樂天皇朝 (雅蘭中心)

營業中

休息中

.中菜迷肥安再次出動🥢.樂天皇朝應該樂多人都食過我都算係一個小熟客💃🏻.當然招牌小籠包要必食🥟我除左芝士唔食之外•我款款口味都愛🤣好貪心.夫妻肺片夠麻🌶而且份量都唔少🐂岩哂食辣之人🥳.蟹粉豆腐🦀蟹粉雖然份量不少..而且摻了一絲絲蟹肉🤫但蟹膏味道唔夠濃...豆腐夠滑.剁椒竹筒蒸魚片🐟不愛魚的我都可以接受..超重剁椒味·酸酸辣辣..加了香菇和黑木耳..魚片超滑·無骨🤙🏻.上海炒年糕😋超煙韌的口感..但唔會過鹹.但略嫌配菜有點兒少🤣.總體來說小籠包一人一籠不過份有待發掘更多菜色🥰🥰

近排成日都食西餐, 係時候轉一轉口味, 食返餐中餐喇!!上網搵下搵下, 見到間係新加坡食過一次而且一試難忘既樂天皇朝~係旺角咁就腳, 今晚就揀你做晚餐啦今期精選 -- 黃魚餐牌有好多好多菜式~~涼菜, 包點, 湯類, 熱炒, 川湘菜, 主食, 甜品.....好豐富!!前菜~~煮到好淋又入味既花生同栗子撈伴海中寶醬汁酸酸的! 係好開胃既涼菜~撈伴有蝦, 魷魚同海蜇...全部食材爽口彈牙, 撈埋一齊食口感非常豐富!!薺菜黃魚羹好鮮味既魚湯!!! 好好飲, 一D腥味都冇~湯內有好多魚肉, 每啖都係魚肉呢!!仲要完全冇骨, 適合大人細路一齊飲~皇朝小籠包好特別既8色小籠包~8種顏色夠吸睛8款味道分別係原味、人参、鹅肝、黑松露、蟹黄、芝士、大蒜同麻辣~食既時候由淡至濃咁食起...粒粒都富有獨有既特色, 真係要食過先感受到!!我就最鍾意蟹黄同芝士味喇, 嘻嘻~上海風味醬鴨係一種好獨特既醬香味~ 又唔會太咸!每件鴨件都好入味!!瑤柱芙蓉賽螃蟹雪白既蛋白本身就已經好吸引~加埋蛋黃撈埋食非常之咁滑!!一定一定要加醋喔, 味道會更加突出同美味京醬肉絲配薄餅好惹味既一道菜~薄餅薄薄的...肉絲夾薄餅食配塔好

想食小籠包梗係要搵間出名嘅嚟食，仲可以品嚐埋其他高質中菜！麻醬油麥菜呢味冷盤好清新健康，油麥菜被青瓜包到一卷卷，食起黎好方便，菜好新鮮咬落索索聲，做開胃菜一流重慶水煮魚勁大碗勁滿足！我地叫左小辣都有啲辣，不過辣得好過癮，係正宗嘅重慶麻辣風味，魚片好嫩滑而且都有幾多塊，底下仲有薯粉，兩個人食唔叫其他粉麵飯都仲得呢道八味小籠包係必點菜式，一次過可以食道8種完全唔同味道嘅小籠包（原味、黑松露、川味、蒜香、芝士、人參、蟹粉、鵝肝）隻隻都皮薄多汁，味道突出，嚟呢度一定要食！蟹粉豆腐豆腐滑，蟹粉味道濃郁，呢味菜式連埋飯一齊食的話一定可以食好多碗，送飯一流！檸檬蘆薈桂花蜜頭先食完水煮魚覺得辣辣地，食埋呢個甜品就完美喇，酸酸甜甜加上凍凍地，可以沖淡水煮魚嘅辣勁，仲好清新！檸檬香味配像蘆薈爽爽地嘅口感，又唔會太甜好好食！

