樂園大排檔 (已結業)

咁多年黎, 我只係幫襯過陳根記, 因為都算平靚正ar ma!! 不過就發現, 越食越唔好食! 仲有就係越食越細碟結果朋友就叫我試吓佢隔離間"樂園"...a...又幾好食wor!4個人去叫左6個餸:1) 鼓汁蒸鱔2) 腐乳通菜3) 鹽焗雞4) 沙鍋魚頭煲5) 老水拼盤6) 黃金蝦第1至第5款都好好食!! 好夠獲氣! 而且碟頭仲大過陳根記多多聲tim!! 至於第6碟, 就不得不推介囉!! 超勁好食!! 仲要用超大隻ge新鮮蝦炸!! 必食ar真係!! 連埋啤酒汽水白飯, 都係$350, 每人唔駛$90, 抵!不過環境衛生就麻麻地, 始終都係大排檔ar ma!! 建議唔好坐近草叢邊, 因為好似有野咬咁ga!!

星期六入左去沙田, 見天氣好,可以去我最鍾意既大排檔食飯, 平時食開陳根記, 今次朋友仔建議試下隔離既樂園兩個人點左:－豉椒炒蜆鹽焗鷄（例牌）菜遠炒牛肉一支啤酒＆一罐可樂一碗白飯　個炒蜆應該幾受歡迎，枱枱都梗有一碟，我都覺得唔錯，唔會太辣，亦唔會有殼多過肉既情況，兼唔會食到一口沙個鹽焗鷄不吃也罷，鷄肉異常乾鞋，跟陳根記既霸王鷄同醉鷄無得比菜遠炒牛肉我地要了白菜仔炒，好夠鑊氣，牛肉唔鞋唔韌，唔錯呀埋單都係＄140, 抵食啊！

樂園大排檔已去過好幾次了,每次一坐低便有湯上,還好啦~沒什麼味精似的,老主顧一坐低都會先去"筆"糖水先,因為,等到飯後先去拿,蕃薯糖水一定早已沒貨的了~今晚另一糖水,紅豆沙西米露,不會太甜都很好飲~總括菜式多,價錢平,真正好吃的,可能只有餐牌上的3份1,看您的好運了~但~值得一去~今晚一行6個人(BB不計在內)叫了5個餸.其中3個餸是套餐 :涼瓜炆鎗魚-魚太小沒什麼肉,涼瓜太硬風沙雞-其貌不揚,但~有內涵,皮脆,有肉汁,肉嫩.南乳香燒骨-味道好,但~太干了~可惜~另叫多2個餸 :香煎蓮藕餅-今天的特價小菜,20元,不可太高要求.辣酒煮花螺-似煮家菜多一點,不夠辣,55元~不貴,但不值~白飯4個,2支啤酒,1罐可樂~埋單267元,平均每人才44.5元套餐有湯有糖水任吃,仲想點??

想不到半年之後，寫這間大排檔的又是我。又是突然想去大排檔食飯，要男友二選一，他再次選了這裡。order的和上次差不多:爽肚($40):味道比較淡，而且竟然是曖的，難道是「叮」的?但爽肚都算蠻有口感。炒蜆($40):頗大碟，也是不夠熱，偶然都會食到少少沙，但都不算大問題。亦不會有殼比肉多的情況。椒鹽瀨尿蝦($38):為特價菜，瀨尿蝦比較瘦削，像未長大的小瀨尿蝦。但炒得很香，味道搭救。另加飯2碗和2soft drink(現在沒有送了)就食得很飽飽了。下次要發掘更多的大排檔!

那天興起想和男友食大排檔，第二天就願望實現了。由新城市走來要15-20分鐘，但食膩了新城市的美食，偶爾試試也無妨。點了椒鹽瀨尿蝦炒蜆鵝腸coke x2 rice x2最好味的是椒鹽瀨尿蝦，雖然蝦不太肥美，但是味道可以加分。炒蜆有dd沙，不過都ok鵝腸也挺爽口環境不太好是真的，但是有大排檔的風味呀值得一讚的是阿姐~~我們問的問題都有耐心解答，沒有不耐煩~~可能當日沒有full吧^^

昨晚同左男友去禾輋個間樂園大排檔度食飯,叫左三個菜1. 南乳香燒雞件(勁炸,南乳汁係分開上架, 但味道都算過得去)2.椒絲蝦醬通菜(都好大碟呀,又唔似其他人講的咁細碟喎)3.紅腸鴨腎併盤(好正)仲有兩罐汽水送,因為我地冇要例湯,食完都有飲佢的免費糖水,蕃薯湯水...可能係平日,所以都未至於要等位..不過可能天氣熱的關係,所以男友都滿頭大汗,但好在有大風扇吹住咋..不過以價錢黎講,都算係抵食架..

