櫻田日本餐廳

晚上食鐵板燒價格通常都比較貴今次下午book左櫻田試下佢哋嘅lunch set 揀左龍蝦餐同埋牛肉飯定食❤️沙律 刺身波士頓龍蝦🦞燒鯖魚鐵板炒飯！ 揀得呢個餐嘅朋友應該都係想食佢個波士頓龍蝦 龍蝦真係啖啖肉 好彈牙！超級好味😋另外個炒飯我都覺得好推介❤️粒粒飯都好乾爽 咬落去好有口感 其他嘅菜式都above average 但唔會有想再食嘅感覺我之前試過夜晚嚟食 埋單人頭要成2000-3000蚊 當然食材方面亦都高級好多見意下午嚟試左先 物超所值！

補慶祝情人節，午餐叫左個烏冬餐，中伏，真心難吃，3，4百蚊，一啲都唔抵，根本唔值呢個價錢，自己煮個雜錦烏冬應該會好食過佢。另外叫咗一個和牛餐，味道還可以，雖然有優惠，但係+1後價格都仍然貴。餐廳環境尚算OK，衛生方面，我食咗個烏冬之後，確實返到屋企曾經去過一、兩次便便，唔知關唔關佢事。呢張單真心唔抵，喺隔離食佢個午餐buffet都唔需要咁嘅價格，又或者去真正的日式餐廳應該會好過佢🙈唔會再去呢間餐廳。

We come here about twice a year for special events. Food is fresh and tasty. Great value for the quality. Chefs and waiters/waitresses are attentive. Kids really enjoy it.

朋友住少田，限緊令放寬後，一行四人去食鐵板燒。我們點了👇🏻和牛御膳頭兩款車海老、廣島蠔賣相不錯蝦肉味道尚可，肉質唔嚡蠔就可能想用惹味葱蒜來蓋過蠔的雪味，普普通通比目魚煎得好脆，可惜魚本身冇味，要靠濃味醬汁烏賊同比目魚醬汁味道一樣和牛是主角，當然最好食😋如果師傅將厚燒和薄燒分開上更好和牛炒飯要再加多啲葱，炒野菜一般味噌湯冇乜味噌，只係蘿蔔粒湯，熱辣辣所以加左少少分甜品係士多啤梨或朱古力雪糕餐廳坐位距離寬闊，坐得舒服；服務員有禮貌，又頻頻幫我哋換碟、加茶。食物總括來講冇乜驚喜，食材亦非來自日本，可能我哋食最平嘅套餐😂。大家都話和牛厚燒最好食，油脂分布平均，入口溶化。我就覺得薄燒包住葱花好香，有口感😋；厚燒雖然淋，食兩粒就有啲膩。餐廳内多數人都食壽司，下次去開沙田會嚟試吓壽司，或者發掘其他更好的鐵板燒店。

I was so glad to try this afternoon tea on the last day. Seldom are there Japanese style afternoon tea sets and including awayuki strawberries. The dry ice effect was definitely a nice touch.Instead of the usual savories, they included sushi instead. The sushi were fresh and not stone cold. The combination of scallop and strawberries was a surprising yet great match for one of the sushi. The white chocolate mousse was really rich and almost tasted like cheesecake.The Awayuki strawberries were re

我和朋友兩個人下午茶，叫了鐵板燒二人套餐，坦白講食物只叫得上不過不失。食落得油味，無香味，無調味，道道餸都一樣味道，唯一一樣係材料還算新鮮。環境氛圍、食物質素等都距離高檔酒店餐廳有d遙遠。唔係話好差，但性價比唔高。通常d野唔好食都有plating可以影下相，無plating都會有d gimmick野創新下，無gimmick點都有個靚景望下。但係乜都無既😂Hmmm, 第一次可以試下既，但唔會再有第二次la

