橫綱

營業中

休息中

同老公睇完早場11:30醒起有間拉麵o係廟街間廟對面好多人排隊, 想試好耐,今次有機會啦11:55去到未開門, 12:00 開門我地係第一個客, 坐左5分鐘d位已經坐得七七八八叫左醬油湯底香蔥拉麵(普通麵) $42 , 麻油味湯底濃,好多蔥不過肉少左D, 麵軟硬適中唔糊口,亦比味千無咁油, 麵有粗幼及普通3種選擇老公叫左咖哩牛肉飯, $38 真係好一般姐, 超市一包包咖哩好味好多, 拉麵店都係叫返招牌既拉麵安全d餃子$23 皮薄餡多, 有d薑味, 不過油多左d 店舖雖然細左d, 不過都叫乾淨企理, 最開心可以睇住師傅煮自己碗麵既過程味道幾好, 物有所值, 仲要唔加一, 經濟唔好, 唔加一係令我地會再去既一大動力

平日都好多人...所以一直冇去食.今日冇人排隊la..所以快d去食.....而平時都多人話好食.所以去試下.......一試d拉麵味道ok,而湯都ok......其他食物都ok ...但可惜食完後就好口渴..........所以不會再食

食左橫綱都有一段日子~~每次去都要排隊 .... 22/12 lunch 食竟然唔駛排隊點知3等野食途中~ 門外已經有幾個人等緊枱 la好彩行快 2 步 ja~今次住係 Bar 枱度可以睇住師傅整拉麵~ gooooooood點左叉燒拉麵 醬油湯底 ....叉燒失手 .... 好乾爭爭 ar~~ 而且無乜味湯底反而無令我失望 ... 真係好正, 飲晒成碗湯都未有口渴希望下次有改進 la

香港食曰式拉麵,做得正唔正宗唔係問題!最緊要係改得啱唔啱口味!日本本土好食嘅店舖係有,但唔好食嘅亦都唔少!去過十幾次日本大概試過五十間以上, 覺 得好食嘅唔夠三份一,呢間在香港嚟講已經係算好果幾間之一.麵豉湯底牛肉拉麵----通常要求湯要濃D,少麵.配料豐富十多年來無變過,牛肉未至於好好食但起碼入得口!麵餐跟細飯----韓式石窩飯,少少辣味比其些韓國菜館做得更好!雞串小食----雞肉滑加埋面層沙律醬微燶,好食!這多年來保持水準穩定也不是容易.

橫綱在拉麵界算是早成名的一輩, 但由於地點不太就腳, 一直沒有機會嘗試. 今天下午放假, 趁着有事到油麻地一趟, 不如試試是否名符其實吧雖是平日就算一人也要等位, 幸好也不算太久, 大概10多分鐘吧. 店入面甚窄, 即使我坐的吧台台面也很窄, 好像連碗湯麵也放不下, 有點很不自在的感覺. 落單的時候店員在後面紛紛擾擾的, 環境方面要扣分. 我點的是”琦”玉湯面 (不太記得正確名稱), 重點在於糖心蛋, 另有紫菜, 碎义燒, 豬骨湯底. 豬骨湯底甚為濃郁, 但濃郁得來很咸, 作為一碗湯麵的靈魂, 我覺得不及格. 拉麵質地可以, 比味千的好, 是一般拉麵專門店的水平. 碎义燒像是义燒拉麵的剩餘物資, 乾巴巴似是煲湯豬肉, 這個也是不及格. 值得一讚的是糖心蛋, 有蛋黃的香味, 拌着拉麵來吃是很美味的.埋單$42, 不設加一, 相比交易廣場那間不算貴. 但如要專誠來且要排大隊的話, 就不必了.

平日7點幾去到,佢話要等8張枱!咁我就同男朋友0係附近行吓.叫左個九州拉麵同咖哩牛肉拉麵.我覺得d拉麵幾好食,個soup based好夠味!男朋友俾左半隻味蛋我食,好好食!因為又有少少咖哩汁,超正!我聞到佢個咖哩麵都覺得香~不過間舖就真係細左d,等幾耐/..同埋唔係坐得舒服0個d...但間唔中黎吓實在唔錯勝在d麵好食!

