樂天皇朝 (雅蘭中心)

營業中

休息中

樂天皇朝想食好耐，可惜每次等位都好耐，今次見到少人，都係等15張，不用1小時已可以入坐。1）粟子花生 粟子好甜好淋，超愛2）芝麻醬油麥菜 第一次食生油麥菜再點小小麻醬，菜好清甜夾脆，意外的驚喜3）8彩小龍包 樂天主打 8樣不同味道 好有口感 咬落去好多汁 絕對好食4）朒肉面 面幼細 好滑 半肥朒肉超入味而不油漬 湯底配搭得好好5）生煎包 這個極力推介 好多汁 包皮薄 肉多6）蒸菜餃 這個是素食 好食 好有口感

好耐無食過樂天啦，今晚就去試試佢星期四8：00到，可能唔係星期五六日，係門口等左5分鐘就入得，非常快。首先，當然要點個招牌小籠包先，再點多個擔擔麵，當然重有其他定食。保持水準上菜速度理想，唔洗催單！

又到每月例飯既時間，今個月小弟友人話想食小籠包，所以揀左樂天皇朝。小弟一行3人，原本職員只係安排小弟坐普通位，部長好好人又細心，小弟只係細細聲講左句：可唔可以坐梳化位？部長就話：梗係可以啦。小弟都點左唔少野食，但份量都係剛剛好夠飽。如果大家都比較大食既話，可能要多點一兩個粉麵喇。特色皇朝小籠包（八色）：小弟同友人們一人一份，一黎唔太多，二黎可以試哂咁多隻口味。佢建議先食原味，再由人參（綠色）開始慢慢順時針食過去。除左黑松露同川味，剩低果6色小弟就覺得一樣喇。李白醉雞：加10蚊可以要雞脾，小弟覺得無咩所謂，所以唔加錢喇。醉雞酒味唔夠，不過雞處理得唔錯，幾嫩滑下。肉碎欖菜乾媥四季豆：肉碎少少辣，好香。四季豆都好爽。松子鮮果桂魚：菠蘿落得都算多，一啲都唔孤寒。桂魚炸得好脆，好好食；條魚都唔會話好細條，小弟三個男士都好夠食。雪菜鹹肉炒年糕：少少咸咸地咁，加上雪菜咪道好夾，依個感覺比起上海炒年糕好，無咁膩，完美清碟。

上海菜食過唔少，樂天皇朝係第一次食，竟然令我喜岀望外 因為想順便為朋友慶生，於是提早book定位。估唔到午市係無用餐時間既上限very good!! 呢個招牌八色小籠好岀色，八款唔同顏色代表唔同既口味。我試左黑色既黑松露，皮薄多汁。而且松露味都幾岀🥰主色我地點左兩款麵。個人比較中意蔥油拌麵。麵質軟硬適中，蔥油油都香濃而不油膩👍黎得中式餐廳，當然要試下呢度既中式甜品啦😌用紅棗包裹著煙韌既粉團，呢款名為心太軟既甜品令人食完一粒又一粒😌而下個個款係宮廷驢打滾，個人就覺得比較似雪凍左既麻糬，唔錯🥳

前排生日，好朋友問想食咩，突然想食上海菜，朋友就建議去試樂天經典，地點係旺角雅蘭非常方便，坐得舒服，而且食物幾有特色！黎得樂天經必食嘅一定係八色小籠包，除咗經典小籠包之外佢仲加咗好多唔同元素，好似芝士、黑松露、蟹粉、麻辣等等⋯不過我都係鍾意原汁原味避免其他味道掩蓋左本身肉汁嘅鮮味！ 呢度嘅小籠包皮薄餡靚，一定要試！！跟住係我最鍾意食嘅醉雞，雞肉嫩滑，不過個人覺得酒味可以再濃一啲～食上海野，唔少得嘅一定係醋醬海蜇頭， 呢度嘅海蜇頭食落爽脆，醋嘅酸味適中，係非常開胃嘅餐前小食！朋友仔鍾意食辣，叫咗個蒜泥白肉，不過自問唔食得辣，所以無試，但望落去幾惹味，朋友仔都話yummy~主菜叫咗個雪菜鹹肉炒年糕同埋上海炒飯，炒年糕煙靱，鹹肉雪菜為淡淡嘅年糕增添唔少味道，呢個配搭冇得輸～另外炒飯有油香，不過可能今晚食得太多，覺得有啲漏，好彩唔係好大碟，同埋佢嘅餸就比較少，但係味道好好，值得一試。👍🏻題外話，有個朋友因為OT所以甩底，結果我哋三個女仔要清晒枱上面嘅所有嘢，食到好飽要捧住個肚走～～