樂天王朝呢幾年進駐左喺香港，分店雖然唔算多，但係我相信好多香港人都識！係新加坡嘅品牌！食呢d都係要多啲人先可以試到多啲餸！兩個人好難叫野，所以今次帶埋奶奶嗰啲出嚟，一齊食四個人！可以嗌到好多餸，好豐富！我哋每人揀兩三款，姐姐揀咗湯雲吞正正常常，唔太特別同魚春卷！魚春卷我真係未食，過因為平時比較少嗌魚！而魚春卷呢個配搭好似都係第一次見！魚肉好滑春卷好脆，值得一試！👍🏼我就比較鍾意食辣野，我嗌左口水雞！佢可以加$10就揀雞髀😍同埋水煮魚！水煮魚魚肉好滑冇骨嘅，而且個底有啲薯粉！好吸味！好惹味！嚟到呢度點可以唔嗌小籠包！小籠包佢好多種唔同嘅味道但我比較傳統鍾意原味！小籠包好多汁而且肉質好鮮甜係必食嘅選擇👍🏼👍🏼飯類方面叫咗個上海炒飯！好味又惹味！甜品方面嗌咗檸檬蘆薈桂花蜜，酸酸甜甜好清新！唔會話好製！最後嗌咗個甜品宮廷驢打滾🤩🤩呢個以為係熱食點知原來凍食！好有驚喜！好好味！👍🏼👍🏼

朋友仔話樂天皇朝有一個八色小籠包，我應該會愛上，所以今日黎嘅主要目的係食佢haha我地叫左菠蘿咕嚕肉（$88）酸酸甜甜夠開胃~老干媽雜菌炒牛肉（$138）麻辣感唔太強，少少辣，啱曬怕辣但又想食辣嘅人XD肉碎乾煸四季豆（$78）其實我幾鍾意食四季豆，所以餐牌有就必叫XD三鮮鮮肉水餃（$52）都幾夠juicy~~木樨肉炒拉麵（$78）炒得夠香夠乾身~今日嘅主角 - 皇朝小籠包（$108）原來佢跟返佢嘅建議去食，先會食到最原始嘅味道，所以我決定自己食曬八粒XD由原味（最淡）依次序食到去麻辣（最濃）每一款都皮薄餡靚，一咬就爆曬汁~不過我最鍾意嘅係麻辣味，食落口腔充斥濃烈嘅麻辣味但唔嗆喉，我果然係辣妹haha總結，我絕對會因為小籠包而再黎XD

如果想食上海菜，又想有啲新意，坐得舒服，可以去樂天皇朝一試。當晚我遲到，所以屋企人留起曬啲餸比我食。雖然凍左啲，但都無減佢既美味。首先要講既係佢既7色小籠包，屋企人留咗綠色比我，係無問佢地係咩味底下一食就估到，係人蔘，苦中帶甘幾特別。不過相比原味小籠包都係原味好食，7色試一籠就夠，原味之後再叫多咗幾籠，熱辣辣皮簿餡靚仲有多多湯汁！上海粗炒都做得唔錯，味道夠之餘麵軟硬度適中。素鵝好酥脆，一咬碎片跌曬落枱。蒜泥白肉好特別，唔似一般將白肉浸曬落啲蒜泥到，而係用白肉卷住蒜泥，賣相好靚啦，但略嚴有啲唔夠味。甜品都叫咗好幾樣。豆沙鍋餅好大份，同一般好簿一塊既唔同，食落好滿足。高力豆沙好白蛋味唔會太甜，豆沙都一般水準既。而我最鍾意係心太軟，紅棗包住麻薯，超好食，唔覺唔覺就食咗好多粒了。呢間餸菜份量比較少，不過好精緻，同埋算係新派都創新既啲菜，滿意喔！

