樂斯餐廳 (已結業)

樂斯餐廳，區內人應該好多都知這間有五十幾年歷史的餐廳，而我這好少來粉嶺的人只是剛好經過被她門外餐牌的一樣菜式吸引著而幫襯-咸魚豆腐煎肉餅。咸魚煎肉餅十分香口，也食到豆腐，如果可以多啲豆腐會更好。此外也叫了客家鑲涼瓜，涼瓜沒有走油(用油炸一炸）的，雖然顏色不是青綠色但更入味，鑲涼瓜也很大舊。兩樣餸都是即叫即煮，美中不足是白飯太淋身了。店主更有夏枯萎草送，甜度啱啱好，其實200字先可以評分實在太多了，一般人非打手吃一兩樣嘢邊有咁多嘢寫😡

第一次嗌 Roxy 樂斯嘅早餐，用 food panda 嗌。 原來［香菇雞絲］ 螺絲粉係少少辣，幾好味，好彩唔係嗌俾小朋友食。配埋煎蛋，有啲驚喜，我鍾意食半熟，蛋黃仍然流心。d 香菇雞絲都份量正常，調味幾好，惹味！奶茶就比較一般，茶味濃，欠缺奶香

粉嶺聯和墟呢間樂斯餐廳，我都幫襯咗好幾年，佢哋間中都會轉下menu，選擇都好多，地方唔係好大，應該係開咗好多年紀懷舊老店，裏面有大電視，有cctv影住條街，如果咁啱抄牌，應該都走得切，不過我未試過泊係出面入嚟食嘢，通常呢條街，都泊滿曬車好難搵位最近呢幾次我一定會叫呢個秘製麻辣雞扒飯，值得推介，佢嗰個麻辣汁個味道到我非常鍾意，唔係非常辣，食完條脷會有麻痺的感覺，秘製麻辣係唔同啲，佢好窩心將啲雞切開幾件，唔會好似出面啲餐廳一塊過，真心推介下次試食其他嘢食再分享

年初三又情人節 度度都冇開 捱下食貴野都冇辦法 🤷🏻‍♀️求其入一間都應該差唔多 搵間人唔係多 快食落單呀姐 十叫九唔應 叫左幾次落單先應 黎到仲要黎到話應左你 真係唔知佢點叫應 勁無奈 又冇隔開2人一枱坐違反限聚令差到極點

同事聖誕放大假，放假前諗住同佢去食某間餐廳，點知無開門，附近又間間等位喎，lunch時間緊迫，近近地去樂斯啦。講真佢又唔係差嘅，一般茶記囉，撘枱完對面走左，有人黎又話要讓張完整枱出黎，你搬到去另一張枱又有人無啦啦調位霸左張枱，樓面唔會理之餘仲串串貢無位你返出門口等下啦，大佬呀，我落左單㗎。終於有枱啦，但你個餐已經放左好耐，無乜食欲了。唔係同事話算真係想走左佢，調黎調去仲無啖好食。同事叫嘅鹹雞飯，雞無雞味明顯係雪雞，正常嘅，飯放涼左，旁邊有碟蠔油汁嘅物體，鹹鹹甜甜咁，我估係點雞醬，但個人黎講寧願要薑蔥蓉。自己叫左叉燒香蔥煎蛋飯，我呢碟坐低先黎所以仲熱，蛋煎得香口，蔥下得多，加埋甜豉油其實幾好味，唯獨係咁大塊蛋入面只有兩舊叉燒，我本來諗住佢係切成叉燒粒先煎，諗多左。熱奶茶正正常常幾好飲，個餐仲有一碗例湯送，無影相，是日係紅青蘿蔔豬骨湯，淡味啲，但至少唔係味精湯。五十幾蚊個餐唔好期望太多，食飽好走啦。

