樂天皇朝 (已結業)

星期五晚當然係打工仔happy friday 既好時候，當然約埋班朋友聚一聚。咁諗食咩都是一大煩惱之一，咁岩比我係社交平台見到三八婦女節當日樂天皇朝既八色小籠包竟然有三八折!趁有咁平既優惠，一於拉埋朋友一齊好試一試啦。好彩我地大約六點半已經去左羅左，所以唔洗點等已經有位了。(P.S 我地食完後大概8點出面已經要大排人龍了，所以要食既就要早D去啦)因為大家都肚餓，所以四個人叫左八樣野食，都幾誇張，哈哈。叫左既野食如下，有興趣既可參考下:先介紹呢個八色小籠包，當日因為有優惠，所以只限叫兩籠，顏色鮮艷，打卡一流~同埋都係因為佢所以先黎喱度。當然要跟住佢呢個順序去食，否則食唔到佢地既原味。本人對人參、鵝肝同蒜味較為喜歡，因為自己本身食野都比較重口味。另外佢可以單點每隻味道，所以鍾意重口味既不妨試試呢三隻味。前菜叫左川味粉皮，佢唔算好辣，因為我自己本身唔係好食得辣，不過佢都夠惹味，幾提神開胃。另外，叫左肉碎炒年糕，味道還可以，唔算好濃味。由於同朋友太想食辣既關係，所以叫左重慶水煮魚，果然真的太辣了，本人都不太食得到，而且不太喜歡味道，因為太重花椒既味道，所以對我黎講不太岩口味。最後就叫左一飯一麵

星期日中午去尖沙咀喝茶，上次試過樂天經典，今次就來試試樂天皇朝。一直很想試試樂天小籠包，今天終於有機會了！餐廳很寬敞，座位多，可以舒舒服服地坐上一個下午，慢慢吃。⭐️竹筒剁椒魚片$128以竹筒盛載，魚片雪白柔嫩，吃起來有點麻辣，伴飯吃最好不過了！⭐️芝麻醬油麥菜$62這碟菜的賣相很精緻，把麥菜卷起，蘸點麻醬，入口爽脆新鮮，配上麥菜調味，實在很清爽解膩呢！⭐️刀切小饅頭$28饅頭炸成金黃色，外脆內軟，這道菜簡直是我的童年回憶啊！⭐️特色皇朝小籠包$108有招牌原味小籠包、川味小籠包、蒜香小籠包、芝士、人參、蟹粉、鵝肝和黑松露八款小籠包。顏色鮮豔，賞心悅目。可惜皮厚，湯汁略欠滋味，我喜歡小籠包的皮薄透而有韌性。⭐️皇朝話梅骨$88一小塊一小塊骨裹滿了醬料，入口滋味。來到甜品時間了，我們點了好幾款甜品。⭐️檸檬蘆薈桂花蜜$28入口清甜，一粒粒蘆薈清涼甜美，果肉很滋潤。⭐️桂花酒釀丸子$35丸子入口煙韌，有點像芋圓，吃起來既有桂花香又滲透出米酒的香氣。⭐️擂沙湯丸$42外形似麥提莎糯米糍的湯圓，外面軟糯糯，夾心是芝麻醬，十分好吃呢！

下班跟相熟同事想吐吐苦水, 說說領導的壞話同事想吃小籠包, 我們就到這家出名吃小籠包的樂天皇朝大吃一頓!裝潢是較新派的上海菜, 較環生, 保證吃的安心李白醉雞-$78(轉雞脾+$10)反正要吃, 就吃最好的, 所以我們加十塊轉雞脾, 雞是超級嫩滑的, 雞皮是彈Q的, 而且酒香完完全全滲入雞中, 這個很對我們的胃口薺菜黃魚春卷-$48這個是創意菜式, 黃魚竟然也可以做成春卷, 勁! 裡面是嫩嫩的, 好像春卷裡面是有湯汁的, 但又不會減低春卷的香脆, 好高明的廚師手法!肉碎乾煸四季豆-$78這個還未吃的時候, 已經覺得很香口, 吃落是覺得很有鑊氣, 很惹味, 送飯吃是一流的蜜豆炒黃魚-$138這個是類似炒斑塊的做法, 而黃魚塊的做法想不到也不錯, 很嫩很滑, 而且白胡椒味更能提升整個菜的味道, 不錯呀皇朝小籠包-$108分別有原味, 川味, 蒜香, 芝士, 人參, 蟹粉, 鵝肝, 黑松露, 我吃的四款都很好吃, 而令我最深印象是鵝肝, 超香鵝肝味, 而且小籠包很多汁, 真正做到皮薄餡靚, 真係可能係香港最好吃的小籠包!總結小籠包真的超好吃, 必吃! 其他小菜也不錯, 很不錯的一頓晚餐

