正九清湯腩 (餘慶大廈)

營業中

休息中

💥招牌崩沙腩第一次來呢間出名既清湯腩面店見識到點解咁多人慕名黎食呢間餐廳除左佐敦呢間新開 好多其他區分店 📌清湯崩沙腩河 +蘿蔔+菜心崩沙腩&料都好足 超多好林😋清湯我至愛 原汁原味 📍佐敦佐敦道26D號餘慶大廈地下A-C號舖🏷️正九清湯腩（佐敦 ）#佐敦 #美食

今日上堂路經佐敦正九牛腩聽說其他分店質素好食所以就試下崩沙腩河好食牛腩香濃牛味，肥瘦均勻腍得黎唔會一夾就散又多蔥河粉份量唔算多，方便我試埋其他小食紅油抄手一碟有十小隻，當佢食菜肉小雲吞食係幾好味，一啖一口正九牛肉羹喜歡食薑嘅人可以一試，因為有好多薑絲本身個肚唔係好舒服所以叫牛肉羹，唔食粉麵了牛肉是牛肉碎再加麵粉製成牛滑侍應姐姐教我食呢個配黑醋食腩汁蘿蔔蘿蔔冇渣，薑味甚濃腐乳通菜新鮮好食我一路食發現好多人到鋪問有冇雞脾店員姐姐說賣曬令到我很好奇呢！下次試下雞脾先

正九清湯腩 (佐敦) 位於佐敦佐敦道26D號餘慶大廈地下A-C號舖. 如乘港鐵可從佐敦站下車, 從A出口步行約五分鐘便可到達. 今次我點了清湯牛腩撈麵($62),轉坑腩($8), 另加凍飲(+$3), 合共75元正, 吃得飽飽!清湯牛腩賣相華麗, 每塊也有均勻適中肥瘦比例, 更難得的是塊塊質素相同, 令人感動! 另外客人可要求牛腩加肥或加瘦, 此服務並不是間間粉麵店也可提供, 絕對是以人為本, 符合客人不同口味的需要! 這回我加了八大元轉坑腩, 切成塊塊大小相同的坑腩既易人口, 亦煙靭彈牙, 更不會痴牙, 牛腩鮮味噴灑而出, 令人回味無窮! 撈麵方面今日選了伊麵, 與幼麵比較另有一番風味! 美中不足的是另一鎮店食品崩沙腩太受歡迎, 一早售罄, 下次定必要試試!

最近去了一家小店，試了他們的幾道招牌美食。其中最讓我印象深刻的是清湯牛三寶河，這道湯粉的湯頭清爽，鮮香味十足。牛腩、牛筋和牛肚的搭配非常完美，肉質鮮嫩，口感豐富。整碗湯粉的份量非常足夠，吃完後感覺非常滿足。除了湯粉，我也品嚐了他們的排骨擔擔面，這道面條口感彈牙，加上香辣的排骨和醬汁，非常開胃。他們的生菜也很新鮮，清爽可口，是一道很好的配菜。喝飲料的話，我推薦檸蜜和檸賓。檸蜜的酸甜口感非常適合夏天，檸賓則口感清新，微微帶有氣泡，非常消暑解渴。總體而言，這家小店的食物非常美味，份量也非常足夠。服務態度也非常好，讓人感到很舒適。如果你正在找一家好吃的小店，這裡非常值得一試！

街坊牛腩粉呢日經過佐敦 因為趕住睇戲 所以就想食搵啲簡單嘅嘢食吓 見到呢間嘢都好多人所以就入去試吓🥰 清湯牛三寶河$62牛三寶係牛腩 牛筋 牛肚 全部都聞到好腍 好有牛味 牛筋腍到唔使點啖就已經溶係口中 牛腩細嫩 正😋 墨魚丸紫菜雲吞河 $52墨魚丸好彈牙 雲吞足料鮮美😄 油菜$19乾淨新鮮😋😋 凍檸茶跟餐+$8熱華田跟餐+$8 小店客流量都幾快 證明佢足料新鮮 😄😄 🎈正九清湯腩 (佐敦)佐敦佐敦道26D號餘慶大廈地下A-C號舖#hkfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger #meimei #852food #852foodie