相信好多人都會叫呢個龍蝦餐，上枱時嘅擺盤好靚，一於相機先食龍蝦🦞夠鮮味，我最中意食膏，啖啖肉之餘又多膏，肉質都夠彈牙，好味呀。麵豉湯中規中矩。叫咗和牛薄燒，裏面有啲炸蒜調味，稍微掩蓋左和牛嘅油香，食完先知後悔應該揀厚燒！！最後炒飯夠乾身，細細碗唔會油膩。不過如果呢個set加返個dessert會好好多，有時只係一粒雪米滋、兩件水果都好過無，純粹覺得係欠缺左個完整性。我好怕食完飯啲衣物有陣味，所以無揀坐bar counter，呢張相係之後補影嘅。

平時吃的都是英式三層架下午茶, 這回轉一轉, 日式下午茶也很有睇頭! 沒有甜到膩的和菓子, 有的卻是極受歡迎的靜岡蜜瓜, 6款咸點、4款甜點, 為車媽媽和我打造了一個甜蜜的下午. 這份下午茶的擺設也挺日式, 而且放正中間, 也沒有阻擋與朋友的視線. 除了各樣美食, 亦有葉及小石, 盡顯心思.由於本著水果一切開應盡快吃的道理, 我就不客氣, 馬上吃靜岡蜜瓜, 十分清甜! 若果一人有兩件就好了.接著是靜岡蜜瓜奶凍, 味蕾浸在溫馨甜蜜之中, 兩大球靜岡蜜瓜碰上超香滑奶凍, 幾乎入口即溶.靜岡蜜瓜銅鑼燒, 雖然夾著紅豆餡, 但仍然吃到蜜瓜的清香.最後是靜岡蜜瓜果撻, 抱著懷疑的心態, 炸得香口的煙肉碎與蜜瓜碰在一起, 會夾得到嗎? 答是出奇地夾, 而且吉士醬沒有很甜, 在咸甜之間取得完美平衡.咸點方面也十分出色, 只有一件與飯無關的就是汁煮翡翠螺. 我對翡翠螺絕無好感, 但這粒卻讓我讚不絕口, 無論在醬汁抑或口感方面都值得給滿分, 咬下去像鮑魚般、少許黏牙的, 太美味!火炙帆立貝漢堡壽司也不遑多讓, 原粒厚切, 把飯粒夾在中間, 亦欣賞那剛剛好的燒汁.火炙和牛海膽壽司, 說真, 是很搶眼的!

雖然自己並非下午茶的狂熱份子，但可以給瞧得上的，就必定是有質素或具特色的。近日見沙田帝都酒店櫻田日式餐廳逢星期六日推出「靜岡蜜瓜日式下午茶」（Fukuoka Melon Japanese Afternoon Tea），竟然以當造甜美的靜岡蜜瓜作主打，就連鹹點都是壽司，有點破格的感覺。下午茶由3點15分開始提供，包含兩杯飲品，太太簡單的來杯熱柚子蜜，自己之前一天先 staycation，精神有些少晃悠，就來了杯滴漏咖啡提神，老實講，咖啡幾香濃。大大小小共20件壽司及甜點，以充滿和風的木橋送上，而不是常見的三層架。汁煮翡翠螺（2件）下午茶居然係食翡翠螺，起初感覺真的怪怪的，但螺肉是煮好再放入翡翠螺殼內，煙煙韌韌的口感，不錯。黑松露玉子卷（2件）賣相小巧的兩片，咬落滿有松露的幽香。金箔軟殼蟹卷（2件）捏得緊密，放上了金箔倍覺矜貴，中間是脆中帶軟的軟殼蟹，好味。壽司有三款，分別是火炙和牛海膽壽司（2件）、火炙帆立貝漢堡壽司（2件）及火炙吞拿魚腩壽司（2件），各自有不同的風味。火炙和牛逼出了牛肉的香氣，個人覺得可以炙得重手些少，牛肉鬆軟有嚼口，配以入口即化的海膽，兩者誰也搶不了鏡。至於太太就最鍾

