橫綱

營業中

休息中

友人想食橫綱好耐，次次都好多人，所以無食到！今次我地未到六點就黎，點知以經好多人等位結果我地等左半個鐘先等到有位！我叫左：叉燒拉麵，豆醬湯底個湯好濃，好濃豆醬味，D叉燒，un左D食完無口渴！整體都唔錯友人叫左：九洲拉麵我覺得友人叫果個正D，豬骨湯好好味啊我同友人都覺得個湯底係唔錯既！但唔係好突別，唔洗等咁耐都會再幫襯！

** 此 食 肆 的 第 一 百 五 十 個 笑 **尋晚(29-10-2008 Wed)想見男友,但佢又忙,於是提議o黎呢o度食飯,貪可以快啲食完,佢就可以返上公司做o野嘛.我6:28pm o黎到,見已經有人等位,快啲攞飛先,一邊等位一邊等男友,大約6:45pm,差唔多到我o既No.喇,幸好男友亦及時趕到,我o地o岩o岩坐o係bar枱轉角位,所以覺得唔迫,真好.同男友叫個1.$48.00 o既味玉拉麵等o左好耐,兩樣o野一齊到,我o地先試拉麵,湯係豬骨湯底,材料有一隻蛋,叉燒肉丁,重有一片脆紫菜.先試拉麵,好有蛋味,好濃,麵身夠爽,好味.蛋亦唔錯,但叉燒略嫌硬o左啲.湯底夠濃,好好味,男友食到個碗一乾二淨,可以唔使洗喇.味道: 4.8分2.$12.00 o既梅子飯糰男友話試吓傳統啲o既飯糰,所以叫呢個.三角形飯糰整得好靚,頂上面有一粒粉紅色梅子,伴以炸o左o既唔知咩調味料,梅子酸酸的,我唔係咁鍾意,但男友好鍾意呢隻味道,而飯糰裡面都有一粒梅子.食完外面有好多人喇,原來呢o度有外賣,咁下次如果唔想等太耐,就可以買外賣喇.服務:好好,好有禮貌又nice.埋單o岩o岩好$60.00.

夜晚6點去等位....等左成45-50mins終於有位...d位唔洗講..一定係又迫又要抬果隻..其實真係冇所謂好喇...落單...叫左個叉燒拉面...之後等左20分鐘左右先有得食...可能客多...煮唔切..都算好..我試下個湯先...豬骨味係有...不過好似咸左少少囉再試一口叉燒先....唔係下話....呢塊叫叉燒@@"...鞋拾拾...又un..冇口感..加冇味..只係一塊唔知咩肉咁擺入口都個面喇...講真...普通料...仲好似淋左少少咁...煮到過左龍可能講真..真係好普通一間拉面店...一d都唔值等咁q耐仲有就係..食完之後會好口渴...唔知係唔係個湯有"味精"不過價錢唔算話貴...服務都ok....係出菜超慢...同埋味道真係普通到不得了但係如果要再食...就唔會喇...

星期日夜晚第一次o黎食,,,六點半去攞飛...一去到見到已經有好多人排隊心諗一定會有返咁上下水準啦.....最後等左成個半鐘先入到去........本生諗住試下味玉拉麵...點知排排下隊已經話沽清咁入到去就叫左個九州拉麵同一客煎餃子先講個拉麵,,,一o黎到個賣相已經唔多吸引九州拉麵唔知點解會有d荷蘭豆o係度做配菜,,,,..完全係多餘又唔match一大匙粟米又係好怪,,,一d都唔日式...同o係日本見o既差好遠入口喇,,,第一時間飲啖湯試o下香唔香口啦點知又一失望,,,個湯完全冇豬骨味,,,一飲就知係味精湯d麵就都叫煙un,,,但唔滑口,,,而且好大鹼水味叉燒又冇肉味,,,一d都唔化,,,又唔香,,,都唔知自己食緊o個舊係咩食落成個麵就令我好有童年回憶,,,因為個麵十足細個同阿媽o係太x城foodcourt食o個d平夾大碗o既拉麵咁餃子方面,,,本生都有d期望,,,因為見佢個menu影好金黃好靚但由於本人坐得近廚房,,,望倒佢就咁將d預先煎好o既餃子叮熱就攞出o黎俾人食已經唔敢有咩期望...食落...真係一d都唔脆口+香口o架而且十分乾真真冇肉汁（可能同佢叮過有關）而d餃子亦都唔似自家

