櫻田日本餐廳

每年的生日都會選個地方去旅行，通常都會放一日生日假，夾周末最少多過三日，於是通常都會選擇日本，無論時間天氣都比較合適。本身今年選址大阪，可惜今年機票太貴勁崩潰，結果沒有選擇，反而選擇了想去多年嘅沖繩，塞翁失馬，焉知非福。雖然好多人都話沖繩食嘢麻麻，不過既然末去過，新鮮感自然大，剩係玩都夠，不用太談吃。之前來過幾次帝都酒店，自助餐中餐都食過，唯獨是日本菜仲未食到，難得朋友約喺度食飯，當然不錯過機會。係還未做好功課睇食乜嘢沖繩食物，呢度嘅新主題竟然係關於沖繩，我諗都唔需要諗，當然應約，一來有得食，二來可以做功課，看來和這個地方都有點緣份。先來支sake，今天選的老少咸宜，不辛口，有sake專家在，選的當然放心。水雲玉子卷，吃下去好自然感受到沖繩本土菜特色，濃烈強大的個人風格，和平常的日本精緻不同，玉子不是滑滑那種，但配合了水雲的鹹香，更加充滿風味。鐵板燒沖繩水雲海鮮大阪燒用上蒜，雜菜，海鮮和水雲，這個大約是fusion吧，我吃到的是和大阪燒的味覺，但添上了是沖繩的風采。特上刺身盛合有多種不同的當天最好食材，像極當地仲買人角色，立刻會想起目利之銀次。當日吃到的海膽，呑拿魚，帶子，甜蝦，鯛魚，

第一碟就係沙律，沾上芝麻醬的三文魚沙律幾開胃😋見到呢碟鵝肝同海鮮，我的胃ready好好喇！沾肉的醬汁都有分類，但我還是覺得和牛不沾醬汁就已經好好味，因為佢的肉汁～勁juicy!慶祝我們情人節的a5和牛仲有燒汁鮮蝦，面包索油後品嚐更佳魚籽伴鮑魚，不錯👍🏻呀！天哪我的鵝肝呀，下面的法包跟鵝肝一樣，煎得又香又脆，每一口我都屏住呼吸，好好細味再嚥下去！🤤🤤A5和牛，裡面包住的是蔥蒜。大廚比我男朋友還要細心呀🌚，佢很快就察覺到我不吃蔥蒜，接著下一件佢就幫我走蔥蒜，還問我好唔好食，最重要我吃得開心☺️我吃我的well done，男朋友吃他的medium rare ，同一塊牛都可以分開處理👍🏻👍🏻蛋白櫻花蝦炒飯，香氣四溢，但我的胃倒是不太爭氣，美食當前，居然叫飽了！為防便秘🤪還是有炒野菜給我們清清腸胃🍊橘子雪葩！不得了！外皮是真的橘子，可裡面裝的全都是雪葩呀！一口一口吃光光了！

今日好有旅行feel，一個人，自由自在，鍾意做乜就做，乜食乜就食乜。😬一個人的浪漫，當然要自私食啦🥰每次去親沙田，都會專登去帝都酒店嘅「櫻田」食日本嘢。點解 ？ 因為從來未失望過！🤣🤣🤣🤣原路經過一田，都成兩年啦！仲未裝修好。😅大約12:15pm行到去，唔洗等位。基本都冇睇到個menu就叫左我想愛嘅大Toro, 油金魚腩，海膽，同埋銀雪魚西京燒定食😋😋😋入口即溶嘅大Toro, 肥美油金魚腩，鮮甜海膽麵豉湯滑滑蒸蛋超好食嘅銀雪魚西京燒

今日放假，決定去帝都酒店試嚇渠慨龍蝦鐵板燒😋 櫻田一至日既Lunch set都有呢一個鐵板燒定食，價錢有338至528不等。佢仲有一個加強版二人餐大概＄1100，有刺身！但個侍應覺得我哋兩個女仔食加強版太多，所以我哋分別揀咗帶子同埋牛肉薄燒餐。我哋揀咗鐵板燒吧檯，睇住師傅點樣燒啲龍蝦拎出嚟慨時候仲好生猛! 我覺得最特別系師傅會用埋龍蝦既膏去作為醬料，唔會太鹹但好野味！帶子燒得好嫩，唔會overcook~ 牛肉燒到五成熟加上蔥同生蒜，超正!! 我最估唔到渠連炒飯都好有心思，淨系用蛋黃去炒。

