首先2樣都都入晒d麻辣味，豬腸好易咬開，而手撕雞又吸晒d汁，超好食👍🏼，份量又多！😋刀削麵好煙韌，超多份量加上刀削麵食幾條已經好濟，所以係食吾晒。湯底都好美味！以上個麵都好好食食！但係只係差在個豆漿無乜果囉😣。但係我如果再經過荃灣一定會再去食！因為係煎既關係，油就一定較多，不過蛋就吸晒d油🍳，所以小籠包咬落吾算多油，。小籠包湯汁不多，比較乾身，而肉料味道濃郁，皮又厚度適中，對我而言可以覆蓋佢既缺點😌！更何況$4一隻既小籠包1d都吾貴，好扺呀😚！

每次到荃灣，都不得不去吃碗刀削麵。今晚去了荃灣買手機用品後，便到沙咀道山西刀削麵皇來個晚餐。注意荃灣大約有三四間刀削麵，不要去錯啊。這裡裝潢與茶餐廳無異，用饍時間，幾乎是座無虛席，我卻點我喜歡的麻辣熏啼刀削麵，麵質爽口彈牙，熏啼冰涼，麻辣極辣，不得叫可樂解辣。好味!!

天陰陰，去完黃金海岸悶熱咗幾粒鐘，索性出荃灣行街算數！上年12月進駐愉景新城嘅韓國服裝品牌成為我哋主攻目標，行到8點幾都體力透支，openrice一下，鎖定「拉麵台風」同「山西刀削麵皇」，但始終晚餐都係想食得多樣化啲，所以都揀咗呢間！望門面已經知係小店, 所以坐到個二人卡位已當自己係雅座上賓！刀削麵可任選配料，感覺同你食車仔麵&譚仔無分別，單餸$40 雙併$43，識揀都雙併啦！餐牌上仲有好多款麻辣麵，阿姐話唔關個湯底事，係個餸辣啫！黎料！巨人刀削麵黎料！叫佢做巨人麵因為份量多到你唔信！望相你唔覺，食到一半你就覺架喇！刀削麵麵質有穿透力唔厚粉，滲到湯味，同朋友互相交換咗粒菜肉雲吞同上海水餃，食得出分別，雲吞真係皮薄餡靚；水餃就榨菜肉碎陷，但餃皮較厚，連埋刀削麵食就略嫌滯咗D，另外豬手就好入味，好享受啲骨膠漿口！佬佬地嗌咗個麻辣熏蹄配手撕雞！賣相一流，可惜只得個麻辣香，手撕雞好乾，麻麻地！最後真係一碗麵都食唔哂，絕對係抵食飽肚之選！下次再黎會試下小籠包！

今晚8點幾碰上又下雨，這店不用排隊可進內試食。雖然不用排隊但座無虛席。裝修樸素，舊式食館，但也有個lcd電視陪伴用餐。用餐枱細少座椅太直，空間不多也逼逼貼貼坐80人左右，讓人快d食完快d離開的感覺。伙記很敏捷殷勤有如自己生意般，活力十足。今晚點了牛腩刀削麵、小籠包子、芥蘭、可樂及泡椒牛柏葉。牛腩刀削麵牛腩大舊得來不夠林兼過老，有筋過靳，麵條煙煙靳靳的淮山般形狀，有點硬，我未曾食過，不知是否可以淥耐一點。反而湯底有牛腩味，不夠膠但少油，$37+可樂，當作套餐價共$42。算抵食！小籠包子當然比不上鼎泰豐，但也足夠肉餡料和湯汁，非常少油，健康不兒嬉，$30。芥蘭非常少油又不苦，帶爽脆，咬落short short聲，$15。泡椒牛柏葉，冷盤酸酸辣辣，幾得意，$25。兩人食都飽肚，下次都會再來試其他。

在荃灣一個人食野,諗起朋友介紹過的刀削麵,二話不說就入店套餐牌今次試麻辣金錢肚同牛月展雙拼賣相就真係無, 好求其 , 一堆生蒜茸同麻辣醬就咁倒在頂金錢肚都算爽口, 牛月展普通啦, D麻辣醬都幾麻同幾辣, 好快就飲晒成杯凍豆漿刀削麵真的很不錯, 有少少彈牙有少少煙韌賣單51蚊