朋友話係樂天訂咗枱, 想話一齊食飯, 順便想我幫佢睇風水+占卜問事解決疑難, 十幾年朋友, 邊間餐廳食都無所謂啦!朋友搬咗去尖沙咀, 阿嫂話中意食樂天, 咁好自然訂咗尖沙咀哩間分店.點咗蟹粉炒飯, 外婆紅燒肉, 京都肉絲併薄餅, 三絲春卷, 當然重有8色皇朝小籠包. 蟹粉炒飯 : 蟹味有但唔濃, 蟹粉同蟹羔份量少咗D, 其實… 成碟飯味道唔差, 只係份量偏少, 我一個人都食得哂! 外婆紅燒肉 : 經驗話我知, 食哩類五花肉, 通常D肉質部份都係鞋口, 但樂天哩個紅燒肉連豬肉部份肉質都好冧喎, 脂肪部位更加唔洗講啦! 掂! 京都肉絲併薄餅 : 肉絲肉質唔老夠嫩口, 薄餅亦夠薄但無穿窿, 如果卷哩一齊食的話有埋蔥就更夾自己口味. 三絲春卷 : 外皮脆但內裡餡料略為少咗D. 皇朝小籠包 : 其實我只係食咗麻辣味同人參味, 我唔食得辣, 都頂得住, 證明個麻辣味都唔辣得去邊, 人參味嘛…. 甘味唔啱我囉! PS : 你地兩個處境其實好過好多人, 兩夫妻, 互相包容, 珍惜! 緊記!

星期一與朋友在尖沙咀見面，就在留下收到了樂天皇朝的宣傳單張，這間餐廳我很有興趣，但卻一次也沒有試過，所以和朋友商量之下，就去吃一頓飯。這裏食物的選擇也挺多的，除了小籠包之外，還有不少點心，小菜及湯等等...這是原味小籠包，可以選擇一籠有六隻或10隻，小籠包的皮很薄，一咬下去肉汁就滲透出來，味道鮮美呢！這是清炒蝦仁，分量唔算太多。但蝦仁的大細也比想像中大，味道清淡但鮮味，也很爽口呢！這是蟹粉豆腐，豆腐整得很滑溜，蟹粉味道很鮮與豆腐很配合，味道有少少辣，令人感到很開胃。

$65 八條芥蘭!? 今晚約朋友食飯，記得之前嚟過呢間樂天皇朝啲嘢都唔錯就打算再encore。到夜晚9點都仲要攞飛等位，等兩張枱見唔係好耐就繼續等啦。叫飛嗰部機器壞左，一下就叫左我地號碼但其實枱係俾之前號碼嗰兩個人，前台小姐同我地講唔好意思下張到我地，我地明嘅就繼續企喺門口個易拉架menu度等。喺等待期間見到有兩個日本人喺隔離睇個menu，睇睇下就有staff帶左佢地入去，我地呆一呆，咦？唔係下張枱到我地咩？等staff出返嚟再問清楚，原來佢已經忘記左我地嘅存在⋯咁好啦，無端端要再等多一張。然而只係惡夢嘅開端⋯是晚點左十隻原味小籠包，醋醬海蜇頭，蘿蔔絲酥餅同薑汁芥蘭。小籠包保持一貫水準，海蜇頭亦好食，蘿蔔絲酥餅即整夠熱雖然唔夠鬆化。重點嚟喇⋯碟薑汁芥蘭上枱，我地一望，O左嘴⋯係八條排列整齊嘅芥蘭（仲要係唔熱嘅）。如圖所示，我地唔係食左一層先影相，係佢本身真係得八條平排喺隻碟上面。再睇返個menu，好明顯貨不對辦喎！應該係話，唔望menu你都會覺得一碟$65嘅芥蘭得八條好離譜啦係咪？咁我地就叫左剛剛經過嘅一位阿叔侍應嚟反映下啦，佢第一句就粗聲粗氣斬釘截鐵咁話係呀！係得八條！我地話同張圖都