這陣子很想去吃下午茶不知是否真的有點抗疫疲勞呢！坦白講車媽媽吃過不少款式的下午茶如中、西、泰、法、韓式也品嚐過，但到日本餐廳嘆日式下午茶又真係好像未試過！當我見到Royal Park Hotel內的櫻田日本餐廳推出了用蜜瓜中的勞斯萊斯靜岡蜜瓜來作下午茶招徠，愛吃日本菜的我當然要去品嚐一番吧！事隔一年再到餐廳依舊是那骨子的裝潢，心想像在這兒吃下午茶究竟會帶出什麼不一樣的感覺呢！靜岡蜜瓜日式下午茶會附送兩杯手調製作的蒸餾咖啡或柚子茶，如您喜歡微泡的喜悅更可以優惠價＄198享用原價＄460的汽酒一枝來一個微醺的週未。靜岡蜜瓜日式下午茶價錢為原價＄588/位、現在只須淨價＄448/2位便可品嚐得到了！逢星期六、日及公眾假期的15:00 - 16:00供應至12月31日。先來品嚐精緻的日式鹹點！當中包括有汁煮翡翠螺、火炙和牛海膽壽司、火炙帆立貝漢堡壽司、火炙吞拿魚腩壽司、金箔軟殼蟹卷、黑松露玉子卷等六款看得到美味的點心。我一眼先盯上這汁煮翡翠螺，餐廳很貼心的已附上透明籤讓客人輕易可取出螺肉，吃下肉質十分煙韌而且弄得超入味好好好食呀！之後是火炙和牛海膽壽司可惜我吃不了牛肉！而我則嚐了面層那鮮甜的海

今日約咗朋友食飯，佢竟然約我去沙田食飯，咁我第一時間就諗起呢度 - 「櫻田」。我基本上每次入到沙田都會嚟呢度食飯😋因為從來都冇失望過👍🏻👍🏻👍🏻所有刺身非常新鮮，大拖羅，油金魚腩，帶子，牡丹蝦 。。。全部都非常正😋😋😋😋😋海膽うに 😍😍我最愛🤩🤩 好鬼鮮甜😋😋😋😋😋銀雪魚西京燒 🤤🤤🤤我食你喇🤤🤤🤤正呀😋😋😋😋tempura 秋葵，蝦，南瓜，番薯 。。。yummy 😋😋😋最後要讚一讚d Service，個waitress超好非常nice 👍🏻👍🏻👍🏻👍🏻👍🏻

我心情不好最佳的活動便是吃，對於我來說吃真能解千愁！所以這天便約了三位靚女一起到帝都酒店內的櫻田日本餐廳，吃一頓美味的鐵板燒午餐忘憂！！ 到埗時被這個4%奇蹟和牛的旗幟吸了睛！須則我吃不了牛但也對牠也十分好奇！ 車媽媽是首趟到櫻田日本餐廳，埗入餐廳看見裝潢挺骨子，而且中午更有最喜歡的日光照耀，感覺超溫暖影相更加絕美。 喝一口熱茶後跟久未見面的好友寒暄一會，便乖乖的等待鐵板燒師傅為我們獻技！ 先來一客季節野菜沙律＄50，以新鮮爽口的的野菜伴酸甜的汁吃下異常開胃，正好用來打開胃口迎接豐富的美食。 未吃鐵板燒前先來一客特上刺身盛合＄880，內裡有深海池魚、甜蝦、吞拿魚腩、及油甘魚四款肥美厚切刺身。 先品嚐深海池魚肉質爽滑肥美口感富彈性，而味道清而甜非常可口，接力吃的甜蝦質感軟糯黏咀的口感最令我為之神往！而淡紅色魚肉油甘魚肉身油分高，每口都充斥著魚油香氣，具有獨特的清爽口感所以從來是我的心水刺身，最後才吃最肥美的吞拿魚腩便最完滿了。 緊接下來有鱈場蟹海膽卷＄288，金黃色的海膽很耀眼配搭鮮味的鱈場蟹肉一起吃，先是甘鮮的雲丹香再來是鱈場蟹肉的鹹鮮味，加上食材跟軟綿的飯

