樓下冰室

營業中

休息中

港式茶餐廳就是要有茶餐廳的風味，呢間餐廳真係完全有港式茶餐廳都好有格調。一到晚市時間已經有大部份人入晒座啦！證明大家都好愛呢間餐廳。而餐廳裝潢都富有香港情懷，例如舊式嘅檔鋪等。先點了小食一份，是一口芝士喔。外型有少少似一粒粒的象棋，配合埋沙律醬都好鮮味，而且都好彈牙。咬落去真係有芝士係入面，而口感就係魚旦的感覺，但就充滿了芝士。其實可以不斟醬的，因為都一樣出色。另一款小食當然是瑞士雞翼了，應該是這裡的招牌菜式。雞翼的肉貿嫩滑，配合埋瑞士汁，甜而不膩，而且雞翼都好大隻。主食來了，身為香港人，置身港式冰室，怎能沒有叉燒滑蛋飯呢？果然沒有令我失望，這裡的叉燒與蛋的配合都好夾，炒蛋非常滑，而叉燒是半肥叉。值得推介冰室怎應不試菠蘿冰呢？菠蘿冰非常冰凍，而且粒粒果肉，絕對新鮮解渴。

聽朋友講係路德圍嘅樓下冰室吾錯，由於比較遠，一直未抽空去試。分店係荃薈商場新開張，而家落樓下附近就可以食到喇。係咪冰室代表懷舊呢！？連裝飾都採用懷舊look，似曾相識。吾知孖住書包嘅學生哥又感吾感受到呢？😳食客都好捧場，7點未夠已差不多滿座。維他奶樽形裝住胡椒粉，好cute呀。自家製叉燒滑蛋飯見到#自家制#三個字，吾使諗一定要试，原因好簡單：食物味道獨家炮制。嘩！份量超大碟。叉燒半肥瘦夠腍，蛋夠嫩滑。再加上蔥花香味，令味道提升。火腿奄列配蒜茸多士幸好點了個輕盈美食。焗到金黄香脆嘅巧多士抹上蒜茸，暖暖的，啖啖充滿蒜茸香味，好有口感。蛋同樣嫩滑juicy。熱可力+華田脆脆飲埋杯餐飲，飽飽的，大滿足！餐廳係蕃茄湯🍅🍅.瑞士雞脾🍗🍗專門店，揾日要來試試。

樓下冰室早排係荃薈商場開咗分店, 係熊貓酒店對面, 位於荃灣鬧市, 交通非常方便。聽聞佢嘅自家製瑞士汁非常了得, 今晚就同老公去試個究竟。店舖尚算闊落, 而且裝修頗有懷舊 feel。ˊ要了ㄧ份招牌瑞士雞髀及焗鮮茄豬扒飯。雞髀大大隻, 食落啖啖肉, 用自家製瑞士汁去煮, 非常入味, 蒜茸牛油脆豬仔包焗到金黃色, 十分脆口, 加上蒜茸及牛油的香味, 正, 粟米什果沙律細細兜, 份量啱晒我, 又唔會太多沙律醬, 比例啱啱好, 我食得出有新鮮蘋果粒。焗鮮茄豬扒飯, 嘩, 碟飯份量大到差不多夠兩個人食, 真係第ㄧ次見咁大碟嘅焗豬扒飯。茄汁唔會太多, 但豬扒嘅份量又好多喎, 而且非常淋, 上面有ㄧ層芝士, 十分香口, 個炒飯底也不錯, 唔會太濕和鹹。最後要了ㄧ杯忌廉紅豆冰, 你睇下 d 忌廉多到幾吸引, 漏晒出嚟, 侍應ㄧ放低我已即刻啜了幾啖先, 嘩, 正到暈呢!

