樂天冰室 (香港紗廠工業大廈)

營業中

休息中

呢頭茶記都多，今次呢間係男朋友猛話好食所以帶我黎試，一入黎店面都好大，望落都幾光鮮，大部分都係卡位，坐落都舒服，menu選擇都幾多，除左港式常餐野，仲有好多西式呀、馬拉呀，小菜咁，而每晚都會有一款晚餐，日日唔同款，寫呢個食評既時候我都食左3次，係少數我會主動翻噱既茶記😂 講返野食，食過好多呃like all day breakfast ，呢度都有一個all day $65連飲品，睇落都幾豐富，而味道都唔錯另外再叫左當晚晚餐，雞扒拼雞髀菇，$79有湯、餐包同飲品，晚餐黎講都算抵食，塊雞扒又大又厚，個汁食落都幾好，唔會太咸，主菜可以揀飯/意粉/薯菜，佢個薯菜唔係急凍薯條，而係焗薯墊係底既菜係西蘭花同椰菜花而且份量都唔少！同一般茶記既薯菜比相對高質之後再食左兩次晚餐，第二次食香煎盲曹魚柳，本身冇咩期望，但呢個魚柳真係幾出色魚皮煎到脆卜卜而且d粉都薄身，魚肉食落軟滑，忌廉汁同魚柳都幾夾而再之後食既晚餐就係牛柳拼豬扒，係茶記要食到好味既牛都真係可遇不可求，呢個牛柳水準只屬一般，而豬扒都比較咸，翻噱第三次係有d失望既區內茶記黎講都算係前列，下次再食想試埋咖喱同小菜

今日去咗荔枝角，中間又有啲肚餓就揀左樂天冰室，知道佢有其他分店，之前都食過唔錯。☺️紅酒燒汁牛扒拌BBQ汁豬仔骨🐷 $79因為咁啱午餐係佢，就揀左配意粉佢既豬仔骨肉都算多，汁都還好，中上水準，唔會太乾個肉，可以👌🏻蜜糖芥茉烤雞漢堡$65另外我叫左個漢堡，都係set黎既，有配薯條又真係幾驚喜🤣因為個包係鬆軟同埋熱辣辣上嚟，亦都唔係嗰種好油嘅薯條，粗薯條加分👍🏻烤雞亦都好食😋整體係個漢堡真係要一試，但價錢係屋村區黎講係偏貴，性價比唔算高，食物中上👍🏻

茶記不嬲係我嘅最愛今日又嚟食樂天冰室呢間已經重複食過好多次，因為佢真係又大份又好味價錢又平雖然員工服務麻麻哋，但係都抵佢咁串嘅🤣今次嗌咗焗咖喱雞扒飯首先一嚟到個溫度超級夠而且雞扒嘅份量係超級多雞扒好嫩滑雞皮都煎到好脆咖喱椰香味十足最抵仲有少少飯焦呢個價錢呢個味道，我比10分另外叫咗瑞士雞翼撈公仔麵呢度嘅瑞士雞翼，個瑞士汁，超級入味雞翼唔係得皮有味肉都滷到好入味大大隻雞翼，有三隻瑞士汁配公仔麵都係一流，呢個組合唔會輸呢間食堂諗住收埋，但係都係忍唔住打個好評俾佢

今早經過門口想買麵包食，見門口個員工忽然用隻碟大大力不停拍張枱嚇到我立即走人，行到遠一遠都仲聽到拍枱聲咁趕客叫人點幫襯買野？咁我咪唔幫襯囉點解仲會請呢啲人做嫁。

位於最繁忙的街道上，人流不絕，好多時都要等位。有固定餐牌，選擇都多，無論早餐，午餐，下午茶同晚餐都包你揀到想食既野。空間好大，不過開始有少少唔係乾爽的感覺，可能太多人食，又無做足清潔，無論枱面定地板，都有少少油的感覺。服務麻麻，尤其是收銀枱的職員，黎食野變左好似借佢錢甘，西口西面。所以唔會再去了。

今日放工同朋友去呢度食飯D伙記勁差態度。由其是個收銀員好似黑口黑面咁唔知點解可以仲咁多人去食食物係幾好所以我先同朋友去食。不過應該唔會再多去食吧仲有呢度只收現金真係唔知咩餐廳

