樂園

營業中

休息中

表妹介紹我嚟九龍城街市食好野，唔係佢住附近帶路，都唔知呢度有啲咁特別嘅野食，唔好以為呢間樂園係普通茶記，啲野食夠特別！呢度好多野都係自助式，先喺門口位置落單俾錢，之後自己搵位坐，呢啲都唔係重點，重點係一定要食沙嗲牛肉西多士，真係好特別，第度食唔到，一次過滿足我呢啲貪心嘅人，又想食沙嗲牛麵，又想食西多士。講番個西多，沙嗲牛夠味，牛肉唔un, 有牛味，配埋落甜甜地嘅西多士入面，西多淋上牛油煉奶，又咸又甜咁，幾特別！另外炸豬扒都好好食，值得一試！