樸生 (已結業)

餐廳並非完全素食。而是分兩邊，一邊是自助形式salad bar，一邊是普通散叫。我們嚐試了石頭鍋飯和炸雞。兩樣的味道都不錯，不過炸雞對我們來說太大塊了哈哈！😂 下次想試salad bar!!

最初以為這間餐廳是吃素的，所以老公一直不想試最近終於去試一次，點知第一次就有不足的地方第1個錯漏：圖中都見到落單係點了紅糙米飯，紅米是要額外加錢的，但上菜時來的卻是白飯，我原本叫侍應改返單算，不用換過d飯比我，但侍應生照換飯比我。第2錯漏：然後我們食到一半，才發現原來碗飯仲比少左一樣食材，就是紅菜頭，但已經吃了一半所以我老公就話由佢啦。第3失誤：哩樣野我知道大部分餐廳都會有，但的確是不該有的，就是食物裡面含有不能吃落肚的東西！係一條約1cm的銀色鐵絲，來自那鍋年糕，好采我習慣咀嚼得耐d，不然真有可能吞了都不知道！更何況我是孕婦，要更小心總括而言都是廚房比較粗心大意，樓面是ok的，服務不過不失。不過我下次再來應該是半年後的事了，孕婦不敢冒險

The food was good. Good quality. It did not arrive at the same time and the ordering form is quite confusing. We would come back for the food but the service was so bad we will definitely not be back. The final main dish arrived after the other dishes has already been eaten. We had to asked four times for our drinks and the waiter was rude when we asked for them for the final time. Also check the bill as they charge full price for set menu drinks.

打風過後，難得一對仔女在閒日同時放假，走到青衣城逛逛想找好西食，吃得多中餐多想轉吓口味，見到新開間韓國料理，一家人便進入去品嚐。店內裝修清雅，地方寬敞，再看餐牌真的太多款式，又有素菜選擇，最後選咗醬酒蟹，撈麵及熱鍋等等。素豬肉拉麵可選蕎麥麵，柚子豉油，將所有素豬肉等材料撈起來，麵條熱辣辣都幾好味，估唔到素菜豬肉吃落都有口感。素食者亦啱吃。牛蒡泡菜配凍豆腐 牛蒡炸到香脆可口，淨吃牛蒡條都好惹味，再將牛蒡碎撈埋紫菜，泡菜同豆腐攪勻去再食，另有一番滋味。估唔道這道小食幾特別。泡菜芝士豬肉捲芝士豬肉捲熱炸得香脆，份量有五大件，熱辣辣食落又唔油膩。人蔘雞鍋原隻雞鍋熱辣辣上枱，要用刀劏開雞身， 見到一條長人參，聞到濃濃參味，滿滿糯米飯滲透落埋入蔘湯內，飲一口參湯，都再吃口糯米飯，美味又飽肚，美中不足，雞肉稍為過火，肉身實。紫白菜辣雞粉絲鍋賣相好吸引，除雞肉外，瓜菜有多種顏色，有翠肉瓜，南瓜，茄子，豆腐，粉絲，還配備一樽特製湯汁混合個鍋內裡，滾到熱騰騰，雞肉類尚算嫩滑，瓜菜粉絲等索了湯汁，味道有啲濃，後加少許清水，更加好食。醬油蟹這款蟹一般店舖都要預訂才有，呢度就隨叫即有，雖蟹身細咗啲，但有蟹膏，肉