因為工作忙碌，好少機會可以同屋企人一齊食飯，所以就趁假期抽時間陪屋企人食個飯，中菜就啱哂佢哋口味！🤓·🔸 招牌原味小籠包（$98/10隻）每次嚟都必食嘅小籠包！🤩 之前同朋友食過彩色嗰款小籠包，用嚟影相打卡一流！今次同屋企人食就食返原味，每粒都皮薄餡靚、湯汁飽滿，點上加咗薑絲嘅醋嚟食，好好味，記得一定要趁熱食呀！😍·🔸 無錫鮮肉鍋貼🥟（$38）鍋貼底部煎得好香脆，入面包住鮮肉同湯汁，一口咬落去，d肉汁多到漏出嚟呀！🙈·🔸 刀切小饅頭 (炸)（$28）點煉奶食一流嘅炸饅頭，食一啖點一啖！😚·🔸 川味涼皮（$52）帶點辣嘅涼菜，涼皮爽口彈牙，非常開胃！😋·🔸 蒜香排骨（$88）排骨切成長條形，估唔到咁大舊，啖啖肉，蒜香十足，啱哂喜歡食肉嘅朋友！🤤·🔸 上海外婆紅燒肉（$92）「廚師特選」嘅菜式之一，味道香濃，口感層次分明，肥而不膩！餐廳預先將紅燒肉切成6份，方便客人食用，夠貼心！👍🏻·🔸 菜肉雲呑豬骨湯拉麵🍜（$68）清淡嘅豬骨湯拉麵配有多粒足料嘅菜肉雲呑，夠哂飽肚！·好飽好滿足嘅一餐，嘆杯茶，食下野，幸福family time就係咁簡單！❤️

返工前約埋朋友嚟食飯，剛剛有卡位，邊食邊傾計，環境乾淨都唔錯，餐廳唔算噪， 而且古色古香, 見到好多人都約三五知己嚟食嘢， 當中都不乏外國人。小籠包迷一定要試吓招牌小籠包，個人喜歡原啾，皮薄且QQ的有口感，每隻貼籠包都有勁多湯汁，正！ 唔講你唔知皇朝嘅小籠包每粒都重25克， 手工精細有十八摺， 試過之後都好佩服佢哋嘅專業。第一次生食油麥菜，估唔到點咗芝麻醬，感覺清新又有芝麻醬香味，值得一試。今日天氣熱熱哋，酸酸甜甜的松子鮮果桂魚夠醒胃，桂魚肉炸咗，脆脆哋，配鮮果有菠蘿、椰果等，酸酸又有咬口。叫咗個肉碎欖菜四季豆，都炒得幾香，多肉碎足料，但個人覺得肉碎咸咗少少，最好配飯食。酒釀丸子好香桂花味，丸子又夠Q。

有一次行過街上，見到唔同顏色人形嘅小籠包公仔， 小豆丁已經話好想去試下， 上網一search 原來呢間叫做樂天皇朝， 好多人已經嚟過打卡， 為咗抓住假期嘅尾巴， 我哋決定要試一試。去到雅蘭二樓已經大排長龍， 好在我一早book定位先唔使等， 舖頭超大間，有大圓枱同卡位， 我哋四個人就坐喺卡位度， 十分闊落。鋪頭嘅裝修走中國風， 古色古香， 所以同場都見到好多外國人。嚟到呢度一定要試下八種口味嘅小籠包， 原來食嘅時候都要從原味到麻辣味順序食， 先食原味、人參、鵝肝、黑松露、芝士、蟹粉、蒜香、麻辣。 食嘅時候呢要由小籠包最結實嘅頂部夾起， 用匙羹接住，咬少少汁出嚟飲咗先， 隨個人口味加少少醋同薑絲， 食小籠包都係一種飲食文化。我試咗原味、鵝肝味同蟹粉味， 感覺都幾特別， 小籠包入面真係好多上湯， 皮亦都好薄，滿足。用一個咁靚嘅碗裝住酸辣湯， 果然貨真價實，用料十足， 酸辣度適中。 素鴨就比較淋身， 十分之入味。肉碎欖菜乾煸四季豆， 炒得好乾身， 而且味道都好惹味。千層油糕， 我覺得好似千層饅頭， 熱辣辣食嘅時候口感好鬆軟。

5個朋友出黎食個下午茶忽然想食上海野諗起小籠包就去左樂天皇朝我地五個人叫咗四道菜我見佢平日有做優惠的但咁岩今日就冇啦失望第一碟係醉雞🤦🏻‍♀️唔記得影相個人覺得醉雞普普通通不過不失😁不過我朋友都讚佢算入味🤐雞件唔算肥口感可以雞肉亦都唔會太老之後有個蟹肉飯蟹肉量都算多汁同飯嘅配搭唔錯之後輪到普通小籠包😆不過不失冇以前食咁好食😆小籠包嘅汁少咗😞佢嘅8色小籠包味道亦冇以前咁出色。但整體食物水準亦都可以👍🏻性價比唔算高價錢略貴我哋五個人平均每人$100仲要係唔飽嘅下午茶☕️

