樂天皇朝 (已結業)

除左主打上海菜既樂天皇朝，粵菜既樂天經典其實都好好食，但今次主要為左食招牌小籠包，所以就揀左前者。樂天皇朝向來都好受歡迎，價位不高，大部份菜式都低於100元，抵食之餘，亦好美味。招牌原味小籠包 (98/10pcs) - 小籠包即點即搓即蒸，每隻均為18摺，賣相不俗，以及尺寸均相當合適。小籠包皮厚度適中，餡料及湯汁亦夠鮮甜。陳皮五香牛肉 (62) - 涼菜推介之選，牛𦟌非常入味，蘊含濃郁香料味道，實屬不錯。老乾媽什菌炒牛肉 (138) - 來自中國既老干媽辣椒醬除左用黎炒菜，亦系拌麵拌菜既熱門醬料。味道絕對系名不虛傳，惹味辛香，香濃之餘亦不會太膩。肉碎干扁四季豆 (78) - 從來也是港人食上海菜必食之選，四季豆先炸後炒，乾身之餘亦十分香口脆卜卜。