樂天經典 (奧海城二期)

營業中

休息中

樂天經典，間中都會去食個飯，貪佢個地方靜靜地同座位幾好坐，今晚約左我老豆同阿媽。我地叫左溏心皮蛋、砂煲天麻黃酒雞、荔枝咕嚕肉、古早魚香老鼠粉煲、香脆彎月黃立鯧、金銀蛋浸時蔬同青島啤酒。溏心皮蛋﹕蛋心味濃郁又香，咬落去，口感軟滑，有別於其他食肆，十分喜歡。砂煲天麻黃酒雞﹕好多薑絲，D雞好有黃酒味，仲要係極濃，夠滑，如果雞件多D肉會更正。荔枝咕嚕肉﹕好適合夏天食的一道菜，青椒、紅椒、洋蔥十分爽口。咕嚕肉外面炸得脆脆的，配上一層濃郁的芡汁，酸酸的，十分開胃。雖然叫既係荔枝咕嚕肉，但眼見有菠蘿，視覺同味覺混淆了。古早魚香老鼠粉煲﹕聽聞係馬拉係一道好出名既美食，所以今次叫黎試下。員工將一個瓦煲放上枱，熱騰騰的，打開煲蓋，之後放隻生蛋，將煲內既食物攪拌數下，完成。我舀黎睇下先知老鼠粉原來係銀針粉，老鼠粉嫩滑、配上砌碎的冬菇、鹹魚碎、肉碎等等，質感有趣，有一PAT PAT的感覺，方便懶人入口。香脆彎月黃立鯧﹕上枱前覺得佢個魚樣好衰，但開左佢塊皮後，魚肉好腍，好滑，唔洗5分鐘，全家好以D貓咁食曬，然頭都唔放過。金銀蛋浸時蔬﹕上湯味道濃郁，新鮮柔軟的菜面上有好多已砌碎的鹹蛋、皮蛋、豬肉等等。

同兩個好朋友過來行街。餓餓哋行入呢間餐廳食個快飯再去看戲，想不到菜式咁好味。佢哋兩個都冇咩頭緒 於是我就做點菜的人啦。 這個蝦球的表面有些咸蛋黃，食落口好香膩，雖然係比較肥，不過食一兩粒都冇咩所謂啦。蝦球好大粒，肉好爽，正啊！呢個先係真正的致肥物，扣肉炆得好淋好入味，夾住個甜甜的包包仲正。原來咖啡味放在雞肉上都幾惹味喎，而且甜甜地嘅。連平時唔係特別鍾意飲咖啡嘅我都好欣賞呢個菜式。平時我飲咖啡都覺得幾苦，但呢個菜係冇苦味的。環境不錯，侍應幾爽手。

位於奧運站的樂天經典，是一間中菜餐館常常帶媽媽外出吃飯，但好像都不太合她的心意。今天帶她吃中菜，看到她的笑容，她說老人家，還是喜歡中菜的。招牌扣肉包$22向來喜歡吃台灣的刈包，這個扣肉包的材料與刈包無異，我和媽媽一人選擇一份。扣肉包的包是饅頭，可惜有點掉皮，賣相有點失色。夾著肥膏瘦肉相間的扣肉，醬汁調味充足，很美味呢。酥炸豬肉蝦棗$65首次嚐試吃蝦棗，一客六粒，可供二人分享。蝦棗炸得脆薄，入囗酥脆，內裡的豬內蝦肉餡彈牙半味，油脂溢香，鹹香十足，味道不俗。咖啡脆雞$92咖啡 x 炸雞？是多麽新奇的配搭，原來是南洋的風味獨特菜式。呈上時的咖啡香已撲鼻吸引，咖啡控或會想點杯咖啡吧。咖啡脆雞先炸後調味，雞肉結實，選用的咖啡過酸，令脆雞味道苦澀，不太合我胃囗，哈哈。砂煲花姑西蘭花扣海參$198最近覺得自已的皮膚越來越差，女孩子要補一點，吃海參便對了。海參的數量不少，厚薄大小適中，軟腍柔軟，熬至入味。花姑非常大片，肥肉腍軟，底部更有西蘭花，很健康的哦。古早魚香老鼠粉煲$98餐廳主打的招牌之一，古早魚香老鼠粉煲。什麼是老鼠粉呢，讓我們化身貓咪嚐嚐吧。老鼠粉即銀針粉，質感彈牙，滑溜入囗湯底以碎肉，雞蛋

