樂斯餐廳 (已結業)

是日無飯帶，就同同事一齊叫外賣，同事揀左叫樂斯午餐，一個飯一個湯加一杯飲品平均計$46，價位一般。夾埋叫左廿十幾盒，都算係大客仔啦，好準時送到，無錯單無漏單，幾抵讚。叫左魚香茄子+中湯+熱檸茶個飯盒好大，份量超多！滿滿的白飯同爆多醬汁，味道就…真心講係唔好食嘅醬汁杰撻撻，無魚香味亦不辣，只能夠講話夠多汁幾好送飯囉。中湯就幾好飲，雖然唔知咩湯黎，哈哈，有大豆芽菜，南北杏，紅蘿蔔咁，清甜飲完無口渴。熱檸茶不過不失，咁遠送黎已經唔太熱。四十幾蚊食得飽，但無味道可言。