樂茶軒 (香港公園)

營業中

休息中

本人都幾鍾意樂茶軒，雖然茶位比一般酒樓昂貴，但實在喜歡位於香港公園及博物館內的茶館，特別帶遠道從外國回來的朋友前來品茗，素點心水準不錯，但份量亦較為小巧，來這裡還是著重環境較重要質素。

看過食評後，一直想來試試，約了好友在星期六下午來這裏試試，果然是嘆茶，有位服務員細心的為你沖泡茶葉，其間讓你聞茶葉的香味，真的有視覺和味覺充滿享受。來這嘆茶吃精緻的素食點心，實在既閒適又優雅。今天二人吃了八款點心，包括：梅菜乾蒸包、脆糯米卷、蘿白糕、炒烏冬、蒸甘筍餃、紫米糕、腰果糯米糍和奶皇燒餅，不過份量很細，故吃後仍不覺太飽。

這裡環境不錯，服務態度一流，員工都很落力地介紹及服務！但它的敗點反而是茶葉水準太一般，岩中蘭名字好但質素一般，有如一般茶莊幾塊錢一兩的水仙，單叢口味過淡，觀音及所謂五十年普洱真的有點過份。不過比錢買個地方暢談可以接受，茶葉質素應該不是應付我們這些茶人，而是鬼佬！4個人消費了300元左右，金鐘地方算不錯了，如重點放在品茗就要考慮。

多得舊同事介紹, 第一次我地兩個人walk-in...都無位!!第二次約夠8 個人book 檯, 去到叫晒所有available o既點心(每日都有不同的list, 約10種), 清清地都唔錯, 最記得個蘋果湯, 好似有肉煮的那種鮮味茶呢...每人一盅, 我點了鐵觀音, 無咩特別以為食齋會好快肚餓, 但去到8點幾都未覺~~

第二十八回——酩茶家鄉感覺濃源河山澗中我講過很喜歡香港公園的環境﹐有綠油油的大樹、清脆的鳥兒﹐水池上除了荷花外還有黑、白天鵝、大龜、小龜、錦鯉等等。又在一個Sunny Day﹐去樂茶軒吃頓舒適的午飯了。特意訂了一張塌塌米﹐以為可以很舒暢地伸展雙腳﹐誰知朋友的腳實在太長﹐既申不直﹐又曲不起來﹐頗為辛苦的坐了一頓飯。侍應的服務十分殷勤﹐由於我們是坐塌塌米﹐端菜和加茶都要除鞋後跪在檯旁﹐很有日式感覺。食物方面﹐跟上次的有近一半的點心是不同的﹐新加入了炒米粉和菜乾湯。另外素牛、荷葉飯、蘿蔔糕、腰果糯米則是舊有的。下面的食家說這裡不嘈﹐可能是以他/她一貫的標準吧﹐以我的標準﹐我覺得很嘈呢﹐好彩我們坐塌塌米﹐旁邊圍起了一張帳幕﹐算是自成一角吧。至於所點的茶﹐我對茶真的沒有什麼研究﹐但依然覺得非常普通﹐茶味不夠﹐我點的猴子搣﹐是綠茶的一種﹐水溫不能過高﹐所以要先加一點凍水﹐再放滾水﹐不過我覺得應該是將滾水放涼一點才泡會比較好。各樣點心未算味美﹐不過卻很清淡﹐吃滯了的話最好是用來消消膩了。智慧分享﹕「如果﹐全世界我也可以放棄﹐至少還有你﹐值得我去珍惜﹐全世界我也可以忘記﹐就是不願意﹐失去你的消息。」