去完旅行 餐餐食西餐好掛住中餐 去奧海城睇戲之前就來一餐中餐吧見到呢到有間叫樂天經典睇過menu都唔錯 入到去先知係同八色小籠包同一集團連menu封面都一樣趕住去睇戲 快快脆叫左幾個菜先脆皮蝦醬雞翼(小)$85小份都好多隻層皮脆卜卜 咬開一啖有多煙出黎咬咬下有陣淡淡蝦醬出黎不過雞翼有d煮得唔熟菜香鐵板豆腐$90一舊大既豆腐 分到一開四面上有榨菜冬菇肉粒同秘製汁豆腐好嫩好滑 好好味兩條友好耐無湯水既滋潤所以決定叫一壺湯齊齊飲當歸燉走地雞湯 $168/盅呢到有好多湯揀 寫哂材料同功效方便大家選擇 我地揀呢個湯都係因為潤肺同補氣一盅可以分到大既四至五碗店員會係個盅到拎隻雞出黎 確保真材實料當然仲會拎埋其他材料啦個湯好夠熱 無論幾時飲都係熱最後叫左個老鼠粉(小)$98未食過老鼠粉 都係貪得意架咋店員仲拎埋個帶有咸魚既汁撈埋落去一路攪拌 陣陣香味撲向鼻中間仲有蛋 攪拌埋隻蛋 黃色既蛋黃令到碟野好有色彩材料有冬菇同肉粒 原來老鼠粉同銀針粉差不多計埋茶位同前菜 總計都係$220左右滿足美味的中餐

媽咪生日，帶屋企人食中菜，啱佢地口味。朋友介紹過呢間食馬拉野，係非常好食而且多選擇，咁就啱哂喇。招牌扣肉包-可以逐件叫的，叫左一件試下，原來好大件，好彩叫左一件share,唔係未食正餐就飽左。自己擺塊扣肉上去，成個大包咁大件，熱熱地，扣肉肉汁豐富，一啖咬落去非常滿足。泰式炭燒豬頸肉-呢個真係非常推介，好小地方係用炭燒方法去整豬頸肉，每塊切得好薄，唔會好似出面塊又大又厚，燒到有小小脆邊，加上脂肪比例剛好，唔會過肥過瘦。揚州炒飯-爸爸比較傳統，唔中意花款，咁揚州炒飯岩哂佢喇。我地叫左細size,估唔到我地4個人一人都分到一碗，而家好多料，超好味！脆炸美人魚-想食d 脆脆地ge 小食，呢款一定岩，脆魚仔，一邊傾計一邊食就最岩，魚仔上有小小蜜糖同芝麻，好香好好味。麥片蝦球-呢款係好出名的，當然要點，果然好好食，叫左細size 都有6隻蝦，每隻都係大大隻，包裹住甜甜地麥皮，食完後悔唔叫個size 大d。乾貝菜膽燉竹笙湯-呢個湯好滋潤好好飲，好多料，湯渣多到不得了，真材實料，一盅可以分到6碗，夠哂唔洗爭。菜香鐵板豆腐-大大推介，豆腐炸過但內裏勁滑漏，再加左有雞蛋做底，襯埋非常之夾，送飯係一流。漁香

地方方便所以就隨便去左同屋企人同埋朋友聯誼下，食下飯，點左幾個菜。砂煲花菇西蘭花扣海參我屋企人鍾意食，佢既海參比較爽口，花菇都好入味。份量都幾大方，4-5個人食都可以，價錢五貴。另外到好好送口既黃金鹹蛋蝦球，送埋飯就一流。蝦球夠爽口，都幾新鮮。仲咸咸地好開胃，一口蝦一口飯， 一大絕佩。其中我哋都叫咗小食，椒鹽香酥鮮淮山。好耐未試過食過差爽口又炸得香口既淮山，好五錯，表面都炸得香脆又五厚皮。平時出去食老鼠粉嘅一碗仔既小食就食過，差大煲老鼠粉煲好少餐廳可以見到有得食，老鼠粉入邊會有小小鹹魚，所以都幾香口， 搞到少少肉碎同埋鹹魚，不過就唔會好臭腥味。不過唔鍾意食鹹魚既人就要注意啦。話晒同屋企人食飯點少得飲湯水，當歸走地雞湯啱晒我哋，走地雞入邊唔會剩係得啲湯水，仲有一隻原隻走地雞，除咗飲湯之餘仲可以食埋雞肉，都放得幾多藥材好夠味。前面既嘢食都比較香口，所以諗住要個豆腐清清地，菜香鐵板豆腐，下有清淡嘅豆腐之餘，上面會有菜譜吊下味，而且下面係鐵板，會保存到佢嘅溫度⋯我哋叫咗兩個甜品，楊枝甘露我較喜歡，因為落得重料同埋濃品，一啲都冇減料。建議可以大班朋友同埋屋企人去食，環境食物都唔錯。

