橫綱

營業中

休息中

之前成日係旺角行番屋企經過成日有人排隊 , 但又無諗過去食啵不過男朋友話D人話好食，於是就出發啦。我地睇完戲之後10點先去食 , 得一兩個人排隊 ,等左10分鐘倒就食得啦因為我ONLY中意食豬骨湯 , 就叫左味玉拉麵 , 真係好好味！個湯最正 , 可能我本身比較中意嗜鹹 , 食飽都係咁CHUR個湯！男朋友就叫左個麵豉湯既 , 不過我就唔係好中意 ,我估男友都唔太中意 ,因為佢係咁食我果碗 ... @@男友話呢度可以尋回日本之旅拉麵的味道添喎 !有下次的拉麵店 ! : D

朋友介紹的拉麵店, 食過兩次, 飯唔好食, 小食一般, 麵分粗幼, 第一次食幼麵, 覺得麻麻, 但個湯好正, 次後去多一次, 食粗麵, 正好多. 個湯冇味精, 食完唔覺口乾, 非常好. 記住加味蛋.

要排隊... keep 住水準...好過好似好多食店....發大咗做, 變得大打折扣係迫d..........拉面 面質真係又軟又滑其他拉面店...軟得黎質感唔夠好湯都唔差棒餃子.... 平時一定唔會食日式餃子...朋友想食...都不錯啦飯團, 再多d三文魚鬆就好啦同個fd飲咗兩支酒.....藍色個樽 好過 "吟嚷"

看電影前順道試一試這人氣小店，名不虛傳，店外排滿了人。叫了味玉拉麵和叉燒拉麵，我們都覺得湯不夠香濃，而且偏咸。溏心蛋卻真的很不錯，蛋黃半生滑溜，賣相亦奇佳。叉燒拉面則沒什麼特別。座位很擠，服務員都很匆忙，食得很急。等了這麼久才有得入內進食，期待可能過高，確實是不錯的，但又好像不需走到這裡特別來食，港島也有價錢質素較佳的選擇。

琴日去到見門口見到好多人排隊~見有咁多個笑哈哈就特登去試試~點知....一等等左半個鐘有多!!!!好彩係平日~假日都唔知要等幾耐/_\入到去~真係好細~仲要同人地背貼背咁坐@___@我地叫左一個九洲拉麵同埋牛肉拉麵~點知....等左差唔多半粒鐘先黎!!!因為第一次黎~以為人人都等咁耐~所以冇出聲~但係要等咁耐先有得食~真係扣哂分囉!!!!!!不過味道都OK~淡返小小會更好味~D材料係日本貨，所以質素都幾好!!!! 都值得食多幾次既，如果唔洗等咁耐既話。

心血來潮吃橫綱，等了一小時﹗好在我倆在書店消磨了大半時間。不約而同都選了橫綱拉麵($38)，男友要辣湯底，我要miso並加牛油($5)。湯底男友比較喜歡辣味那一個，他說比較惹味，所以好喝一點。因為我病了不能試，不過我都覺得自己的miso不好喝，味道淡淡的，不大喜歡。麵條就更失望，也許是吃了比這裡好的拉麵吧，覺得這裡的麵條不外如是，不甚爽口彈牙，即使加了牛油也不見得特別香滑，比一年前吃的，失色多了。而且，這次來已不是那位穩重的師傅，換上了三個嬉皮笑臉的師傅，還一邊煮一邊玩，好像不大專業呢。

其實呢間野都係因為係open rice 見到...咁多人都話唔錯..咁咪同朋友試一下...一如咁多人所講....黎呢度食野....最緊要有一個必定o既節目..係排隊....冇計啦...見咁多人排咁一齊排..我估一定有佢o既原因先有咁多人排..我朋友同我講個原因係因為佢間舖細..咁又真係細左D...有3個人去都要諗下去第二度..因為真係好細....我同朋友都係叫左兩個义燒麵辣味湯底..仲有一個牛肉醬油湯底,同埋煎餃子..其實味道都真係好唔錯...湯好夠熱...唔學有D地方個湯一D 都唔熱..喜歡食麵O既人都會知道湯熱度係好重要..义燒唔會好肥,個口感好好,而且見住D人煮個感覺都係幾好..而且個湯唔會好似一D專門店咁好油...因為其實好多地方都做到個湯好油....食落去已經覺得唔好..而且佢D味精都唔會係好嚴重....唔會令到你成晚都要飲水..大家都可以試下呀..但係有個準備要排呀排呀..哈哈...

每次黎襯橫岡都係要排好耐~今次亦都唔例外...排左差唔多1個鐘sin有位....好彩今次得2個人去....如果唔係仲耐D.....同男友叫了叉燒拉麵and牛肉拉麵.......兩個都要了麵豉湯底味道都同以前差唔多...其實我覺得又唔係話太太太好味~我諗係享受個過程......辛苦排完一輪隊~再品嘗呢碗拉麵........