Head Chef ，Joe Poon非常專業，對客人有禮，細心，又攪笑！我哋叫咗兩款set,知道我們會share食，自己同我地分五份，老人家和小朋友嗰份會特別整「林」D！生日又有紅豆餅送，仲响媽咪個餅放candle ，so sweet. 我哋走嗰陣，佢煮緊第張枱，都同我地講（多謝哂，bye bye)，很有禮！建議大家訂枱時，不防問下，要求Joe Poon做鐡板燒。我見到其他廚D手勢冇Joe咁型！

無諗過會喺沙田搵到咁有質素嘅食府。好少食鐵板燒，所以食物質素無得比較。不過，我覺得好好味。甜品係蜜桃sorbet, 又香🥰又甜😋最叫我欣賞嘅，係服務。侍應們絕無高聲傾談，對餐牌有詳盡介紹，收拾碗碟又快又靜。廚師奉上每碟食物都會介紹一下，點邊款醬汁。聽到客人傾談關於食嘅話題，又會適時加入講兩句。由當地嘅廚師主理固然吸引，有同聲同氣嘅廚師邊煮邊同你傾兩句，又有另一番親切感。作為最後離開嘅一枱食客，都唔會有「趕收工」嘅感覺。餐牌上仲有好多嘢未試，期待下一次。

有日公司慶功宴，同事話想試啲高級啲既日本菜，咁岩老闆話有朋友介紹沙田有間高水準鐵板燒就即刻BOOK去試試，一行差不多20人，因為人多關係，基本上咩都試曬，有海鮮，有肉，有刺身，超級滿足😋😋😋再講講食物質素，全部都係用高級新鮮食材，啲海鮮勁彈身又新鮮，肉類入口即溶，拍得住日本食到既和牛，再講講餐廳既裝修，超級高級，仲要係酒店裹面，我覺得如果帶客上黎食飯傾生意真係一流，肯定事半功倍！！！！！！！🎉🎉🎉

月前網友劍心攪私局，曾詢問過要鐵路沿線，價位合理的好地方，心諗，打從尖沙咀站到沙田站，合乎上述要求的地方並不多，千挑萬選下，就找來沙田帝都酒店內的「櫻田」，而事後聽說食物、環境及服務的質素都不錯。 走進餐廳，帶時尚的日式風格，既有卡座，亦有廂房，至於置身鐵板燒吧檯，能一睹大廚的手藝，的確是賞心樂事。餐廳本身以鐵板燒最受食客歡迎，而一道活龍蝦鐵板燒更是名物，當然不能錯過。 鐵板龍蝦（$760/兩隻）兩隻活龍蝦在鐵板上仍在郁動，夠晒新鮮，師傅單憑兩枝鐵鏟，頃刻就將龍蝦煎皮拆骨，龍蝦肉鐵板燒，蝦膏用來煮汁，一點都不會浪費。龍蝦鉗早已褪殼，火喉控制出色，蝦肉爽口彈牙，肉質甜美，超正。 龍蝦粥（$398/鍋）用上原隻龍蝦，蝦膏及蝦汁都溶化入粥裡，整個鍋佔了一半是龍蝦，粥底軟綿香滑，入口豐腴甘甜，一個人份量啱啱好。仗著人多，點了近日推出既「季節定食」套餐，當中更有少見的飛驒牛，又無須另行加錢，的確挑起了心癮。套餐是以凍熱兩set奉客，理所當然地由凍食開始。 凍 醋拌野菜佐富有柿把富有柿剜成圓球，入口甜美，墊底的野菜蘸點一下醋汁，新鮮清爽，起了醒

