樂斯餐廳 (已結業)

早幾日去樂斯食早餐，唔係好想食麵餐，見個餐牌有全日餐，於是揀咗喱款菠蘿吞拿魚包。其實個賣相好靚，但係菠蘿包內夾沙律吞拿魚，味道都係怪怪咁，下次都係食番麵餐，哈哈！樂斯嘅食物都唔錯，但杯茶真係嘛嘛哋，茶胆唔靚，覺得好澀口。

還記得十幾廿年前，聯和墟的茶廳，樂斯絕對是超班之作；當時老板間中做埋伙頭，而老板娘為收銀，食品水準實為全港十大茶廳，，還記得不少老顧客甚至由軍地專程搭車來嘆茶，皆因茶啡有水準，就連普通的一碗猪扒公仔麵也特別好食過人，用自已造的湯底還要加幾條菜及蔥花，用心煮食可見一斑！相比現在由少東主理的樂斯，論飲食卻是比當年的樂斯失色得多，惟干炒牛河的河粉口感好。

呢間餐廳成日都好多人，所以試咗幾次．早餐，ＶＥＲＹ　ＯＫ．平靚正，係而家物價通漲嘅時間，仲有一個早餐，有包，有腸蛋仲有麵．仲要係＄２０有找．下午茶（星期日），都係好多人．試過荼餐ＯＫ LA不過有次係荼餐時間ORDER海南雞飯,就好唔得.D雞散開又無雞味,好似煲完湯D雞咁,超唔掂.晚餐(平日),都係好多人.試咗個羊排鐵板燒,好抵食.AROUND$60. 有包有湯. 個鐵板有6條羊排,好多數!!! 自己去超市買生嘅都要成三十幾蚊.配菜有好多西蘭花. 仲有好大碗薯蓉.個餐仲有雪糕送.另外叫多個炒菜,都OK呀無好多油同味精.

話說我岩岩返到尼香港無幾耐...可以話有好幾年冇尼呢間餐廳到食野.....所以今日就去左呢間餐廳到食LUNCH...不過相比起以前...D野食唔係話唔好味...但係真係差左好多....選擇又少左...又冇D抵食套餐..食野又貴左好多...杯野飲又細杯又多冰又貴-_-...唉仲有.....D服務態度好差...同我落落下單又同其他人傾計-_-究竟佢係同我落緊單定係同人傾緊計?! -_-同埋最重要既係.....E間餐廳完全冇曬以前果種既茶餐廳既FEEL....

我好鍾意食喱度嘅香菇雞絲麵，但好快沽清。未試過有其他餐廳有香菇雞絲做餸嘅早餐，唔錯！仲有，喱度嘅多士好鬆軟，好正！