好耐之前帶韓國朋友食過一次😬一直都忘記唔到個味，甘岩經過佐敦見佢新開左分店，即刻入去食🏃🏻‍♀️.☑️清湯牛腩河 $50我轉左崩沙腩(+$8)同加左雲吞(+$8)🤓湯底就甘望落去好似好清冇咩味甘，但飲左一啖之後就好有驚喜🧐湯底十分清甜，完全冇味精既味，因為我之後都冇覺得頸渴🤤崩沙腩肥瘦均匀，咬落去完全唔會鞋，輕輕就咬得開👍🏻上次叫左佢地成份雲吞食唔哂，但又覺得好好食🤤好彩佢地有得就甘加兩粒，雲吞係用菜心同豬肉，皮薄得黎料好充實。一定會再無限回頭，性價比好高🤩

說來慚愧、小妹其實好少食清湯腩！上網搵左幾間之後決定揀左比較有口碑既正九清湯腩！食完之後對於清湯腩印象完全改觀！原來咁好食架！舖仔細細人流都唔少！睇來很受附近街坊青睞！清湯牛腩河$50〔牛腩升級崩沙腩加＄8元）我以為清湯腩湯底會好清淡，點知完全吸收牛腩汁，一啲都唔單調！+$8升級崩沙腩完全物超所值！店員姐姐話牛腩每日新鮮直送，係店家招牌！入口很軟嫩，非常入味，超驚艷！下次一定再點！清湯牛三寶河（牛腩/牛筋/牛肚）$62 伊面底 +$4如果你同我一樣好貪心，一定要叫牛三寶，有牛腩、牛筋和牛肚，非常鮮嫩！牛筋骨膠原滿滿，滑溜至極！牛腩同樣濃郁，整體份量都好多！夠大碗！麵底*$4轉伊麵！真心好值得轉！好爽彈用埋掛湯！紅油炒手 $24這道菜不太辣！ok wor ，炒手皮薄餡足，紅油同時炒手好夾呀！

我老公好喜歡食牛腩麵，見到剛新開就試吓，老公順便外賣一碗崩沙腩湯米粉，我很期待美味的崩沙米粉，我打開嚇了一跳，全部都是肥，根本不能食太失望了🤬真是想不通開一間新食店不簡單，不應該給這麽差肥腩稱為崩沙腩給客人，趕走客人，以後不會再幫襯。

位於佐敦新開的清湯牛腩麵店，之前已試過他們在觀塘及油麻地的分店，牛腩相當出色，新店裝修新淨，內部環境整潔！餐牌上有提示點牛腩的客人可自選牛腩肥瘦程度，讓店員可預先安排，相當貼心的一個服務。下午茶時段，每位客人食滿$40更會送餐飲！清湯牛三寶撈河$72~必食分別有牛肚、牛腩、牛筋，三個部位都炆得相當軟腍入味，無論牛三寶及可分份量都相當澎湃，附送的湯清甜，絕對對得住價錢！紫菜三寶丸米$43有魚蛋、墨丸及牛丸，三款丸都彈牙新鮮，紫菜爽口，腩汁蘿蔔 $15蘿蔔炆得鮮甜入味，口感剛好不會過腍又不會過硬，腩汁及薑味充足。腐乳通菜$19通菜細嫩，非常推薦他們家的腐乳汁，撈麵也是一流！

今日星期日個個一早都出晒街，淨係得返我一個瞓到晏一晏，起身都已經下午茶...... 梳洗完換好衫諗住出去食下嘢，不經不覺由九龍站行到出去佐敦，發現條街啲人真係越嚟越多，通咗關後遊客多返好多，水涉不通啊~~~ 行到去佐敦諗住簡單食個餐，點知周圍都要排隊，最後經過佐敦道發現間咁熟口面嘅店鋪，原來之前喺旺角食過呢一間，唔講唔知原來呢度都開咗，印像中呢間啲嘢都係平、靚、正~ 而且見呢段時間開始多人，所以拿拿聲入去食的嘢。入到去個環境都幾光猛，而且坐得幾舒服，見到佢個餐牌都係正常粥粉麵嗰啲食品 ，記得前日先食完，所以今日又心思思想食多次，今次都係嗌咗個清湯牛三寶撈麵，睇下呢一間質素又如何，見佢個餐牌都可以加錢轉爽腩、坑腩同埋崩沙腩，不過之前叫份普普通通既牛腩都幾好味，所以今次就咁叫返牛三寶算啦，同埋一杯例牌凍檸茶。等咗10分鐘左右上枱啦~ 首先佢呢杯凍檸茶就攞金屬杯裝住嘅，大大杯非常夠凍。跟手第一時間飲下佢碗清湯，佢碗清湯好清甜，可以清一清個口腔同味蕾。到牛三寶撈面都上枱啦~ 見到佢嘅份量都好大份而且個麵餅都好大個，麵底有少少腩汁，用咗啲時間撈完就開餐。首先食咗啖麵，佢呢度啲麵都都好彈牙爽口，再