咖啡脆雞 $88 (+10%)————————————————平時咩西檸雞呀、咕嚕雞呀就食得多！今次見有咖啡雞咁得意就點左黎試整體得分：6.5分 (10分滿分)————————————————👅食評：1️⃣口感 7.5/10雞嘅外層炸得幾鬆脆每一啖都食到chok chok聲！但又唔會食到成日炸粉，係真係炸個火喉控制得好先有咦個效果！肉層雞肉亦夠嫩滑，一啲都唔柴☺️加上面嘅汁幾平均咁分怖，所以唔會食到成口都係醬😋2️⃣味道 6/10雞肉嘅肉汁好好咁鎖住係炸皮入面！但係多汁得黎其實雞香味唔係好夠外層嘅炸皮係炸得好好，完全唔覺有油味！但係好老實講，唔太好咖啡唔識欣賞，咖啡同雞感覺唔係咁match🙈主要只係食到咖啡微微嘅苦味...3️⃣抵食 6/10價錢黎講可以接受嘅，因為份量都合理，每舊雞都大大舊啖啖肉，岩晒食肉獸！只係唔係好岩口味，唔係好差嘅

同開屋企人去奧海城行街，夜晚行到肚餓見到佢個餐牌覺得幾吸引就入左去食。干貝菜膽竹笙燉湯個湯一飲落去就知道係真材實料，好夠火喉。飲完個湯仲可以食埋啲湯渣，有好多竹笙食，個湯夠唒抵飲。櫻花蝦四季豆食落有驚喜既一道菜，脆卜卜既櫻花蝦帶有淡淡既獨特既咸蝦香味，加上菜圃去除左四季豆本有既草青味，令到整道菜既味道夠哂rich。黃金蝦球濃郁既咸蛋黃醬沾滿整個蝦球，食落有蝦既甜味之餘又有咸蛋既味道好夾。而且佢煮個時一早已經剝左蝦殼，所以食落啖啖肉，啱哂我依啲懶人。砂煲花菇西蘭花扣海參花菇同海參都入哂味，配埋西蘭花一啲都唔膩。由於係原個砂煲上所以好保温，而且保存左最原汁原味既一刻，好快就食哂成煲菜。勿亡我勿亡我係一壺用玫瑰花、菊花同龍眼沖出黎既花茶。飲落除左有玫瑰花同菊花既香味之外，仲有龍眼既甜味，清潤解渴，係唔錯既飲品之選。總括而言，樂天經典既食物令人一試難忘，係一間值得再去既高水準餐廳。

在奧海城睇戲，就可以順道去樂天經典回味扣肉包。其實中式餐廳好多時奉上小食及硬性收費，不過對於樂天經典就心甘情願，因為是美味的花生栗子，而不是不合口味的酸菜那些。蒜香紅海蜇頭 $72夏日炎炎，點個冷盤先海蜇頭好爽口，口感十足，再配酸甜的醋調味。招牌扣肉包 $22/片扣肉雖是肥瘦參半，不過肉質未夠鬆化，未及上次好。咖啡脆雞 $92 (S)味道甜酸帶少少苦，不是想像中的咖啡味，整道菜味道似排骨。古早魚老鼠粉煲 $98 (S) 加入桔仔汁拌勻不過桔仔汁太多，味道變得好酸，似變壞的食物。