小妹一直對冰室茶記都不太感冒因為覺得污糟唔企理男友食過呢間之後明知有呢個前題下都冒死極力推薦我黎呢一間食今日一試，果然不負所望---好懷舊既裝修而且成個環境都好企理好舒服招牌瑞士雞髀配沙律$42當然要先黎一個招牌瑞士雞髀啦呢到既雞髀果然不負招牌菜之名上台已經聞到好香既豉油味而淨係聞都已經聞得出唔簡單因為佢除左豉油味之外仲有好濃烈既其他香料味真係未食都已經流晒口水雞皮已經滷到入晒味而且雞肉亦唔會老入口果陣食到陣陣既豉油香之外仲有各種唔同既香料衝擊味蕾果然唔簡單淨雞髀$28因為太好食既關係最後仲加碼叫多隻淨雞髀火腿奄列配蒜茸多士$33火腿奄列仲保留到少少蛋汁食落去有蛋香唔會有蛋腥味，證明用料靚而且都幾大份蒜茸多士整得非常好好香脆蒜茸味都十足秘製香蔥豉油汁飯（香煎雞扒＋香煎蓮藕肉餅）$48幾有驚喜既一個飯香蔥豉油汁應該都係返招牌瑞士汁所以質素已經有保證先最大驚喜係蓮藕肉餅外層煎到金黃香脆而入面既蓮藕爽脆清甜令原本以為平平無奇既肉餅變得豐富加上本身肉餅調味岩岩加配埋一絕既招牌豉油汁淨係食呢個已經值回票價雞扒都煎得唔錯入面都幾嫩滑什菇蛙蛙菜$33食飯又點可以冇菜呢份量都幾足，菜都好新鮮飲品都唔錯

出去荃灣做完嘢，之後喺附近食嘢，見到樓下冰室裝修幾別緻，所以入咗去。餐廳入面用咗香港街景做主題，裝有香港特色嘅招牌，連路邊嘅欄桿都安裝，帶外國人嚟體驗可能都唔錯。當時大概下午6點15分，茶餐廳竟然仲有下午茶供應！主要係各款麵包類，例如豬仔包、三文治、多士、西多士、熱狗，另外有餃子，同埋佢哋嘅招牌瑞士雞髀等等， 一啲都唔單調。 除咗下午茶餐外，有唔少其他選擇，例如有佢哋嘅招牌蕃茄濃湯通粉配牛乳炒蛋。由於仲有下場，所以揀咗個下午茶餐3號：厚切牛乳炒蛋治。其實真係冇咩花巧，好純粹嘅一個蛋治，當然係名副其實炒蛋炒到好厚，而且口感好滑！麵包冇烘底，感覺冇咁熱氣。呢個餐本身有包咖啡或者茶，凍飲加三蚊，特色飲品加十蚊。揀咗個紅豆冰，少冰，味道甜而不膩，控制得幾好；紅豆份量十足，可以 過口癮。埋單只係36蚊    。

今(4-11-2018 Sun)朝同老公去AEON買o野前食早餐,我帶佢o黎呢間食,我o地去到係有位,但冇人帶位,我o地企o係o度一段時間都冇人理,係人手唔夠,卒之有個亞姐執近門口o既枱,我就嗌佢,唔知佢扮聽唔到定專心,我行埋去問佢使唔使攞位?佢答唔使.但之後有另一個女人離遠問我o地幾多位?我答兩位,佢就叫我o地入去.之後我留意到,係要等安排.睇完冇乜選擇o既menu 後,我充決定要$31.00o既E餐,腸仔,火腿奄列多士,要熱檸水.老公要$31.00o既F餐,鹹牛肉芝士炒蛋脆豬包,飲熱奶茶.落完單,兩杯o野飲到o黎先係必然,我嗅到奶茶香味,等多一陣,我o既腸仔,火腿奄列多士到o黎,大大份,冇耐,老公o既鹹牛肉芝士炒蛋脆豬包都到,就只係一包.開動喇,我o既多士係好厚o既蒜蓉牛油多,脆同蒜味好濃,過o左少少火;腸仔正常冇問題;火腿奄列冇過火,仍有蛋汁;熱檸水有少少澀.老公o既鹹牛肉芝士炒蛋脆豬包呢?豬包係脆, 鹹牛肉+芝士=鹹上加鹹,呢啲正常不過.味道: 3.16分抵食係2.5分環境:今次坐o既位窄啲,但可以影到佢o地懷舊同特別o既裝修,而原來鹹檸七o既扣牌會著燈.上次食評: https

