樂園大排檔 (已結業)

雖然是閒日, 但禾輋的大排檔總是要人等位, 幸好我們六時許已到, 才能幸免等上半小時有骨有肉, 但肉不是很多, 反而肥羔及炸粉都很明顥.. 酸甜味道適中炒蜆味道ok, 但太多殼肉是沒有肉的, 有點不夠喉!這炒得不錯, 味道很好, 聖子很多, 全部都有肉感, ok!!全晚最正的餸, 可以滿足喜愛椒鹽味味的大家, 內裡有魷魚, 腰果等, 超令人吃完一口跟一口!大碼烋煲仔飯, 看似不錯, 但久了一點香味, 又沒有飯焦, 幸好很足料!超讚蠔餅, 熱騰騰, 香噴噴, 咬下很蠔味, 炸得恰到好處, 很香口, 推!不夠味之餘, 雞亦不多肉, 可以不點!蝦是大隻的, 可惜真的沒鮮味, 肉質超'梅'而不爽, 有點兒過分!服務麻麻, 超菜時間久, 餸菜一碟跟一碟來, 途中等太久, 令人吃得不一氣呵成, 有點掃興!

原來不經不覺又一年啦!!舊年大家對這一餐的團年飯都好有回憶...所以今年再次encore!!但唔知係唔係舊年太美好..今年lee一餐有d後勁不計~冇舊年咁好食似的~~1. 菜遠雞: 不錯..好抵食又好味2. 椒鹽鮮尤: 好味~3. "老"水拚盤: 不甚特別..可以不試4. 炸蠔餅: 好大碟..不過唔算好味5. 西蘭花鮮尤: 無咩特別6. 金銀蛋莧菜: 無咩特別7. 咕嚕肉: d 肉好鞋唔好味! 不過算大碟8. 涼瓜排骨: 我唔食涼瓜,所以唔知道9. 炒蜆: 都好有鑊氣既~10. 臘味炒菜: lee 個我反而覺得好好味wor..可能因為後加...大家都唔夠飽~11. 豉油王炒麵: 好乾, 一pat野唔好食12. 生炒糯米飯: 這個不錯..不錯~~我諗下年應該唔會再黎encore 了!!

今年同朋友仔既團年飯..攪攪新意思...選址禾輋這個大排檔...早已試過很多次了!!這一次真的要寫下來...因為味道真係好good呀!!平時黎lee 度食...都係家常便飯..得幾個小菜~今次係團年飯...所以叫左好多野食呀~好多係我平時都唔會叫..or唔會食到既小菜~因為今次一行十幾人..所以試左好多野呀!!真係估唔到...原來咁多小菜都咁好食0家~~都不能一一盡錄啦...大家唯有睇相啦!!但一提既係...佢地服務幾好...笑容親切..仲有糖水任食...雖然都係流流地既紅豆沙同埋番薯糖水...但誠意可嘉~可能因為團年飯掛..又咁多人..所以食得好開心呀!!下次黎禾輋大排檔..除左人材濟濟既陳根記..仲要記得樂園大排檔..都係不二之選