話說樂天冰室嘅食物真係正到彈啲！有一日朋友拉我去食佢哋嘅“咖喱吉列厚切豬扒”，我心諗呢家冰室又能點正？結果一試，哎呀，真係好出奇啦！豬扒厚切但又唔會乾柴，咖喱味道夠香夠醒胃，我個口水差啲無停過😋！撈埋啲意粉一齊食，實在係上天堂咁享受嘅感覺！記得叫埋個芝士安格斯牛肉漢堡拼薯條。哩個組合咁豐富，牛肉味就濃郁得嚟，芝士又融得剛剛好，火腿煎蛋牛角包一啖咬落去即刻明白點解要排隊等枱。而嗰杯凍奶茶，香滑得黎冰凍又夠味，真係令人回味無窮喎🥤！最終，我話你知，早上起身梗係要食返個飽底！沙爹牛肉麵呢樣野就嚟得啱啱好，牛肉咁嫩，湯冇得輸，一碗食落去我成個人都活躍咗起嚟！丹麥酥嘅酥脆口感加埋嗰陣輕微嘅甜，真心聲講，一試難忘！下次再同三五知己去樂天嘆茶記食物，嘈吓闖吓，真係開心就咁簡單！👍

啱啱去左趟樂天茶記，果然冇令我失望！首先食嗰碟瑞士汁雞翼撈麵，雞翼舔指回味，汁嗲得滯，真係沙律都唔洗咁正！🤤公仔麵嘅波浪形狀，充滿童年感覺，又夠彈性，撈埋瑞士汁，食落去真係開心到彈起🍜。轉頭再嚟個星洲炒米，嘩，真心推介！咖喱香飄曼舞，米粒爽口，入口即溶，蝦仁同叉燒都鮮嫩多汁，食完咁正嘅野，連稱讚都唔夠形容！😋當日心血來潮，點咗個埋邊度都有嘅焗芝士咖喱雞排飯，足料芝士包裹住雞排，每啖都感受到芝士嘅濃郁，咖喱又夠香，唔會遮蓋咗雞排本身嘅味道。雞皮煎到脆口，撕開就見到汁水四溢，頂翻！啲飯炒得啱啱好，仲間間有啲蛋香揭底，真係多謝手勢！🍛Good job喇，樂天茶記，下次記得留啲位俾我，我仲有好多未試過嘅好料想黎探索！

朋友介紹，第一次嚟。地方闊落，坐得幾舒服。叫咗個吞拿魚牛角包配韓式炸雞茶餐，同全日早餐。牛角包係大個，但吞拿魚少到搵唔到咁滯，配雞個醬又古怪，唔會再試。反而朋友叫個全日餐，菜沙律又多又靚，牛角包同薯餅就軟趴趴。試過就算。

工作關係每次得40分鐘要起荔枝角速速食野，食超過十次野食 中至中上 特別係下午茶個炒米同炒公仔麵係好食服務 下至下下 我會用陰濕嚟形容1.每次入去有超過十張空檯都會叫你搭檯，仲會放個「留座」位起啲空檯度。2.門口貼左叫人等安排入座，入到去你問佢佢又會西你面「下，自己坐囉」3.收銀一定唔會找最少嘅銀數，試過食50比500，係找三張100，兩張50，兩張20，兩個5蚊又試過買包比 20蚊找兩個5蚊，兩個1蚊，總之就係唔會要你好過🤪4.試過比張污糟少少嘅會話唔收，叫你比過第2張成間野啲服務真係屎一般，因為野食真係ok加上真係要轉車速食所以先又要嘈又要食

自己做飲食都知請好嘅樓面難，但係真係有需要請態度咁差嘅？食到一半加單竟然俾人黑面命令式叫我等陣？完全o晒嘴。（餐廳有吉位冇人排緊隊，唔係Peak hour要番枱）之後繼續睇佢一路對其他客人呼呼喝喝😅，真係大開眼界。當然等陣（等到食完）都係冇人過嚟幫我加單，而我一行三人都已經唔想食，快快俾錢走人算。收銀嘅面口。。。好顯然員工們都希望公司少啲食客，做到work life balance。（食物其實OK，但係咁嘅服務態度就算好食都唔會再返嚟。）