本人覺得橫綱呢間店係可以考慮ge今次係三個人去另外兩位朋友都係未去過ge叫做係我帶路啦一人叫左一碗拉麵分別係味玉、清場牛肉同埋豆醬叉燒外加一個煎餃子叉燒比我上次去果陣好左味道好感都好左牛肉同埋味玉果隻蛋個火候控制得好好牛肉我食到尾都唔會過老隻蛋就剛好係岩岩熟，好滑不過我至愛都係煎餃子我自己個人係特別鍾意食餃子、小籠包類食物所以要求都會比較高今次碟煎餃子肉汁唔算多，但係好足夠我個人認為汁太多的煎餃子其實唔係咁好食香口但唔油膩，$23/6隻好抵食唯一問題都依然係果兩樣啦等位，今次等左九個字左右同埋場地太細，唔係好好坐果隻

我同男友一直都好想試下呢間橫綱拉麵... 趁國慶放假, 咁啱男友係油麻地剪完頭髮, 我又心血來潮想食拉麵, 所以我地相約係果度等... 男友一早拎左籌, 而我差唔多一點去到... 記得果陣叫到19號, 而我地張籌就39... 雖然我已經好肚餓, 但既然咁想食, 等就等啦!呢間野真係牟利, 店舖細細就吸引到咁多人排隊... (包括我地兩個...). 餓住咁等左成個鐘頭, 終於可以入去坐低... 好好彩我地兩個自成一角, 坐係一個單邊卡位... 我地好快手咁落單, 叫左一個叉燒拉麵, 九州拉麵+細燒雞飯... 我地用好期待既心情等... 但上麵既時間真係好好好慢... 不過, 拉麵都無令我地失望, 叉燒都好好味, 味道真係唔錯, 而且份量又多, 只係唔夠熱... 如果唔駛等太耐既話, 可以再光顧...

水準一般 九州拉麵的豬骨湯底冇豬骨味 (同日本無敵家差太遠, 但人地都唔駛等咁柰)湯唔夠熱叉燒唔化 冇肉味煎餃子 我見倒廚房用微波爐叮過 冇肉汁 煎得唔香口下次唔會去 等得太久了

由來已久深知油麻地一間出名吃拉麵的商店─橫綱,所以趁中秋那天假期,打算來試試.基本上查閱過所有食家的心得發現,唯獨只有下午五時半至六時此時段,才不用等上數小時之苦.雖然此時段去,心態上不知當下午茶吃好還是當晚餐吃好,不過為要一試招牌主打"玉味拉麵"也計較不了那麼多.由於本人患上"等位焦慮症候群"的緣故,此症會令我在等候太久時會出現心跳,口吃,有便意,原地轉等症狀.所以我和女友五時半已經在油麻地MTR出口直奔,約三分鐘路程到達.抵達後已發現店外約有七至八人等候中,如我心中所想的一樣...話雖如此,等得太久依然有很大風險,所以我先向店員查問等候的枱號事宜,作好心理準備便不用那麼容易發作了.當我倆乖乖地在門外尚有兩張枱等候之際,女友首先發出病徵之一:有便意!!基於店外列明,需要人齊才可內進的原則,當時心想,實在不願錯失等候的機會,但我也不忍看着女友受便意所折磨.經一番掙扎後,我信任女友的意志是可以把它抑壓過來,心裏盤算著哪裏有最近的公厠呢？時間一分一秒地過去，意志亦相對變得薄弱．而女友的神情告知我，她的狀態正處於“一觸即發”的地步，稍有差池，後果堪虞．不過正所謂“臨危生智”，女友即時向店員可

前幾日．有位朋友話有間拉麵超好食.佢請.我地當然吾啦..去到果陣6點幾.以經要等位好在5分鐘倒就入得..見到侍應好忙.就算我地不停問東問西．都依然好好笑容直得一讚ｄ嘢食好快就到．重好大碗ｔｉｍ．好可惜食吾哂雖然d嘢食吾係話好特別.但吾知係咪心理問題啦.走果陣見到咁多人排隊．就好自然就覺得.好好味~對於晚餐黎講真係好低食

記得第1次同女友黎食既時候都只不過係2年前既事(當時有朋友係呢間鋪頭度做廚...... 話佢d拉麵好食... 推薦我地去)當時覺得叉燒拉麵既拉燒同埋個湯底真係非常掂 ...事隔2年... 朋友已經轉左去第2間日本料理度做...我女友依然係同一個... 與此同時我又已經開始係網上扮食家... XDDDd相約左一位多年無見係油麻地反工既朋友食lunch佢係油麻地反工... 居然唔知道橫綱係邊... 於是我帶左佢黎橫綱度食 ...2個大男孩一人一碗拉麵都食唔晒....................................唔係因為食飽... 係因為真係令我有點失望.....................再嘗叉燒拉麵... 味道已大不如前.........................叉燒不再爽口入味... 湯底亦變得十分平庸................. =_-朋友的辣味拉麵... "得個辣字... 我真係唔識欣賞"再我地坐係二人卡座... 望住阿老闆娘一路訓示住一位trainee......真係乜野胃口都無晒... (唔怪得個時朋友同橫綱係不歡而散...)係我呢2年對食既