喜見大窩口出現樓下冰室，對正荃灣熊貓🐼酒店，愛人同我一於入去食個晏，一坐底當然食樓下冰室五星推介特色蕃茄濃湯通粉配牛乳炒蛋，蕃薯茄濃湯帶甜，通粉比起其他一般茶餐餐嘅通粉要細粒，食起上嚟QQ哋，口感非獨特，加埋大大隻瑞士雞脾，成個餐加埋嘅分量，真係唔細；平時去荃灣嗰間，愛人都必叫金牌咖哩牛腩飯，嚟到大窩口新店佢都話要食，想食下係唔係一樣，咖哩膽有少少出入，同樣好味，係個牛腩炆得唔夠淋，最後嗰舊見佢放棄左，不過薯仔連汁都無得留低；炸韮菜餃子，$33有八隻，size唔細，食得韮菜餃，主角一定係韮菜，至怕D韮菜餃豬肉多過韮菜，樓下冰室就好正，韮菜餡多，咬落脹卜卜嘅炸餃子，入邊大部份都係翠綠又香嘅韮菜，美中不足只係餃子皮比較厚；餐飲加左少少錢升級變特飮，因為話梅柑桔蜜及華田脆脆真係好好飮🤤

尋晚經過開大窩口，見到有間冰室裝修得幾靚又幾光猛，自己一個人就去咗食晚餐，餐廳嘅環境幾乾淨企理，見到招牌寫住最出名就係食瑞士雞翼同埋蕃茄通粉，係好適合一個人嘅晚餐而且餐廳掛滿左一啲香港獨有嘅指示牌、廣東話諺語等等，好有香港地道特色餐牌都算有幾多經典香港茶餐廳嘅食物選擇，例如炒蛋、多士、焗豬扒飯、肉醬意粉等等，而且價錢親民我首先叫左個套餐，其實會包一碗蕃茄通粉配牛乳炒蛋，再可以加其他餸，例如吉列豬扒、餃子等等，我就揀咗最出名嘅瑞士雞翼瑞士雞翼嘅色澤好靚，令人好想快啲食，跟餐嘅話有兩隻，份量啱啱好，瑞士汁甜甜地配埋雞翼好夾而蕃茄濃湯通粉真係好真材實料，因為食得出冇乜味精，而且有好多蕃茄肉，湯底好濃，好似食緊蕃茄咁而炒蛋亦整得好滑，成個通粉感覺好健康飲品方面就揀咗杯凍嘅紅綠椰冰平，時茶餐廳多數都係得紅豆冰嘅選擇，今次特登試吓呢個特別嘅組合，結果發現紅豆綠豆同椰汁嘅配搭好夾，大家可以試吓呢個新選擇啊，跟餐嘅話飲品仲有半價令人滿足嘅一人晚餐！埋單都係60幾蚊，好經濟實惠，而且職員嘅服務態度好好，招呼周到，以後去冰室又有多一個選擇啦

悅來坊附近越來越多新食肆今次光顧呢間 樓下冰室 喺荃灣路德圍 有分店，都幾多人去吓， 不過一直未有幫襯。 今次夜晚經開呢個荃薈商場， 見佢新開張無耐， 就入去幫襯下。內裡裝修企理， 玩懷舊風， 兩個人嗌咗 :1、咖哩牛腩飯咖哩汁好傑身， 唔係水汪汪， 又冇好似出面嗰啲有層油咁樣樣咁肥， 少少辣，個辣味恰到好處，而啲牛腩就又腍又好味； 2. 黑椒牛扒腸仔飯 。味道ok ，牛扒薄薄地 ，唔韌。 勝在夠多汁撈飯， 叫做比快餐店好食少少。兩個飯都係半價加$8有凍飲香港百物騰貴， 食肆苦心經營，有好大部分收入都係交咗畀大業主同裝修師傅， 所以而家搵間較為企理嘅食肆， 五六十蚊食個晚餐係閒事

