影片
更多
2019-03-09
40 瀏覽
$65 八條芥蘭!? 今晚約朋友食飯，記得之前嚟過呢間樂天皇朝啲嘢都唔錯就打算再encore。到夜晚9點都仲要攞飛等位，等兩張枱見唔係好耐就繼續等啦。叫飛嗰部機器壞左，一下就叫左我地號碼但其實枱係俾之前號碼嗰兩個人，前台小姐同我地講唔好意思下張到我地，我地明嘅就繼續企喺門口個易拉架menu度等。喺等待期間見到有兩個日本人喺隔離睇個menu，睇睇下就有staff帶左佢地入去，我地呆一呆，咦？唔係下張枱到我地咩？等staff出返嚟再問清楚，原來佢已經忘記左我地嘅存在⋯咁好啦，無端端要再等多一張。然而只係惡夢嘅開端⋯是晚點左十隻原味小籠包，醋醬海蜇頭，蘿蔔絲酥餅同薑汁芥蘭。小籠包保持一貫水準，海蜇頭亦好食，蘿蔔絲酥餅即整夠熱雖然唔夠鬆化。重點嚟喇⋯碟薑汁芥蘭上枱，我地一望，O左嘴⋯係八條排列整齊嘅芥蘭（仲要係唔熱嘅）。如圖所示，我地唔係食左一層先影相，係佢本身真係得八條平排喺隻碟上面。再睇返個menu，好明顯貨不對辦喎！應該係話，唔望menu你都會覺得一碟$65嘅芥蘭得八條好離譜啦係咪？咁我地就叫左剛剛經過嘅一位阿叔侍應嚟反映下啦，佢第一句就粗聲粗氣斬釘截鐵咁話係呀！係得八條！我地話同張圖都
今晚約朋友食飯，記得之前嚟過呢間樂天皇朝啲嘢都唔錯就打算再encore。
到夜晚9點都仲要攞飛等位，等兩張枱見唔係好耐就繼續等啦。叫飛嗰部機器壞左，一下就叫左我地號碼但其實枱係俾之前號碼嗰兩個人，前台小姐同我地講唔好意思下張到我地，我地明嘅就繼續企喺門口個易拉架menu度等。喺等待期間見到有兩個日本人喺隔離睇個menu，睇睇下就有staff帶左佢地入去，我地呆一呆，咦？唔係下張枱到我地咩？等staff出返嚟再問清楚，原來佢已經忘記左我地嘅存在⋯咁好啦，無端端要再等多一張。
然而只係惡夢嘅開端⋯
是晚點左十隻原味小籠包，醋醬海蜇頭，蘿蔔絲酥餅同薑汁芥蘭。小籠包保持一貫水準，海蜇頭亦好食，蘿蔔絲酥餅即整夠熱雖然唔夠鬆化。
重點嚟喇⋯碟薑汁芥蘭上枱，我地一望，O左嘴⋯
係八條排列整齊嘅芥蘭（仲要係唔熱嘅）。
如圖所示，我地唔係食左一層先影相，係佢本身真係得八條平排喺隻碟上面。
再睇返個menu，好明顯貨不對辦喎！
應該係話，唔望menu你都會覺得一碟$65嘅芥蘭得八條好離譜啦係咪？
咁我地就叫左剛剛經過嘅一位阿叔侍應嚟反映下啦，佢第一句就粗聲粗氣斬釘截鐵咁話係呀！係得八條！我地話同張圖都差好遠喎⋯佢就講左一大堆咩圖不可作準，咩粗啲幼啲，然後問我你究竟明唔明呀咁？我話，我明，但真係好誇張囉⋯
明明好聲好氣反映竟然比人懷疑智商，其實真係好唔gur⋯但都算喇本來打算唔再追究，直到有另一位著西裝似係經理嘅男人嚟上菜，我就忍唔住問多佢一聲點解碟芥蘭得八條咁少，同menu好唔同。佢一聽到望住碟菜，然後問我地食左幾多條菜，我地話食左一條咋⋯佢都O左嘴，係咁同我地講唔好意思然後拎走左碟菜。
隔左大概十分鐘一個阿姨拎返一碟芥蘭出嚟，然後笑笑口同我地講，你地碟菜真係特別大碟喎，人地嗰啲都係得七、八條（我地呢碟有十一條⋯）。好犀利啊，仲比說話我地聽同講到好似碟菜得咁少係正常我地反映係無理咁。我嗰刻已經覺得呢間嘢唔洗再嚟喇，再好食都係假⋯然後食到第二條就見到有一pat灰色嘅嘢黏住左啲菜花，用筷子撩出嚟碟邊係如圖下面所示，碟底仲有啲灰色水裏面有一點點黑色。唔肯定係加料定係煮法有異，只知道見到已經唔想再食⋯之後照正常埋單，臨走清潔姨姨經過見到話我地點解剩返咁多菜咁浪費，我話啲菜好奇怪黐住左啲灰色嘢，所以無食。佢問我地點解唔早啲講等佢地再整過？我笑左出聲，話唔洗喇唔想再浪費啲菜。
好可惜打一篇咁長嘅文係啲咁令人唔開心嘅內容，不過係覺得自己嘅經驗值得同大家分享下，希望大家唔洗捱貴菜啦
張貼