某日星期二同老婆夜晚8點幾去到....講真我平時都係致僧排隊嘅人嚟，不過老婆睇雜誌話呢間拉麵鋪幾好味，為咗老婆開心咪排吓啦．唔排由自可，卒之天寒地涷之下在街上足足等左成50分鐘先致有位！入到去講真見Ｄ位都算幾逼狹吓，落單order左味玉拉麵,辣味牛肉拉麵和一客煎餃子。又要再等多15分鐘左右先有得食，一嚟覺得有Ｄ唔係好對路，點解我碗味玉拉麵少咗隻蛋嘅？一問之下原來個服務員落錯單，不過反正都嚟咗喇如果再換又唔知要等幾耐，所以唯有加多7皮加隻蛋算罷了。第一口感覺覺得個豬骨湯底都幾咸，麵質普通唔算彈牙，叉燒一般，半生熟玉子尚算ＯＫ！試下老婆碗辣味牛肉拉麵，覺得個湯底怪怪地咁，牛肉份量都算多。煎餃子普通平凡無咩驚喜。整體價錢尚算合理（最好就係唔駛加一）比一般日本百貨公司內的Food Count好些少啦，不過如果再叫我排成粒先食到碗麵我就唔會再排喇！我曾試過日本無敵家的拉麵，兩者的質數實在相差得太遠，簡直是差天共地，並不能相提並論。

係呢度幾得幾高位置,印象中係油麻地彌敦度,當行到就去到佐敦都未見間野既時候,打定退堂鼓下次先,返上網check清楚地址先再黎,就係呢個時侯,見到呢間野招牌幾特別,,行近多幾部,就見咩日本麵原由中國傳入,,,之後再望望玻璃有中文鋪名 橫網,,就覺得既然咁有緣真係搵到就入去啦,,當時鋪內都多人,梗加堅信有水準,,,首先坐係廚師前既table,,真係好迫d位..我高大,肥小小,,就大脾洩唔得入,,,全程感覺唔到舒適享受...之後仲聽到店內夥計互相辯駁乜野索錢,,,咁咪影響形象囉,,呢d梗係無人或收工先講嫁!最勁連廚師都講埋一份...小心d口水啊叫左 橫網拉麵,,,,第1啖好似幾特別湯底..之後食多幾啖發現d送得兩塊叉燒肉..好小下..咬幾下無左就變齋食麵..d麵又唔見有乜特別,,,留下50硬都好過佢了...食食下覺得似食梗煲個d出x一丁既豬骨龍湯麵多d..食食下見餐牌張圖明明有d切條既橙cool筍and粟米,,,但眼見碗野無囉..哼...埋單先知有8折..但都唔覺抵食,,抱歉..

今天兩點鐘去到人山人海...無計拎了飛, 走去附近行幾轉回來不妙, 剛過了一個號碼, 同佢講, 佢話三張檯後補番到佢叫了三張檯後, 都成二十分鐘...我去問佢佢個staff竟然話, 你地過了, 無得補喎, 一係過多五個號碼先啦同佢個不知所謂, 視顧客如無物的"trainee"理論, 佢話無人講過補俾我地好氣憤, 走人好地地一間店, 可惜....真的很差

呵 等到人地補完習先有得食!好夜夜夜夜呀 但都要等架 係咪先^^本來想去八王子試 點知好多都賣清唯有再返黎呢間等位都唔算太耐既...但真係覺得過份少位啦入面!好彩今晚都唔係好凍等左15分鐘就入座好快就諗左要個味玉同九洲呵 味玉既蛋蛋仲係咁好味*分左一半同你分蛋同味嗚 但係d肉粒少左 湯底差左...睇黎臨收鋪之前就係咁...定係真係差左!?!?!呵 4個月快樂 好快又到5個月~你諗定食咩未呢~為食精

11月25日，女友未收工已經話今晚想食拉麵，所以今晚等女友放學、再係金都買完恤衫之後，就慢步去油麻地“橫綱”。還記得十多年前的香港還未流行食日本拉麵，“橫綱”已經在油麻地經營，當時已有不少支持者，全盛時期開過分店（後來執左）。及後“味精拉麵”的掘起，帶動了拉麵熱潮，以至近年流行正宗日本地道拉麵，這間老店依然屹立不倒，人龍不減。印象中我祇曾來過幾次，因為這裡不是“我杯茶”。話說回頭，我們去到“橫綱”時已經約九點二十分，但門外還有約二十多人在等候。取了籌，要等差不多廿個籌。女友說一場來到，祇好等下去，終於等了差不多半句鐘，我倆才可以入內。因為實在等得太耐，在等候期間已經想好了吃甚麼，坐低後再看看餐牌，就叫了一碗牛肉拉麵（麵豉湯底），加牛油和味蛋，再加多$20元（set）要多碗鰻魚飯（細），仲有汽水送。等左一陣拉麵就送來了，先試一口湯底，麵豉味很濃，不過略嫌湯不夠熱，是暖熱而不是盪熱，牛肉就類似“吉野家”，醃得很入味，，不韌，味蛋即是溏心蛋，很滑，麵亦爽口彈牙，絕不是一般拉麵，配料如粟米粒、筍、青豆等亦不少。我覺得拉麵加了牛油後倍加香滑，味道一流，以往女友怕肥所以不敢要求，難得女友今次破例“