每次去青衣都只係因為要搭機鐵，從來無認真行過青衣城呢個商場。近排朋友轉左呢度番工，所以相約呢個商場食晚飯，我又發現都幾多野行同睇既！呢間餐廳裝潢好新，簡潔乾淨，用左好多木色，令人感覺舒服。有素食同雜食兩邊可選擇，兩者都主打健康，新穎。睇見佢menu上d石鍋飯同年糕都可以自己任拼配料，自由度大！我地要左兩個小食同一個鍋share泡菜豚肉煎餅煎薄餅睇黎係韓國菜必叫吧？非常多料，啖啖都有泡菜帶有濃濃酸辣味，好醒胃配埋紅菜頭汁，清清地吊味，無搶主角既風頭。芝士牛肉腐皮卷個樣好似地道街頭小食炸得脆又熱上碟入面餡好多，用紫菜包住腐皮入面有泡菜、木耳、菇、菜等而且芝士溶左包住配料，正牛肉粉絲鍋d菜五顏六色，d人講愈多顏色愈有營養！紫白菜最靚，不過當然韓式粉絲最吸水啦，佢地有個獨家湯汁，甜甜的好特別！不過本身d菜同肉都好甜，所以可能清湯仲夾！素奶凍呢個係素食都得，所以無牛油，魚膠粉我估用大菜糕整既，打因爲口感一樣，只不過係椰汁味遮，有埋chia seed，好健康呢！豆腐雪糕似雪葩口感，淡淡既豆腐香慢慢在脷尖湧現。最重要上面d芝麻粉，同豆腐雪糕最夾！飲品都好健康，羽衣甘藍飲落草青味，不過細味下會試到梨子

對上一次嚟青衣好似係好耐之前去戲棚嘅事😱今次嚟到呢到食韓國菜，坐咗入去，發現係收唔到信號🤡(好似入咗結界🌝)應該係朋友聚會嘅好地方😂#泡菜芝士牛肉卷 ($68)😋好味指數：(6.5/10)食炸嘢都幾油，唧啲檸檬汁落去就冇咁油膩啦😗炸得都幾脆，入面係紫菜包住啲牛肉、泡菜同埋芝士😝食落去都幾好味，不過牛肉嘅份量就略為小咗啲😩#韓式牛肉配麵 ($78)😋好味指數：(7/10)韓國手拉蕎麥麵 +$8今次就揀咗泡菜蕃茄湯😙蕃茄味比泡菜味濃，幾開胃😎蕎麥麵煮得偏軟身😆牛肉煮得幾淋，而且都幾juicy😋#海鮮香蔥煎餅 ($98)😋好味指數：(5.5/10)有蔥、蝦、魷魚同青口😚係煎得幾脆，所以啲蔥幾香，不過成塊煎餅太過油😩#醬油蟹 ($278)😋好味指數：(7.5/10)蟹身唔算細隻，而且啲肉都算多😆食落好鮮甜，冇乜腥味😋另外仲有唔少膏，一次過啜黎食超正😎不過就建議點少少醬油就夠，如果唔係就會偏咸😗.⭐溫馨小提示📌 食蟹嘅時候小心彈到啲汁落啲衫褲度啊😗

Bobsang 山竹襲港，難得有一日假期，同屋企人去青衣城搵嘢食，經過呢間餐廳，個餐牌好似幾吸引，因為佢唔係傳統嘅韓國菜，係比較新式嘅fusion 菜，就即管一試。餐廳好光猛，啲面好快就會我哋遞上清水同埋食具，不過由於佢係新派韓國菜，所以便沒有預備泡菜比食客呢。餐牌選擇好多，而且係圖文並茂，忙到啲圖畫已經垂涎欲滴啦。一家四口，就可以叫多啲嘢食都望住個餐牌，花都眼亂，好多野都想食。自選韓國撈麵,自選一款湯汁同一款食材,素豬肉炒泡菜手拉蕎麥面$68裏面可以配柚子豉油拉麵同撈麵仲可以揀自己自選湯底：泡菜番茄湯、韓國雪濃湯、純素海帶湯撈麵就可以揀有子豉油、味噌汁、麻醬豬骨湯唔到第一次食韓國素豬肉係咁好食，有少少似中國嘅麵筋，但係個口感真係幾似肉類，唔會好似食緊飯一舊飯團咁。都埋個韓國有子豉油，成個味道好清新，非常好食。自選韓式粉絲鍋——春川辣雞$138可以自選蔬菜拼盤一款：羽衣甘藍/紫白菜加蔬菜拼盤去韓國就食得多春川炒辣雞，估唔到粉絲鍋都有春川炒辣雞，最得意係個湯底用玻璃瓶勝在，而且味道好濃郁，好似濃縮左湯一樣，建議如果覺得太鹹，可以加點水呢。牛蒡凍豆腐——泡菜味(紫菜、泡菜醬) $65除咗泡

