樂斯餐廳 (已結業)

本人就一把年紀，知天命之年，自小時候近海俟山生活成長，海鮮蔬菜自然是家母每日烹調主打材料。長大後也很為食和有食福（命中註定），成婚後，內子也蠻有烹調天份和興趣，由街頭小吃到上枱招牌菜，無一難到她，只有比外面吃的更好（皆因自己吃選用靚靚食材）。近十年香港一般老牌食肆，人工成本租金跟樓市急劇上漲，無奈的結業的結業，爭扎求存的也將貨就價，很多自己幫襯了幾十年的，最近也大失所望。這間樂斯餐廳，08年因為業務開設在隣區關係，而遷居15分鐘車程附近，自重新大裝修頭兩年吸引到我時常光顧她外，之後數年因食品水準不十分穩定，故此只有間中來坐坐，吃點東西。自從在2015年新的一年開始，行入店舖裏，坐下來左看看，右看看，上看看，下看看，裝修看似依舊，但感覺很大不同。初時還不覺得怎麼樣，但後來多來坐坐吃吃之後，得出結果：地方環境清潔了乾淨光猛了，待客服務態度好很多了，食品吸引到我了。經我八卦探討後，歸根結底，原來2015年開始已由一良心家族團隊接手了，各司其職，專才人事管理的管理人事，專才品質控制的管理品質，專才優質環境設計便改良環境設計。所以，隨後每次光臨也一新耳目舌尖，雖然不是最好但每次感覺更好。   

好少黎粉嶺，有個半鐘 lunch hour 所以揀間好坐啲既地方食飯。見 Roxy 有啲裝修價錢正路就入咗去。可能啱啱十二點未係好多人，有卡位，幾好坐。常餐本身無湯但姐姐都肯送。雖然叫餐廳但只係有啲裝修既茶記。厚多士牛油奇香，亦很鬆軟；沙嗲牛最易見到一間茶記既功力，味道不過不失略嫌牛肉偏林，但份量絕對慷慨。

午市黎到，外面看起黎暗暗的，只有兩枱客。既然黎到，試下啦。午餐都幾多款餐揀，但來不去都係牛扒，豬扒咁。五十幾蚊有餐湯，餐包，飲品，ok合理嘅價錢。餐湯可選羅宋湯或忌廉湯，要左羅宋。細細碗，幾多料，但好酸好鹹同好浠。未係話好難飲嘅，但絕對唔係餐廳應有嘅出品囉。蒜容多士，剛烤起正，全場最好食係呢樣。揀左牛膩併牛扒，蒜容汁，意粉。汁又係好酸好鹹，牛無味同好韌，意粉ok，整體no good。餐茶凍檸茶，少甜，但依然勁甜。唔知點解無冰唔夠凍，檸唔香，唔好飲。全場有兩個侍應阿姐，一個廚，上野食十分慢，落單重複十次都係錯……唉……

自從上次再返嚟食，食完個有水準嘅乾炒牛河後，之後都食過一次午餐，仲叫咗個菜遠牛肉炒河，但一路食，碟牛河就一邊出水，食到最後好似變咗湯河咁添！不過冇影相冇寫評語，想話比多次機會佢！點知，今日嚟食又出事啦！叫咗個紅酒燴牛肉意粉，同魚香茄子飯午餐，兩個都冇乜味道 !紅酒燴牛肉意粉午餐 : HK$36一層橙色汁加多片牛肉，幾片菠蘿同洋葱舖上面，冇紅酒味、冇牛肉味、冇味可言！魚香茄子飯午餐 : HK$36魚香茄子同飯分開上，只見到d肉碎同茄子，又係有d好厚嘅芡汁槳住哂，仲完全聞唔到魚香，更加唔見有咸魚粒呀！.... 算啦，谂住清清哋食吓 ... 點知，朋友叫個鴛鴦炒飯 (HK$44)，簡直發惡夢呀！首先，遞上檯時，d茄汁滿到瀉... 仲滴吓滴吓咁，根本睇唔到係兩隻色嘅鴛鴦炒飯 ! 之後...食落仲恐佈，有少少白色嘅部份，得2、3粒蝦，食落冇厘咸味，仲有d好重手嘅芝士粉嘅味道？！真係好難聞，乜鴛鴦炒飯白色部份落芝士粉嘅咩？？ 橙色部份仲離譜，比例多到百份之九十，食落又係淡到飛起，蕃茄又生又超酸，大多數係洋蔥絲，d雞肉少不特止，仲有好多雞皮一條條炒埋一齊！其實佢d價錢唔算平，加上今次之後，想我哋再番