朋友之前話試過樂天皇朝，讚不絕口，所以決定去試下。門面是開放式廚房，可清楚看到廚房內的製作過程。裝修很有氣派。餐牌上所有美食，令人花多眼亂。皇朝話梅骨，骨香肉香，話梅濃郁，甜酸度剛剛好。上海風味醬鴨，皮滑肉綿，鴨肉鮮美。話梅走油元蹄 ，膠質重，醬味甜肉香，加上一份話梅獨有的甘甜味，豬皮位置非常好吃。皇朝小籠包（八種口味)，八色小籠包各具不同餡料和味道，肉汁清甜。人參，皮呈翠綠色，帶人參雞湯味。鵝肝，皮呈淺啡色，法國鵝肝拌入肉餡中，味道濃而不膩，黑松露，松露香撲鼻而來，肉餡入口即溶，芝士皮呈黃色，肉餡混入芝士、口感像在吃芝士，蟹粉皮呈橙啡色，膏蟹、大閘蟹蟹粉混入豬肉餡，蟹味香濃，蒜香皮呈灰色，蒜香十足，麻辣皮呈紅色，辣味易入口。蟹粉炒飯，炒飯混入了蟹肉，上層淋上蟹粉精華，汁香、蟹香、飯香，味道豐富。炸饅頭，外酥內軟的饅頭，沾上煉乳後，還添加了點甜甜的味道。擂沙湯圓，湯圓內裡有半流沙的黑芝麻餡料，十分美味，宮廷驢打滾，層次分明 ，口感煙韌鬆軟。檸檬蘆薈桂花蜜，淡淡的桂花香味，配上蘆薈粒、杞子，配搭一流。檸檬薏米水，甜度適中。

小籠包最出名的是鼎泰豐家.樂天皇朝原味的小籠包我覺得沒有鼎泰豐咁膩人蔘小籠包就是有淡淡的人蔘味，雖然不可以說很好吃，但試一個都尚可.有d人因為怕吃人蔘，而不去嘗試(因為我也不愛人蔘)。鵝肝小籠包也是淡淡的鵝肝味也不會太過油膩。黑松露小籠包吃起來有點像是香菇雞湯小籠包，這邊有點像是轉折點，小籠包的味道會從淡轉濃。芝士味小籠包有濃烈的起司味，蟹粉有滿滿的蟹香，但蒜香口味就有點可怕，滿嘴連殭屍都害怕的味道。最後的麻辣小籠包是用花椒來提味.對於我來說我都係鍾意原味多啲每檯都有小食是鮑汁花生，非常入味。醋醬海蜇頭 ($68)海蜇頭大塊厚肉唔會切得太碎，黑醋味道溫和唔嗆喉，底下仲有青瓜片，十分開胃。雷沙湯丸$42一共有四粒，雷沙湯丸外皮好軟熟，餡料係黑芝麻醬，甜度適中，非常香口～

見完工和男朋友在尖沙咀附近找午餐的地點，剛巧想吃小籠包，就來到樂天王朝。中午較少人，只有三分一枱有客，環境寧靜而且位置寬敞。必食特色皇朝小籠包最好吃一定是原味的，肉汁很多，豬肉鮮甜美味，而且小籠包被真是很薄，又不至於夾起就穿。第二名是蟹粉小籠包，蟹肉味鮮濃，其他芝士、黑松露、川味都幾有特式。午市有二人套餐。李白醉雞雞肉結實，酒味飄散著。蒜蓉炒菠菜，喜歡吃完菠菜有滑潺潺在口中的感覺，蒜蓉炒很惹味。京醬肉絲配薄餅這個配搭一般，薄餅還是配片皮鴨好吃，肉絲只有醬料也太單調。菜肉雲吞豬骨湯拉麵，份量很大，雲吞有五大舊，中間菜肉夾着非常好吃，湯底十分十分重豬骨味，吃完整碗湯都喝掉。熱豆漿豆味香濃，呈半固態狀，像唱豆腐花，口感滑嫩。食物很好吃，雖然價錢偏貴，但真是一份價錢一份貨！

我們來了這裡吃午餐，貪佢唔使等位，因為間餐廳好大。我們叫了皇朝小籠包，有8個不同味道。芝士、鵝肝、黑松露、蒜香最好食，不要以為原味就不好吃，我反而覺得原味最有水準。紅油炒手大概有五、六個，皮薄很多肉，不是很辣，不錯👍🏻四川涼皮，味道少辣，好吃，有很多面。蒜香青瓜，太多蒜，味道單調。酸辣湯，夠辣又大碗，一個人喝不完。老干媽雜菌炒牛肉，香菇很好吃，味道濃郁，牛肉加上醬汁好吃到爆炸！檸檬利賓納，不會太甜，好喝！

