櫻田日本餐廳

沙田返工 平時食黎食去都係米線 今次難得去食好西！基於我係工作鏈既低層 其實一開餐牌個下覺得有少少貴 但係！！真係一分錢一分貨！ 同朋友各自嗌set再share刺身 一上個龍蝦 嘩好大隻😦其實我平時唔係好食海鮮 因為唔鍾意腥味 但如果我嗌左呢個餐又唔食既話 咁咪浪費左大半 係呢種唔執輸既心態下就試左😂 但呢間真係煮得好好食 用啲膏煮返個汁都唔腥🤤so yummy 之後上厚燒牛 比想像中遜色 但都係好味既🤤 之後已經唔係好食得落個飯 加上個炒飯麻麻地😂 順帶一提 刺身拼盤既海膽好甜 一致讚好👍🏻出完糧我諗我會再黎食嫁🤣

今日係38婦女節，同同事食lunch , 揀左帝都酒店嘅櫻田，因為有同事食過話幾好味。入到去環境都唔錯，坐得幾舒服，但一打開menu 嚇親，道道菜都300起跳，真係好貴，如果知咁貴應該唔會揀。最後我地點左set, 餐前沙律味道普通，但係波士頓龍蝦好好食，肉質鮮美彈牙，而厚切同薄切牛都好香牛味，個人就鍾意厚切，比較香口，跟餐嘅烏冬就麻麻，淡而無味，而甜味cheesecake 普通，唔算勁好食。另外仲點左個雜錦刺身，有8款刺身，其中最欣賞有海膽, 三文魚同甜蝦。喱道嘅海鮮同牛都好好味，但價金方面實在太貴。

有個男waiter服務態度好好！環境都唔錯 靜靜地 第二次黎貴左， 但食物素材都高左！值得嘅波士頓龍蝦成隻喎！仲係本身係隔離水缸游緊水好彈牙 好鮮壽司拼盤都勁正！勁大份，而且好新鮮！食完之後勁開心勁滿足感一定會再去！

朋友選左沙田帝都酒店其下的櫻田餐廳係日本的餐廳由於係酒店的餐廳，價錢都比較日式餐廳高，但質素，服務都唔錯性價比幾高我們食午市套餐，每位大概二百幾今次我叫左壽司五點，加海鮮烏冬壽司五點寫明有件呑拿魚腩右邊海膽好新鮮😜油甘魚好肥美，鮮甜最重要係呑拿魚腩，入口即溶，無根無渣係香港食呑拿魚，大多數唔夠新鮮但呢度全部都好新鮮，好甜而且師傅握飯功夫做得好好，壽司夾起唔會散加上個飯唔會握得太大件，啱哂細食之人另外，海鮮湯烏冬漏左影，太心急，哈哈魚湯底做，烏冬爽口彈牙，有二隻蠔，一隻大蝦，二件帶子，好足料，魚湯鮮甜，飲哂都唔覺口渴跟餐仲有麵鼓湯，個味道都唔錯。有少少昆布，做得唔會過鹹餐後仲有甜品。因為太飽，無試到友人選了芝士蛋糕，話味道唔錯質素，服務，環境都好好如果下次去開新界，會推薦朋友食

朋友歡聚, 去左帝京酒店(Royal Park Hotel)食日本菜....今期做緊熊本牛特價優惠有三個唔同的SET, 價錢分別是A SET:$5XX, B SET: $6XX及C SET: $13XX(<-2人餐)我地得2位大人加1位小朋友, 就點了A及B SET.A SET: 鵝肝多士2件; 三文魚; 薄燒牛B SET: 帆立貝; 大蝦; 厚燒牛其他相同: 沙律; 味噌湯; 海膽炒飯; 炒野菜及抹茶/芝麻雪糕外加1份炸雞給小朋友因為有小朋友的關係, 我地先上炒飯炒飯夠乾身, 唔算咸, 不過唔係好食到有海膽三文魚煎得好香, 油份充足帆立貝好大粒呀, 1開2, 有4小份, 沒有過老仍有GRILL的香氣大蝦over cooked, 我覺得有點偏乾薄燒牛, 牛肉味濃, 油脂夠並有足夠的葱, 如有多一點的炸蒜片會好更好厚燒牛, 外少少脆及內嫰, 牛味固然之唔駛講鵝肝多士: 本人唔好, 朋友食晒2件, 好邪惡呀其餘的沙律; 味噌湯; 海膽炒飯; 炒野菜及抹茶/芝麻雪糕, 不過不失