  以前成日嚟樂斯食嘢，直至舊年發覺佢嘅水準好似下降咗，特別係個西式例湯，每次都好難飲。有一次，飲嗰個叫乜乜萄式湯，嘩！味道同咖喱汁一樣，飲到想嘔，加上見到收銀櫃面唔見個老板好耐，於是一問，原來已經賣咗盤...自此之後，就冇嚟過，直至今日午餐重臨。先叫咗個涼瓜石斑飯，炸石斑好味，但應該唔係石斑，涼瓜OK，略嫌個獻汁勁多，浸淋d炸魚，其實冇獻汁仲好囉！午餐$36，送例湯&熱飲。例湯煲得幾老火咁，又幾好飲喎！另外個乾炒牛河，$38，唔包飲品。 上檯時香噴噴熱辣辣，炒得好乾身好夠镬氣，唔會太多油但多牛肉，好好味！

由於過咗食晏時間，所以唔洗等位。餐廳裝修同座位尚可，但樓面職員態度有啲唔友善，之前有朋友推介話職員好友善… 唔止一個係咁，全間餐廳嘅人都係，櫃台嗰位更加面黑黑咁啲多士好油，而且啲油有陣味… 睇到餐牌有一個類似「全天候早餐」要收$38，我覺得以粉嶺區嘅下午茶餐嚟講真係幾貴！重有凍飲要加$3，好似响粉嶺食過咁多間都無見過要加$3咁多。唔係物有所值。

食味做出來幾好味,有wok氣~又幾好環境,好似裝修過~好似有門口notice說明沒分,只有呢1+而且好幾十年廿年history.....都係茶記價格,但都valuable的!!and then d waitress nice & efficient架!!

呢間野裝潢後煥然一新, 新淨光猛, 叫了個雞扖炒公仔面, 好大碟, d面唔會過淋過硬, 好味, 雞肉又唔鞋, 讚!serve我地個阿姐又好人, 我地想叫黑牛佢又教話可以跟餐轉, 唔駛咁貴, good!!個黑牛原本係云里那味,佢又幫我地轉朱古力味雪糕, 哈哈...呢餐好味又唔貴, 服務仲好好, 會再黎....阿媽叫了西多, 佢話都好味道!!!

星期日下午沒什麼事做，最好就是歎個下午茶！咖央西多士配薯餅茶餐 $22 - 薯餅不算太油膩，咖央西多士的咖央是青色的，幾香椰子味，不錯~鬆脆窩餅配沙律茶餐 $22 - 鬆脆窩餅原來中間夾著紅豆餡，外層的確幾鬆脆，幾特別~加錢轉飲黑牛，我最愛的飲品之一，又是飲品又是甜品，爽！即磨咖啡，不用加錢，寫明即磨果然和一般茶餐廳不同，更香更滑~

好歹捱了一個通宵,雖然攰得只想找張床好好睡個飽,但肚子又不爭氣,同事在附近停了車,自顧回家,只好獨個在四周找早餐吃.時間實在太早了,又是星期六的早上,店內只得三,四檯客,有點冷清的感覺.火腿蛋配多士 : 火腿上碟前先略為煎熱,蛋是煎得比較隨意,但總算是即叫即整,至少多士是香脆鬆軟,不錯.香菇雞絲麵 : 個人最怕公仔麵淥得時間不夠,外表發白而內面是硬心的,不過今次並沒有上述的情況出現,而且冬菇絲及雞絲份量不少,還有幾片椰菜絲,觀感已經不錯.埋單不過二十一蚊,茶餐廳就是這樣,快,靚,正,品種多完化就是他們的生存之道

