樂園

營業中

休息中

九龍城一個不太就腳的地方，但又有很多食肆。很耐之前也很想去九龍城熟食中心3樓的樂園，但他們的營業時間較短，星期日會休息，擇過好日子和好友遠征一下。環境同一般熟食差不多，但整體面績較細。先來的奶茶紅豆冰，我要的口味系走甜。茶味香濃，紅豆不會硬，甜度由紅豆帶出來的清甜，剛剛好！雪菜肉絲米，囗味清新，肉絲也好吃！晨早要個樂園炒米，材料豐富，有雪菜，炒蛋，午餐肉，肉絲，椰菜及蔥。不會油淋淋，很乾身，但又不會沒有水份。不知下次何時才可以試埋西多等其它食物哩！

發財唔立品既其中一間「名」店！1. 收銀態度奇差！西多永遠暫停，但轉頭又會見到隔離檯叫到，爭唔夠15分鐘。最cheap一次試過問左2轉都冇，轉頭問個好fd既街坊「今日想食咩西多？」枉有食客山長水遠由新界慕名而黎，但好食嘅野就留哂俾街坊！真係好有「街坊人情味」！如果你係「暫停」，其實可以豎立個牌，唔好因爲俾人問得多唔耐煩就搵食客出氣！之後有供應就應該同返食客講！垃圾家庭式作業，最大問題其實係個女收銀！2. 沙嗲牛肉麵水準次次唔同，可以有次沙嗲冇沙嗲味，牛肉鞋過乜咁！但有時個沙嗲湯底又會有濃郁嘅花生味好好食。令人一次驚喜一次失望！

舊時在九龍城區工作，間唔中在lunch time 都會心掛掛去飲樂園的奶茶，但離開左九龍城的舊公司，好耐都冇機會飲到好味的茶記奶茶啦！今日放假約左舊公司同事終於有機會再去重溫佢奶茶的美味啦！奶茶始終係熱的好飲，今次叫左熱茶走！水準繼續保持到，好有茶香，好滑，濃淡適中！大愛另外亦叫左佢的另一樣招牌菜～炸豬排沙嗲牛肉通粉！湯底濃濃的，同通粉一齊食簡直是絕配炸豬排亦是新鮮炸起，炸粉唔厚，好鬆化！讚lunch time 時間常常滿座，真是要早小小去搵位啦！

沙爹牛肉西多士+奶茶紅豆冰一定要嗌！要嗌！要嗌! 😆😆😆西多士麵包新鮮唔會硬崩崩。炸得亦唔會過火。以為西多士做到外脆內軟，炸完之後仍然聞到淡淡嘅麵包香，就已經好fit呀啦。裡面嘅沙爹牛肉碎直頭嚇死寶寶了，沙爹既唔會搶走西多士本身嘅甜味反而"合得很"。唔食都唔知原來人可以take care 咁複杂嘅味感。叫得西多士梗系要嗌埋個奶茶紅豆冰。剩系奶茶嘅茶味已經好突出，唔同一般嘅茶餐廳，肯肯定對茶葉研究過。奶茶紅豆冰嘅紅豆其實係配角，係茶裡面散發淡淡嘅豆味。當飲到最尾，食豆嘅時候。豆又吸曬茶嘅茶香。徘徊在似苦又甜之間……由甜到鹹，再鹹到甜。好似小時玩轉圈圈的感覺。

表妹介紹我嚟九龍城街市食好野，唔係佢住附近帶路，都唔知呢度有啲咁特別嘅野食，唔好以為呢間樂園係普通茶記，啲野食夠特別！呢度好多野都係自助式，先喺門口位置落單俾錢，之後自己搵位坐，呢啲都唔係重點，重點係一定要食沙嗲牛肉西多士，真係好特別，第度食唔到，一次過滿足我呢啲貪心嘅人，又想食沙嗲牛麵，又想食西多士。講番個西多，沙嗲牛夠味，牛肉唔un, 有牛味，配埋落甜甜地嘅西多士入面，西多淋上牛油煉奶，又咸又甜咁，幾特別！另外炸豬扒都好好食，值得一試！

適逢今日打風前夕, 高達35度高溫, 黎到九龍城街市, 冷氣都唔太夠, 跟以往一樣, 午餐時間都總係坐無虛席, 所以今次食物比之前慢左d。餐牌同以往唔同左, 唔知係咪少左選擇? 今次叫左幾樣野食, 總算試左佢既招牌野!奶茶紅豆冰($23):應該太多人食, 無晒膠杯要用紙杯, 所以睇唔到D紅豆, 不過紅豆都算多, 唔會太淋仲係一粒粒, 奶茶味都幾好, 不錯!雪菜肉絲米($27):其實就唔會有咩驚喜既, 比平時d多d雪菜咁解。鮮茄炸豬排飯($40):塊豬排都幾大塊, 味道好好, 唔會太咸, 炸得好酥脆, 果然不錯!沙爹牛肉西多士($29):之前食過幾次, 都覺得幾好食, 今次等左成20分鐘以上, 不過賣相仲係脹卜卜, 炸得岩岩好, 入面好多牛肉, 又咸又甜咁, 聽落有d怪但其實好好味!