<分店第一家>講咗好耐8月開分店嘅呢間舖頭，終於有機會去到食啦。 我冇記錯呢個係佢哋第一間嘅分店，期望樓下冰室會衝出荃灣。<新店 PK 老店> 58hkd舊嗰間樓下冰室食咗好多次 ，新店嘅招牌蕃茄牛肉通水準同埋舊店相比， 可以話完全冇分別，都係貫徹咁優秀嘅水準。 至於個蕃茄牛肉燴意粉，除咗牛肉多，番茄味濃， 番茄醬底嘅唔淨止得番茄的味道 ，估計用咗某一啲食材去調整， 完全唔會覺得有單調感覺。58蚊跟餐有另外一個餸，呢度招牌係滷水雞髀冇理由唔食。 都係同創始店一樣味道咁好，鹵水味非常之濃郁。特別一提嘅係佢哋嘅份量，兩個人食都夠飽。< 厚蛋治 > 22hkd成個一蚊銀咁厚嘅雞蛋三文治，口感唔會老，極之嫩滑， 要做到呢個層次嘅蛋治好考功夫，遠超一般茶餐廳普通三文治水準。< 紅豆冰 / 奶茶 > 跟餐有discount<性價比高>同舊果間價錢差唔多，一人75hkd 又好好味又健康。好味性價比較高嘅茶餐廳係香港買少見少，大家得閒都嚟支持下

大窩口黎講，都唔太多野好食，有日行過見到新裝修好，仲好多人排隊，位置其實係之前沒落左既陽光餐廳，就喺悅來酒店出口對面，為食既我，又係時候試下味~如標題所講，非常入腦，因為佢好有心機裝左個懷舊既裝修，玩味，特別，等位位置仲有個巴士站牌幾得意，不過唔記得影😂😂黑椒汁牛排腸飯我叫左個是日既午餐，食茶記我一定會試水吧野，咁可以睇得出佢既定位同誠意牛排無乜問題幾好食，腸唔洗講，汁帶點酸，同唔太夠，不過我問靚女攞佢都好合作，整體都70分常餐，茄牛通，炒旦睇餐牌佢呢個好似主打，焦點係個湯，係幾好味，不過其他野一般。。。點埋價錢就中規中矩，都係食個環境多，都會試下佢啲炒野睇會唔會有驚喜，侍應生服務都ok既，不過人多或者會要等等位

原本星期六放假諗住去這間茶記食個豐富早餐, 點知換來一肚氣,  令我決定要寫我第一篇食評.大約11點去到, 見到門口沒有人排隊,都覺得奇怪, 仲可以自己揀位, 沒有無良侍應迫坐埋啲山旭旮位, 就行去近窗邊的4人位坐低. 落單後不久有位女士坐我斜對面, 侍應放低一碟牛油豬加炒蛋就走, 無話這碟喺我或那位女士, 我問女士佢話唔喺佢我就取過來開始食用. 我食法喺將一半蛋放在牛油豬上食, 其餘一半放到蕃茄通上面食.  此时, 另一碟同樣牛油豬加炒蛋又送到我哋枱上, 但其實那女士喺要牛油豬加煎雙蛋. 個女士話佢唔鐘意食炒蛋但佢又唔喺幾好意思換, 聽佢咁講我就見議佢唔想食無謂勉強自己, 佢都認同就叫個侍應過嚟話佢聽嚟錯咗要換. 個女侍應一手攞走碟嘢就走, 擾攘一輪我哋開始食, 個女士食到一半同我講啲個包同碗通粉都好咸, 問我覺唔覺, 我仲食緊個牛油豬都覺比之前嚟食咸咗同無咁脆, 不過尚可接受. 跟住再試個蕃茄通真喺好咸, 就叫個侍應埋嚟, 叫佢叫廚房加滾水溝淡啲湯. 結果佢哋送番碗新整通粉過嚟, 但我啲蛋就唔見咗囉. 我都算喇, 費事同佢哋啲無禮貌侍應多講點知這時個女士食咗大半就起身去埋單, 我仲