好少寫食評，但好少比餐廳激到咁位都未坐暖，見枱上面有一篇食物汁跡，於是叫左位姐姐黎抹，姐姐抹左幾次，跡繼續留枱面，直至我要求佢認真抹先至乾淨返好啦落單食野⋯ 又落錯單，叫10隻變6隻，同佢講兩次再拎錯兩次先啱返最後佢有講明限時兩小時，我7點入席，8半個職員話夠鐘請我地走，同佢講返我地7點入席，佢就「哦哦 係呀？」然後走左去冇回頭⋯成間舖啲人個個遊晒魂咁，食物質素正常偏細碟，唔想再去再受氣，black list and bye

今日同媽咪，姨媽及表妹一齊去旺角食飯，媽咪同姨媽都食得比較清淡，所以又同佢地黎食樂天皇朝仲可以試下呢度出名既八色小籠包特式皇朝小籠包不同顏色不同味道，有原味，人參，鵝肝，黑松露，芝士，蟹粉，蒜香及麻辣八種口味😋皮薄多汁揚州糟溜滑魚片～魚肉好厚身啖啖肉而且又滑又鮮味，加埋上湯汁真係好好味🤤炒芥蘭～爽口菜肉雲吞豬骨湯拉麵🍜～拉麵有咬口，菜肉雲吞清清地都好味肉絲年糕豬骨湯，上湯好甜加上有咬口既年糕上海炒飯～炒得濕濕地幾濃味雷沙湯丸～裡面係流心既黑芝麻好正呀

去完旺角行街街，就選擇左去食樂天皇朝❤️我地叫左一籠原味小籠包，蒜泥白肉，紅油抄手同炒飯。小籠包當然就唔洗多講，招牌菜，好味。每一個入面都有熱辣辣既肉汁，外皮夠薄，咬洛去充滿左肉既香味另外，要推介蒜泥白肉，尼度都整得好出色，豬肉肥瘦分佈得岩岩好，預先已包好一定既份量，加少少辣汁，每一啖都岩岩好，而且一d都唔會覺得好油膩，仲加左口感，尼個要俾個讚紅油抄手同炒飯就屬正常水準，都唔錯。食完飲番啖熱茶，人生既享受食完飽飽就回家去喇。

今日約左3位閨蜜食晚飯，大家心血來潮都想食水煮魚，就提議試下呢間位於旺角既樂天皇朝當日我地沒有訂座都係臨時walk in去，晚上7點門口已人山人海，幸好朋友一早來等位，都只係等了10分鐘就可以入座。打開餐牌，樣樣都好想試全部菜式都係小小碟，價錢又合理，可以叫多d唔同菜式試下。香辣蒜泥白肉～辣度適中香口成都口水雞～醬汁好好味四川酸辣湯～無得輸蒜香青瓜～蒜味重青瓜爽口水煮魚～微辣都已經好夠辣😜魚片好滑唔多骨，好好味魚片份量都好多，仲有唔少得薯粉，黑木耳等配料😋外婆紅燒肉～一層層既玻璃肉好正由於實在太飽，食唔到呢度好出名既特色皇朝小籠包同甜品，下次再黎一定要試

今晚兩公婆又撑檯腳，試一試新加坡過江龍：樂天皇朝。樂天皇朝位於旺角彌敦道雅蘭中心，彌敦道係九龍第一條馬路，以第13任港督彌敦爵士Sir Matthew Nathan命名。彌敦爵士係英國第一位猶太裔殖民地總督，來港後獨具慧眼，力主發展九龍半島，擴闊並延長當時九龍唯一一條馬路：羅便臣道Robinson Road，成為今天可以六線行車的彌敦大道，兩傍更滿植大樹，現時九龍公園一段仍保留部份大樹。但當時九龍半島人跡罕至，拓展彌敦道被認為是蠢事Nathan's Fool。今天彌敦道十里長街市井連，令天從早到晚車水馬龍，可證當年日不落王國為政者的眼光和遠見。反觀今天英國政壇紛紛攘攘，卻有如小丑跳樑。閒話休題，今天點了六道菜，兩道前菜冷盤：四川夫妻肺片，和心太軟(糯米紅棗)；一道點心：蟹粉小籠包；兩道主食：鮮肉卷豬骨湯拉麵，和雪菜鹹肉炒年糕；一道甜點：宮廷驢打滾。四川夫妻肺片，是成都名菜，以牛下水鹵煮，佐以麻辣醬汁。今次這道菜以牛展併金錢肚，鹵煮入味，鮮香軟糯，略鹹適於佐酒。心太軟(糯米紅棗)，是江浙冷盤名菜，紅棗香甜而糯米軟糯。蟹粉小籠包，皮薄多汁，蟹粉味則較淡。鮮肉卷豬骨湯拉麵，肉嫩湯濃，麵量較少