(1/11/05)好朋友最鍾意歎茶,而我就鍾意食點心。這裡正是好地方。茶,基本是$28位,tea menu我地揀左兩款@$48,唔記得咩名lu。茗茶地方,當然有人幫泡茶,但那人一邊講解一邊o趙香口膠,有點兒那個o羅。點心紙有12樣o野,可惜最想試苦瓜餃,今晚無。鮮百合粉果,皮好lim,好軟熟;素片炒河粉,最出色,用素肉炒河粉,一點都唔油;腰果糯米糍,食得出唔係今日整的,因為硬硬地;粒粒蒸釀節瓜,好普通,津菜包,是叉燒包的包,餡都唔錯;頭抽鮮竹扎,竟然是生抽齋腐皮!熱辣辣的四片;脆皮糯米卷,腐皮包住糯米卷住煎,OK啦。點心唔油,即叫即蒸。走時侍應說,夜晚來好啊,好似包場咁,晏晝就好多人喇。所以來傾偈都幾舒服架。

今年我地4個女子來這裡飲茶，我是第一次來，入到茶館感覺好舒服，好有舊式傳統茶館feel，但好整潔，唔會好嘈。一坐低就問你飲什麼茶，係一人一杯咁叫，原來menu上茶的款式有很多，好多都唔知係mug，我就叫番烏龍，係用茶盅沖既，雞手鴨腳兼且極之怕燙手的我在沖茶時就好“le hair”。呢度點心款式唔多，我地差唔多樣樣都點，炒烏冬（的色既）、冬菇糯米容、荷葉飯、蒸粉果、蘿蔔糕、桂花豆沙包等，都好好食，亦不油膩。服務又好，周圍又唔會好嘈，值得再來。

目前為止, 到此茶館共兩次.. 十分享受..自問不懂品茶,卻喜歡茶..亦間中會學人買古怪茶葉回家.. 所以自光顧此處後,便念念不忘, 連續兩個星期天都成為座上客.茶館當然以賣茶為主.. 所以這裡除有多款茶葉外,茶具亦不少.. 反而吃之選擇不多,只有十款不到之素點心..紅,黃,花,白,黑,青,綠,各類茶葉均齊備..第一次, 我慕'大紅袍'之名, 點了一客嘗心願..結果不負我望, 茶香四溢, 甘醇味厚.. 第二次在被推介下點了岩中蘭, 亦見可喜..而且店內茶師不厭其煩提供泡茶知識及茶葉典故,使我這名初哥得以增廣見聞..其點心份量細, 無味精, 屬健康食物. 從造型款式上,看到心思.. 但味道真的十分清淡,絕非人人受落.. 煮茶, 配合清淡食物和清幽雅致之環境, 確有洗滌身心之效..此店位於香港公園內, 美中不足沒設露天茶座, 否則在鳥語花香下品茶應別有一番風味.

8-6-2005 1300唔係Miss果黎呢度小姐lunch，再這裡無論日間至半夜三更都經常路過都唔知有咁既好地方，可能對眼有問題掛，雖係素食，但只要好食就得。是日都搵左一陣先得，入到去時已見到lu姐及T小姐坐左係度，自己都急不及待點了普洱，不及蓮香好，但比一般的已經算好。我地點了蘿蔔糕、炒烏冬、冬菇蒸糯米容、荷葉飯、苦瓜餃、蒸果、素牛、黑芝麻包及腰果糯米滋等等。質素比一般既其實分別不大，唯獨是糯米滋味道突出及苦瓜餃不是度度地方都有，其間有講有笑，這樣又過左一餐快樂的午飯。

幾次的中午飯聚﹐最近我的地方就係呢度。我幾鍾意來香港公園﹐綠樹林蔭﹐遜步就已經遠離繁忙鬧市﹐非常寫意的感覺。我一直以為香港公園只有L16一家食肆﹐原來茶具文物館旁邊都有一家﹐但我總是覺得那裡不太適合做午市。每位客人可以叫一種茶﹐我要了個桂花唔知咩茶﹐看上去有點像烏龍茶葉﹐喝下去又喝唔到桂花的味道﹐除了沒有桂花的味道外﹐我亦唔覺得茶特別清香﹐單以我叫的這款茶來計﹐如果收28元就唔值得了。點心一共只有約十款﹐每款都叫了兩碟﹐雖然都係素點心﹐但味道各有特色﹐全部都是蒸的點心﹐不油膩﹐當中以炒烏冬最得我心。平時的烏冬略為硬身﹐咬落去成口粉﹐我會講Sayonara。今日呢個腍身還加了豉油來炒﹐沒有粉擂擂的感覺。這裡的地方其實幾雅致﹐還有兩張跪坐的矮檯﹐可是中午飯市個個都來去匆匆﹐很難可以細心品酩了。