如果將香港所有的冰室加埋一齊，我諗d企鵝已經可以移民來港了。雖然周街都係冰室，但唔係間間都有品質保證。夜晚去開荃灣買嘢，見到新開張的樓下冰室立刻入去食個晚飯。之前已經在路德圍吃過原店，食物質素確不錯有新店當然也要試試。這冰室特色食物都唔少。其中出名應該是瑞士雞翼, 濃番茄湯底滑蛋螺絲粉。點了濃湯番茄配牛肉和菠菜芝士，蕃茄湯底夠晒蕃茄味但又不會過酸和過咸，最緊要湯粉來到時還是熱辣辣的。牛肉有質感有咬口，不是梳打粉牛肉。朋友叫了雞扒蓮藕餅蔥油飯蓮藕餅味道很好，肉餅鬆軟但一點也不漏。招牌瑞士雞翼真的要推介。吃過外面很多瑞士雞翼都似滷水雞翼，但這間瑞士汁很正宗，帶甜而且香濃，本人連吃了兩隻也覺好味。飲品也很特別紅豆奶茶味道原來很夾，下次可以試埋紅豆咖啡！

早前得悉>>>樓下冰室<<<在荃薈商場開了新分店；這天因事到荃灣一趟，順道幫襯支持。 這間分店裝修很有特色，以香港街景招牌作主題。 以前，在>>>路德圍<<<，已經品嚐過樓下冰室美味的蕃茄濃湯通粉。今次去新分店，也能在餐牌上找到這熟悉的菜色。 但既然一場來到新分店，當然要試試其新菜式，所以今次揀了吉列豬扒配厚切牛乳炒蛋治及粟米雜果沙律(HKD53)。雜果沙律以透明膠盒獨立包裝，勝在方便；可是，膠盒是即用即棄的吧？雖然方便，但不夠環保了。 炸豬扒原塊上碟，好大件！豬扒新鮮炸起， 既香又脆，熱騰騰的，非常美味。用料新鮮，油炸時間控制得宜，保留肉質的鮮嫩口感。 厚切牛乳炒蛋治名副其實，非常厚身；細滑的口感，溫暖的一口，上佳的享受。 凡點湯粉、麵或飯，可按餐牌標價半價追加飲品。選了新鮮菠蘿冰(原價HKD22)，果肉確是新鮮，好想讓人一吃而盡喲。甜度控制得宜，飲得開懷。這是少冰，但冰粒阻擋了匙羹盛起菠蘿肉進食的過程，有辦法解決嗎？ 這份食物已經令我很飽，不過心情太好，追加了一份小食炸海鮮芝士豆腐(HK

今日生日小聚會，當然就去我同朋友都好就腳嘅荃灣區啦，我哋都好鍾意食這間的瑞士雞翼，佢開咗新嘅分店係熊貓酒店附近，所以我哋就諗住今次試新店，結果沒有失望，都有驚喜。入到去不同嘅裝潢都十分之懷舊而且新舖更加大，可以容納更加多人，可以不用等位就可以入座。今次我就叫左我最愛的瑞士雞翼加沙律和薯角，一個娃娃菜和一杯華田脆脆。瑞士雞翼入味又好淋身，但又唔會太咸。沙律第一次在這裡食，味道都唔錯，唔會好多沙律醬，岩我。薯角夠熱又脆，再配杯濃郁華田和增加不少口感的脆脆，勁滿足。娃娃菜都十分鮮甜份量大，而且上面仲有不少菇好味道夠入味。