每次出黎都會食呢間，皆因每次食都滿意，性價比高，野食夠味，超正我今日中午同夜晚都係呢頭，所以2餐都幫襯中午：咖哩吉列厚豬扒飯 $67味道❤️❤️❤️❤️❤️價錢❤️❤️❤️❤️❤️速度❤️❤️❤️服務❤️❤️12點食飯時間都未開始，坐低冇5分鐘，就已經問左3次落得單未，d店員又黑口黑面，我睇到個午餐顯示屏咁岩壞左睇唔到，問佢午餐係咩，語氣勁差指住張枱面，呢度囉～R哂頭，我都唔係講個餐牌野食呢～真係冇得彈，塊豬扒勁大塊，個底我以為係薯仔頂起d豬扒，點知仲有豬扒係底，汁又夠多，有少少辣好惹味，又有椰香，大大碗飯都夠撈有多，如果唔係我咁大食既人，2個加多碗飯share個餸都綽綽有餘晚餐：咖哩牛肉飯$65 西蘭花蝦球$88 蜜椒薯仔一口牛$78（冇keep單，大概係咁價錢）味道❤️❤️❤️❤️❤️價錢❤️❤️❤️❤️❤️速度❤️❤️❤️❤️服務味道都係個句，我超愛，仲成日介紹人去食，一口牛唔韌，蜜汁緊貼牛肉，又有肉汁，薯仔脆口。西蘭花蝦球，蝦好咬口，彈牙，味道恰到好處，西蘭花爽脆岩岩熟。咖哩中午已食過好食所以轉牛肉試，都差唔多既感覺，正但服務真係超級差，我記錯5點有得叫小菜，個女收銀態度勁差話未有，趕客咁，到5點半叫得個陣，同我落單又勁唔耐煩，我

街坊， 之前成日食。 食物係不錯而且有幾位哥哥仔嘅服務態度係非常好。 會有人企門口安排你入座（即使好多人）， 亦都好少出錯。 近呢幾個月唔見哂舊嗰批伙記， 多左幾個女人。 態度十分之差， 錯單漏單乜都出齊。 人多排隊係冇人理你邊個入先。 以前係非常有效率。 有位女侍應呼喝形式問你食乜（嗰位短髪矮嘅呀姐） ， 隔一輪喺後面張枱 拋/掉張單黎我張枱到。 食物質素變差， 叫左個午市頹飯五香肉丁粟米炒飯58 元， 肉丁得兩三粒😅。。。 食住個頹飯明白點解香港人都北上食野….

行到付近見未食過打算試下一入去就搭枱（4人枱有1個人食緊）之後坐低叫野食先來一個牛角包炒蛋隔離果位食完走人之後來豬扒烏冬同熱零檬茶當我食緊之際有2位年青人行過揾位，但職員叫他們等一下突然有位戴眼鏡口罩職員一手拿起我未食既豬扒烏冬同熱零檬茶放隔離枱，之後就同我講坐隔離你一個人（隔離係6人枱坐一個人）我話你唔洗問我就搬左過去，你唔洗問左我先呀佢只講，得喇你一個人坐過去喇。點解問都唔問就移動食客的食物，最基本禮貌都冇。平時其他食店客人多就先問客人可唔可以讓位，唔會不問就移客人食物。呢間永遠黑名單

今日帶完小朋友去長沙灣廣場玩玩完playhouse 就出嚟搵食見到呢間冰室又大又多嘢食又入去試吓啦😆Lunch time時間好多人要排隊等咗一陣餐廳內都多卡位，爆滿常餐B香煎豬扒湯烏冬+火腿炒蛋配牛角包 $55牛角包🥐超大個，又酥脆，小朋友勁鐘意食豬扒大大件，好香口泰式滷水豬手飯 $60推介😋豬手又淋又軟吸哂汁好好食，肉質嫩滑汁帶甜味，送飯一流👍🏻蜜糖芥末烤雞漢堡拼薯條 $62熱辣辣上枱，份量勁大雞扒好juicy, 煙肉又唔會乾爭爭漢堡包軟熟，好好食再配上粗薯條🍟，完全係大人小朋友至愛整體：食物質素好，樣樣都好好食，價錢唔貴，唯獨餐廳太繁忙，好趕客，係米收野催你走