之前見呢度開咗新餐廳，見食評好壞參半，於是就等佢開咗一段時間先來試！今日想清清地，於是就揀咗個紫菜拌飯，由於係下午茶，佢就冇得㨂主食，只可以揀兩個餸，有選擇困難症嘅我最後就揀咗粟米同埋合桃！雖然佢係下午茶, 但係分量一啲都無減，超大碗但由於啲紫菜實在好好送飯，係冇任何醬汁底下,有啲飯素，所以唔經唔覺咁細食嘅我都成碗食晒 啲紫菜就算撈左啲飯，都唔會好林，仍然保持脆口。佢有附送膠手套,可以自己整飯團我都有試吓但係就比較 ler hea , 所以就最後放棄左, 反而覺得咁樣不來食都好好味阿媽就叫咗個牛肉湯麵，阿媽係咁讚話啲牛肉好好食！個湯麵啲面係比較林同滑，似米線，個湯底都幾好味都算清！但下午茶黎講個碗飯$33大大碗就似乎抵好多啦！個面要$58 （但就有好多牛肉）之前見啲食評話呢度服務麻麻，都明白！可能團隊裏面只要有一個服務麻麻整體印象分就會大大減低今日遇到三位，而其中嘅兩位（相信其中一個係店經理）都服務好好，有禮貌及友善 為咗個紫菜拌飯，我仍然係會再來的！

青衣城擴展，韓食也進駐。相約友人平日晚市吃吃看。Bobang 門面非常開揚光猛，翻閱餐牌時，原來也有素食菜式。無肉不歡與素食主義者，不用再左揀右揀，這兒是個好選擇，可以坐埋一齊食。待了15分鐘，8時多，終於在濟湧的餐廳中坐下一席位。云云菜式多選擇、誠意十足，由飯團、麵線、鍋飯，到炸雞、年糕、煎餅、牛肉、湯鍋等等， 都十分垂涎。友人與我也選了一會，揀選以下，小試牛刀。紫菜拌飯($65)，多達16款材料，自行按口味挑選。樸生私心推介櫻花蝦和羽衣甘藍和至愛豉油冬菇也成我們囊中物。手作拌餸，材料豐富，握成一團團獨一無二的飯團。一盤可製5-6個，手心般大，好食又好玩。初有秋意，來一碗石蠔紫菜湯($68) 暖暖胃就至好不過。一鍋石蠔兩件，尙算肥大。一讚是石蠔滾煮得剛熟剛好，相信是與湯身分開烹煮再一拼上。湯中蘿蔔片正常，為湯帶了一絲絲清甜感。人蔘雞鍋($158) 我想也是韓國菜必點的一道吧。湯身清澈，清淡人蔘味，棗物杞子大大粒，雞肉也算嫩口，入秋滋潤肌膚的良物。青檸牛油果麻藥炸雞($148)，炸雞控表示賣相十分新鮮創新。炸雞脆口爽身，剩油全印走。雞肉嫩口滑身。綿綿牛油果醬清香，吃起炸雞來帶有清新口感