年多前試過一次, 印象是ok的,今次叫了麵豉味長蔥拉麵加竹筍.坐在麵吧前, 我看到師傅做麵過程.湯鍋有條喉不停加水, 應是水喉水.一開始師傅煮麵, 隨即在碗中加入醬油和麵豉醬, 再加湯.問題來了. 麵豉醬份量不少, 師博要不停在攪.湯涼了到攪好了, 問題又來了. 湯放好了好一會麵還沒煮好. 湯一直在等, 又涼了到下好了麵, 師傅加好配料後, 大約離剛放湯時間三分鐘.麵放到台上, 喝了一口湯, 沒錯豆味很濃, 但沒看到一點煙......吃整碗麵的過程一口都沒吹過.麵是彈牙的, 配料是好的, 湯也不會死咸. 但不熱的拉麵.不合格!

都知道要等,我地等左20分鐘,都算等得少嫁啦~~~行下企下,睇定食咩,又去隔離7-11睇下書,消磨下時間 入到去坐卡位,對面當然有人啦,好似無咩私穩咁,大家既一舉一動,都好清楚,絕對坐得唔志在坐大排檔仲好 *先嚟個麵鼓湯都足料,有新鮮既海藻,少許豆腐粒,味道OK *NO.3拉麵(我唔記得個名)我好期待隻糖心蛋,係半生熟嫁蛋*最後蛋沒有預期既半生熟,但都好好味,好滑肉*另有一堆肉粒,都好嫩滑,有啲半肥瘦,不過一塊塊會大體啲,好食啲湯*先飲淡豬骨湯底,都算好濃味,真係有日本人既味啊麵*麵比較幼身帶爽菜*開頭以為係菜心(唔係呀化),原來係莧菜,點解會用莧菜呢?? 感覺會怪怪地,我係日本都無食過,可能我見識少啦!! *饅魚飯睇見就流晒口饅魚燒得好好味,好香,它的饅魚汁好正,帶少少甜米飯煙韌,大大粒,粒粒飯都有饅魚汁味,不過大碗d會好d 當我地食晒個麵+飯,個棒餃子都未到.........唉等左一陣,終於出場 *棒餃子個樣好靚喎~~~不過唔係好熱辣辣味道唔錯,外皮少少脆口

睇雜誌介紹,見佢講到咁好食,三人行黎左呢度食拉面八點九去到,等左一個鐘,九點九先入得去入到去知道點解要等咁耐喇,地方好細,行多幾步路都唔太方便叫左兩個味玉拉麵及一個橫綱拉麵見到師傅,即叫即整拉面,所以碗碗拉面都是熱辣辣的味玉拉麵有一隻溫泉蛋,真係好滑 (但食果刻好驚食完會肚痛,因為始終隻蛋都生生地)食左半粒已經覺得夠,所以仲有半粒淨係食左蛋白算,加上本人不嬲都唔食蛋黃哈哈而d面,好大「簡」水味,我就唔太鐘意.不過個湯底好濃.................總括黎講,無人講到咁好笑.如果要我等咁耐先食到,我唔會等....

they serve one of the best ramen in hk.always full of ppl, u can see the long queues every day and night.ramen are very fresh and 爽! my fave: 味玉拉麵 (you can change the type of ramen too!!! can choose those thicker ones~)the rice they provide were also tasty.

之前來過橫綱幾次,每次都是趁不用排隊的時間進去,今天兩點度經過,便入去吃午飯。叫了一個九州拉麵,一罐可樂...之前都不覺得這裏的拉麵真的如所說咁好食,最大優點係份量夠囉....質素是ok咁啦....最大印象係無味千咁咸....點知今日食o個碗拉麵...好咸呀.....最怕食拉麵食到條脷都wear埋.....埋單59元,淨係罐可樂都12元,比起很多食店貴....而且記得平時五點半前埋單有優惠價的...兩點幾原來未開始優惠架??仲有,隔離個男人叫了碗麻婆豆腐飯,等左好耐,催極都唔出,直到我食完碗麵(大家同一個時間order的)都未出到嚟!等到終於有喇...我忍不住望一望...嘩!好肉酸的麻婆豆腐飯....結果我忍唔住望左三眼.....一係用一個碗裝,聽講貴過拉麵,但係碗飯咩都無,只有一些醬汁和幾粒豆腐,另外送多碗仔麵豉湯,真係好搵笨呀!我埋單時,個阿姐仲破口大罵,話o的伙記pai低d野俾其他人做,跟o個個應承做又唔做,攪到碗飯無人跟.....成間舖都聽到個飯點解出唔到咯....我想,如果行開附近都可以食的,因為附近真係無咩似樣的食店....不過不必特意試食咯....