橋底辣蟹 (雅閣大廈) (已結業)

星期六收工回家訓番陣七點半相約友人到銅鑼灣諗住睇戲，點知太瀟灑地完全唔check下先咩戲都開鬼哂，無得睇把心一橫走到聽就聽過幾次但未食過的橋底辣蟹一試點了個菜、炒蜆及一人一隻巨型蟶子試下我想呢度都係食佢既避風塘炒蟹最正，不過海鮮敏感的我無緣一試了

想試左好耐，但我是非常少到香港島既香港人，今次都係冇預算之下吃到。和男朋友叫了個二人餐:1. 辣蟹一隻- 我們order少辣但都比想象中辣，但配合肉蟹肥美多肉，正。2. 白勺花螺- 花螺比較細少，但肉爽，都唔錯。3. 椒鹽賴尿蝦- 賴尿蝦皇好大隻，啖啖肉，正。4. 蟹油炒麵- 麵質夠幼，不太油，唔錯。後加了一個豉椒炒聖子皇，聖子爽口鮮甜，但唔明為何比辣蟹更辣，哂~~我們去了舊店隔離之新店，新裝修環境唔錯，全日免加一，抵。

試左喜記之後, 忍唔住過幾日來呢間食下..一行三人叫左個二人餐加一碟菜,個二人餐(~$440) 包括:1) 辣蟹一只>> 好香好惹味都好熱氣! 應該屬於細蟹但三個人食都ok2) 辣酒花螺>> 細粒左丁, 但個辣幾好食~3) 賴尿蝦>> 得一只但好大只, 好好味呀, 有蝦膏添!4) 炒面>> 普通, 唔油且反而乾得滯..食開個早晨炒面, 一如叫埋豌白粥~意出望外好好味, 好'眠', 食完即時好舒服~下次會試下黃金蝦同蠔仔粥, 都好多人食!

以前住在謝斐道...喜記同橋底都係魚太婆至愛的食蟹點..搬左咁耐,又再次回到橋底大吃特吃..事關今次魚太婆大壽~蟹:我地2個人去,叫了小蟹..$250(個伙記好似求其開價,願者上釣).味道水準keep到,新鮮.油鹽水蜆: 蜆仔夠fresh,但少左d...$50魚肚浸勝瓜: 魚肚好多未浸開,一夠夠...唔好食..勝瓜少左d..$50-60(唔記得幾多錢..)青島啤酒: cool~夠凍,加埋蟹一齊食...好味到振..總括來說,喜記同佢各有千秋,但小菜就橋底平d...

我不是蟹王，昨天同事興起去食辣蟹，我見這店那麼出名便試一試。訂７：３０晚上，星期二。舊店擴充到旁邊，又大又舒服，坐的時候只有三四枱客，以為不是好旺，豈料大約８點開始，就愈來愈多人，到８：３０侍應已開始不停問我地可唔可以收起食完的碟（其實是未食完），原來門口已有十多人在等枱。我們叫了很多食物，最出色當然是辣蟹，肉質非常新鮮，不算辣，味道很濃充滿蒜香味。辣酒煮螺也是一絕，辣酒洽到好處，螺身也爽。懶尿蝦也很不錯。特別一讚是它的椒鹽豆腐，外面爽脆，豆腐充滿豆漿香味，非常好味。價錢是貴了一點，但十分合理，唯獨太多人不能坐得太來。

星期二,三人去試,諗住咁嘅門面,應該唔會好貴…..點知．．．我地叫咗一碟鼓油皇炒麵,一碟炒蜆,一焦鹽瀨尿蝦,一隻避風塘炒蟹（細=死蟹）同三枝忌廉，埋單竟然要七百幾蚊！殺死人!!!"碟鼓油皇炒麵油到不得了,超超超油,尿蝦唔新鮮好唔得,好難食,隻蟹係霉既(死蟹),一個字講曬""差""仲話係招牌菜!,係碟蜆幾好味,埋單問個伙記,原來隻蟹要成$550!做咗老襯,以後都唔去啦!離嗮大譜!!! "

見食評話好食, 所以與男朋友來試試.我們叫了:避風塘炒肉蟹小辣$260/隻椒鹽鮮魷$40/碟豉椒炒蜆$50/碟白飯2碗$10肉蟹超多肉, 真係未試過都唔信, 蟹糕多, 連蟹腳都有肉, 真係聽落$260隻好貴, 但當你吃了第一啖, 就覺得值, 好值...鮮魷就講不出的好味, 炸得很香, 很脆,膽固醇高都係咁話!!!炒蜆對於我們都吃得辣的都覺得辣, 真係幾辣, 但汁真係好好好好食, 辣都要用來撈飯.其實碟頭都算大, 兩個人食3碟好夠喇...埋單一共$396, 價錢一般啦, 咁出色的一餐\, 很難忘..

