114
11
15
港鐵青衣站 F 出口, 港鐵青衣站 G 出口, 港鐵青衣站 A2 出口 繼續閱讀
電話號碼
31059836
開飯介紹
韓式火鍋自助餐,亦有韓式料理、炸雞、自製石頭鍋飯等自助熟食區。人蔘雞火鍋湯底 有完整一隻雞在內,有蔘味而且雞身裏頭釀有糯米飯,非常入味。 繼續閱讀
付款方式
AlipayHK 支付寶 現金 AE 銀聯
座位數目
104
其他資料
Wi-Fi
酒精飲品
VIP房
電話訂座
加一服務費
任食火鍋
當面支付
食評 (170)
等級1 2019-03-03
300 瀏覽
預約為生日慶祝的,到了問有什麼生日優惠,侍應們不清楚,叫經理來,那位恐神惡煞的經理同我地講生日優惠要兩日前比訂金$200 ,先會有一個所謂嘅魚生飯,如果冇預訂依家可以比$100先會有一個免費生日魚生飯,因為啲材料好貴個喎!唔知以為幾珍貴! 咁就唔好寫住免費啦!問個經理多句,又話自己係打工唔關佢事架!啲嘢難食不在話下,啲位又窄,冷氣又唔夠,侍應態度差,仲要倒瀉野連道歉都冇句,個經理不斷喺度鬧啲新來侍應生,一碟肥牛來三小片, 食物選擇一般,味道新鮮度又唔夠,咁寒酸,咪鬼學人搞放題火鍋啦!老實,我地在大快樂火鍋都開心d! 平心已論,喺青衣大商場呀,做食物的都是半個良心事業,俾啲質素啦!所以真係恭喜佢結業啦!仲要執得咁快,開始食已經預咗佢會執啦!令一邊仲學人搞素食, 算吧啦!有冇心做好食物,黑心淨係賺錢,聰明的消費者睇唔到㗎咩!呢度係香港! 不如返去羅湖商業城開啦!總括而言,貼錢買難受,不知所謂!最慘剛去完日本旅行乜都好好食,剛回港就食到呢啲垃圾,真係覺得好難受! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-03-03
199 瀏覽
之前見到啲相關介紹,火鍋加炸雞好想試下,終於有機會。1)食物質素普通。不過炸雞有好多醬點真係好特別,試左士多啤梨韓式醬,幾好食。朋友都讚啲雞炸好脆。2)朋友話個價錢平。二百蚊一個人3)到晚上九點尾收晒啲雪糕同棉花糖,同行既小朋友好失望,點解唔一早話俾食客知?甜品得麻糬🤦🏻‍♂️4)服務真係好差,女侍應黑口黑面都算,佢講無一個字我係聽到,一串發音了事;坐左半個鐘行過黎俾張單話「last order」😱。問女侍應我幾點入座,佢諗都無諗「我地個電腦提我,一定係由您入座開始計,無錯架啦」;簽完張單先發覺收多左我一個人錢,佢話「頭先問您地您地話七個人」我五大一細您眼望我眼,小姐您問左邊位?再三追問女侍應先死死地氣去check個電腦,另一個男侍應「唔好意思,我地攪錯左,張單係隔離枱,剛才簽嗰張單取消左」😡最後埋單,另一女侍應一見到張信用咭「我地唔收信用咭,請俾現金」😱有無咁離奇?有咁既服務加無乜特別既食物,我下次真係唔會去 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-02
128 瀏覽
見間點開咗,咁耐以前淨係以為食素食,點知原來有自助餐,都幾抵食,就係試下啦,點知中曬伏。諗住慶祝,餐廳冇得訂位,咁就walk in啦,之前已經做曬準備,影曬餐牌,好期待,點知入到去可以係另一個價錢。店員話 小一的小女高過120cm,要收成人價,已經有點奇怪,但由於價錢不貴,都算數。入到去睇餐牌, 原來只有90分鐘,同寫明130cm以下有8折, 就問清楚店員,店員回覆個餐牌係錯的,要睇出面嗰餐牌。 我就出去睇個餐牌,點知冇註明高度120cm收成人,亦冇寫90分鐘。只有宵夜餐牌有寫120cm. 但只是宵夜, 叫佢改返啲錯誤嘅餐牌佢話整緊,但俾錯誤訊息人係呃人,所以我都註明呃人好多次。旁邊小朋友是幼稚園都叫佢出去度高,原來咁執著120cm要收成人價,120cm只係小一。後來都俾番130cm 8折我,但都已經成肚氣。最想食朱古力火鍋,壞咗好在仲有棉花糖機,真係有技巧才整到。首先一定要熱咗機,筷子中間拮粒棉花糖,棉花糖機中間轉轉轉時加糖,但會飛哂出來,小心衣服及眼睛,等佢熔到差不多又要加糖才會多絲。而我想要白色棉花糖,唔駛七彩色素。食物都幾多種類,幾有心思,但指示很不清楚。有整石頭飯, 成日見啲配菜要加熱,但係唔知點樣加熱 ,原來係要攞返自己枱。旁邊有相連的餐廳,都好像自助格局,想走過去望一望,點知店員會同你講: 那邊素食店是唔包自助餐的,原來不清楚行過去看一看都唔得。不過都有一個勤力的哥哥。到畀錢時又遇到問題,原來信用卡機壞咗 ,所以隔離枱的內地客差啲畀唔到錢,因為信用卡機壞,支付寶壞,要佢畀現金,幸好最後支付寶好返搞掂咗。我們經歷信用卡機壞,但後來都搞掂,但點解要咁多野壞來令客人咁出乎意外呢?雪糕機得一格可以出雪糕,其餘都出水,又冇著名用一格。而且啲新碗碟放得太低,衛生都好有問題。火鍋料好普通,但湯底幾好。炸雞幾好但可以雞粒方便試多幾種醬料。總結食物好多種類有心思,但管理好有問題,指示誤導。希望改善。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-02-22
134 瀏覽
下午茶時間,門口 Reception 掛住玩手機,完全唔理你!入到去態度更差,直頭係想趕客,好耐未見過咁嘅人/服務態度!唔想做可以唔做,冇必要幫公司趕客!奉勸大家,冇必要最好唔好去。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-02-22
117 瀏覽
成日行過,今日同同事食下門口個韓風靚仔職員,企正係面前,聽到,但無反應,只隱隱約約聽到一個!哦!字落單又係哦,另一位女職員,送野食黎放放左係無人坐果個位就走,問一問佢呢個係乜黎,明明聽到,回頭望一眼繼續反方向走埋單女職員態度好小小,找錢黎都係放底就走去食飯,講到尾都係食物質素,食物質素不過不失,但咁嘅態度,仲要收加一,普通荼餐廳都可以好過佢好好多,以後請都唔食 繼續閱讀
(以上食評乃用戶個人意見 , 並不代表OpenRice之觀點。)