又到早餐時間，今次試了這間樂斯餐廳，早餐常餐的選擇中有黑椒鴨胸揀，幾特別，但反而肉丁要加3蚊。揀了黑椒鴨胸麵，餐肉腸仔，厚多士同熱咖啡。餐肉都唔算薄，算係咁。厚多士算厚但又係烘過頭，入面都乾身埋。熱咖啡正正常常。黑椒鴨胸有黑椒味，仲有d菇，其實冇乜特別，勝在多個選擇，唔洗次次食沙嗲牛肉或者五香肉丁。麪岩岩好，唔會太軟。$32 其實算平，當然食物質素都係好普通嘅茶餐廳。

是日無飯帶，就同同事一齊叫外賣，同事揀左叫樂斯午餐，一個飯一個湯加一杯飲品平均計$46，價位一般。夾埋叫左廿十幾盒，都算係大客仔啦，好準時送到，無錯單無漏單，幾抵讚。叫左魚香茄子+中湯+熱檸茶個飯盒好大，份量超多！滿滿的白飯同爆多醬汁，味道就…真心講係唔好食嘅醬汁杰撻撻，無魚香味亦不辣，只能夠講話夠多汁幾好送飯囉。中湯就幾好飲，雖然唔知咩湯黎，哈哈，有大豆芽菜，南北杏，紅蘿蔔咁，清甜飲完無口渴。熱檸茶不過不失，咁遠送黎已經唔太熱。四十幾蚊食得飽，但無味道可言。

放完假返工，同事帶我去食未食過嘅餐廳早餐！店面不大，西餐廳格局，桌椅幾迫，店內有店外泊車狀況（幾窩心）餐牌都係茶餐廳早餐，不過都有啲特別選擇！黑椒蘑菇煙鴨胸菠菜麵（$35）餐牌最特別嘅配對，煙鴨胸厚切（不過有三片切唔斷，醃得入味，黑椒味微辣，洋蔥幾甜，菇絲軟滑，好味，菠菜幼麵無乜菠菜味，好在幾爽口，湯底略淡口，同菠菜麵幾夾！火腿蛋厚多士：蛋煎得香脆，蛋黃半熟，好味，火腿煎過，厚多士雖然外脆，不過唔夠鬆軟，ok熱檸茶：店員問咗我要有柄杯，茶夠濃夠熱，檸檬唔澀！好味！同事食：黑椒蘑菇煙鴨胸米粉：黑椒蘑菇煙鴨胸意粉：沙嗲牛肉麵：餐肉香腸厚多士：火腿太陽蛋厚多士：熱可力：凍可力：凍奶茶：凍齋啡走糖：凍檸茶：店員熱情姐姐好爽手，定時睇住我們有無人欠食物！所以大家嘅食物差不多時間到齊！控制得幾好！茶餐廳都有驚喜

今天到粉嶺工作，午餐時間揾餐廳醫肚，路過樂斯餐廳，見到午餐衹賣四十元，在店外打量一下，見到店內座位亦算舒適，便進內坐下，點了午餐；是例湯跟泰式海鮮炒飯送餐飲，侍應問要中湯還是西湯，選了西湯。稍等了一會侍應端來羅宋湯，一眼看到湯的顏色相當濃，飲落味道十分豐富，很少見到例湯有這個水準，侍應再送上泰式海鮮炒飯，亦是色香味俱全，飯炒得很好，不濕不硬，材料豐富，比正宗泰式餐廳更好。冰凍的凍檸茶正。下次再到粉嶺必定再次到這餐廳。

今日黎粉嶺揾個朋友食飯，跟住為左揾個地方好好坐低傾下偈，就費事周圍揾野食，一上openrice就見到呢邊有多間食野嘅舖頭，於是就去左簡下有邊間好食，行行下見到呢間西餐舖，作為肚餓到陣嘅我地，就簡左呢度開飯喇。牛仔骨雞扒意粉雞扒都算有口感，入口都算已經令人滿足嘅。不過牛仔骨呢份量就真係太小喇都無咩肉食到，雖然唔算貴，但點都應該整多啲牛仔骨喇，今次食完都算幾飽嘅，但比起一般舖頭都有好多位應該做得更好更加到位，食材亦都更加好，但係有小小失望囉希望有機會會再黎喇