上星期同屋企人食晚飯家人提議話不如食呢間其實呢間我一直都想來食不過成日無左件事or約唔成今次終於都試到啦最期待係個八色小籠包初初都係比呢個咁Colorful嘅小籠包所吸引好彩最後無令我失望皇朝小籠包一共有八款味道除左原味仲有人蔘、鵝肝、黑松露、芝士、蟹粉、蒜香同川麻唔同味道各有特色最緊要係皮薄同夠juicy整得好出色李白醉雞醉雞肉質好嫩滑酒味香醇上海風味醬鴨 （後右）醬鴨味道幾入味唔錯話梅骨呢個真係有落話梅去整夠酸夠香亦都夠甜非常香口又開胃話梅走油元蹄（半份）豬手整得好入味好好食蟹粉炒飯個飯落左好多料加埋個蟹粉汁真係好香炸饅頭饅頭外脆內軟加埋練奶真係一流原味小籠包貪得意試完八色小籠包之後叫左一份原味小籠包雖然八色小籠包好有特色又好味不過都係想食返最原本個味道呢間d小籠包真係頂瓜瓜上海生煎包啊媽話想食叫左生煎包估唔到好有驚喜個皮好軟熟d料好夠味道同煎得好香甜品叫左三款：1）宮廷驢打滾2）擂沙湯丸3）檸檬蘆薈桂花蜜 三樣都好好食最鐘意係宮廷驢打滾口感煙煙靭靭又唔太甜好好食

今天跟家人去尖沙咀附近的澳洲教育展，所以便在尖沙咀吃個午飯再去。先前媽媽向我提及，在朋友網上的Facebook看到一張八色小籠包的照片，一直也很想去該餐廳試試。經我搜尋後，那餐廳就是樂天皇朝！尖沙咀的樂天皇朝地方寬敞舒適，一個假日吃飯的好地方。來到這餐廳就是為了皇朝小籠包，八款不同顏色代表不同味道！小籠包皮薄多汁，富有特色！涼拌小食方面，點了麻醬油麥菜及川味涼皮。廚師把油麥菜捲成一紮，然後沾上麻醬汁，爽口美味！喜歡酸辣食物的我，很喜歡這個酸辣度適中的酸辣湯！最後還有蟹粉炒飯及京醬肉絲配薄餅。蟹粉與炒飯融合，一啖放入口中，很滿足。另外京醬肉絲配薄餅很配合，有點吃片皮鴨的感覺。整體來說，餐廳食物品質及環境也很優質！

一直都好想試吓八色小籠包㗎啦! 難得比較早食飯， 6:45都唔需要等位，所以即刻去試啦！八色小籠包係有一個特定嘅順序，食嘅時候係由最淡味道到濃味既。 個人來講覺得人參味道比較淡，同原味差唔多。最覺得有驚喜嘅係黑松露同埋鵝肝，味道好濃非常之香，如果再食可以淨係叫呢兩樣。另外叫咗個四季豆同埋煙燻鵝肉，味道就係一般上海菜，所以唔特別介紹啦。總體來講環境同服務都唔錯呀！埋單仲送張100 Coupon ，下次可以再來。

除左主打上海菜既樂天皇朝，粵菜既樂天經典其實都好好食，但今次主要為左食招牌小籠包，所以就揀左前者。樂天皇朝向來都好受歡迎，價位不高，大部份菜式都低於100元，抵食之餘，亦好美味。招牌原味小籠包 (98/10pcs) - 小籠包即點即搓即蒸，每隻均為18摺，賣相不俗，以及尺寸均相當合適。小籠包皮厚度適中，餡料及湯汁亦夠鮮甜。陳皮五香牛肉 (62) - 涼菜推介之選，牛𦟌非常入味，蘊含濃郁香料味道，實屬不錯。老乾媽什菌炒牛肉 (138) - 來自中國既老干媽辣椒醬除左用黎炒菜，亦系拌麵拌菜既熱門醬料。味道絕對系名不虛傳，惹味辛香，香濃之餘亦不會太膩。肉碎干扁四季豆 (78) - 從來也是港人食上海菜必食之選，四季豆先炸後炒，乾身之餘亦十分香口脆卜卜。

樂天飲食集團有數個品牌，近兩年發展較快吸引了我的注視，其中樂天皇朝以招牌八色小籠包聞名，再加上各款高質而性價比高的滬菜，向來都吸引不少食客。門口位置特設玻璃廚房，讓食客能觀看師傅即埸搓招牌小籠包及其他相關食品。餐廳裝潢以雅麗見稱，以白、啡作主色調，加入大量雲石，使其看起來更有氣派。招牌原味小籠包 ($98/10隻): 除原味外，還有多款口味，包括鵝肝、麻辣、黑松露、人蔘、芝士等等。小籠包每隻25克，皮薄餡多，原味小籠包已感非常鮮味，屬必吃之選。李白醉雞 ($78/例): 雞腿+$10元，性價比較高，雞肉滑嫩，酒味香濃，雞件富酒香之餘，又不會太嗆。四川老乾媽什菌炒牛肉 ($138): 老乾媽醬在內地十分火熱，醬料微辣及香濃惹味，除了牛肉好吃，連佐料的什菌及也三色椒相當惹味。上海炒飯 ($82): 數款炒飯中，我獨愛這上海炒飯，醬油味道較濃郁，咸甜並中，飯粒濕度亦剛好；而肉碎及蝦仁亦令炒飯有肉香，整體相當不錯。