正宗山西刀削麵皇

營業中

休息中

山西是中國的麵食大省，麵食種類千變萬化，而曾到當地遊玩的我，吃來吃去覺得最啱自己口味的都是刀削麵。而香港做刀削麵的店子甚少，其中荃灣的「山西刀削麵皇」可算是正宗的一家了。都有年多、兩年時間沒來食「山西刀削麵皇」了，天氣漸熱下，叫個乾撈麻辣手撕雞冷刀削麵，貪此物夠清爽也。不加湯吃刀削麵的話，麵條相對會較硬身，但依然是我喜歡的硬中帶柔韌度的獨特口感，也就是台灣人說的QQ的感覺，果然是全港數一數二的刀削麵！拌麵的清瓜和雞絲切得粗幼剛好，辣度亦剛不過火，十分適合用來乾撈。下次添一些麻醬，味道應會更錯縱複雜。小吃方面蒜泥燻蹄必試。外表只是燻蹄上面鋪上黃黃的蒜泥，但後者攻鼻程度絕對出乎預料，比wasabi有過之而無不及也。至於生煎小籠包不算爆汁，但用鐵板上枱兼有黃得發亮的煎蛋做底，外觀上搶回不少分數呢。其實此店的刀削麵餸選擇不少，已變得頗港人口味了，但至少師傅刀削麵條的功夫還是貨真價實的。

昨天跟閨蜜去食這間常常排長龍的食店，住在這邊都好耐，從未試過這間食店，因為每次行過都看見大排長龍，夏天熱更加唔會等，但我們約好一定要試，所以要等也沒問題，到達門口出奇地等不用2分鐘就入座，雖然要搭枱，但唔駛等冇所謂啦！只是枱位置很迫，我們叫了一碗牛腩，一碗牛肚刀削麵，加一客小籠包，看著師傅手起削落，一碗又一碗的麵上枱，麵條每片厚薄不一，我個人喜歡薄身的，因為食落不會有吃麵團的感覺，湯底十分香濃，牛腩剛好，牛肚爽口，小籠包皮也剛好！十分好吃！

口淡淡今日，来到荃湾办事，行行下就见到招牌好吸引进去试下先   有我爱吃的麻辣手撕雞面啊开心、配埋青瓜/麻辣醬咁劲摆碗好吓人，不过辣度还不会太恐怖，都接受的到点的是少麻辣，面的份量都好多, 撈埋一齊食唔會太辣但充滿麻感觉, 青瓜冰冰配搭手撕鸡肉丝好有味，以为刀削麵會凍冰冰,的但还好是常溫, 即叫即制, 每一條刀削麵長度同粗幼度都唔同, 所以口感特別煙靭有口感, 推荐值得一試 吃辣耶饮杯冻豆浆下去过瘾。豆浆甜度刚好  哗蛋煎小笼包真的少见，很有一试的欲望、可能係煎既關係蛋就吸晒d油感有少济，所以小籠包咬落吾算太多油，小籠包湯汁不多，比較乾身唔会太油，肉料味道浓郁外皮又厚度刚好，都几好

去荃灣行街，經過見到呢間好多人排，好巴閉咁，為食既我當然要試下啦，因為本身自己住果區冇得食刀削面。見到D相就覺得好多都好食，又想食呢樣又想食果樣，最後叫左個豬手刀削面，好味到不得了，豬手入味爽口又彈牙，刀削面有咬口。我同行既叫左個金錢肚，都好鬼正，如果食得落仲想叫埋小籠包，可惜其實食完大早餐冇幾耐，食唔落。如果佢開多間分店起第二區就好啦!!!!!推介！會再去食！四十幾蚊有個餐包杯豆漿，真係算抵食。仲有，佢好多款餸比人選擇。我見隔離食口水雞撈面都好正咁，下次會想試下。