行左3個鍾頭山，又疲又肚餓，個個都一身汗味，唔通幫襯大酒店咩，梗係去大牌檔啦﹗每次黎到都係座無虛席，人多到不得了，好唔容易搵到張枱…坐近廚房門口，見住其他人叫啲菜式係咁出菜，口水都流呀~鹽水雞腳，common只得一句，又大碟又好食!潮式滷水拼盤，因為坐近廚房啲關係，見到負責滷水拼盤果亞姐未停過手，可想而知個滷水拼盤都好受歡迎下~個拼盤非常豐富，有紅腸、墨魚片、鵝片、豆腐、豬腸、生腸、鴨腎、豬耳；個賣相OK，但味道方面就略為淡左DD，點解? 後來發現個亞姐係加水…唔係加滷水汁囉…咁點會唔淡呀?鹽焗雞，好入味，肉質唔可以用嫩滑黎形容，但絕對唔嚡口，冇咩皮下脂肪，所以好想好想吞D雞皮落肚，奈何…下星期Body check，都係唔好啦…不過都係果句，再好食都係冰鮮雞，冇咩雞味…不過香港依家去邊到搵新鮮雞食啵…椒鹽三鮮，差不多次次黎都會叫啲，貪佢一碟就有3樣野食；椒鹽鮮魷炸到金黃色，食落肉身彈牙，個粉醬又唔太厚，正；椒鹽白飯魚就脆卜卜，非常香口；再配合香脆可口既腰果，正呀!可惜今次覺得D腰果多左D，鮮魷就少左D，如果3樣野啲比例平衡番少少會好好多。騷炸金蠔，成隻蠔用咸蛋黃包住黎炸，又炸到鬼死咁靚

住係沙田, 真係幫襯咗十幾廿年, 近年啲質素真係唔知佢想點。上個月去食蠔仔粥，南乳腩仔柚皮，豬耳，真係食咗唔夠一半走人。南乳腩仔完全無南乳味，唔知真係以為南乳好貴，柚皮又唔新蘚，一陣怪味。蠔仔粥竟然係廣東粥　＋　１０幾隻蠔仔　＋　十粒怱粒，無其他野啦，大佬你收我四十幾蚊，整啲咁既野俾客食，感覺係所有材料就咁放落去，完全無咪囉。食咗唔夠一半超身走人，俾完錢。見幫襯咗咁多年，一場好心同老闆講，竟然話下次叫什錦蠔仔粥會好啲，大佬你成個餐牌就係得一個蠔仔粥，就係什錦蠔仔粥，我咪叫佢囉，跟手重要話清清地好喎。好，十幾廿年的客就係咁俾老闆你趕走囉。一定唔會再幫襯。

I know of Dai Pai Dongs - the quintessential place to enjoy a hearty dinner/supper in old Hong Kong. The real ones which are open air and not placed in a market or food centre are disappearing fast as Hong Kong develops its land all over the island. This was my first time at a semi-real Dai Pai Dong. It is open air but has a fixed shelter and was a little more comfortable than I thought it would be. Of course, the crowds are there but that gives you comfort that there is quick turnover, ensu

呢晚工友終於都趕起哂要做既野，難得可以食個飯，決定來呢度飲番杯慶祝下﹗每次來到都係人聲鼎沸，多人得不得了，好不容易找到張小枱，即刻叫支獅威定一定神先﹗先來一個椒鹽三色，次次來到都係叫架喇，用來送啤酒確係一流，白飯魚、魷魚炸得金黃鬆脆，配上熱辣辣香脆可口既腰果，一路睇電視傾下計一路食是一樂也﹗真係一碟送兩三支大啤都不為過﹗再來是第一次叫既鮮竹卷，酒樓軟淋淋油得要命的就食得多，鮮炸的真係第一次試，腐皮包住生菜、冬菇、紅蘿蔔絲等卷成，炸得表面外脆香口非常，裡面就係新鮮軟熟既蔬菜，蘸少少魚露同吃，味道鮮美而惹味，好一個素菜，不錯﹗本來壓軸的係我地次次食飯都話要叫既香辣魚蝦蟹，點知上到枱個賣相已經感覺很差，明明睇相佢係一隻一隻乾炒放得靚靚的，但係0係我地面前既係一堆蒜蓉辣椒洋蔥炒魚蝦蟹.......辣係真係幾辣，蝦有六七隻都叫新鮮，咬落肉依然爽口，蟹就細隻得o黎完全無肉，魚就根本辣到都唔知係咩魚來的，似食辣椒多過食魚，呢味真係比佢呃哂，食左幾次樂園最差就係叫左呢個餸，真激氣﹗只有飲多兩啖啤酒下下火，呢味所謂的招牌野真係應該執執佢，如第一個餸就來呢碟野我一定比佢喊評佢﹗