這裡曾經係我既飯堂，因為沙田高檔嘅餐廳唔多，同客食飯選擇唔多，所以呢個地方係首選，大大話話都十幾二十年。大約有一年冇食過，所以今天晚上就拜訪一下，結果。。非常十分失望😞六點多，和食枱一半客都冇，服務員放下menu就走開咗，我們貪方便叫set menu，佢提醒我吔雖然credit card有discount，但係service charge 要按原價計算 ，真係大鄉里第一次聽到，既然都坐低咗 ，照食啦！先講杯茶，應該係話我估應該係茶嘅飲料，冇味道又冇香味。第一個係澳洲鮑魚，如果唔講你一定食唔出呢個係鮑魚，因為只有牛油味再上係龍蝦 還可以啦 冇失望也冇驚喜 again 都係牛油味然後A5 和牛 我們點咗厚切同薄燒 叫五成熟最後係全熟 一滴血都冇 呢個水準真係接受唔倒可能要支持環保 問佢先至比紙巾 要再問先有濕紙巾 仲要每人一張 非常節約食完鉄板燒 應該要換呤一種茶 佢當然冇啦最有驚喜係椰子sorbet 本人對呢間店舖好有感情 水準下降至此 真的好心疼😔

雖然沙田「帝都酒店」對自己來說並不陌生，酒店內的餐廳，好像「玉庭」、2+2 Cafe等都有去過，但酒店內的高級日本料理餐廳「櫻田」，我就還未到訪過。直到這一天，友人相約來此飯聚，我才終於完成這酒店的最後一塊拼圖。 坐在餐廳其中一個寧靜舒適的廂房內，這夜我們在裡面吃的，是餐廳最新推出的八道菜「季節定食」（$888位/2位起）。三道賣相精美，擺盤漂亮的冷菜分別是「醋拌野菜佐富有柿」、「秋刀魚、鮮金槍魚腩」和「熟成梅酒凍拌清酒鮑魚」，全部被放置於精緻的盛器中。「醋拌野菜佐富有柿」中的主角----三大粒顏色亮黃，形狀渾圓的富有柿，口感爽，味道甜，伴以同樣清爽的日本野菜，為這晚餐帶來一個清新的開始。「秋刀魚、鮮金槍魚腩」中兩大片的厚切拖羅粉紅粉嫩的，肥美如凝脂，軟滑如絲緞，魚鮮，味亦濃，教人難以抗拒。秋刀魚現正是當造的時候，吃它正合時宜。雖然我還是喜愛拖羅多些，秋刀魚刺身亦自有它的魅力。 連殼一起奉客的「熟成梅酒凍拌清酒鮑魚」，用的是來自南非的孔雀鮑，這菜式以一片紅葉作裝飾，秋意盡顯。帶有清酒甜味的鮑魚肉質爽口彈牙，以微酸的梅酒凍伴吃，更覺清新。 吃罷三道冷菜，來到熱盤部分，四道一起上

日式海膽蟹柳燉蛋，熱燙燙頭盤暖暖身開開胃。以高湯跟雞蛋混和，軟滑、清甜、芳香，來口海膽更精彩。搵勻沙田最好似乎得櫻田，首次到訪。刺生併盤，油甘魚越紅越靚越肥美，您做到了！魚脂香甜醇厚，跣到嘴中舌頭上翻滾，滋潤我個細胞。鯛魚半透明雪白的身驅，瘦削堅韌有咬口，淡淡然的白魚生味道。活赤貝橙紅濕潤，滑嘟嘟先脆後腍，強而有力的甜美，美味得整個人醒晒！赤身吞拿魚，淡淡鬆軟不喜歡。三文魚，意想不到的甜味突出又滑溜，餘韻良久。赤蝦，不能與牡丹蝦相題並論，爽爽鮮甜蠻不錯。八爪魚，宜人的咸香，半爽半嚥韌，使我一食再食。搭上鮮磨青葵醬油，提鮮到極致。吞拿魚腩，平普通三文魚肉更肥美甘香，魚脂味濃且豐富，大愛。澳洲特大海膽，我都係第一次食如此巨形，比日本海膽大三四倍。味道非常鮮甜可口不腥不嗅，用脆卜卜紫菜捲住食，更添風味。帶子，天生嫩滑綿綿，質素達標。刺生開胃菜完滿結束，前奏回味無窮，緊隨著熱盤端上。款款套餐食材不同，樣樣都想食，鮑魚、龍蝦、象拔蚌、銀雪魚，無一不歡，決定龍蝦啦！牛油煮帶子，第一道鐵板燒。帶子裙邊爽口味濃，肉身鮮甜先彈後綿，配埋牛油好香口醒神。香煎龍蝦球配龍蝦膏汁，天堂的味道，無可挑剔的烹調。個

