正九清湯腩 (餘慶大廈)

營業中

休息中

成日蒲油尖旺，已經食過旺角同油麻地的正九清湯腩，都好值得回味！呢日睇戲前，經過佐敦呢間分店，好自然又被吸引入黎，同朋友開餐，估唔到幫襯過咁多次都仲有驚喜。😙😙呢日同朋友叫左炸排骨飯（$50）、牛炸醬麵（$50）、淨菜肉雲吞（$41），跟餐加多兩杯凍檸茶（每杯$8）。😋😋炸排骨飯🐖🐖排骨裹上麵粉，再放入油中煎炸，外皮酥脆，色澤金黃，肉質鮮嫩多汁，香氣十足，美味可口。牛炸醬麵🐮🐮由炸醬牛肉、青瓜同花生組成。坊間食到一般炸醬是豬肉，正九提供的卻是牛，肉質鮮嫩多汁，風味獨特。而麵條的口感爽口彈牙，整道菜式豐富多樣化，非常值得一試。淨菜肉雲吞🥟🥟餡料包括肉末和蔬菜，口感鮮嫩多汁，感覺都很健康。至於雲吞皮非常薄，而且有彈性，保持了餡料的湯汁和口感，使整個雲吞更加美味。正九清湯腩 (佐敦)地址：佐敦佐敦道26D號餘慶大廈地下A-C號舖

呢間餐廳佐敦最近都開咗新嘅分店，之前食過油麻地嗰間，新店好似闊落左👍🏻呢啲食清湯腩嘅專門店，都好多客人鍾意👍🏻今日叫左個淨牛三寶$148，牛腩、牛肚和牛筋的風味都非常突出，讓人回味無窮。牛肚的口感十分特別，有著脆口的質感，讓人感到非常驚喜。牛腩的肉質柔軟，入口即化，非常好吃。牛筋的咬勁也十分不錯，嚼起來非常有彈性。總體來說，這個淨牛三寶的味道非常豐富，讓人吃得非常滿足。配上清湯，讓牛肉的味道更加突出，湯汁清澈，飲落好舒服。湯頭唔會太重口味，好健康，配上少少蔥花同香菜，正👍🏻份量：這個淨牛三寶的份量十分充足，牛肉的份量也非常豐富，讓人吃得非常滿足。總體來說，這個淨牛三寶的味道非常豐富，如果你喜歡吃牛肉，這個淨牛三寶絕對是一個非常不錯的選擇。

今日經過佐敦，又👀見到間正九清湯腩我朋友話🏃入去呢間試下，入去店員服務態度好好👍🏻，我同朋友叫咗崩沙腩河，清湯🐄牛三寶飯，熱奶茶☕，熱華田☕崩沙腩河崩沙腩好爽滑，一D都唔靭🥰好有牛🐄味，河粉嫩滑可口👍🏻大家不妨一試🤗清湯牛三寶飯🐄🐄🐄(牛腩，牛肚，牛筋)份量好大碗！牛腩好淋唔靭👍🏻牛肚夠爽口👍🏻牛筋好煙韌👍🏻湯好清！加埋白飯飽都不得了😁熱奶茶☕，熱華田☕奶茶香滑，華田好味🥰

呢間清湯腩點都食過兩次，分別係觀塘同埋油麻地都食過味道的確唔錯！今次知道佐敦開咗新店地點非常之就腳，一於再去食多次上次喺其他分店食咗湯麵，覺得啲牛腩都非常之好味，今次豪氣少少食咗最貴嘅牛三寶撈麵😍一次過滿足晒三個食牛嘅願望清湯牛三寶撈麵（牛腩/牛筋/牛肚）一打開個外賣盒，見到三款餸都好多，份量十足，而且啲面都好充足份量！飲咗啖湯先，非常之濃郁嘅牛味！+10幾蚊食個撈麵係值得嘅！牛腩好林，牛肚好爽，牛筋又爽又大條，非常之滿意呢個撈麵整體呢間都係好值得再食嘅牛腩麵店，推介👍🏻

有時趕時間想快快填飽個肚都未必只有快餐店的選擇，其實吃碗牛腩麵加碟油菜，雖然簡簡單單，但的確是一個快靚正之選。清湯崩沙腩麵（$58）崩沙腩是位於橫膈膜附近的部位，近筋膜的部份煙靱又帶點彈性，配合爽口的幼麵和清湯，點少少辣椒醬就更加滋味。腐乳通菜（$19）通菜配腐乳，腐乳的獨有味道更能帶出通菜的清甜。咖哩牛腩飯（$60）這𥚃除咗有麵食外，亦有咖喱牛腩飯，薯仔炆得入味，牛腩肉質比較崩沙腩軟腍，隨餐還附有白飯和清湯。凍檸樂（+$8）跟餐特飲只需加$8。門面餐牌

喺尖沙咀收咗工唔知食咩好行行吓行咗去佐敦見到呢一間正九清湯腩 之前喺旺角見過佢哋嘅分店，但係最尾冇食到，所以今次決定試吓啦！本身我好鍾意食牛肚 所以我就叫咗清湯牛肚河粉另外加咗墨魚丸今日唔係好舒服想食少啲叫左靚女幫我扣底湯底覺得好清甜好好食 ，鹹味適中！食完唔會口渴！牛肚唔會韌好容易咬到！份量仲好多好正最後加咗辣椒油，因為聽到隔籬枱話一定要有辣椒油加左味道更出好食另外再加多杯熱嘅利賓納個胃即刻舒服晒本身冇咩胃口我仲以為自己食唔晒，點知成碗俾我清晒….仲飲左一半湯底

經過佐敦, 諗緊食咩既時候見到呢間正九清湯腩, 環境好不錯, 知道應該係新開的 室內環境光猛, 都算清潔企理💓👾食咗一個清湯牛三寶米粉 ($62), 入面有牛腩、牛筋同牛肚湯底清甜，味道真係唔錯唔錯👾成碗入邊最出色係牛筋, 真係好好味, 而且份量都唔小Bor如果你鐘意食牛筋, 就一定要試下呢間。👾牛腩有啲碎濕濕嘅,令我有啲失望雖然味道唔錯, 但係質感唔夠好 👾最後就係牛肚啦。牛肚嘅味道都唔錯, 但唔算好出色果種總括黎講, 呢碗清湯牛三寶米都值得一試, 湯底清甜, 雖然牛腩有啲碎濕濕, 牛筋真係好好味! 我另外仲加左紫菜, 都係加$6野飲叫左凍檸茶, 正正常常但就要加$8一共食左$76👾