之前成日見到有人post 八色小籠包 好似好得意咁 專登嚟試一試好唔好食 想打電話book位不過電話book就得7:00同8:30時段 我d朋友都7:30先到 咁都係walk in 攞位啦7:00攞左位差唔多7:30入得 時間剛剛好 星期五晚都好多人 成場爆哂 嚟到必點當然係八色小籠包啦 有8隻唔到嘅味 我試左 黑松露同蟹味 黑松露味唔算濃 其唔太夾 🤔其他味就唔知lu另外叫左個松子魚 有驚喜 個汁好好味 炸得亦好脆 大家都食唔停口 我地仲有叫左上海炒年糕 醉雞 同埋擔擔面 個面有少少辣都幾惹味 不過menu無排骨擔擔面呢個配搭 得淨擔擔面Overall嚟講都唔差嘅 不過小籠包食左一次下次應該唔食lu

8點等人，同佢講8點半先人齊，佢都比你地入左去先，除左帶位個個，同我地落單個個服務都超好，除左個別黎收錢個個呀嬸black face之外。我地5個人食叫左醉雞、上海麵、沙拉骨、小籠包、腐皮、春卷依個每隻都唔同味，分別有人參、黑松露、麻辣等，但係食落口，好似全部都一樣味😂😂沙拉骨估唔到咁岀色，好濃味，好岩重口味既人，食落仲好似韓國炸雞咁！春卷入面係雜菜，雖然唔冇乜特別但都幾好食中意食醉雞既人一定會中意食

事前想2點幾, 3點左右黎拎位，點知個仔訓下午覺訓到3點半左右先醒，咪拿拿臨換衫坐車去旺角食，另外叫我媽去拎位坐底先。去到都幾晏，4點15分左右，因為我個仔要坐食飯檯，所以服務員都拎左一張俾我，但全程黑面。我地就淨係叫有６折特價個ｄ，小菜，甜品個ｄ就冇特價，所以冇叫。叫左原味小籠包６隻紅油炒手夫妻肺片雪菜肉絲拉麵水煮牛肉拉麵原味小籠包６隻 (原價$62, 6折後$37.2)正常，但肉汁唔多，肉份量都唔多紅油炒手 (原價$58, 6折後$34.8)有６隻，都大隻，ｏｋ嘅夫妻肺片 (原價$68, 6折後$40.8)份量好似唔多，但勝在大舊，同埋幾野味，夠辣雪菜肉絲拉麵 (原價$62, 6折後$37.2)俾我仔同我媽食，我仔好開胃水煮牛肉拉麵 (原價$88, 6折後$52.8)好香嘅麻辣味，牛肉都好滑，麵質幾好。茶位每位$8 , 而且加一要計原價咁計, 所以折左後$263.都算ok抵嘅，但如果服務員唔好全程黑面會更好囉。

由於星期五晚市，人數特別多 ，於取票的時候店員問我們會否跟人家共用一張桌子， 我們說沒有問題。用餐時間為90分鐘。搭枱的環境也是不錯，桌子有點大，每人還有自己各自的空間。點了芙蓉賽螃蟹、 花素蒸餃、麻醬油麥菜及開洋蔥油麵。 麻醬油麥菜是一個挺特別的菜式，因為油麥菜被捲起來像沙律狀態，是一個很特別的涼拌菜式， 第一次嚐到，留下深刻印象，因為還未試過生吃油麥菜。 挺喜歡那個菜螃蟹感覺不是太油膩而且味道淡淡的，拌麵、拌飯也不錯。之前到過時代廣場銅鑼灣店及雅蘭中心店，相比銅鑼灣店，桌子方面較為密集，如果喜歡空間，可能銅鑼灣店會比較合適。_

真心覺得差咗少少囉！嗰日見周圍餐廳都要排隊所以就試吓！首先每一道菜都要吹，先到！然後上菜，發現大部份都係凍嘅！都吾緊要！可以做到一碟餸係冇任何味道其實真係好難！小籠包都係凍上！姐係叫我以後吾好再黎！