呢晚十點先來到呢度，見對上兩個星期都吃左陳根記，今次幫趁隔離的樂園﹗樂園原來每晚十點之後就有宵夜特價，不少小炒減到29-35蚊就有得食，睇一睇餸牌之前食要成四十幾五十蚊，當然唔執輸揀番兩碟﹗先來每次來到都會叫的椒鹽三寶，三寶是白飯魚、鮮魷及腰果，沒有因減到35蚊而偷工減料，依然係大大碟，岩岩炸起又熱又香脆，魷魚吃落新鮮彈牙有嚼勁，白飯魚鬆軟而惹味，是佐酒必叫的食物，睇住電視播住肥姐及鏢叔的富貴迫人系列，夠哂過癮﹗呢度威樂啤酒只係九蚊支，都好少有大排檔飲到十蚊以下的啤酒，呢支野都係生力廠製味道差不多，抵飲﹗再來是有番0的蔬菜的川辣雞柳炒雜菇，相當大碟，金菇、雞肶菇、秀珍菇等用辣醬炒起夠惹味亦有火喉，雞柳亦嫩滑多汁好食﹗要留意呢碟野都幾辣，要有心理準備﹗埋單只係$79，一人四十皮有找，份量多到大食的我兩碟都已經飽哂，抵抵抵﹗宵夜來呢度準沒錯﹗

2/15(日)同屋企人去食, 一路都有幫襯o既, 但依家d 送差左好多。叫左碟豉椒鵝腸, 完全無味!炒蜆, 9成幾都係殼, 而且超辣, 辣油落得好重手炒面, 超細碟本來佢送'任食甜品'都取到好多分, 但我地7點鐘去到已經無晒, 仲話唔會加!咁不如取消左佢啦!

講大排擋呢間真係必食首選食物："滷拼" 豬耳超爽，汁的味道剛剛好蟹粥：上次食果隻係勁多膏，好香。如果係肉蟹既…蟹超甜 (可惜好難拆蟹肉)粥好入味。簡直一流 我比85分... 雞粥：黎親唔係蟹粥就雞粥。因為d 粥好入味，同埋好綿。牛腩煲：好正，好大煲…食極都好似仲有。牛夠腍，枝竹都幾靚次序：黃金蝦，多食好"溜"，頗鹹但幾醒胃。同埋水準一時時炒蜆…新鮮但係鼓汁過多…豆鼓味唔夠炒聖子…我叫左一次就唔會叫第二次炒出黎勁少…殼多過肉…唔抵食每位一百到。但係真係食得過

這夜去左睇爆粗band友，睇完之後一行四人來到食晚飯其實前個星期來呢間試左一次，食物比對面的陳根記平，不過就好似好多餸都賣哂咁﹗今晚星期日來，無左呢個問題喇，原來十點之後0的餸仲有特價添，最平的29蚊就有小炒，我地咁岩9:45pm來到當然等多兩個字先叫餸啦﹗食飯傾計先來一個椒鹽三色，有白飯魚魷魚仲有腰果，魷魚皮薄香脆肉身彈牙煙韌當然係大家至愛﹗可惜得四五粒，所以要encore再叫多個椒鹽鮮魷先滿足到大家﹗半邊燒雞好似只係$35，都算幾大隻喎﹗熱辣辣皮脆不過雞肉o鞋左少少，燒雞都係帝堡城0個面既大排檔最好食﹗主角來了，由於平日我唔食羊的關係，工友根本無機會掂到，難得有朋友在，當然叫個等大家share啦﹗叫左個細羊腩煲$68﹗唔好睇佢細細煲，異常足料，入面件件都係羊肉，我雖然無食不過見到佢地三個食到停唔到手大叫大嚷都知好味道﹗叫多碟菜加多六七支大啤，一人埋單都唔洗八十蚊，抵喇呱﹗