🖤🖤🖤特上刺身拼盤🖤🖤🖤帝都酒店的日本餐廳的刺身一向高水準 咁多年水凖依舊 刺身厚切大塊🤤不過款式就大同小異 無咩新穎選擇。試過港島區高級日本餐廳價錢仲高過櫻田，但質素都未必有咁好🙊刺身十分新鮮 大拖羅油脂甚香 完全無筋 入口溶化✨☺️呑拿魚當然無魚腩咁肥 但我就喜愛佢既魚鮮味更突出😳🤤加拿大馬糞海膽份量多 好杰身好濃郁 配上青瓜紫菜very nice 不過個人還是更喜歡北海道海膽既鮮甜味同質感👄三文魚，帶子，油甘魚，牡丹蝦都好肥美 而八爪魚係軟淋一d都唔會好似出面咁又韌又無味。👍🏻👍🏻👍🏻-🖤雜錦天婦羅呢個失色了！記得以前會炸得乾身 但今次得個油字。。。。可以不用叫！

為左慶祝紀念日 男友專登帶我去酒店食鐵板燒一直都唔知去邊到食飯 佢帶我係酒店行左幾個圈估唔到呢間酒店入面有間食日本菜地方都幾大 可以坐係鐵板前睇住師傅即場整俾我地食我地揀左鮑魚、美國牛肉厚燒或薄燒套餐呢個餐有野菜沙律、原隻活鮑魚、大蝦、美國牛肉、炒野菜、鯛魚湯海膽炒飯或什菌炒手打烏冬、甜品個set非常豐富活鮑魚真係好大隻煎出黎好煙韌 好爽口大蝦好新鮮 炒兩炒已經夠好彈牙師傅好細心 會問我地想點樣煮法最後我地仲叫左清酒呢款幾岩女仔飲非常高質又好服務的一餐

今日放假，決定去帝都酒店試吓佢嘅龍蝦鐵板燒😋櫻田一至日既Lunch set都有呢一個鐵板燒定食，價錢有338至528不等。佢仲有一個加強版二人餐大概＄1100，每多咗刺身。但係個侍應我哋兩個女仔食加強版太多😂😂，所以我哋分別揀咗帶子同埋牛肉薄燒餐。我哋揀咗鐵板燒吧枱，睇住師傅點樣燒😍 啲龍蝦拎出嚟嘅時候仲好生猛~! 我覺得最特別係師傅會用埋龍蝦既膏去作為醬料，唔會太咸但好野味😋帶子燒得好嫩，唔會overcook~ 牛肉燒到五成熟加上蔥同生蒜，超正!! 我最估唔到佢連炒飯都好有心思，佢淨係用蛋黃去炒，蛋白只係作為點綴。

同公司同事一起過來，第一次來試這家鐵板燒。選了單人的鐵板龍蝦配A3日本和牛set。價錢不便宜，要500+。第一次食甘貴嘎lunch頭盤係煙三文魚沙律，味道不錯，煙三文魚的味道很好。然後上嘎係我最期待的鐵板燒龍蝦，肉很鮮，爽口彈牙還很香，而且一點都不乾，很好吃。廚師把肉都拆好了，吃起來很方便。之後上的是日本A3薄燒和牛，和牛太肥，燒完出來食左兩塊就已經好膩，配個酸辣醬之後就會好少少，但係都係覺得太肥太膩了。然後食佢個炒飯，呢個炒飯有驚喜，好香好好味最後食埋舊中規中矩嘎芝士蛋糕。成餐飯服務好好，會等你食完一樣收完碟先再上另外一樣，環境都晤錯，坐得幾舒服。但係價錢真係晤便，以lunch來講算好貴，另外叫左d串燒，150左右一碟，兩串。對我自己來講晤值呢個價錢，雖然味道晤錯