平日要返工，所以星期六日先有時間黎。留意番，星期六日係要先排隊俾錢點野食，再搵位坐低，但平日就會變番普通茶餐廳咁，可以先坐低然後有侍應過黎落單。我地叫左個沙爹牛西多（大部分原因都係為佢而黎），係個名符其實嘅咸甜點，用沙爹牛肉做餡已經好特別，加上佢個沙爹汁唔係一般嘅沙爹汁，特別香，特別好食，覺得似係打邊爐湯底個隻沙爹，總之就好食，我地仲因爲個沙爹汁特登叫左碗沙爹牛麵正！至於個奶茶紅豆冰，超多紅豆，最啱夏天熱辣辣飲番杯

九龍城樂園茶餐廳廿五蚊大碗頹飯配餐飲平價頽飯買少見少而衣間入去仲要有相應嘅恿氣，間餐廳裝修已經好舊，落餐果時要好似去到澳牛咁樣，切忌猶豫。備注：好少見女食客。不過見到個標題都覺得好吸引呢，我都覺得係因為個餐真係好吸引＄25包你食飽仲可以加多杯凍飲係咪好抵呢你快啲去！

因為以前時係附近住 所以好多時放假朝早就過來食brunch 不過自從搬走左就好少食到啦 始終佢既營業時間 唔係一般上班族咁易配合到今日難得放假.... 即刻拉埋男朋友過來食返個late lunch 過到來都差不多3點 好彩仲有得食因為好肚餓既關係.... 叫左唔少野...😛粟米汁豬扒飯... 逢星期一 三 五先有既沙嗲牛肉炒米.. 西多士.. 當然仲有唔少得我最掛住呢度既凍鴛鴦啦...豬扒維持到同以前一樣既水準 肉質鮮嫩 好味道！不愧呢個既招牌菜西多士 同 凍鴛鴦 都同以前一樣 好好味 係回憶中既味道不過個沙嗲牛肉抄米.... 就真係令我覺得失望啦 牛肉無乜味...米粉又炒到好乾身.. 下次返來 都係繼續西多豬扒配鴛鴦好啦......

一直以來，我都好鍾意食樂園嘅炸豬扒，今日再次黎回味一下，可惜覺得質素比以前退步左。炸豬扒米粉（加沙爹汁）（$27）平日黎的話，你可以自己搵位坐，然後有姐姐幫你落單同遞餐。到左週末，你就要自己排隊買嘢食先，然後講個檯號比老闆知，如果一個人黎就要注意喇。今日碗米粉好似鹹左少少，公平啲講，可能同我加左沙爹汁有關。炸豬扒都算炸得香脆，但都係調味重手左少少。下次再食，希望會好味啲，因為我成個下晝係咁飲水呢！

今日來到九龍城街市，係想試一試佢呢間特色多士，外脆，金黃色，入面係沙爹牛👍🏻好食，之後叫左個蕃茄炸豬扒飯，炸粉粉，薄粉，好食。飯多汁會更好！凍啡幾香，吾錯，有興趣的可以叫咖啡紅豆，應該口感又另一感覺。呢間茶廳廳標價頗貴

到隔了一段長時間冇去過九龍城街市三樓的名氣茶檔「樂園」，看到那熟悉的、蔡瀾的「勝過鮑參肚翅」題字，心血來潮下便去tea一tea，重溫其美食也。既然是星期二來到，加上有點餓，自然要食星期二、四、六才供應的名物雪菜肉絲炒米。米粉炒得夠乾身，不油膩夠清爽，不俗！其實雪菜肉絲米看似簡單，但做得好與壞真的有天淵之別。特別欣賞此店把雪菜弄得很乾爽，不少人都忽略揸乾雪菜水份這步驟，但此店在這方面卻肯下功夫，故其雪菜爽得來又不會過鹹，抵讚。而且，除雪菜肉絲外，這裏更加入餐肉及蛋絲，令整個炒米粉味道不單調外，顏色也漂亮。唔夠喉，叫「樂園」的另一名物沙爹牛肉西多士。真的很神奇，西多士內釀入沙爹牛肉，又鹹又甜卻撞得好夾，真係吹佢唔脹。有朋友說這裏的奶茶冇昔日咁好飲，反正我今天飲凍檸茶，難以評論，但總體而言此店除了價錢偏高外，以街市茶檔來說，其食物水準還是上佳的。

某個星期六上午出發食午餐，可能時間尚早未到中午，不用排長龍入坐。食物還好啦，經過蔡SAN 加持，人氣名氣也大。一行三人嘗過招牌沙嗲牛肉西多士，沙嗲牛肉面，奶油豬及奶茶紅豆冰。沙嗲牛肉西多士, 對於帶咸味嘅西多士, 不是我杯茶, 下次還是試紅豆的好了。最愛奶茶紅豆冰及奶油豬。紅豆大大粒，有接近半杯的分量，喝畢會很飽哦!奶油豬塗上滿滿的奶跟牛油, 面包超鬆脆的!

個湯有少許沙爹味，ok既，食完会口乾，牛肉有D柴口，但勝在冇用食粉奄，冇驚喜，同我以前食过最正既沙爹牛有好大距离！爱红豆冰可以来飲杯野！總括而言，牛肉唔使試！好失望。不過，紅豆冰係幾正嘅！

其實住係附近一次都未食過今日放假又唔知食咩就決定去試下引用金句 一試無妨 但再試投降點解咁講?第一 真係太混亂 我都明白大排檔 亂係正常 但真係買完野食先知 位原來係自己搵 我自己坐又話未買野食 第二 牛麵咁出名 但真係冇幾多件係吞得落肚 食到都消化唔到西多係為一可取既叫左紅豆西多鬆身  唔太甜 外脆內軟 值得一讚個紅豆奶荼冰就算了我都唔想提埋單76 應該就唔會再黎