影片
更多
2005-05-20
47 瀏覽
同事做東，請我同拍檔黎食晏，重叫埋老公做柴可夫，當然要奉陪啦！中午時份，落住微絲雨，緩步走入位於香港公園o既茶軒，感覺頗有詩意呢！入到茶軒，人客都相當多，我地亦只能訂到榻榻米座位，我等著褲一族自然冇咩所謂，做東o既同事亦好彩係著散裙，否則都幾難就座。四個人，各自點左茶盅，一位28元再加一，都算係合理價錢。一向喜愛烏龍，所以點左桂花單欉，貪佢幾清香。呢度o既點心來自志蓮淨院，所以絕對係全素o既。做東o既同事負責點菜﹝基本上只供應點心，所以正式黎講都冇「菜」叫﹞，除個赤小豆湯同咖哩鮮竹札外，樣樣叫齊。十款鹹/甜點心味道都唔錯，其中尤以百合芹香粉果、蘿蔔糕、素菜包、馬蹄糕同腰果糯米最好味：粉果皮厚薄適中，內餡好有芹菜香味，不過收口唔係太實，部份一夾就張開大口；蘿蔔糕好有蘿蔔味，質地亦剛好，而且煎得唔太油，配以唔係太辣、有少少甜味o既辣醬，都相當好味；素菜包外皮有彈性，內餡清而不淡，係我最喜歡o既一味；馬蹄糕顏色金黃，入口香滑清甜，好得；呢度o既糯米一向係我o既推介，外皮新鮮煙韌，內餡香甜，不過腰果味似乎唔係太出，都係花生餡最好味。當日有一味黑椒炒扁意粉，味道就真係好一般，冇咩黑椒味，意粉質地
中午時份，落住微絲雨，緩步走入位於香港公園o既茶軒，感覺頗有詩意呢！入到茶軒，人客都相當多，我地亦只能訂到榻榻米座位，我等著褲一族自然冇咩所謂，做東o既同事亦好彩係著散裙，否則都幾難就座。
四個人，各自點左茶盅，一位28元再加一，都算係合理價錢。一向喜愛烏龍，所以點左桂花單欉，貪佢幾清香。呢度o既點心來自志蓮淨院，所以絕對係全素o既。做東o既同事負責點菜﹝基本上只供應點心，所以正式黎講都冇「菜」叫﹞，除個赤小豆湯同咖哩鮮竹札外，樣樣叫齊。
十款鹹/甜點心味道都唔錯，其中尤以百合芹香粉果、蘿蔔糕、素菜包、馬蹄糕同腰果糯米最好味：粉果皮厚薄適中，內餡好有芹菜香味，不過收口唔係太實，部份一夾就張開大口；蘿蔔糕好有蘿蔔味，質地亦剛好，而且煎得唔太油，配以唔係太辣、有少少甜味o既辣醬，都相當好味；素菜包外皮有彈性，內餡清而不淡，係我最喜歡o既一味；馬蹄糕顏色金黃，入口香滑清甜，好得；呢度o既糯米一向係我o既推介，外皮新鮮煙韌，內餡香甜，不過腰果味似乎唔係太出，都係花生餡最好味。當日有一味黑椒炒扁意粉，味道就真係好一般，冇咩黑椒味，意粉質地似上海麵，好怪。此外，有個黑芝麻蓮蓉餡o既炸湯丸，個餡其實味道都唔錯，但外皮超級油，好唔得！
整體而言，呢度o既點心係有水準的，加埋盅茶，都食/飲得幾飽架！由於唔係我埋單，所以只能估計價錢，應該一人70元左右吧！
張貼