樂天冰室 (香港紗廠工業大廈)

營業中

休息中

新開幾個月嘅樂天冰室，眼見咁多人排隊幫襯。今日我終於提議同朋友一齊去食。本來係滿心歡喜想想試試新野，點知換來一肚火。首先，選擇非常少, 得ABC三個餐。其次，D服務員嘅態度好差，語氣差，呼呼喝喝，趕住落單，趕住逼人走。最唔鐘意就係搭枱，我唔介意其他客人都介意啦，人地新既客坐5分鐘都要求調位，點知佢地又搵新既客離坐。我唔介意叫多幾味餸。個個又冇，呢個有冇。呢個係香港普遍茶餐廳嘅問題，作為消費者我覺得必須有原則，有要求，我只希望食開心同快樂。

是日打算和朋友食lunch，但哩間冰室奇怪的是有部分台。可以兩個一台唔洗搭，其他台都味搭晒客，唔知點解堅持我同我個fd一定要搭客人，同埋服務員態度什為惡劣，還有明明見餐單有小菜，我們一再退讓打算叫兩個餐+小菜，服務員竟然迫我們再選一個餐，無視客人要求，什至以吵架主動向我朋友引起罵戰，以荔枝角食物選擇同服務態度黎講，可以有更好既選擇。

呢一間茶餐廳唔係開咗好耐，不過次次經過，包括早餐、午餐、下午茶時段都成日人出人海排長龍，今日經過竟然唔洗排隊，於是入去食咗個早餐，食完之後終於明白點解成日都排長龍，因為性價比直係超高。想知一間出色嘅茶餐廳嘅水準有幾高，最容易就係叫佢嘅沙嗲牛肉麵，先講佢嘅牛肉，一入口就知道唔係平價貨，食得出佢嘅牛肉係有質感嘅，唔似出面好多地方食到嘅「乸」到無晒質感無晒肉味，至於佢嘅沙嗲汁都似乎製作認真，因為竟然有花生粒，而個汁亦唔咸，掂。跟住講多士配炒滑蛋，多士好似叫做香酥丹麥多士，名唔重要，最重要係吸牛油力極強，成件多士都充滿牛油味，好正。炒蛋夠滑，非常滿足。凍奶茶就正正常常啦。最後值得一提係D伙記，無論係年紀大D或者係後生D嘅，都非常專業，真係有賓至如歸嘅感覺。食完呢個早餐，終於明白點解呢間野日日都咁多人幫襯。

非一般的冰室位置在工廠區附近，所以舖頭十分之大，座位非常之舒適👍🏻👍🏻👍🏻雖然地方很大，可以坐好多人，全程所見座無虛席😱😱😱睇埋佢個餐牌，仲嚇死你添，啲嘢食選擇可以多到咁樣😁😁😁平時食嘅常餐公仔麵…有，你想鋸扒…有，你想食泰國嘢…有，中式炒飯麵…有，馬來咖喱…有，仲有好多….犀利到有自己嘅麵包舖喺隔離（係新鮮麵包呀）冇可能搵唔到有你啱食嘅嘢🥳🥳🥳今次食咗菠蘿油、芝士肉醬焗飯、炸雞髀薯條、冬陰功湯河和瑞士雞翼汁公仔麵常餐一個(以上配搭真係乜都有😆😆😆）廢話唔多講，全部嘢食都非常好食，呢間樂天一定會再嚟👏🏻👏🏻👏🏻

荔枝角真係太多好嘢食，但係我地今日又再戰樂天！因為地點方便，食物款式選擇多，坐得舒服，所以我地都不作他人想啦！今日我地點咗份全日早餐同埋精選晚餐互相分享！講吓個全日早餐，竟然有兩塊丹麥脆多士，咁我地可以一人一塊，脆得嚟唔會過硬，裡面仲係軟腍腍嘅，好食！黑松露炒滑蛋，好重黑松露味，滑蛋炒得非常嫰滑，口感好creamy。呢間店聲稱使用日本蛋，所以蛋味先咁香濃咋！另外，精選晚餐塊雞扒勁大塊，係雞脾嚟架！滿滿蒜蓉味，又令我好回味以前可以ＢＢＱ嘅日子呢！