上次吃過一次覺得好滿意，決定帶媽媽來吃多次!小吃是仍是很溫熱的花生和粟子，感覺連小吃也很有心機 。^_^ 煮得很稔軟，咬起來不費勁。椒鹽香酥鮮淮山 $55樂天的淮山真吃幾多都覺得好回味好好吃! 淮山外皮超香脆，裡面熱辣辣的，加上微咸的椒鹽令它更惹味，是絕佳的開胃菜。點這絕沒錯，人人也喜歡吃 ! 金絲麥片蝦球 $135一送上來就聞到煮得香噴噴的麥片味，第一次吃到熱呼呼同時是乾身的麥片，連麥片也可以令人吃的津津有味。美中不足的是略嫌有點過咸。埋沒在米黃麥片中的是六顆大大粒的鮮蝦。熱騰騰的且十分鮮嫩彈牙! 漁香茄子煲 $ 78送上來時還看見煲底的湯在咕嚕咕嚕的翻滾 ^^出面 一般的茄子也會煮得太稔太爛，但這裡的茄子卻出乎意料之外條條都煮得頗挺身，不會過稔。肉碎和冬菇的份量也頗多，好滿足 ! 乾炒鴕鳥肉河粉 $ 88 來樂天一定要試鴕鳥肉，這裡的特色菜之一! 每片也好大塊，而且稔軟得來又有帶點口感，剛剛好! 抵讚的是這炒河粉不像出面的乾炒牛河咁油膩，而且有鑊氣! 香酥南乳五花肉 $ 88五花肉也是超大片的，而且好脆好脆，裡面的肉幾乎入口即溶。可惜我近日愈來愈吃不得肉，這五花肉對我來說就有點腥。

其實奧海城呢個商場真係幾好，一來無乜大陸人，二來多嘢食，三來又近旺角，玩夜咗都有車番屋企，所以同朋友食飯，除咗去旺角、尖沙咀外，有時都會揀吓奥海城。樂天皇朝之前食過幾次，每次水準都keep到，令我對樂天呢個品牌印象唔錯。今次嚟到奧海城，又想食中菜，所以就試吓埋佢地嘅樂天經典啦。呢到主打食南洋風味嘅菜式，係香港比較少見。一坐低就有一小碟花生同一壺茶，我好鍾意佢個茶壺，好似TXB拍啲民初劇成日用嗰啲壺，好有feel先叫咗個脆炸美人魚$52，炸得好香脆，食落辣辣地、甜甜地，送酒一流另外叫咗個古早魚香老鼠粉煲$98！老鼠粉，亦即係銀針粉，係香港都算係買少見少啦。記得以前細個媽咪成日都會煮比我食，簡簡單單加啲肉碎、葱花已經好好食！不過大個咗之後，唔知咩原因，發覺香港地愈來愈少地方食到，今次見到menu 竟然有，所以忍唔住即刻要叫材料都算豐富，有蛋、蝦，肉碎，冬菇，菜脯等等，上枱之後，侍應會幫你落埋少少鹹魚泥，食落有啲鹹香味，口感順滑、濃郁！感覺有啲似十八座狗仔粉，都係好有舊香港嘅味道，係一種好熟悉，又好懷念嘅味道。南洋參巴空心菜 $73，菜爽脆新鮮，食落辣辣地，幾惹味。荔枝咕嚕肉$88個汁較得幾

同親戚係奧海城食飯,搵到一間環境舒服又好食嘅中菜，仲有少少fusion菜添，啱晒我哋啲後生嘅口味。一坐低,侍應就會遞上前菜,係栗子花生，前菜微熱,容易入口。栗子同花生入口即溶,鹹甜適中。天麻藥膳豬肚湯$42叫了一個每日例湯分享。燉湯非常有盅氣，感覺好滋補😍胡椒味香而不會太辣，豬肚爽甜，豬展不會太韌。價錢合理。古早與老鼠粉煲$98 （細）銀針粉係我至愛，但好少地方有得食呢！老鼠粉配上滑蛋，口感幼滑；湯汁濃郁，有紅蔥、香菇等充滿鮮味；食之前侍應會幫你加有鹹魚碎的酸汁，更加開胃呢！😍😍😍😍簡直心心眼！家鄉滷元蹄$148色香味俱全的一道菜！元蹄充滿光澤，令人垂涎；至少鹵了6小時，表皮入口即溶，肉質鬆而不韌。滷水汁八角香味撲鼻，味道濃中帶甜😋拌飯一流，值得推介！三色桂花斑斕糕$38糕點顏色繽紛，賣相一流。椰汁味香濃，帶淡淡的桂花及斑斕香味，三種味道相映成趣。糕點微甜，所以不驚不覺就把他們吃清光了！😆總結餐廳環境舒適，菜色經典得來亦有驚喜，味道甚為細膩，值得與親朋好友過來一聚。

