影片
更多
2007-01-28
19 瀏覽
自從到新公司工作後，一反以往嘅優悠生活，連續十二日由朝番到晚，故成日話冇啖好食，經常抱怨要食好嘢。阿K見近日番北風，凍凍地最好食一啲可以暖暖身嘅嘢，所以提議去食「橋底辣蟹」。頗多人誤會响鵝頸橋附近有幾間唔同嘅「橋底辣蟹」，其實老闆都係一樣。大伙兒準時七點鐘到達，生理同心理都準備好大吃一頓。望一望餐牌，樣樣嘢都好似好好食，但又好唔健康。唔理得咁多，偶一為之都可接受的。我地嗌咗個四至六人套餐，再加兩個餸如下：「油鹽水煮蜆」：係第一道菜，落咗少少胡椒粉，鹹鹹地又辣辣地，再加上蜆嘅鮮味，胃口當堂大增。「辣酒煮花螺」：呢味係唔包括套餐內嘅，辣油呈暗紅色，唔駛食入口都知道辣油「辣味十足」，果然食入口之後體溫即時上升幾度，友人不斷話好辣、好辣，但手就不斷攞花螺，正一係「口是心非」。「橋底炒辣蟹」：我地叫咗少辣，其實蟹本身唔係話太辣。不過之前辣酒實在太勁，所以滿碗沾滿辣油，蟹想唔辣都幾難矣。講番隻蟹，一共有兩隻大大隻嘅肉蟹，斤量十足，蟹肉多而鮮，咬落啖啖肉，蟹糕豐富，令本來唔係咁好食蟹嘅我都忍唔住夾多兩件。「椒鹽瀨尿蝦」：瀨尿蝦係海鮮中我其中一種至愛，椒鹽瀨尿蝦更是我那杯茶。瀨尿蝦件頭也是十足，經油炸
望一望餐牌，樣樣嘢都好似好好食，但又好唔健康。唔理得咁多，偶一為之都可接受的。我地嗌咗個四至六人套餐，再加兩個餸如下：
「油鹽水煮蜆」：係第一道菜，落咗少少胡椒粉，鹹鹹地又辣辣地，再加上蜆嘅鮮味，胃口當堂大增。
「辣酒煮花螺」：呢味係唔包括套餐內嘅，辣油呈暗紅色，唔駛食入口都知道辣油「辣味十足」，果然食入口之後體溫即時上升幾度，友人不斷話好辣、好辣，但手就不斷攞花螺，正一係「口是心非」。
「橋底炒辣蟹」：我地叫咗少辣，其實蟹本身唔係話太辣。不過之前辣酒實在太勁，所以滿碗沾滿辣油，蟹想唔辣都幾難矣。講番隻蟹，一共有兩隻大大隻嘅肉蟹，斤量十足，蟹肉多而鮮，咬落啖啖肉，蟹糕豐富，令本來唔係咁好食蟹嘅我都忍唔住夾多兩件。
「椒鹽瀨尿蝦」：瀨尿蝦係海鮮中我其中一種至愛，椒鹽瀨尿蝦更是我那杯茶。瀨尿蝦件頭也是十足，經油炸後連殼都炸得鬆化，我忍唔住連腳都食埋。咁大隻瀨尿蝦一定有糕啦，食完之後，體內嘅膽固醇指數一定標升幾度。
「糖醋肉排」：又係一味啖啖肉但絕對唔健康嘅一道菜。菜色名稱叫肉排，咬落果然冇花假。肉排一層肉一層肥油，咁樣嘅肉排想唔好食都幾難。
「銀芽炒麵」：呢味菜雖然普通，但係一定要食。麵本身炒得幾乾身，再撈埋花螺嘅辣汁，一絕，好過平時食炒麵落辣椒油。冇幾耐成碟麵就已經食到清光。
「芝士椒鹽炸吊桶」：咁多樣菜，最高膽固醇肯定係呢味，因為有芝士、吊桶、仲要用油炸。雖然食到呢個時候已經好飽，但係我仍然有我嘅堅持，就係食好嘢。最終我食咗三舊。我亦諗唔到用乜嘢新嘅形容詞去形容食物嘅美味。
「炒菜心」、「炒豆苗」：食咗咁多唔健康嘅嘢，實在係罪過、罪過，唯有嗌兩碟菜去減低自己嘅「罪業」。唔知係咪整慣咗香口嘢，廚房就算係炒菜落油都落重咗手，還是算了吧，食幾多菜各人都已經食到「肚滿腸肥」了。
埋單一共一千零一十四蚊，每人夾一百七十蚊，有大肉蟹、大瀨尿蝦等海鮮嘅一餐，我認為是十分超值嘅，唯一嘅唔好處係食完之後要加倍努力減肥。
張貼
