樓下冰室

營業中

休息中

係大窩口熊貓酒店附近竟然有一間裝修好特別既冰室，掛滿各式各樣老香港既店舖招牌，走偽懷舊風格既冰室。一入黎已經比呢d招牌吸引住，好好影好特別，連欄杆都有。餐牌寫明不含味精，呢度最出名食瑞士雞翼，瑞士雞脾，蕃茄湯麵。兩個人叫左瑞士雞翼飯，瑞士雞脾蕃茄濃湯通粉配牛乳炒蛋，紅豆奶茶，華田脆脆。瑞士雞脾一黎到已經好香，d汁係重點，好惹味呀，d汁岩岩好夠我食哂個雞脾。配埋蕃茄濃湯通一齊食，個蕃茄濃湯底好濃味，好重蕃茄湯底，唔會又淡又無味，好味。通粉入面仲有牛乳炒蛋，好豐富。而瑞士雞翼飯，估唔到係全翼呀，仲有3隻添，我覺得算多了，有3隻全翼。 個飯仲有少少葱油，配埋d瑞士汁撈飯，超正。不得不提個紅豆奶茶，平時普通茶餐廳都係得奶茶飲，呢個紅豆奶茶，估唔到佢好有奶茶既香，仲有紅豆食下，好夾，我幾鐘意飲喎

去荃灣路過樓下冰室，好想再試佢哋好出名嘅番茄濃湯通粉配牛乳炒蛋，於是入去開餐。入面燈火通明，但燈光唔會太過「殘」眼，有種好有活力嘅感覺；配合非常有香港特色的裝修，連日本遊客亦來光顧！侍應姐姐用流利英語對答，大概就係體現香港好客之道。蕃茄汁比較杰身，但亦因為咁樣，保溫會做得好好，非常熱辣辣，食到最尾都唔會好快凍咗；配合新鮮蕃茄肉，茄味茄香出曬嚟。牛乳炒蛋夠嫩滑，恰到好處。通粉軟硬適中，烹煮時間剛剛好。冇加額外味精，食完唔會口乾。額外加咗個小食，係炸韭菜餃子。一客有五隻，都幾大隻，唔會因為係跟餐而偷工減料。剛剛炸起，香脆非常，韭菜味亦都夠濃郁。想添加層次的話，可以點沙律醬，更加開胃。熱飲免費，揀咗熱菜蜜滋潤一下乾涸嘅喉嚨。一般熱飲都係用咖啡杯，細細杯，但呢一杯菜蜜都相當大杯。埋單50蚊，抵食！

今日去荃灣探朋友順便食個午餐，見到哩間樓下冰室裝修及人流唔錯便等了一陣位入去，我和朋友都點了樓下精選餐，當中包括:一個自選通粉、火腿牛乳炒蛋、蒜蓉牛油脆豬仔包及飲品或鮮茄濃湯，餐廳內的佈置很懷舊精美，很有六、七十年代的感覺，餐台以卡位型式排放，餐椅是用了小學年代的木板櫈，加上還有吹波膠、小食和汽水售賣，甚為特別，食物味道和水準都非常之好，加上算經濟，值得再去。

樓下冰室係荃灣有兩間分店，呢次就係荃薈呢間食個lunch。其實呢間都唔係第一次食，今次去到發現佢窗口加多咗窗簾，幾貼心，因為之前有唔少位曬到好辛苦，依家坐得舒服好多！佢有lunch menu，好似一般茶記常餐咁入面有一碗麵，炒蛋，火腿，包同野飲。不過佢有得簡佢出名既蕃茄湯底！個餐有既野食都幾多再加上分量唔少，所以一定夠飽。佢既蕃茄麵湯底好濃郁，每啖都係滿滿既蕃茄味，滋味十足。而個炒蛋都整得有水準，煮得啱啱好。