適逢Happy Friday亦是筆者的生日，已過了很多年的生日慶祝，本來就沒預算會有甚麼慶祝，與內子在家煲劇煲到8時才想想要吃甚麼晚飯。內子忽然建議去試試沙田帝都酒店3樓的日本菜，於是膽粗粗打去問，想不到還真的有兩個鐵板燒位，造就了一個比想像中更好的驚喜。兩口子坐下來才知道這裡正提供星期一至五，晚市鐵板燒半價優惠！我們就各自點了一個鐵板燒套餐，然後一同分食。一邊吃著普普通通的野菜沙律後，等了幾乎20分鐘才見到鐵板燒師父捧出來的A5和牛和海鮮，賣相不算十分吸引。師父首先煮的帆立貝，分了兩人份量，每人一粒，算頗大件，可能因為餓的關係，口感比想像中新鮮、好味！之後是筆者偏愛的燒銀鱈魚，用新鮮銀鱈魚肉燒出來，連著魚皮，格外香口香甜，而且啖啖肉，極之滿足。第三樣海鮮是大蝦，雖然只得一隻，但仍足夠分給兩口子各半隻。蝦肉十分新鮮，鮮甜彈牙程度筆者覺得真有點及得上龍蝦肉的感覺。之後上的鵝肝分了兩人份量後，仍然感覺很油膩，一邊吃一邊有很強罪疚感。然後先上的是薄燒和牛，師父還體貼的問我們落蔥蒜與否，8成的A5鹿兒島和牛薄燒，只有少少粉紅半熟，肥瘦適中，入口很嫩很香，十分回味。薄燒和牛之後上了少量秋葵、茄子

今日想試下啲平日少食嘅貴野，對自己好啲，不過貴唔一定話好好味。$268加1厚燒牛肉: 質素普通，似平時自己係超市買嘅雪排黎剪。五成熟，但都冇咩肉汁。燒大蝦: 有3粒肉，冇咩鮮味，但口感唔錯，彈牙。燒帶子: 都係冇鮮味，不過幾大粒，亦好彈牙。炒烏冬: 尼個食材雖然平啲，但炒得比較香亦熱辣辣，有菜有菇食菇味覺豐富。P.s. 有salad前菜同面豉湯.Overall, 味道ok,但不值

沙田區既tapenyaki 代表 ! 仲記得細細個有得黎呢到食野會覺得好開心 ! 小時候覺得呢到好好食~ 但...唔知點解, 大個左?退步左?  壽司刺身, 好食, 新鮮...係價錢貴左小小姐.....但食材very good and fresh !!! 但....tapenyaki, 係咪因為唔係坐係bar 台, 坐係下面卡坐...好似每碟上台時都有小小油油既感覺  仲有雖然係和牛, 但太肥了嗎? 每一啖都好似食肥膏咁.....失望 好彩...個牛肉薄燒依然keep 到水準, 冇令我失望 ! 一啖一件, 加埋我最鐘意既蔥花同蒜片, 又香口又美味 最後, set 會有個ice-cream ... 有green tea / pineapple pineapple 估唔到咁fresh ! 入面係有鮮菠蘿肉既 ! but green tea ... the worst ever !!! 勁奶...taste bad

叫左和牛套餐，未食都想流口水 炒雜菜，蔬菜好新鮮，好有火喉，保持鮮嫩顏色，味清甜 和牛三成熟，切開細細粒，一囗一粒，和牛入口即溶咁，好稔好軟滑，冇筋位，肉質保持水準 大蝦燒完買相吸引，蝦肉爽口彈牙，肉味鮮甜，啖啖蝦肉。鵝肝幼嫰，外面香脆鮮味濃 炒飯入埋其他食物精華，味道香濃，粒粒炒到分明另外味噌湯好清甜整體好滿意

叫佐一Set魚生拼盤，裏邊仲有美味海膽，同非常新鮮嘅鮑魚，每一款刺身都非常甜美，再來一個日式牛肉火鍋，澳洲M9牛+普通美國安格斯牛做主菜，火鍋個湯底非常香口，美味！

突然间星期六八点幾岀新城市食飯無訂位，周圍都係人，甘就黎左依間試下。兩人叫左個一人套餐厚牛，再加個鳕魚同黑豚肉烏冬。首先黎個沙律前菜，本身個沙律面已經有酸酸甜甜嘅汁上面，再跟個醬。沙律菜新鲜，好開胃。再來個鲍鱼同鹅肝，鹅肝肥美，配多士食又肥又脆，一流。鲍鱼新鲜，食落味道鲜甜。主菜a5厚燒和牛，120g有六粒，肥瘦平均，我叫了五成熟，入口香濃，即溶可口。配菜有一件甜著一件茄子。燒鳕魚一食香滑清淡多汁與魚皮質感脆濃形成對比，啖啖肉又無骨，絶對放心食，好昧食到依part已經開始好满足，個炒什菜唔錯。反而個海胆炒飯有d腥，好一般。黑豚肉烏冬味道無咩特别。個湯仲大碗過個飯。