勁耐冇食過清湯牛腩，見呢間餐廳招牌光猛，人來人往👍🏻清湯崩沙牛腩麵($58)加咗$8叫咗崩沙腩，牛腩可以同店員講要肥定要瘦👍🏻，牛腩份量唔少，果然冇叫錯，牛肉味非常濃郁，煮得好入味，非常有油脂香，齒頰留香👍🏻好好味😋😋腐乳通菜($19)正常水準，腐乳幾香唔會死咸，唔錯～清湯九三寶麵($62)三寶有牛腩、牛筋、牛肚，牛件份量ok，炆得好淋好入味，3樣都切得好厚，食落好滿足😍😍麵嘅份量略嫌少咗啲，我諗男仔要加底先夠飽😂

正九清湯腩都開了好幾間分店，佐敦這家闊落光猛食過之後都覺得lamlam脷。崩沙腩河粉加牛筋，崩沙腩份量相當足料！油潤既外層油香豐富！肉質夠嫩身，入口就輕輕化開，牛筋膠質感幾重，幾香夠入味，河粉質感彈牙幾夠滑！整體係一碗高質崩沙腩河。牛肚米既牛肚爽口有質感，份量又係滿滿！再加墨丸。大大粒又有咬口夠q彈，紫菜更增咸香，成件事好滿足又夠好味。魚皮夠粗身大碌，香脆夠鮮味，份量都算多。整體食牛腩來正九清湯腩都唔會失望！

今日到佐敦遊走，一出廟街就望到對面正九清湯腩發光的招牌，見到OpenRice啲評語都唔錯，就行去試試。雖然只係六點左右，但店舖都坐滿一大半人，好在仲有最後一張卡位比我坐😆既然係牛腩專門店，嚟到梗係食九腩，依度牛腩嘅肥瘦可以自己揀，我就無特別要求，照返平時咁。今日叫咗清湯牛腩米線，牛腩轉左牛坑腩試吓，牛坑腩十分爽口有牛味，湯得十分清，配上葱花，囡囡 su su聲就食咗一大碗，口味清淡都幾岩小朋友食👍🏻我自己就叫咗牛三寶撈粗麵，粗面爽口彈牙，牛腩，牛肚同牛筋都醃得好入味同炆得好淋，當然，對比之下就梗係牛坑腩好味好多😋下次仲想試埋佢個崩沙腩同埋爽腩！

今日返工好忙，到兩點先有機會食中午飯，除咗麥當勞大家樂今日想轉下口味食牛腩麵。快靚正食完野，與同事可以再返公司開工。兩點時段餐廳都坐滿人，人流好旺，不過食客 都食得好快，等咗五分鐘就有位。梗係要食 清湯牛三寶河，絕對食到真功夫 ，牛腩牛肚牛筋 。牛腩半肥瘦非常林， 牛筋都好入味，三樣都好滿意。湯底好清甜。 另外同事就食咖哩牛三寶河， 個咖哩汁少少微辣，好正。仲有煮到好淋嘅薯仔。另外非常出色的辣椒油，不用錯過，再加個腐乳通菜， 每人一支汽水。

呢間餐廳值得一試再試，雖然新開，但都好旺。中午時段都唔少客人，食得津津有味😋叫了一碗清湯牛腩河，河粉的湯頭非常清淡，沒有太多的味精，這是一個好的開始。牛腩的肉質很好，非常嫩滑，而且燉得很入味，口感也很好。河粉本身也很有嚼勁，不會過軟。另外，這家店的份量相當大，一碗河粉加上大量的牛腩，足以滿足一個人的飢餓感。而且，店家還提供了自製的辣椒醬，讓你可以按照自己的口味調整辣度。整體而言，這碗清湯牛腩河非常值得一試，不僅價格實惠，而且味道也相當不錯。如果你喜歡清淡口味的湯頭和入味的牛腩，那麼這個小店一定會成為你的最愛。