這是一間大口氣的新店，號稱自家的番茄湯地表最强，是猖狂還是自信呢？為了尋求答案，决定赴會一試。雖然餐牌有許多推介美食，但同枱三個人都點了番茄湯粉，可見其受歡迎程度。首先上枱的是番茄义燒fusilli，先淺嘗一口湯底，濃郁酸甜，卻還帶着家常的味道，質感不是稀淺的水狀，而是以番茄肉打成的濃稠果汁，令人出乎意料之外。义燒略瘦，雖然沒有肥肉的焦香，卻有原始的肉味，而且肉質不柴不乾，也是合格之作。然後是蒜蓉法包，相片中只是顯示了一半，因為太心急，未拍照前，另一半巳入了我的肚中。法包不再脆，但加了蒜蓉烘熱，非常惹味，也没有其他食肆搽滿牛油般處理，所以少了幾分油膩，蘸上番茄濃湯同吃，别具風味。再來是炒滑蛋，蛋没有過熟，但不算滑，可是加到番茄湯內同吃，就是平時在家吃到番茄蛋花湯的味道，自然樸實。中間有段小插曲，厨師上菜時忘了給兩片火腿，於是我便向店員查詢，店員連聲抱歉，並以九秒九的速度補回兩片火腿，態度真誠有禮，值得一贊。終曲以一杯熱飲作結，這是一杯充滿童年回憶的利賓納，平時巳經不多茶餐廳提供，即使有亦要另外加錢。但這裏卻是免費隨餐附送，相當慷慨！埋單44蚊，不算便宜，但值得！未試匀全地球表面的番茄湯

約左人喺荃灣食早餐，之前响荃灣路德圍呢間茶餐室食過嘢，都幾好食，原來佢地响荃灣同區嘅荃薈商場地下開左呢間分店，所以叫朋友嚟呢度食。入到裡面發覺呢間分店比起原鋪大好多，空間感十足，餐廳嘅裝修都喺走香港式懷舊風，現實中已經慢慢消失嘅霓虹燈相反成為呢間茶餐室嘅裝修特色。坐下來之後一人叫左一個早餐食，我叫左個雙併湯麵餐，可以喺沙爹牛肉丶火腿丶腸仔丶芝士腸丶午餐肉丶义燒丶煎蛋丶炒蛋丶五香肉丁之中揀兩款，我呢個食肉獸就要左兩份沙爹牛肉，湯麵就㨂左米粉，上枱時發現份量都幾多，沙爹牛肉啲醬汁濃度唔會太濃同埋傑塔塔咁，都幾好食。朋友就叫左吉列魚柳珍寶腸炒蛋，配蒜香牛油麵包，朋友想食煎蛋，所以叫左由炒蛋轉煎蛋，上枱時嘅意外驚喜發現原來喺流心蛋，正呀😋。

荃灣不嬲都出名多嘢食，特別係多特色嘅茶餐廳！😋今次介紹呢間專食蕃茄而出名嘅樓下冰室，做到嘅係無論早餐定係夜晚都係咁出色!!!😍😍😍早餐我特別推介佢嘅蕃茄濃湯通粉午餐肉配配豬仔包加炒蛋！佢個番茄濃湯真係好濃😋😋雖然食得出有好多茄高，但係都有真嘅蕃茄肉，都算係咁唔話得🙆🏻🙆🏻🙆🏻午餐肉都有四舊仔，都少有良心！個炒蛋唔會炒到好老都幾滑！😋個豬仔包幾脆，又有牛油，整體而言係唔錯嘅！仲送一杯熱飲！不過咖啡就唔太推薦啦🤦🏻‍♀️真係有啲苦🤦🏻‍♀️到咗夜晚，個人10分推介鮮茄焗豬扒飯😋😋😋真係即叫即焗!!!勁新鮮!!!豬扒好大塊😯😯😯上面林滿左係芝士同埋番茄醬😋😋😋個飯仲要係炒底嘅😋😋😋😋食到一半已經覺得好飽🙆🏻🙆🏻夜晚去食特飲仲有半價優惠!!!唔算好平但係性價比唔錯！

每次黎荃灣都覺得有好多好野食 平有平食 貴有貴食今晚一於黎懷一懷舊 呢間係新裝修既樓下冰室 環境真係好懷舊 坐位間隔 實用又舒適 我地兩個人 叫左兩個餐 一杯野飲冇誇張 真係第一次食咁濃香既蕃茄湯餐肉同炒蛋 呢個配撘 亦都係最有歷史既茶餐廳食物 呢個配搭 一流 又甜又多汁 正［冰室炒意粉 $48] 非常足料的炒意粉 有切片叉燒 有腸仔 有火腿 雖然冇乜外觀可言 但就真係好有自家飯的味道 其實我地蠢左 唔應該淨係食蕃茄類食物佢地d 雞脾都好吸引 下次必定會再來