咁岩經過荃灣,見到一條人龍排隊,一睇招牌,係食刀削麵,係香港真係好少見,決定試下。同行朋友叫左單拼雪菜肉絲刀削麵連豆漿($43),對雪菜肉絲的分量好滿意,而且肉絲多是瘦肉,容易入口,唔會話鞋口或者有肉根。自己叫左個熱拌豬大腸刀削麵連豆漿($55),一問先知原來熱拌係撈麵,唔係湯麵。雖然見在場好多人都簡湯麵,不過見朋友都係湯麵決定試下另類D嘅野。熱拌的靈魂就在於醬汁,刀削麵的醬汁有少少譚記炸醬FEEL,色水上相對淡D,肉末溶入醬汁,一入口係甜同小小酸,似蕃茄味,落喉有D辣,個人唔係好食得辣都接受到。豬大腸就好好味,煮到好稔,醬汁夠味。主角刀削麵非常有韌道,個人有少少強迫症,中意一條條咬住食,所以差D食到下巴甩臼另外叫左個炸雞翼($30/4pc),入口熱辣辣,但只係微煎過表皮,個人覺得小貴,整體普普。總結一下,最好味係豬大腸,係會為佢再食一次的衝動(9分)炸醬汁有層次,唔會太辣(8分)   刀削麵本身口感係主角,口感煙韌,寬度都岩岩好(8分)可惜有個小小缺點,就係熱拌無論幾多醬都太乾(可能同本人續條食有關,令到後尾杯豆漿都無認真飲.....題外話:店內全是  "標準"  4人卡位,多一個都

第－次食的時候，見到有位拉麵師傅在廚拉麵吸引左入去食！😍山東拉麵並不普遍，所以即入去試試，😁發現口感又彈又煙靭！手撕雞也好軟綿，味夠濃！👍👍👍第二次食，店鋪裝修後師傅好似不同了，😵😵已經只有第一次水準的－半！😞😞😞到今次再去食，同樣的配搭，但實在差太遠，麵質太過淋身，不知是換了師傅問題還是阿姐姐遲左拎出來，拉麵似公仔麵口感😡😡😡，連配菜豬扒醃得冇之前咁入味！失望！😩😩😩

嗰日去開荃灣，想食麵，記得有呢間山西刀削麵，大概地鐵站到呢度要10分鐘，位置都算可以接受，可能星期五晚上食飯時間比較多人，今次要排隊等入左，同埋佢應該近排裝修過，卡位好似比較有啲迫，要同人哋搭枱。入到去睇咗一陣餐牌，分開咗兩款套餐，有麻辣或者普通嘅款式，挑選左冇麻辣嘅面，送就要左牛展同埋水餃兩個餸，好似＄48一碗，連埋送豆漿一杯如果其他飲品就要另外加錢。加左一個蛋煎小籠包，應該係要即叫即做，所以要食完碗麵先上到。如果你鍾意食刀削麵呢個係唔錯嘅選擇，因為連充滿着麵粉的味道，煎小籠包10分香，應該會再來 ！

荃灣咁多好嘢食，咩都未食好肚餓，諗住求其去一間都無衰啦，行過見咁多人食，又post咁多明星相，以為好好食，又攞晒大賞話正宗， 點知名不符實咁肚餓應該咩都覺得好食啦，但係一入到去根本發覺唔係嗰樣嘢，不過見過餐牌幾吸引，就打算試吓。坐落見到廚房做麵根本唔係傳統刀削麵嘅做法麵削得太厚，長長短短，參差不齊五香牛肉似牛𦟌雲耳鞋口菜有啲似煮唔熟，除咗面嗰幾條菜之外比較好食，越食越難食，叫咗加腩汁，變咗腩汁溝豉油宮廷餃太多油，而且皮厚，入邊個餡一啲鮮味都冇除咗杯豆漿同湯底好之外，其他不值一提...

那天去真的好好運之前去連店都沒有開，那天不用排剛好有人走就有位置了男友說很好吃，其實我對刀削麵不大感興趣瀏覽餐牌後，覺得價錢都不便宜比起去吃一碗雲吞麵或米線都要貴我比較想吃沒湯的撈麵沒想到醬料很野味！我吃到有一點花生醬FEEL配上Q彈的刀削麵，合拍極了味道微辣，豬軟骨入味又沒有很乾男友叫回之前吃過的五香牛肉刀削麵第二次來再叫都暫不想試其他是因為太好吃了吧？湯很清甜，麵我沒試，五香牛肉嫩滑得我有機會一定要買回家給老爸一試！男友喜歡刀削麵外彈內軟的質感一場來到我還是想試一下小吃生煎小龍包，賣相不錯，不過這樣做法會變得有點乾如果怕乾的人還是叫回上海小籠包比較好每人一碗麵原來已經很飽，最後小龍包都沒吃完要打包了...