-焗芝士黑椒一口牛飯($58)🐮可以自己揀配意粉定係飯🍝，我同朋友都係飯桶🍚，所以我哋兩個都好自然咁叫咗飯😂。嚟都望落去都唔錯而且好香👃🏼，而且都見到好足料有好多芝士🧀。一”筆”落去已經feel到勁多醬汁🤣，食落去果然同個湯一樣☠️，會唔會鹹咗少少😅。所以食食吓我都頂唔順😵， 首先”筆”d芝士俾我個friend👯‍♀️，再”筆”走少少汁，因為真係太鹹🥴。雖然味道唔錯而且一口牛都幾軟熟唔會好韌👍🏻，但係口味真係重咗少少🤢，朋友頂唔順直情飲晒杯凍檸茶之後要去再買多支茶黎飲🤣。-紅湯(套餐附送）🥫雖然望落去好似冇乜料🤥，但係一”筆”落去都就見到有好大嚿牛肉🤩。但係唔知係咪落鹽落重手左😅，真係好鹹🥴， 所以最後我不晒啲菜🥕，紅蘿蔔同埋牛肉嚟食之後就冇飲個湯啦😗。-凍奶茶(凍飲+$3)🍹平時非常之港女咁會叫少甜少冰👸，但嗰日真係好熱出晒汗🥵，所以諗住咩都唔減😌。點知呢間野真係好料😅，同以上兩樣一樣🙃，杯奶茶超甜🤥，大家要知道我本身都好鍾意食甜野都覺得好甜🥶，所以大家如果有機會食呢間嘢記住要少甜啊🤣。✨ 嗰日咁啱喺附近買完野好肚餓🤤，點知淨係發現到呢間餐廳🤥。原先諗住睇吓附近有冇其他餐廳選擇🤨，因為都

每日經過，門口都大排長龍搞到我都好想知點解？於是我就特登避開lunch 時間去，結果都係等咗一陣，試完之後就覺得呢間茶餐廳都幾好食，不過就唔需要為咗佢而排隊，因為佢未係超級好食，亦都唔係特別平，只係正常價，但係我諗如果冇咩人我都會成日食嘅芝士黑椒一口牛焗意粉 餐湯 凍檸茶 $58 （4.5/5）牛肉份量都幾多，一口牛好林，好好食！我好鍾意佢有芝士同埋好多汁，意粉一啲都唔乾，啱啱好，但就覺得佢黑椒汁有啲鹹，當啲汁好多而佢又鹹嘅時候，就覺得成碟野都好鹹，如果味道淡少少就更好乾炒牛河 熱檸水 $42 （3/5）不過不失，正常的乾炒牛河，溫度係足夠熱的，但味道偏淡少少，濃返少少會更好食

一日之計在於晨，早餐吃得豐盛一些，人都倍感精神，冲勁十足，美好的一天就是如此啟動。早上去試了這間新開張不久位於工廠區的茶餐廳，相比同區內殘舊的食肆，這樣環境很實在是太好了，地方也寬敞舒適，亦由於是新開的關係，餐廳內部比較清潔。選擇的種類很多，第一次來真的想了好一陣子才能下決定。雪菜肉絲米粉很爽口，但湯頭就不算太濃，炒蛋轉了兩只太陽蛋，生熟度剛剛好，吹彈可破，整個餐最特別的就是那塊丹麥多士，有別於一般烘得硬嘣嘣的做法，這個牛油味很重、口感很軟熟，就連咖啡都沒讓人失望，好正啊！

今日又嚟到荔枝角搵嘢食，晚餐想試吓新餐廳，於是就去咗長廣對面新開嘅樂天。記得未易手前嘅餐廳係將軍堡，屬於舊式街坊茶記格局，有常餐以及粥粉麵飯小菜等供應。疫情期間裝修咗好耐，開張之後就煥然一新，變成而家望落好新派、好光猛嘅餐廳，已經再唔係舊式街坊茶記格局啦！我地搵咗個卡位坐低咗，店員隨即攞咗兩杯滾水俾我地浸餐具。喺我地等緊嘢食期間，店員都做到冇停手，不停走嚟走去！男友點咗個鮮魚湯海蝦球泡飯，我試咗啖湯，覺得好似飲緊忌廉湯，湯比較杰身，都幾好飲喎！但我就飲唔出有冇味精喇。粒蝦都幾爽口彈牙，冇乜雪味。我就點咗個是日晚餐，自家製餐包最後先送上，但係非常鬆軟，有驚喜！厚切豬鞍啲肉質好腍好味！華路夫忌廉湯冇乜特別，同平時飲到嘅一樣！薯菜係原隻焗薯，呢度有加分！總括而言，價錢比起冇乜裝修嘅茶記貴些少，但係坐得舒服，都已經值回票價啦！

今日去咗荔枝角打拳🥊打完同朋友都好肚餓，但見出面落好大雨🌧我地又得一把☔所以諗住都係唔食行返落地鐵站走人，點知行行下又细返雨，沿途行去地鐵站條路，經過原來有間好大茶餐廳,所以即入去醫肚先差不多5:00，食晚飯又好似早得制，所以朋友點了下午茶🌭樂天熱狗皇我最愛熱狗係配芥辣醬😋所以我食咗一啖👍腸好大條，包都烘得好脆🥤凍檸茶我就有d肚餓😋🥩黑椒牛肉炒意粉牛肉都大片同炒得香口😋但個意粉有d硬，口感食落麻麻👎🧋招牌紅豆冰呢個红豆冰有驚喜😍唔算太甜加上红豆大大粒😋食落粒粒好好咬口🥣中湯一般茶記中湯味道