一個平日晚上 放左工周圍行 食埋飯先返屋企行下行下見到間幾新潮既冰室玩味十足 就被吸引入去啦睇下餐單 發現出名既係瑞士雞 同蕃茄湯必點必試送餐都好快 而且做開街方生意 見到有熟客未出聲已估到食咩職員服務好好 上餐同時提示餐具位置先黎既係野飲 話梅柑桔蜜 酸酸甜甜咁 好醒晨之後雞脾都到 瑞士汁味濃 甜甜地雞脾好靚仔 成隻已上色加埋滑蛋蕃茄通 成個餐份量十足 隔離枱碟叉燒蛋飯都好大碟 店主好大方呢雞脾肉好juicy 好滑 加埋瑞士汁 好夾滑蛋同樣地都好好滑 唔會實的的蕃茄湯好濃味 仲有粒粒蕃茄肉 我飲晒成碗湯呢順帶一提 湯可以揀辣唔辣由於想食啲菜 所以再叫左芝士焗西蘭花滿滿芝士汁 熱辣辣芝士絕無欺場 唔係得表面食食下突然姐姐話有警察抄牌 問有無人揸車 有人即刻衝出去接返架車呢雖然該食客係一個人食 但姐姐唔驚走數仲用碟蓋住未食完既飯 超貼心透明開揚既格局 原來係咁用食完野成個人又暖又滿足呢間冰室 食物同服務質素高 值得encore

M先生以前已吃過樓下冰室的舊店，這次再來吃的是新店，裝修一樣別緻，食物種類和價錢一樣不變。除了一樣掛上香港舊特色的紅綠霓虹燈牌，還裝成馬路有各種路標，非常有趣。招牌瑞士雞脾 蕃茄濃湯通粉 配 牛乳炒蛋 (HKD 50) + 華田脆脆 半價(HKD 11)來這裡我當然吃招牌的蕃茄湯通粉，湯底果然啖啖濃味蕃茄和蕃茄肉，喝下不會很澀，也沒有我不喜歡的草青蕃茄味，加上中間牛乳滑蛋，又滑又膩，單吃通粉都吃不厭瑞士雞脾非常上色，所以很入味！雞脾大大餾夠多肉，肉又滑，真係忍唔住一啖接一啖！配粉麵飲品會有半價，我就試了杯華田脆脆，上面也是華田味的脆脆，建議不要先把脆脆拌勻，不然浸著就不脆，華田凍得來也很夠味。厚切豬扒拼煎雙蛋 秘製香蔥豉油汁飯 (HKD 48) + 忌廉紅豆冰 半價(HKD 14)M先生說很少地方已經可再吃到美味的香蔥豉油汁飯，他特別愛吃。豬扒大大塊，多蔥油撈飯，煎蛋亦是流心，拌在一吃非常好吃！忌廉紅豆冰，一大堆忌廉在上面，加上冰凍的紅豆冰，真是懷舊的味道。炸海鮮芝士豆腐6粒 (HKD 32)口感像魚蛋一樣，不過是軟綿版，裡面有淡淡的芝士醬，非常香口又好吃。西多士 (HKD 25)非常

心血來潮想飲奶茶紅豆冰，始於第一次是在路德圍個間樓下冰室飲過，就迷上這玩意，之前只飲過紅豆冰，估唔到奶茶同紅豆冰都可以溝埋，他們是處女座和金牛座一樣，是天生一對的。今次選擇去呢間新分店，因為落車行2步就到，門口又有車回家，方便過路德圍嗰間，一去到都幾驚喜，裝修好似去咗80年代，比夠店更加有特色，可以打下卡呃下like，但有樣嗰啲photo就唔方便擺上嚟。。。呢到全荃灣都知最出名係瑞士雞翼同蕃茄通粉，雖然係晚市來吃，都想點呢2樣，瑞士雞翼好入味，咸中帶甜，味道剛剛好，但係你要扮斯文嘅話就會食得好狼狽。蕃茄通粉的湯好濃蕃茄，仲有好滑的蛋佈左係上面，好香好吃。至於我最期待的奶茶紅豆冰，紅豆煮到林又甜，可以一口啜大大啖，有齊奶茶同紅豆係口裏面，口感一流😍