樂斯餐廳在聯和壚是最旺的餐廳，早餐亦是較平的選擇，可惜是次用餐後，我以後都不會再光顧 它們的多士雖然較其他茶餐廳好，不用加一元，但多士爐略有異味，並不推介。由於餐廳太多人，往往需要搭枱，所有人擠迫在一張枱上，極不舒服。還有當他們漏單的時候，竟然態度極之惡劣，當朋友早餐已經食完，還辯稱烹調早餐需時，大聲呼喝顧客，試問一個早餐怎會需要二十多分鐘才要完成？而且他們一杯飲品亦沒有奉上，完全是漏單，全不認錯。待應態度惡劣尚可理解，他們只會當這是一份工作，但老闆娘的態度同是如此，不知道他們是如何做生意的？

上次七時多來到已經客滿位，要等位其實都幾麻煩，因為是地舖有時要站到店外行人道等，夏天的時候都幾熱，走進店內等的話，內裡又沒有太多空間，不過做街坊生意的舖頭通常都是這樣子，不要有太多要求，而且這裡的裝修也算企理又光猛。今天星期六傍晚六時半便到了，時間尚早，人流不算多，所以還可以兩人坐四人卡位。望著餐牌，選擇也算多，阿姐不斷走過來想為我們落單，不過她看似善意，不似摧促我們，花了點時間選擇，今天點了特級什扒飯和粟米煙鴨胸焗飯、再加兩杯凍奶茶。先講朋友的焗飯就真搞笑，阿姐拿到我們面前時，見到整個焗飯面都是一層粟米蛋花芡汁，好濕，完全不像焗飯，正想開動的時候，阿姐衝過來說原來這個還未焗！然後拿走了…等了好一會，它再出現時仍然係好濕…至於味道嘛，不知何解粟米汁和煙鴨胸分開味道還可以，但一起吃就好像夾不來，味道怪怪的…價錢只係$34，是否不應有太大期望呢？需然焗飯等完又等，但是都不及等什扒這麼久，阿姐說因為要即叫即煎，所以要等多一點時間，見到這麼有誠意，當然有一點期待。不過正如朋友所說，我點的是$36的什扒，而那裡另外有七十多塊錢的什扒鐵板餐，應該選一個貴一點的會好一點，如果選了便宜一點的就不要有太

前幾日聽人介紹特地去 lee 間樂思,我就叫o左豬扒包,好好食...個包就同其他餐廳唔同唔係用梗豬...係用軟豬仔包...係平時好少o係餐廳食到o既...本來諗住唔係梗豬唔好食,不過又唔係喎! o的豬扒唔肥唔瘦o岩o岩好,加上個包軟又唔會好似平時食梗豬o甘口有o的倦...同塊豬扒好夾....同埋佢地有 "杯牙"好立克不過佢地好flexible o甘卑我改o左朱古力"杯牙"...真係好得....值得介紹!我老公就食o左個咖哩牛肉飯,佢話好食..o私牛肉好 "林" 咖哩好香........不過我就覺得 "spicy" o左o的喇....可能我係唔係點食得 spicy 喇好似o的晚飯o的 set 都幾好,下次有機會去試下先...

又係粉嶺朋友帶我去食野，今次食間比較實惠d，金融海嘯下都係慳d保險d見到呢間環境幾光猛又乾淨就入去，我叫左時菜牛肉炒河+熱奶茶(因為個menu印住「奶茶香」)，如果要熱飲加4蚊，凍飲要加6蚊，不過我地一坐低就有杯茶，所以唔一定要叫野飲~奶茶好快黎，我未加糖前飲左一啖，都夠茶味架，又滑，真係唔錯~過多幾分鐘就黎炒河，其實個賣相都幾亂，不過我見隔離幾張檯都係叫d小菜加飯咁食，完全係家庭feel，所以冇咩唔妥，我淨係覺得d河粉太碎，真係見唔到一條靚河粉夾起，btw，d牛肉、菜、仲有d草菇味道都ok架!當然，我會buy杯奶茶多dd又係0個句：「冇人帶住真係唔係好識黎~」

haha~~~我次次開場白都係咁................呢間好似係新裝修冇幾耐................個格局都唔錯................我只係食晚餐咋~試過兩次左右啦~都幾好味!!好夠味又惹味囉~~~上次我食過個海南雞飯...........唔好當一個好正宗的海南雞飯咁食就覺得好味架喇~佢個鐵板餐都唔錯我見到好似好勁咁!!!!好香架!!!不過我想食中餐先唔試.................