有朋友從外地返來，突然提議去食避風塘炒蟹，我們二話不說便行去鵝頸橋，由街頭到街尾佢已經有三間鋪，但每間門口依然有一大班人在輪後，幸好原來佢係中央分配座位，所以如果新鋪有位佢都會安排你稍移玉步。等候時見到店員熙來攘往，將海鮮和菜由一店送去另一店，雖然有點不生，但也幾有趣。如果他朝有日佢可以好似玩大富翁咁兼併晒成條街鋪，佢就可以打通通道，而唔使好似而家咁頻撲。講到首本名菜，當然是炒蟹，雖然已經係叫小辣，但始終都係睇得到都已經知道熱氣，但為吃心頭好也理不得那麼多。本來想加埋碟瀨尿蝦，但一聽到侍應話百幾蚊一隻即刻嚇窒，於是轉為叫炒鴨舌，後來先知原來係有得叫例牌細隻的，蠢。不過碟鴨舌都好夠鑊氣，無得彈。最後當然唔少得一支無敵樽裝大可樂，配埋炒蟹簡直係人生一大快事。一碟蟹眨眼間己經食晒，我連碟蒜蓉辣椒都撈埋。但正所謂出得行，預要還，好快暗瘡菲芝已經標晒出，真係飲涼茶都補唔返。可能我會忍一陣口，話以後會克制，但過得一排我又會重蹈覆轍，不顧一切咁去幫襯。

是夜!不吃越華會,吃橋底!坐底,啤酒先到,跟住係辣蟹,炒通菜,油鹽水蜆,椒鹽九肚!啤酒:無得頂,青島啤酒"醒"(咬住條脷講)辣蟹k,d金沙味道好好,隻蟹都鮮!炒通菜k,不過而家未係最好食,炒得唔錯油鹽水蜆:夠味,有兩隻無打開,但可原諒!椒鹽九肚:好味!但,如果不好味精朋友,或者味精恐懼症患者,唔好去,你會命喪當場!都係等我呢d唔怕味精既人去食吧!!

8 April 2007 (Sun) - 晩飯去完嘉年華己經好夜（成十點半有多），朋友突然諗起我哋有五個人，黎呢度食都好，我自己都好耐冇黎，所以一諗起食海鮮，我都想笑！不過最唔好係同行有啲朋友唔係咁食得辣，唔係我一定會叫辣酒花螺！老實說，我一向都唔知呢間同橋底嗰間係咪同一間，但係我知呢間坐得舒服啲，所以諗住黎坐好啲食好啲！（睇返下面有個食評講咗話其實間間都係同一個老細）望望餐牌，大家決定一人叫一樣嘢食，應該夠晒又慳錢，叫咗：1. 豉椒炒蜆- 唔錯，啲蜆夠大隻，又唔會話跌晒出黎冇晒咁，都係跌少少啫，炒得冇沙，一流，好怕有啲地方炒得好多沙喺入面2. 橋底炒辣蟹（少辣）($260) - 正正正！好熱氣，但係啲蒜頭粒同葱一齊食真係好好味！少少辣都好香口，忍唔住係咁食係咁食啲配料．．．蟹身都多肉，而且都有蟹膏，同街市既好唔同！3. 蒜溶粉絲勝瓜- 唯一既菜類，但係大家連粉絲底同蒜溶都一氣食埋．．．份量並唔多，夠口癮既4. 蒜溶粉絲蒸大蝦- 其實唔應該揀呢個，因為配料同上面嗰個一樣，但係諗唔到食乜，咪揀蝦，不過我覺得好似稍為乾身，不過蝦身都算大隻5. 椒鹽鮮魷- 一向麻麻呢個，但係當日又覺得炸得好