平時搞開麻甩午聚，是日有女食友搞「小姐午聚」，見地點就腳，又來一下。呢度是牛油果的推介，位置在茶具文物館隔離，裝修非常古雅別緻，古色古香，單計環境，實在是一個不錯的吃飯地方。因為遲到，來時大家已吃得七七八八，唯有自行加單。這裡點心選擇不多，加埋甜唔都不過十來款。點了苦瓜餃、芹菜粉果、麻蓉包，亦有食友提供的糯米卷、素紮蹄、蘿蔔糕及炒烏冬。先叫個茶盅，要了鐵觀音，清香怡人，但同日中的工作心情不太配合，想如果假期來，腦海中沒有這麼多負擔，會有閒情逸緻去欣賞箇中好處。點心賣相骨子，味道亦不差。據悉全是素菜，其中以糯米卷最好味，亦夠飽肚；苦瓜餃餡出色，但餃皮硬硬實實的，差強人意；麻蓉包餡夠香甜，略嫌外皮做得不夠鬆軟；粉果熱辣辣不錯，算是幾好的點心；炒烏冬就遠離水準，烏冬腍得緊要，在座有不少食友也覺得自己炒得會比這裡好吃，難得的是，竟然還有一位食友覺得好吃，果真是「『冤』豬頭，也有『盟』鼻菩薩」。甜品試了幾款，馬豆糕欠缺椰奶，好像少了些什麼的；腰果糯米滋就不錯，Lu姐話齋，花生味好香，糯米皮又夠軟熟，雖然腰果味道欠奉，都算是一味不錯的甜品。服務不差，除了幫我落單的後生侍應是甩甩漏漏之外。埋單每人8

同事做東，請我同拍檔黎食晏，重叫埋老公做柴可夫，當然要奉陪啦！中午時份，落住微絲雨，緩步走入位於香港公園o既茶軒，感覺頗有詩意呢！入到茶軒，人客都相當多，我地亦只能訂到榻榻米座位，我等著褲一族自然冇咩所謂，做東o既同事亦好彩係著散裙，否則都幾難就座。四個人，各自點左茶盅，一位28元再加一，都算係合理價錢。一向喜愛烏龍，所以點左桂花單欉，貪佢幾清香。呢度o既點心來自志蓮淨院，所以絕對係全素o既。做東o既同事負責點菜﹝基本上只供應點心，所以正式黎講都冇「菜」叫﹞，除個赤小豆湯同咖哩鮮竹札外，樣樣叫齊。十款鹹/甜點心味道都唔錯，其中尤以百合芹香粉果、蘿蔔糕、素菜包、馬蹄糕同腰果糯米最好味：粉果皮厚薄適中，內餡好有芹菜香味，不過收口唔係太實，部份一夾就張開大口；蘿蔔糕好有蘿蔔味，質地亦剛好，而且煎得唔太油，配以唔係太辣、有少少甜味o既辣醬，都相當好味；素菜包外皮有彈性，內餡清而不淡，係我最喜歡o既一味；馬蹄糕顏色金黃，入口香滑清甜，好得；呢度o既糯米一向係我o既推介，外皮新鮮煙韌，內餡香甜，不過腰果味似乎唔係太出，都係花生餡最好味。當日有一味黑椒炒扁意粉，味道就真係好一般，冇咩黑椒味，意粉質地