以一般茶餐廳水準來評價，這裡環境是舒適的，可能是樓底天花高，沒有壓迫感，整體地方算乾淨冇廚房油煙味；樓面服務員也稱職，若臉上經常掛著笑容，付加一服務費我也願意；男女洗手間的衞生程度可位列全港頭三名；早，午，下午茶餐時段的出品，雖不是最好但以性價比來說已是很好了，算是有用心烹調製造的；晚餐時段六時後，環視餐廳全體職工好像是另外一批人，服務員態度親切如家人，每次來到也見有幾枱食客是熟口熟面，説明這裡已是他/她們的私人廚房，也是證明已是他/她們肯定的頗佳食府，特別一提晚上時段，這餐廳還有供應私房秘菜，如：客家秘釀豆腐（堪稱可橫掃全客籍釀豆腐的味道和質感），糯米酒煑雞（糯米酒味滿溢，未曾酒醉已清醒，未曾入口已唾涎），田園特製秘汁沙律菜（吃完令人有記憶的沙律汁味道），美國安格斯頂級牛扒（258元是超值，有點美中不足是欠了餐包鮮牛油雪糕和浪漫灯光），紅糟香鎮江骨（不知怎麼樣形容它，總之就是好味）⋯

太耐冇出街食早餐，突然好想放肆一下見到樂斯有蕃茄牛肉通，看圖片好似幾吸引.....一送上來，咦.....仲以為來左個地獄拉麵，成層紅油0既~~~沒想到是這麼紅的一碗，而且成層紅油撈勻後，才見到底下的通粉很明顯不是用蕃茄熬煮的湯底味道偏甜，是後期加的甜味，食不出一點蕃茄的清甜及酸度這通粉唯一可取之處是，表面那層油 與過橋米線有異曲同工之妙，食到最後依然保持很熱

上星期連續幾日落大雨，出入都真係唔方便，平時都好少過來這邊食早餐，都是因為要去銀行才來行到半路，突然勁大雨，有擔遮都頂唔住，入去餐廳避了那陣過雲雨，兼順道食個早餐近年茶記大部份早餐價都是徘徊 $30 左右的價格，要是轉面款或特別款色食物，又要另外+$，如再轉要凍飲，可能分分鐘要$40呢......因為之前試過這家的雞翼，無醃過兼雪味重，所以不敢再試了還是點返我平時去茶記的指定必點款，就是沙嗲牛肉麵+腸仔炒蛋+熱奶茶這家竟然不用加錢便有厚多士呢沙嗲牛肉 味道夠濃，沙嗲汁也夠多，所以整個湯底可有沙嗲味道腸仔沒有炸得過火，OK炒蛋略為老了厚多士只有搽了牛油，好在烘得金黃色，不會太過熱氣奶茶略嫌茶底過澀成個早餐不過不失，合格之作但會否早上特意再過來食呢，那就未必了

平時叫開呢間，早餐味道麻麻，勝在貪佢有菠菜麵。但而家食耐左，上次早餐湯麵中食到有紙 ，叫米線食但D米線硬到好似未熟咁 ……今次叫佢米線煮淋d佢話係咁架啦，之後仲打嚟話無人手送外賣，但老婆去到見到有人好得閒，仲成間餐廳D人啤住佢，原本想算數，但態度好到咁，有乜理由唔幫手宣傳下？ 對客人服務態度好，即係袋錢入自己袋。客人無欠你任何嘢，我地可以去任何一間餐廳。

公司做到不見天日，叫番個tea叉叉電先，附近啲茶記居然無哂炸脾，唯有退求其次，叫個炸豬扒過下口引先。炸豬扒沙律大大塊，外賣送到黎都仲熱辣辣，外脆內軟，又幾好味喎。沙律就一般，紅羅白佔多數，少許薯仔，蘋果，青瓜等，好多沙律醬但唔酸唔甜咁。熱杏霜唔知點解要加糖加奶，搞到味怪怪地。三十蚊算幾抵食，外賣送黎又快手，又無錯單。