4月7日星期六黎呢度食飯, 之前book 左7:00pm, 但新店冇位, 要坐舊店, 地方很細, 仲有少少漂白水味, 坐得唔太舒服, 建議都係去新店好. 食物方面, 我地四個人叫左:.1. 辣蟹(揀左少辣, 好香口, 野味, 正!)2. 瀨尿蝦(一樣係好香口, 野味, 不過瀨尿蝦既鮮味好食d! )3. 辣酒煮花螺(都係好正, 辣辣地.)4. 炸乳鴿(同其他食店差不多) 5. 蒜融西蘭花(一般水平)6. 海鮮豆腐羹(清清地, 中和下都幾好!)總結: 喜歡食辣的朋友會覺得幾好食, 唔錯! 不過當然海鮮既鮮味就唔係太覺了, 因為俾辣味蓋過曬了! 不過間唔中試下都幾好既!! 連埋3個白飯, 2支啤酒, 埋單$931, 都ok 啦!!相片可參考:http://www.fotop.net/thxdtsdd/eat

自從到新公司工作後，一反以往嘅優悠生活，連續十二日由朝番到晚，故成日話冇啖好食，經常抱怨要食好嘢。阿K見近日番北風，凍凍地最好食一啲可以暖暖身嘅嘢，所以提議去食「橋底辣蟹」。頗多人誤會响鵝頸橋附近有幾間唔同嘅「橋底辣蟹」，其實老闆都係一樣。大伙兒準時七點鐘到達，生理同心理都準備好大吃一頓。望一望餐牌，樣樣嘢都好似好好食，但又好唔健康。唔理得咁多，偶一為之都可接受的。我地嗌咗個四至六人套餐，再加兩個餸如下：「油鹽水煮蜆」：係第一道菜，落咗少少胡椒粉，鹹鹹地又辣辣地，再加上蜆嘅鮮味，胃口當堂大增。「辣酒煮花螺」：呢味係唔包括套餐內嘅，辣油呈暗紅色，唔駛食入口都知道辣油「辣味十足」，果然食入口之後體溫即時上升幾度，友人不斷話好辣、好辣，但手就不斷攞花螺，正一係「口是心非」。「橋底炒辣蟹」：我地叫咗少辣，其實蟹本身唔係話太辣。不過之前辣酒實在太勁，所以滿碗沾滿辣油，蟹想唔辣都幾難矣。講番隻蟹，一共有兩隻大大隻嘅肉蟹，斤量十足，蟹肉多而鮮，咬落啖啖肉，蟹糕豐富，令本來唔係咁好食蟹嘅我都忍唔住夾多兩件。「椒鹽瀨尿蝦」：瀨尿蝦係海鮮中我其中一種至愛，椒鹽瀨尿蝦更是我那杯茶。瀨尿蝦件頭也是十足，經油炸

這應是十二月的食評..遲,唔好意思..應該係boxing day 晚..三個人,7:30pm,本來想食金鳳,但要等9張,又肚餓..所以行兩步去橋底....即刻有位..$280炒蟹-叫小辣,之後等超耐都冇,漏單,之後俾中辣我地, 辣到飛起...!!!炒蜆..一般,不過不失..豉油王炒麵--> 唔油,麵好幼,值得一讚!成$400幾蚊...唔係太平...早知去北角街市食東寶小廚...

好耐冇食過, 忽然九點半左右去食....星期五晚,兩個人都要等位...成十點先坐低...食:招牌橋底炒辣蟹(少辣)~$230, 腐乳通菜, 鼓油王炒麵, 炒蜆.建議:1.炒辣蟹最好要中辣, 會好味好多, 少辣太淡...2. 鼓油王炒麵好正, 唔油, 好香3.炒蜆都幾辣, 但好好食... haaa

一行七人, 一放工就飛的士去攞位, 新舖已經full左,唯有去舊舖...唔緊要啦...舊舖都可以既...點知去舊舖不特止,仲要係樓上,個人黎講就真係唔多鍾意啦,條樓梯又窄又盛...不過算啦...想食...無計我地叫左....1) 招牌橋底炒辣蟹(微辣) 一隻 微辣都好辣,以前食過微辣都ok嫁wor,但都係好好食2) 招牌橋底炒辣蟹(中辣) 一隻 試過一舊...好好好辣(我唔係好食得辣)3) 蠔仔粥一窩 好味...d蠔仔都算新鮮...4) 鼓油皇炒麵 必食...加埋炒辣蟹果d蒜蓉係一絕5) 辣酒煮花螺 個味好好...唔會淨係得過辣字6) 椒鹽賴尿蝦 我就覺得一般啦...可能因為覺得比油泡得過左火位7) 豆豉鯪魚炒油麥菜 炒完出黎好似無咩味..好多水..麵豉炒可能好味d.8) 乳鴨2隻 無乜特別...乳鴨lor...9) 沙薑雞腳(送既)... 個味幾好,但d雞腳略為削左d再加埋唔知幾多支啤酒...飲飽食醉...好開心...咁又一day..