近幾個月來，香港人的確需要一份奇跡。耐心等待同時，其實大家也可以主動出發，到沙田帝都酒店 櫻田日本餐廳 品嚐珍罕的薩摩4% A5奇蹟和牛御膳，感受九洲鹿兒島最頂級的和牛無與倫比的口感。享負盛名的「薩摩牛」，由全九洲最大的KAMICHIKU和牛牧場直送，擁但馬系及氣高系的貴族血統，由12名當地獲獎的和牛名人，以燒酎、櫻島火山泉水、熊本米和麥等飼料飼養，肉質甜美豐腴、油脂淡雅；當中4%奇蹟和牛更是嚴選「薩摩牛」中最高級的4%，每月只有3至4隻供港，極為罕有。但餐廳內的薩摩4% A5奇蹟和牛御膳，折後只由 $628 起，非常抵食！首次踏足 櫻田日本餐廳，原來環境十分氣派又舒適，並劃分為刺身壽司吧及鐵板燒兩部分；這天兩邊的出品也有品嚐，水準非常之高，很有驚喜。如此高雅環境下，包含薩摩4% A5奇蹟和牛及更多海鮮的一人前御膳原價千多元起，但現有激安價惠價，平日有半價，週末也有六折，以其取材及師傅手藝來講是物超所值！    原價 激安優惠價 星期一至四 星期五至日、公眾假期及前夕  薩摩4% A5奇蹟和牛柳、北海道帆立貝御膳 (

住左係沙田30年都係黎過櫻田一次，今年阿媽生日難得又諗起佢所以再重遊舊地😉今次試食佐賀和牛薄燒套餐，前菜有沙律同蟹肉南瓜凍湯。凍湯都幾清新開胃，比想像中易入口，而且更突顯到南瓜嘅清甜頭盤係燒北海道帆立貝配鯖魚或銀雪魚，帆立貝略為細粒左啲，不過都幾甜。個人喜歡銀雪魚多過鯖魚，多啲油香同埋魚肉較滑主菜係薄燒佐賀和牛，入面夾左一啲葱花蒜粒，減輕油膩感，帶出和牛嘅油香最後有日式蛋炒飯配炒雜菜，炒飯嘅油稍微多了點，但都唔錯，雜菜清菜無落調味最後再黎一個紅豆雪糕，食得出係自家製，用料實在，充滿紅豆香。呢餐食到飽，飽到行唔郁咁滯😂😂

好友牛一將至，一於約出來吃餐好的，聞說這裡的「鐵板燒活龍蝦」甚出色，那一於去試試吧。餐廳坐落於帝都酒店3樓，店面前的竹葉、石燈、石亭，營造出一派和風格調。簡約形格的裝置也挺闊落，長長的L形吧枱分為壽司及鐵板燒區。鮮活的龍蝦、鮑魚，任君選擇。兩間VIP Room適逢正做沖繩食品的推廣，餐牌上添了不少當地人氣項目，一場來到，當然要順道一試了。有餚豈能沒酒，這支「三笑樂」是來自富山縣的山廢純米吟釀，呈現出米的旨味, 芳醇順喉，適合配搭魚生或海鮮等食材。特上刺身盛合($880)～日本直送，水準自然看高一線。組合分別有吞拿魚、大吞拿、海膽、甜蝦、油甘魚、帶子和三文魚籽。至愛油甘魚～白中透紅，脂肪分佈平均，口感柔滑，食味甘甜。甜蝦～體形嬌小但肉質細綿鐵板燒活波士頓龍蝦(HK$440-480/隻)～堂煎鮮波士頓龍蝦，優質食材再加大廚巧手技藝，鮮甜爽彈是必然的事！最要命是那龍蝦膏醬，豐腴甘香得過份！為免辜負這無敵美味，叫來了牛油多士㸃抹餘下的龍蝦醬汁，把它吃得一滴也不剩！鐵板燒阿古豚肉薄燒($258)～來自沖繩的阿古豬是當地珍貴的原生種 “Agu 豬”，品種經改良後，霜降比一般豬肉更多