之前路過 見到呢度出既麵包大大個又抵食 都會買個菠蘿包做下午茶今次第一次入去食～ 係驚喜呀～～睇茶餐廳水準 就靠個常餐個常餐唔係普通方包 而係丹麥牛油酥😱😱😱😱正呀 岩哂我牛油融入塊包 除左勁好味之外 都真係諗唔到其他形容詞成份餐 做得好有心我食茄牛通 第一次食咁濃既湯做湯底 加埋d通粉 絕配呀同枱有另一個常餐配搭 係豬扒烏冬塊豬好大講番個炒蛋 好似係日本蛋😬蛋香濃郁我家人都叫左個午餐 係牛扒餐 塊牛好大好抵食 唔係平日茶餐廳塊牛無味又淋果種而係一塊好味牛呀仲有一樣不得不講 係佢既野飲！！佢個凍奶茶好大杯😬仲有用鐵杯裝 令溫度keep得好好🥶🥶🥶總括黎講 係區內高質既茶餐廳～

樂天冰室📎菠蘿包菠蘿包啱啱出爐非常鬆軟🥰表皮亦都香脆，好濃蛋香📎雞尾包內餡調味啱啱好，唔會過甜😆📎沙嗲牛肉通粉跟餐有一個丹麥吐司🍞好香牛油味咬落酥脆🤤比白麵包好食好多炒蛋略嫌比較重口味，整體有少少鹹🙈沙嗲牛肉嘅表現反而正正常常，通粉分量充足👍🏻值得一讚嘅係食到最尾仍然有足夠嘅沙嗲🤔唔會淡而無味餐廳環境闊落，可能因為工廠區嘅關係😼同普通茶餐廳相比非常之大，裝修亦都好新淨，近地鐵站非常方便🥸

呢間冰室開左一排都未有機會食,今日同同事試試佢.最近LCK太多餐廳開,食都食唔澈.原來呢個位置既餐廳係好殘好舊,又無乜人食.而家轉左樂天之後即刻唔同晒, 又靚又大.入面仲要勁多位. 大到不得了. 中午黎等左一陣已經有位$50 常餐 豬扒烏冬 豬扒係薄切,肉就真係麻麻地,用鬆肉粉"那"得太勁但味道唔錯 個餐真係好大份因為仲有火腿炒蛋W/丹麥多士呢款多士都唔係間間有,通常都係普通薄方包呢間仲要烘過,上面已經有牛油,熱辣辣. 又香又脆. 好好吃仲有仲有!!  加$3蚊就有勁大杯紅豆冰 真係勁大杯架!!!反而我另一個餐凍檸茶要加$6 變相就唔抵$50+$5泰式海南雞金邊粉 轉冬陰公湯+5蚊既湯係偏酸,唔辣既冬陰公. 同小XX作個碗既湯底差好遠呢.佢雞都幾多下,都有8舊左右. 滑既 多肉既 唔肥既 幾好

星期六本應係 #小秘書 一星期一次 #自然醒 嘅 #大日子，點知晨早流流比阿媽嗌咗出去幫手👉🏻👈🏻 時間唔嗲唔吊😅 唯有食個早餐先算… 嚟到 #荔枝角 #人生路不熟，對腳自自然然就行咗去「香工」方向，數數手指都有年幾兩年無嚟shopping，原來附近開咗間新嘅 #茶餐廳「樂天冰室」我都唔知🤔 見佢外表靚靚囝囝，一於去試吓佢嘅手勢🤤#工廠大廈 嘅舖位樓底比較高，加上 #新裝修，望落去都幾醒神。呢日我揀咗我至愛嘅 #火腿通粉 配 #太陽蛋、#熱奶茶。望落去份 #早餐 嘅外觀都唔差㗎，不過個通粉嘅 #湯底 就麻麻哋👉🏻👈🏻 唔夠熱之餘、味精都幾重，至於兩隻 #太陽蛋 會唔會係生咗啲呢？連面頭嘅蛋白都未凝固就拎出嚟😅 最終都係要撈落啲湯度浸熟佢先敢入口😮‍💨 好彩杯 #奶茶 都夠茶味… 算佢啦😃

因為晚上要喺荔枝角上🏹堂，所以睇下有咩食先！呢間之前係將軍堡？無食過，又見到門面乾淨企埋，而家興既餐室設計，所以試下先！一入去光猛。感覺唔錯。舒適！我叫左個芝士海鮮焗意粉🍝等左10分鐘甘。快過我老公個扒。非常之熱辣辣甘上枱。焗意面係有擺款分類甘。個兩隻青口加曬分，靚晒。唔係一炸甘pat上去架！ 白汁唔會好溜，芝士有拉絲效果。啲海鮮有青口，墨魚仔，蝦仁🍤，魚，帶子，都無咩雪味！好味！老公個扒。兩舊厚牛柳。切得開！非常之易切同淋。配菜啲翠玉瓜唔夠熱。驚喜係焗薯。好淋好有薯味。感覺成份無甘熱氣。好過出面一般嘅炸薯條配雜菜豆。個鐵板係會跟羅宋湯同餐包。個餐包係餐廳新鮮製造！好鬆軟好味。所以走時我哋去左隔離買左個雞尾包同酥皮蛋撻。諗住放學食！好好味😋