星期五早上搵咩食好，就快快脆預約左位，夜晚去到時都8點半，門口都仲有幾個人等緊，不過入到去係有位嘰😁坐低後侍應忙過乜咁，都冇理到我地，睇完Menu見想自己整嘰飯糰，可以包黎食好好玩咁，就叫左，又平噃，再加配料餸都係＄5，等左好耐啊！黎到有配料，手套，自己搓完成粒波波飯糰就食啦！😋配料比較硬身，紫菜些小淋冇味道，但搓到成6，7粒係夠飽咖♡仲有叫左個檸檬炸雞，呢個炸雞不得了♡好味道，好似以前KFB嘰炸雞咁脆口又雞肉好滑，真心好好味♡叫左兩個餸都夠飽啊！😋🤗呢間可以再去試!都值得食其他野嘰，見到隔離枱叫火鍋同石頭飯，賣相不錯應該幾好味吧！😁

很久沒有去青衣城閒逛，整個商場都改變了不少，餐廳也變得多樣化，見到一間韓式餐廳感覺不錯，跟朋友進去來個小聚會。韓式牛肉鐵鍋飯，配了菠菜，冬菇，把醬混起來，味道也不錯，份量也相當十足。人蔘雞鍋熱辣辣地上枱，用上原隻雞加少不了的人蔘、紅棗；栗子等配料，令湯頭非常甘甜濃郁，雞肉鮮嫰，補補身子也不錯。海鮮香蔥煎餅個人很喜歡這種煎餅，因為海鮮多之餘，香蔥也非常多，吃起來夠香口。泡菜芝士豬肉卷份量相當多，一碟五件，炸得夠酥脆，配料塞得滿滿的，味道非常豐富。荔枝玫瑰茉莉花茶喝一杯，淡淡的玫瑰香味，舒緩生活的壓力。

👁‍🗨 紫菜拌飯 - 自選一款主食材和兩款配菜（7/10）💲65主食材揀左三文魚，帶點鹹鹹地，配菜揀左羽衣甘藍同粟米，當然仲有紫菜同飯🍙附上一對手套，可以自己先搓做球體，無可否認暖笠笠係幾好玩😛唯獨係甜既粟米粒唔係好黏到上去🌽👁‍🗨 自製年糕 - 自選一款醬汁、一款主食材和兩款配菜（7/10）💲78一上檯就放係個爐度，其實主要係撈勻個醬汁同埋煮熟啲年糕，不過掛住影相唔記得理佢，好彩店員過黎提一提我地小心黐底😳醬汁係青咇咇既羽衣甘藍芝士汁，估唔到呢個配搭同年糕都幾夾，年糕咬落都煙韌，不過份量就唔算特別多😉主食材揀左雞肉，切成條狀，食落少辣，配菜有本菇同菠菜☺️👁‍🗨 泡菜牛肉煎餅（7/10）💲98呢個煎餅有六大塊左右，泡菜唔係好辣，但係都夠味既，仲有椰菜絲同牛肉係入面🤔不過應該係落得太多水，入口比較糊口，有點似食緊蘿蔔糕既感覺😅👁‍🗨 荔枝玫瑰茉莉花冰茶（7/10）💲48一開始倒左兩粒荔枝落去大樽度先，浸左一陣都有微微既荔枝味，兼夾清香既花茶味，但係可能攪得唔勻既關係，飲到底突然好多糖漿，感覺比較甜🤭👁‍🗨 菠蘿西柚玫瑰茉莉花冰茶（7/10）💲48菠蘿有兩塊，食落香甜，但係對比起朋友果杯荔

青衣城新開咗一間食韓國又有得食素食嘅餐廳， 見到個menu都幾吸引。檯面會有一張點菜紙自己畫， 水自己斟 ，大概係以自助形式咁囉!自煮年糕 $78上枱嘅時候侍應會放喺枱面上面嘅平面爐慶熱佢，等滾個陣，就可以食。年糕好似膠咁，硬掘掘， 又冇乜味。韓式鐵鍋飯 $75 好在叫咗款穩陣嘅石鍋飯，原先個石鍋飯已經有兩款嘅配料，另外加每款六蚊要咗羽衣甘藍 同埋紅菜頭。 撈埋啲醬幾好味， 但係羽衣甘藍唔係好夾，口感唔軟身，同其他配料溝唔埋，都係要返菠菜好啲。青檸牛油果麻藥炸雞  $148 呢款牛油果炸雞好似好新款，但係食落去一啲牛油果嘅味道都冇，炸雞完全冇雞肉味， 只有面頭嗰啲芝士粉調下味。