去呢間大排檔想食好野.....一定要睇我呢一篇!我見好多人o既評語都唔係好好.....同埋食o既野都唔係最好食的因為我係熟客......幾乎大部份o既菜都食過以下有幾多菜想推介西檸軟雞***** (大排檔質素叫做好高......因為這味汁最緊要........而呢度o既檸檬汁係最好..)老水鴨片**** ( 幾香鴨味~~老水味略嫌不足~但係都幾好)辣酒花螺***** ( 唔多講....勁正! 早去螺會大粒d....遲去就細粒d)蜜汁燒風鱔*****(食鰻魚咁.....但係好好口感~好食過好多日式鰻魚!)蒜泥蒸扇貝****鴒鬆生菜包****其他菜式也很不錯~如炒蜆 炒蟶子~~~都被很多大排檔出色~不過上述o既係其他地方食唔到呢個質素law.....忘記左一個重大推介!!!!!!!!!!!!! 砵酒焗生蠔!!!!!!!!!!!超好食.............不過唔係成日有得食.......我近幾次都冇得食.........點好食法真係要試下先知.........10點後去食............抵到........29蚊碟......我自己都會煮飯......真係買料都十幾廿蚊la..

早前開學時同o的莊員o黎o左食飯4 男4女, 叫o左8個餸, 有肉有菜o黎得大排檔, must叫o既有... 肥牛粉絲煲 {ok~ 有返o的水準~} 蠔餅 {唔單止脆... o的蠔仲要幾大隻o下... 讚!!}另外見特價, 叫o左 辣油煮花螺依個餸係我成餐最欣賞o既一個餸~唔太辣~ 酒香淡淡~ o的螺又夠大隻~ 非常好!!叫o左幾個飯... 叫o左o的汽水...除返開, 每個人都係$5x, 絕對超值!!下次食宵, 以後都唔去泰源~ 決定改到樂園食!!

食宵一向都去開火炭所以對火炭大排檔有個情意結不過今次gei 開學飯, 因為見到火炭太多人啦!!!!!係友人gei 帶路下, 黎到呢度啦~~第一次食~ 竟然出乎意料的ok wor~~~8個人竟然叫左8碟餸...... 琵琶豆腐, 豆腐多魚肉少, 我覺得就味道黎講ok 啦, 不過因為我一向都唔太好琵琶豆腐, 所以唔可以作準~ 辣酒煮花螺, 味道唔錯, 不過可以再辣d~ 沙嗲肥牛粉絲煲, 無乜沙嗲味, 但牛肉好"林", ok~ 蠔餅, 呢個係全晚至Good 的!!!!! 蠔好大隻, 粉漿唔會太粉, good! 腐乳炒通菜, 好多腐乳, 正!!! 芝士大蝦焗伊麵, 俾佢張相呃左.... 好細碟, 不過, 芝士伊麵幾好食, 好rich 好creamy 的芝士, 但蝦就麻麻... 芒果炒牛柳, 芒果好味!!! 酸中帶甜~ 黃金蝦, 我覺得, 呢個唔好食........ 蝦唔夠新鮮, 點整都無用.....叫左咁多野 (仲有飯同氣水), 一人都係$50 左右好抵食!!

今日中午因為學校CANTEEN太多人，所以就去左呢間大排檔。其實我原本都冇咩期望，不過估唔到呢間野既食物質數差成咁。我同幾位朋友都嗌左個菠蘿咕嚕肉飯，個飯個賣相都唔錯既，但係一食入口就......首先，佢D咕嚕肉好粉又苦澀，D汁既味道又怪怪地，D送唔好食都算喇，我只係但求飽肚姐，但係佢D飯濕DATDAT，真係哽唔落，結果碟飯我食左一半已經冇胃口再食。另外，我見到放餐具個兜入面好污糟，仲有隻小昆蟲係裡面爬行@@我真係怕怕喇......