好幾年前黎過兩次，一直掛住個味道，掛住嗰麵，今日終於哋起心肝入荃灣。可能我哋黎到都8點，出面冇人排隊，但鋪頭裡面都差唔多坐滿哂。裝修咗。餐牌都唔同咗。見到個後生師傅響度削麵。我叫咗水餃雞翼刀削麵加豆漿，Mr C叫咗紅燒豬手金錢肚刀削麵加豆漿。另外叫咗嗰麻辣手撕雞。麵好快就ready。麵既厚度適中，好有質感。湯又夠味道，唔會太鹹。但係唔知點解，同Mr C都覺得以前好似更加好味，啲麵更加有質感。我嗰餸-雞翼有兩隻，夠入味，但嗰水餃就普通啦～麻辣手撕雞，啲辣椒響面，所以我唔食辣就冇撈，Mr C就自己加辣。嗰雞就麻麻地，雞肉唔夠嫩滑，又唔凍唔熱咁，有啲唔太新鮮既感覺。。。我覺得其實依家連銅鑼灣都開咗刀削麵，有冇需要特登走入荃灣呢？佢嗰麵加湯底係好味，但睇你覺得值唔值啦

短頭髮老女人戴眼鏡嘅態度好差，嘢食又難食左好多，又落錯單，持住自己間野出名就可以咁串嘅咩，但係嘢食又唔見得好食，做來做去都係得刀削面係最好食，其他小食可以唔需要叫，吾會再去！！！

呢間大大話話都食左4，5年。以前真係算好食，每隔一兩星期總會去食一次，大多點麻辣豬扒刀削麵。尤其喜歡佢的麻辣醬，混在湯中也不會太油膩，而且湯底頗好，清而味濃。由其每當由個學師仔整麵，就特別有嚼口，反而俾師傅整就麻麻地。（心機問題）。但裝修後每況越下，座位狹窄得過份，個湯味精左，麵質差左（個學師仔好似滿師走左）連餸的份量都減埋，只有價錢升左。但在從前賺回來的名氣下，依然吸引到不少人光顧。可能新客的不覺有大問題，但食開就覺得佢越做越差...大概華人做生意都係咁，初做時比較用心，到出左名，賺左錢時，就求其敷衍了事。

東坡肉刀削麵（$40）👅我中意食啲有口感既麵，所以都幾中意食刀削麵🤓🤓🤓搵到荃灣呢間幾出名既刀削麵食😆大大舊東坡肉好鬆軟，雖然係邪惡啲🙈🙈索哂啲湯汁好入味👍🏻👍🏻啲湯唔會過咸，至於啲刀削麵係真係見到師傅拎住大大舊麵團即削即煮😎啲麵厚度平均，唔算好厚，而且比較窄身，食落唔算好有口感，都係上次天水圍個間好食啲有口感啲🤔🤔

天氣清涼, 入城門水塘行山前到荃灣市中心醫肚荃灣實在不太熟悉, 但早前有食過一間山西刀削麵,所以今日再食一次店舖位置沒有搬遷, 但已經裝修過, 很企理環境比之前光猛, 坐得比之前舒適這裡的食材配搭種類有很多, 我偏好食豬軟骨, 但找遍整個餐牌只有香辣豬軟骨刀削麵問一問店員可以轉做麻辣, 太好了邊等麵到, 邊看看周圍, 原來有人在門外排隊...這樣說明了我真幸運亦代表這家真的多人欣賞再望一望, 看到廚房店員在削麵好了，我的午餐來了。麻辣豬軟骨刀削麵豬軟骨上有一大堆新鮮生蒜與麻辣醬一開始食會覺得麻味重, 但其後可能生蒜關係愈食愈辣 惹味十分豬軟骨非常入味, 而且肉質很稔最緊要是軟骨都煮至全軟, 輕易咬開滑溜的刀削麵, 由於形狀也不是整條均一, 所以薄的位置稔, 厚的位置煙靭, 口感特別下次到荃灣, 一定再來

早前係荃灣食過刀削麵後一直念念不忘, 假日終於有機會過黎再食一次, 下午時間門外有5-6人排隊, 侍應很快便安排入座點了一份餐牌上稱為全港首創 - 麻辣手撕雞冷刀削麵, 配凍豆漿加$4手撕雞配青瓜絲/麻辣醬同擔擔醬, 份量都好多, 撈埋一齊食唔會太辣但充滿麻香, 亦唔會太乾, 因為碗內有少少醬汁係底初時都擔心冷刀削麵會凍冰冰, 幸好是常溫, 即叫即制, 每一條刀削麵長度同粗幼度都唔同, 所以特別煙靭有口感, 份量都非常多, 雖然價錢係區在不算便宜, 但非常值得一試