朋友愈食愈豪...特登趕黎hotel為左食鐵板燒…收工趕黎已經2點…2：30就已經係 last call...今次無人爭…可以坐bar 枱…可能係hotel既關係…廚師都比較嚴肅…唔似出面d舖頭...會有d花巧表演…拿拿林落order>>二人餐…好快就有得食…醬汁分左3格…燒肉汁、辣汁、豉油…首先當然係冷盤…沙律+sashimi...沙律新鮮冰凍…加麻醬好好味…sashimi有魚生，甜蝦，墨魚，帶子…好豐富又大件又鮮甜…二人餐原本係燒蝦黎…因為要戒口…所以改左銀雪魚…淡淡牛油香…滑嘟嘟…醬汁仲好甜…但同蝦比較…感覺有d洩底…奈何朋友為左隻鵝同sashimi…點都唔肯叫散餐…鵝肝係朋友至愛…好高膽固醇呢…表皮唔係煎得好脆…加左多士索咁d油都覺得好鬼肥膩…澳洲牛選左厚燒…廚師建議五成熟係最嫩口…唔算血淋淋…加左蒜片…幾香口…廚師留返d肥膏邊位…用黎炒什菜食…咁先算飲食均衡吧…呢碟手打烏冬都幾軟腍腍…有點油…其實鐵板燒好多時都係落牛油炒…不過就唔知係咪健康既植物牛油呢…色水好均勻…但好淡味…唔鍾意食烏冬既話…都可以選炒飯…不過見到炒飯係一早炒定…只是翻熱而已…麵豉湯好多料…清

我對 鐵板燒 TEPPANYAKI 的認識源於 1984年 由 許冠文 自編、自導、自演的一部港產喜劇 「鐵板燒」~ 劇情講述了鐵板燒廚師是如何的在客人面前即席獻技, 又能把用來煎菜的鐵鏟拋來拋去 .... 看過這電影後便向先父要求帶我去吃一頓鐵板燒, 然而先父總是以價格高昂戓是小孩吃了會因燥熱而生病為理由, 不帶我去~ 爸爸不帶, 我去找爺爺! 跟爺爺說了想吃鐵板燒, 第二晚便帶我去吃了, 當時真的很開心~ 今時今日我也開始步入中年, 正宗的鐵板燒餐廳依然不是便宜的食肆, 久不久一兩餐是會舉家去的, 但始終不常吃~當晚我和太座約了兩位要好的朋友到了 沙田 帝都酒店 3樓 的 櫻田日本餐廳 Sakurada Japanese Restaurant 吃鐵板燒慶祝其中一位的生日, 女兒們未能出席, 因為我銘記父親所說的話 "小孩吃了鐵板燒會因燥熱而生病" ~神戶肉流通推進協會認可及指定的神戶和牛銷售商~有機野菜沙律鮮活巨鮑, 睇見雙眼就發光!只需要大廚的手起刀落,靈巧的炒功, 極速的刀功, 吃鐵板燒就是要看這些!炒香後的鮑魚薄片,彈牙、脆口、味道甜鮮, 就是這般簡單~在鐵板燒裏蒸蛋...燒

早前為慶祝 " Big Boss " 的生辰 , 我們夫婦倆與他的 " 公主 " 合力送了份大禮給他 , 就是請他吃了一份大餐 , 是他所喜愛的鐵板燒 , 可以坐在吧檯邊看廚師表演邊吃的鐵板燒。 至於找餐廳、點菜單的準備當然是交給 " 公主 " 去做 , 始終 " 公主 " 才會最知道 " Big Boss " 的心意。 " 公主 " 棄尖沙咀選擇沙田 , 應該是接近他們的居所吧 , 從擺在入口門前的傳單裏看 , 上圖金燦燦的獎座及下圖証書 , 均証明櫻田日本餐廳為神戶肉流通推進協會認可及指定的神戶和牛銷售商。和牛以外屬於海產的食材也有不少 , 可刺身、壽司 , 還有鐵板燒。紅蝦、 鮑魚、 龍蝦 , 全部也生長在清澈的魚缸水中。 餐廳的裝修是簡約中見細緻 , 玻璃窗與天花板上也掛著設計特別的燈飾。" 公主 " 點了兩份價值 $ 1618 的鐵板二人餐 , 餐內有齊 " Big Boss " 最愛的鮑魚、老虎大蝦。 套餐的首度項目是 有機野菜沙律 , 內含慣常吃的沙律菜 , 也有車厘茄、秋葵 , 配涼涼的胡麻醬 , 先開開胃口。 隨即輪到鐵板燒的開始 ......首先是炮製鮑魚的表演 ,

好耐都冇入過沙田食飯！直到見到樓上個post一於約埋班豬朋狗友嚟個happy gathering 😁😁一行6人12點半到都差不多full了😱😱好彩我哋訂咗枱😂😂識食嘅我哋就緊係食龍蝦鮑魚餐啦😁😁大食嘅我哋仲加咗沙律同刺身添😁😁游水龍蝦味鮮甜，個頭緊係攞嚟煲湯啦😍😍甜品我哋仲各自叫咗唔同嘅水果雪葩！椰子、菠蘿、檸檬，仲有蘋果、香桃同柚子！午餐食龍蝦鮑魚，埋單唔駛380！抵到不得了！