今日星期五，想食返個豐富D嘅早餐迎接週末，見到呢間新開嘅樓下冰室，裝修幾靚精緻走住懷舊香港特色風格，就走入去試試佢。選擇都好多，成九款早餐比人揀，其中有佢地嘅招牌番茄湯餐肉通粉或招牌鮮茄叉燒湯意粉就吸引到我。今早想食多D肉，所以點咗一個雙拼湯麵餐，揀咗叉燒五香肉丁公仔麵同埋熱奶茶。公仔麵我特別鍾意佢嘅湯唔太鹹，另外公仔麵新鮮煮熱辣辣很好味，質感的！配上地道的港式奶茶，香濃又滑，昵個朝早真的大滿足，醒精晒！下次一定會試下佢嘅午餐或佢嘅招牌番茄湯。$31的價錢，我覺得絕對ok啦～

見到咁靚懷舊式餐廳，好多回憶都浮現出黎。咁樣既冰室係香港真係越黎越少，裝修又靚，坐得舒服。叫左個叉燒滑蛋飯。份量勁多。食左一啖，個蛋炒得好滑。呢度既炒蛋真係整得好好。味道夠香，醬油唔會太鹹，同叉燒夾得好。一碟飯已經好飽好飽。諗起細個食碟頭飯，都係呢個份量，爸爸食3/4，四分一我食。依家到我食3/4，爸爸四分一。好有感觸，因為搵返當年回憶，同埋好味道。之後黎個招牌瑞士雞腿。雞肉有彈性，有水份，用好既雞。煮得入味。雞腿都好大。一個人食曬成個雞腿就係我細個成日做既野，今日分左一半俾爸爸，因為佢超鐘意食，只不過細個唔捨得買兩隻雞腿食。瑞士汁俾其他餐廳濃。甜但不膩。有陣甜既甘香味，好特別。再飲杯紅綠椰冰。天氣雖凍，但回憶溫暖。紅豆同綠豆撈埋一齊，加埋椰汁。好香又滑。飲得好有口感。今餐真係超滿足！價錢合理，野食份量多。

環境: 呢間樓下冰室是荃灣的第二間分店, 第一間系路德圍, 呢間系熊貓酒店對面個商場.而新開呢間比路德圍的那間大很多, 座位多了也較闊絡. 餐廳光猛舒服, 乾淨企理. 員工都好多, 服務都變得好有效率.食物: 其實都食過幾次樓下冰室了, 但新開呢間唔試過, 餐單比舊的那間多了一些, 除左招牌蕃茄湯餐和瑞士汁雞脾, 還多了不少新菜式. 由於之前食過佢個瑞士雞脾覺得十分不錯, 所以今次都想試試個雞翼. 見到餐牌有個自家製叉燒配瑞士雞翼, 聽個名都覺得吸引, 於是都無咩點諗就叫左. 首先, 瑞士汁雞翼水準同佢個雞脾都差唔多, 都好好食, 瑞士汁味道調得唔錯, 夠甜夠入味, 都對得住作為招牌菜既名. 不過要講到驚喜, 一定要介紹佢個自家製厚切叉燒, 叉燒十分大舊, 同個雞翼差唔多大. 雖然大舊, 但唔會太硬同好嫩, 燒得都好香好夠味, 我會覺得呢個絕對都可以變佢個招牌菜. 而且飯仲配上好多蔥油, 令成個飯更惹味.朋友叫了佢另一招牌常餐, 蕃茄湯通粉. 呢個如果未食過樓下冰室都應該要試試. 蕃茄湯用新鮮蕃茄煮, 味道濃和鮮甜, 雖然唔係真係好特別, 但都推介大家試呢個通粉.除左野食, 佢飲品都多

今日中午經過呢邊， 見到呢間茶記見佢裝修幾特別又乾淨企理，所以就係呢度食lunch。一睇個menu，就知佢應該主打蕃茄湯麵，中午時間有蕃茄lunch set，個set 仲包滑蛋、火腿同豬仔包。我就簡咗豬潤蕃茄麵同熱檸檬菜蜜。個蕃茄麵好濃蕃茄味，仲有啲鮮蕃茄係湯裹面，而啲豬潤都夠爽口好好味！個豬仔包有蒜茸係上面，好香又夠脆。滑蛋整得啱啱好，唔會over cook，而個火腿就正正常常，無乜特別。野飲方面，杯熱檸檬菜蜜都足料仲要幾大杯。