10.4.從來都很喜歡拉麵，不過在北海道札幌吃到的回憶太美太好，在香港總是吃不回，慢慢放棄找尋了。早兩期飲食男女對拉麵詳盡的介紹，卻令我重燃對拉麵的愛火與希望，雜誌上所講的水準拉麵店，我與龍決定要逐一試食! 　由於地點較便利，第一站我們去了油麻地的橫綱拉麵。人氣店果然是人氣店，六點未夠已經出現人龍，還好龍一早去到拎位，不然至少要等上半個幾鐘。店地方不多，約廿人座左右。我們坐的是吧檯，可以見到Eddie師傅烹製拉麵的過程，他認真的工作態度很令人欣賞呢! 　很多人來這裡都只是吃拉麵，我比較貪心想試多幾款，結果：　明太子飯團-飯團是蒸不是燒，上檯仍然溫暖，令紫菜很快變稔，飯本身又軟叭叭的，最可取是香口惹味的飯素，將原本不濟的白飯拯救過來。煎餃子-看上去很油膩，不過吃去上皮極薄有彈性又香脆，吃起來倒不是差，很輕易就清碟了。味玉拉麵-聽上去很似地獄拉麵，據說是最受歡迎的麵食之一。拉麵筆直、不是札幌吃的微孿麵質，口感也有所不如；不過湯底真是鮮美濃郁，值得一讚；另外玉子據講是選用北海道一級無菌雞蛋，吃來又軟又香，也很美味；最後叉燒粒的肥瘦不算均勻，我當然較愛吃帶一點肥的部分!食畢，感覺與札幌的回憶拉

表面上呢間鋪晚晚都爆場～好似好受歡迎ｇｕｍ但係當你諗到該店只有二十個位左右～要等位好正常～呢日2個人來等左四十分鍾到～預左！無所謂～醒扒之ｔａｍａｍａ買左本雜誌來睇～好啦～進店：環境就免提～選左九州豬骨拉麵加辣~ 試完之後就唔建議加辣~好似怪怪地!豬骨湯很油的~要減肥嘅人要留意, 還有它的配料挺多的~味玉拉麵　＋小碗鰻魚飯set~ 鰻魚飯麻麻地!算啦始終係食拉麵嘅地方至於舊味玉, 其實我覺得茶葉蛋好食D~相信TAMA都會同意~ 仲有D辣肉碎~兩碗都要左右粗麵~ 應該試下幼麵~下次食€再加一客煎餃子~呢味唔建議食!或者甘講唔洗係度食!黎呢度食建議叫一碗拉麵~可以加五蚊將之加大~兩個人夠食~呢度嘅可以加大減細!真的!因為呢個麵嘅湯底都幾油~食半碗就好膩 再加一樣小食就剛好~ 個人黎講味玉拉麵比九州豬骨拉麵好食!

每次黎呢度都要排隊，今次都無例外要等位。九州拉麵 ($47)：豬骨湯底好香濃，拉麵煮得剛好有咬口！相反叉燒就唔好味。味玉拉麵 ($42)：雞蛋好香滑，正到爆！切到細細粒既豬肉入味和腍身，好味過叉燒。煎餃子 (六隻$23)：平時食開棒餃子，但今晚賣晒，所以轉食煎餃子。煎餃子皮薄餡鮮味，都唔錯。但相比起棒餃子就失色左好多。雜菜小食 ($12)：配菜款式豐富，但 sauce太咸和酸。食過甘多間拉麵，呢度算係最好食和抵食的店子，但地方太窄，坐得唔舒服。

12/11 同皇子神咁早6點15分就去排隊(次次都因為果堆人龍嚇走左)，今次諗住早d去應該有位喇卦~~在無咩人等位既情況下，我地好快就入到去；我地叫左:1. 味玉拉麵(我既) - 隻蛋真係好好食同好靚，肉粒超多都好林身同入味，d麵好彈牙；但唔知點解咁重皂水味呢?個湯 底香濃得黎又唔太咸，根本就唔洗落其他香料，不過我最唔明碗麵竟然用菠菜代替昆布~~2. 咖哩牛肉拉麵(皇子既) - 好香濃咖哩味，但我硬係覺得咖哩同拉麵係格格不入既~~皇子話幾好食，麵十分彈牙同爽口。3. 煎餃子 - 皮好薄，餡好新鮮，不過唔夠脆。4. 燒雞串 - 雞肉好鮮嫩，好滑同好香口，值得再試~~服務員態度好好，成日加茶，收野又快!!