一家人運動過後，是時候補充體力的時候了這附近是姑媽的主場，當然由姑媽去發板踏入餐廳，明亮的裝修又帶有幾分傳統特色我們靠近玻璃坐下能夠望見附近的街景景觀姑媽說必吃這裏的招牌扣肉包大大件扣肉，肉色亮澤，夾在包一齊食肉汁滲出，滿足度非常高喇沙海鮮米線喇沙湯底的椰汁和甜辣度剛剛好讓我想起在新加坡時食的喇沙咖啡脆雞是我叫的，聽過名字而覺得特別咖啡脆雞一上枱面瞬間飄來咖啡的香味雞件外脆內軟，同時滲出淡淡的咖啡香味老鼠粉煲，口感好似狗仔粉用冬菇等材料去一齊煮老鼠粉滲透了肉汁的香甜還有菜香鐵板豆腐表面有有少少焦香內裏似蝴蝶結姐姐的皮膚軟滑配豆腐一齊食應該相當不錯的向來也很喜歡新派的菜式這個集合廣東、新加坡、上海風味彷如讓大家走訪那麼多個地方去品嚐傳統而有新派的風味

之前來奧海城看戲，同兩個朋友匆忙間入內食過兩碟送頂肚又馬上動身去睇戲，即使只係匆忙間食到佢三兩碟餸，但係印象都幾深，因為估唔到意外地食到呢間咁高質的中菜。蒜香紅海蜇頭呢個涼菜海蜇頭真係好正：好似細細碗，但係好足料，每一個蜇頭都好爽口，而且個汁好開胃。咖啡脆雞上一次來到食咖啡脆雞，印象幾深刻，因為覺得呢一道菜好創新，又好好味。今次同其他朋友來，都推介佢哋一試。香脆的雞塊之上，被一層透明又淺啡色的醬汁包裹着，肉香之上有小小甜，甜之中又有香濃的咖啡味，當然唔係好似飲真咖啡嘅苦澀咁樣，但食到佢的小小咖啡的焦味，好特別。青芥末蝦球另一味創新菜式我幾欣賞，蝦球本身已經係大大隻啖啖肉好爽鮮，再加上啲蟹籽在上面，入口時咬到卜卜脆的蟹籽爆了醬唔單止好過癮，仲令吹呢味蝦球鮮上加鮮，最正就係啲青芥末汁，平時我去食壽其實都唔鍾意加Wasabi ，但係今次呢個青芥末醬係加咗蛋黃醬，所以好creamy ，而且辣度大減，我都食到，食落辣辣地，幾刺激。香脆灣月黃立鯧條魚真係煎得好甘香，煎得香香脆脆的魚皮之下，係香軟的魚肉，口感好好。 如果呢條魚送酒食，一流。覺得呢間餐廳整體都幾好，啲嘢食賣相靚，味道當然高水準，而且幾

樂天經典既前身叫樂天客棧，當佢仲係樂天客棧既時候，已經黎過一次。當日再黎到同一個位置，裝修依舊，不過名字已改。不過我諗改左名，但係唔會影響廚師水準既。照舊侍應會準備一壺茶，荼水每位 $7，收費滷水花生粟子一碟，盛惠 $15。招牌扣肉包  $22/個因為上次食完覺得好好味，所以今次要encore。好彩水準依然保持到，扣肉、白麵包同埋生菜分開上，黎到可以等客人自己夾埋一齊食，唔會驚肉汁令到包身提早濕哂。扣肉肥而不膩，而且好林又入味，加上生菜同埋硬軟軟既白麵包，口感豐富，正！喇沙湯海鮮米線＄72喇沙味道好香，椰汁味亦好重，味道非常香濃，個湯底好creamy，加上辣辣地去帶出味道。不過今次辣味好似有D重手左，結果我食左幾啖就投降，要pass俾朋友繼續努力。同埋海鮮用料都好多，有大蝦、蟹柳、魚肉等等，夠哂足料。馬來風光(小)  $73呢排食得少菜，都要order返個菜清清腸胃。其實有D似我地食開既通菜，不過用黎炒菜既醬好香，好惹味。加上幾條辣椒絲去調味，將個香味更加提升左。