以前返工會經過呢間拉麵店..但係都未試過..尋日忽然好想食拉面,唸起呢間野, 就去試一試啦6點幾去到冇乜人,朋友又話未肚餓, 就行下先返黎食點知7點返黎已經好多人等緊位...一等, 就等到8點先有得食 =.="入面好細, d位都幾迫下不過唔理啦 啦啦林食左就閃啦叫左個橫剛拉面,豉油湯,朋友就用我個拉面+20蚊叫左個咖哩牛肉飯.送野飲另外小食叫左棒餃子同雞肉串講下個拉面先,d面算幾爽滑,幾有"召"頭既..2片叉燒,1d竹旬,蔥花,海草, 不過量有點少-.-"湯略咸~朋友個飯, 話好普通, 咖哩唔係幾好食d牛粒好"un"..好細碗, 不過加廿蚊有埋野飲算係咁兩個小食不過不失..

橫綱係我最愛嘅拉麵店之一, 但因為好少去油麻地, 所以每年最多光顧1次。 記得以前每次嚟只須輪候幾張桌子便有位! 沒想到一年後, 居然要等一個鐘多d先有位! 未知是否因早前有套電視劇在此實地拍攝而令這拉麵店聲名遠播?2個人叫咗:味玉拉麵 (豬骨湯湯底) – 水準保持, 鷄蛋註明係用咗日本雞蛋, 所以蛋味好濃! 雞蛋煮約7成熟, 蛋黄汁入口香滑! 豬骨湯湯底濃郁, 但略咸!九州拉麵 (豬骨湯湯底) --水準保持, 配料新鲜, 美中不足是湯底略咸! 所以都飲唔到好多湯!捧餃子 – 好香口, 皮薄餡靚! 但由落order計,等咗35 mins先到! 店員話太多餃子單! 所以要等耐d!橫綱嘅拉麵湯底乃水準之作, 但麵嘅質地, 比函館元祖北海道拉麵 & 八八八拉麵用嘅北海道空運拉麵較遜色!

屈指一數，對上一次幫襯已有十年過外。對呢度係有一份感情，皆因小弟第一次食日式拉麵就响呢個地方。當時經歷尚淺，根本全然不知日式拉麵為何物。之後經過去日本嘅遊歷，再加上其後日本飲食文化嘅入侵，對拉麵有着進一步了解，已非當日吳下阿蒙嘞...隔咗咁耐再嚟，依然係咁多人。十二時開店，專登早五分鐘到，門外已有三五人响度等緊，實在誇張...一心要來食冷麵嘅，但門外notice寫住要七月才供應，有D失望。於是還原基本步，要個义燒拉麵加碗咖喱牛肉飯...有麵豉及醬油湯底選擇。個人對miso有偏好，就選擇佢。先喝一口湯底，不夠濃，但未致於淡於開水，只可算係合格。就個人而言，嘉蘭圍嘅domon老舖做得一定比它出色....义燒份量極多，一碗有六七大片，食落雖然醬得不夠入味，但勝在質感就淰糯，冇牙婆婆都可以食得落...配菜如粟米粒亦下得慷慨。出奇地見到有並不常見嘅荷蘭豆，食落爽脆，不錯...吃完麵再吃飯。日式咖喱，只要用上來貨，加上水，基本上你同我都識煑，無甚特別；牛肉粒當然唔會用新鮮貨，肉質亦頗韌，但勝在切得大大粒，聊勝於無...來呢度，只望懷舊一番。若要食水準更高，IFC嘅sapporo、嘉蘭圍嘅domon

上星期返工返下午四點, 於是一個人搵 lunch 食. 大約兩點九出到油麻地... 都仲要等三四張檯!! 點左醬油味橫綱拉麵, 湯底 ok, 幾清, 不過如果再濃味d 就好! 配菜 + 太少, 麵就太多... 其實都幾好食既, 不過如果話要等成個幾兩個鐘位既話, 就唔係咁值了...

我們不是常客,但一年總有1、2次往這間拉麵吃去,因為他們的拉麵的確出色。今晚一早又到這店去。久等,是這店的特色,不過這次我們6點多到己經有很多人等。亦等了上一小時才入內。叫的是牛肉粗麵和义燒粗麵,這次很奇,叫後等了半小時才有麵吃,可能是人手不足吧,且豆醬的湯底出奇地甜,可能是湯底的廚司不在吧。 但見日本人廚司依在,且粗麵的質地也沒有不同,只有义燒多了肥,也沒有怪他,整體的水準依然,所以依然會去,希望他能早日回復水準。03/05/2008

如果在油麻地區要食似樣的日本拉麵的話, 橫綱恐怕是最合理的選擇了.最正的是味玉拉麵, 豬骨湯底加上半熟蛋和叉燒碎肉,半熟蛋帶甜味, 一入口充滿蛋黃香,叉燒碎肉則相信是叉燒的邊皮位, 夠香口有咬勁,最令我懷疑的是個湯.這兒好像是一個萬用湯底, 再開不同的醬料做成不同口味的湯似的, 但正宗豬骨湯底好像是本身已煲到奶白色的....基本上而言仍是十分出色的拉麵店

如果你係想正餐時間黎食既話.請有心理準備要等1個鐘以上!午餐應該唔洗咁耐既...因為就算下午茶都要等嫁.入面得廿幾個位ga ja.拉麵既湯底都係偏鹹.如果怕鹹既朋友可以要求淡d都得.本人就覺得叉燒太瘦.咖哩飯好味.但portion太細.如果男士食可能唔夠飽.我最中意食雞串小食.每次都叫!價錢我覺得可以接受.但如果如果再平少少會好d.因為真係要等太耐啦....