近幾年流行的韓國菜大多是韓式燒肉，部隊鍋，炸雞等，但我最喜愛的都是傳統韓國菜。今晚我地食哩間韓國菜就走傳統韓式家庭料理，不過亦有的菜式用全新方式呈現。韓式紫菜拌飯這個拌飯可以自己選擇食材及配料。穿上手套將飯和配料拌勻，而我地就中意搓成球狀，好似飯團。材料就選了櫻花蝦作主食，冬菇和菠菜作配料，這三個味道配合上來色彩繽紛，又好食！人蔘雞湯用上原隻的雞，大大條人參，仲有好多杞子紅棗栗子等配料。雞腹仲塞滿好多糯米，十分足料除左有濃郁雞湯味，仲嚐到淡淡藥材味，超補身！春川辣雞生菜包生菜包除了用普通生菜，還用了娃娃菜。口感爽脆帶少少甜，配合炒香了的雞肉和醬汁一齊食就是美妙的配搭泡菜牛肉煎餅這個是用木板上的，感覺好像食薄餅一樣。煎餅入邊有泡菜，椰菜絲，牛肉等。本身對這個沒有什麼特別期待的，但係食完之後就覺得這個是全晚最有驚喜的菜式最主要令我們喜愛的是它不會是一團厚粉的煎餅，吃下去的時候，你會感受到滿滿泡菜,椰菜絲牛肉的口感麵粉的作用只是將這些材料黏在一起。吃完整個煎餅你不會覺得好飽滯的感覺飲品方面也是有很多創新的選擇，其中有個羽衣甘藍雪梨沙冰就好好正。羽衣甘藍本身味帶甘苦，但有清甜雪梨的配合就順喉清

今日路經青衣城見到有一間新開嘅韓國餐廳，裝修幾靚仔，而且係分兩邊，一邊係素食半自助餐，一邊就係好特別嘅韓國野。對於我呢個食肉獸，當然就係揀散叫果邊。打開menu，好多選擇，咩都可以自己揀。先點個傳統石頭鍋飯，揀左春川辣雞，仲可以加配其他配料，我地就加左粟米同菠菜。韓式傳統又點會少得炒粉絲呢，所以叫左個豬肉炒粉絲呢D澱粉質嘢。潮流興食炸雞，我地都叫返一座炸雞山先（青檸牛油果麻藥炸雞），再加一個泡菜芝士豬肉卷，同埋一個牛蒡凍豆腐。食咁多炸嘢，飲品就叫返杯健康嘅羽衣甘藍沙冰。（沙冰應該都係健康，除非唔係）石頭鍋飯熱辣辣，再加韓式辣醬，撈一撈，攪一攪，非常好味，咁多蔬菜好健康。辣豬肉炒粉絲唔會太辣，味道啱啱好，粉絲好彈牙，只係略嫌豬肉肥了少少，無咁健康，但其實好好味，好邪惡。極度邪惡嘅炸雞山出場。炸雞外脆內滑，牛油果醬好特別，帶少少酸味，同炸雞好配合，根本唔洗再點佢配嘅韓式辣醬，己經好夠味。泡菜芝士豬肉卷其實外面係腐皮，裡面有芝士泡菜豬肉，非常好味，腐皮好脆，裡面仲有肉汁同芝士，唔會好乾。鍾意食辣嘅，可以點埋辣醬，更加惹味牛蒡凍豆腐根本見唔到豆腐，一大堆牛蒡蓋住了豆腐。牛蒡係一樣好健康嘅食品，