星期六返半晝, 放工約咗中學同學食飯, 喺旺角見到有樂天王朝, 忽然好想食小籠包我哋兩個女仔叫左一籠八色小籠包, 一個窩麵, 一碟口水雞, 一個豆沙鍋餅同埋一碟炸饅頭😋每次想食樂天王朝最大嘅原因都一定係因為佢個白八色小籠包c 每一隻味道都好有特色好好味, 一咬落去係爆汁😋個人最鍾意嘅當然係蟹粉味😍但每次都好貪心想食多幾隻唔同嘅味, 所以一定係揀呢個色彩鮮艷嘅八色小籠包👍🏻👍🏻👍🏻窩麵同炸饅頭就冇咩大特別, 另外值得一讚嘅係佢個口水雞, 辣度適中, 雞肉非常嫩滑值得推薦👍🏻仲有個豆沙鍋餅, 上枱嘅時候仲係熱辣辣嘅, 外脆內軟! 最鍾意佢個豆沙甜度適中, 食極唔厭😁

上次來已經係半年之前了，今日突然間又諗起小籠包，第一時間就當然係諗起呢間嘅八式小籠包！今次唔同嘅發現好多人，我已經好早就嚟到，但係比我更早嘅仲有好多人同埋遊客！菜式同價錢同之前都係一樣冇變到！首先你個前菜蒜香日本青瓜，青瓜爽脆，香蒜味同辣味平均！你都上海見梗係要食返啲上海特色小食啦，控油炒手，這個我覺得他們做得特別出色好味，餡料夠香而且好大粒上海生煎包，個包真係一百分！必食！豬肉餡了好香，亦很多汁，加埋底部趣趣而且麵包軟熟！正當然一定要食主角是小籠包，一籠裏邊有八款不同嘅餡料味道，各有特色！出邊係食唔到㗎最後叫多一個水煮魚滿足我老公對辣嘅興趣，我老公就讚不絕口，但係對我來說就真係有點辣，不過好在魚肉係啖啖肉，我都食得到，但係原來裏面仲有好大份麵條，麵條索唒辣湯，真係好辣!再一次滿足我食上海菜的慾望了

失望。食咗：（1）招牌八色小籠包：分唔到邊隻係乜嘢味，除咗顏色，味道無咩分別；餡料普通，皮厚，個醋非常淡。（2）京醬肉絲配薄餅。肉絲唔覺得有醃過 ，只有醬料撈過的味道; 豬肉好「孩」，薄餅尚可。（3）宮保雞丁：雞只食到現成辣汁味。勉強尚可。（4）驢打滾：唯一值得推薦。只有這一道菜有誠意。好味。（5）前菜的花生和粟子唔錯。結論係只有前菜和甜品唔錯，但正餐得淡笑的新加坡集團中菜。

要講肥雞最鍾意嘅上海餐廳樂天皇朝，其實係喺肥雞入面頭三位，點解呢，第一價錢唔係貴，第二食物保持到質素，咁今期呢肥雞又去咗旺角雅蘭中心嘅樂天皇朝，肥仔嗌咗個蟹粉豆腐，呢個用嚟撈飯一流，再嗌咗個揚州炒飯，佢啲炒飯底炒得幾乾身，食入口好大陣油香，咁你得食上海菜一定要飲碗酸辣湯㗎啦 又酸又辣，啱曬肥雞重口味，重頭戲當然嗌十粒小籠包，佢啲小籠包因為係即叫即蒸，所以每次到口一定係熱辣辣，同埋充滿爆汁感覺真係冇得頂

朋友愛吃上海之食物，今日就帶台妹來這吃一下傳統上海東西，我們叫了非常多食物*地方座位多，聊天的時間也足：醋醬海蜇頭海蜇頭切成條狀的，海蜇皮肉厚，這個涼拌口感爽脆，有點的鎮江醋為主的調味醬汁，加上蒜蓉、白醋、生抽、砂糖及麻油拌勻成之醬汁，令胃口大增。海蜇头和海蜇皮两种，都是海产水母加工泡制而成的。肉质较厚，营养丰富，可以一吃凉拌。在夏天的時間，吃下海蜇头這海蜇中精品，口感佳。花蔬蒸餃花素蒸饺香甜不平凡，馅内包有粉丝、豆干丝、开阳及青菜，因为味道很好，所以吃得多不覺～由蔬菜而组成的内馅口感不油腻，相信會非常受欢迎呢，吃起来味道香甜，同時也吃得到大廚之用心手工包製，這蒸餃含有豐富層次。蒜蓉炒菠菜菠菜非常新鮮，先放入蒜蓉，干净菠菜，再有蒜蓉，味道很好而且有口感喔～好糖醋魚片酸甜開胃的糖醋魚片，酸酸甜甜的，開胃下飯很好！大人小孩愛吃❤蟹粉豆腐豆腐口感細滑、軟嫩，是怎麼做好吃。蟹粉豆腐是江南地区特色名菜之一。今天點了這一道味道鮮美的蟹粉豆腐，濃醇香滑的蟹膏與豆腐一起燒制，用白飯來加豆腐中蟹肉，HAPPY*五香牛肉豬骨湯拉麵五香汁很香喔，隔去香料粒成之湯底澆在麵上，加入蔥花即有牛肉拉麵～它的肉入味，