影片
更多
2017-06-13
92 瀏覽
之前來奧海城看戲，同兩個朋友匆忙間入內食過兩碟送頂肚又馬上動身去睇戲，即使只係匆忙間食到佢三兩碟餸，但係印象都幾深，因為估唔到意外地食到呢間咁高質的中菜。蒜香紅海蜇頭呢個涼菜海蜇頭真係好正：好似細細碗，但係好足料，每一個蜇頭都好爽口，而且個汁好開胃。咖啡脆雞上一次來到食咖啡脆雞，印象幾深刻，因為覺得呢一道菜好創新，又好好味。今次同其他朋友來，都推介佢哋一試。香脆的雞塊之上，被一層透明又淺啡色的醬汁包裹着，肉香之上有小小甜，甜之中又有香濃的咖啡味，當然唔係好似飲真咖啡嘅苦澀咁樣，但食到佢的小小咖啡的焦味，好特別。青芥末蝦球另一味創新菜式我幾欣賞，蝦球本身已經係大大隻啖啖肉好爽鮮，再加上啲蟹籽在上面，入口時咬到卜卜脆的蟹籽爆了醬唔單止好過癮，仲令吹呢味蝦球鮮上加鮮，最正就係啲青芥末汁，平時我去食壽其實都唔鍾意加Wasabi ，但係今次呢個青芥末醬係加咗蛋黃醬，所以好creamy ，而且辣度大減，我都食到，食落辣辣地，幾刺激。香脆灣月黃立鯧條魚真係煎得好甘香，煎得香香脆脆的魚皮之下，係香軟的魚肉，口感好好。 如果呢條魚送酒食，一流。覺得呢間餐廳整體都幾好，啲嘢食賣相靚，味道當然高水準，而且幾
之前來奧海城看戲，同兩個朋友匆忙間入內食過兩碟送頂肚又馬上動身去睇戲，即使只係匆忙間食到佢三兩碟餸，但係印象都幾深，因為估唔到意外地食到呢間咁高質的中菜。
蒜香紅海蜇頭
呢個涼菜海蜇頭真係好正：好似細細碗，但係好足料，每一個蜇頭都好爽口，而且個汁好開胃。
咖啡脆雞
上一次來到食咖啡脆雞，印象幾深刻，因為覺得呢一道菜好創新，又好好味。今次同其他朋友來，都推介佢哋一試。香脆的雞塊之上，被一層透明又淺啡色的醬汁包裹着，肉香之上有小小甜，甜之中又有香濃的咖啡味，當然唔係好似飲真咖啡嘅苦澀咁樣，但食到佢的小小咖啡的焦味，好特別。
青芥末蝦球
另一味創新菜式我幾欣賞，蝦球本身已經係大大隻啖啖肉好爽鮮，再加上啲蟹籽在上面，入口時咬到卜卜脆的蟹籽爆了醬唔單止好過癮，仲令吹呢味蝦球鮮上加鮮，最正就係啲青芥末汁，平時我去食壽其實都唔鍾意加Wasabi ，但係今次呢個青芥末醬係加咗蛋黃醬，所以好creamy ，而且辣度大減，我都食到，食落辣辣地，幾刺激。
香脆灣月黃立鯧
條魚真係煎得好甘香，煎得香香脆脆的魚皮之下，係香軟的魚肉，口感好好。 如果呢條魚送酒食，一流。
覺得呢間餐廳整體都幾好，啲嘢食賣相靚，味道當然高水準，而且幾細緻，菜式嘅份量可以揀大中小，適合唔同人數同喜好食飯，希望下次可以帶埋媽媽來食飯。
張貼