多油到唔識點講...肥死人我所食甘多間大排檔黎比真係好細碟今次叫左豉椒炒蟶子:炒埋都係得10幾隻,太鹹又細隻,唔好食沙嗲牛肉粉絲煲:好粉,少牛肉,粉絲好漿白灼蝦:還可以,普通size雖然阿姐好好人,但絕對無下次!!!

遠記，遠嫂，阿A，阿M＆男友約埋一齊食大排檔，由沙田火車站黎哩度都要三四個字，天氣浩熱，身水身汗．去到ｄ阿姐好開心迎接我地，坐低飲杯茶再諗下食咩先．寫左六個餸：－A.椒鹽鮮魷－炸得好爽脆，唔會好粉；B.西蘭花斑塊－斑塊有ｄ鯹鯹地；C.沙拉骨－不過不失；D.茄汁煎蝦－好味；E.蒜蓉粉絲蒸扇貝－無汁，有ｄ乾身；F.潮州拚盤（紅腸，鵝片，豆腐，豬腸，生腸，鴨腎，墨魚片）：幾好；送：花生雞腳煲眉豆－好清甜；甜品任食：西米露：一般，蕃薯糖水：有彊味，不錯．我地幾位好耐無坐低一齊食飯，要左兩枝大Carlsberg賀一賀，遠嫂無飲酒，其餘４個人平均都分左每人兩杯，飲到面紅紅，哈哈哈！

尋晚一行八人想到沙田食乳鴿,睇網友同朋友嘅朋友介紹話樂園比陳根記好啲, 結果決定入去一試,從港島區揸車入去, 結果…先叫7個餸:乳鴿–完全唔香口,皮唔脆(屋企附近間酒樓仲好味)雞粥–算OK , 雞有味椒鹽軟殼蟹–唔脆辣酒煮花螺- 係東風螺,好唔掂,未洗好, 最後同老細投訴,佢無呢個餸$蒜蓉油麥菜–無味粉絲什菜煲–無味豉油皇炒面–OK, 不過比較濕見唔夠食再叫多兩個餸:煎蠔餅-無落旦,淨係食到d脆漿沙拉骨–OK最後埋單(連酒水): $400結果大家都唔飽, 再去九龍城再食一餐泰國菜,仲好味

行開沙田多數會過來禾輋呢個大排檔食野, 呢間野又平又好食, 差唔多咩中式小炒,潮式鹵水,打邊爐,乳鴒,雞粥等等, 全部即叫即做...我覺得最抵食就係潮式鹵水拼盤, 有鵝, 豬腸, 墨魚, 豆腐, 香腸, 橙色生腸, 牛肚同雞腎, 非常豐富, 另外食過雞粥, 粥底非常軟, 雞亦滑, 而乳鴿都幾香口...d小菜大部份30多元至50多元, 平日食主菜送汽水, 而湯水仲日日都送, 仲平過沙角果面好多!!

昨晚又去沙田朋友家，本來想在陳根記買外賣，但朋友話最近幾次食都差了，不如試試另一間，所以便來這裏買了。我們買了兩個小菜，琵琶豆腐和京都肉排。琵琶豆腐- 豆腐煮得比較硬，味道一般，唔算太好。京都肉排- 肉質比較韌，好在味道煮得幾好，送飯唔錯。有機會試試其它菜式，看看又如何。

係沙角食德記食唔飽加一肚氣返黎樂園再食叫左螺, 又多沙, 個肚又多仔好難食肉排, 好淋, 仲淋過魚肉連肉基本口感都冇鵝腸,ok la野食一般般, 態度就幾好不過下次都係去返陳根記好d

20/11 7:30pm晏晝同家人去和合石掃墓完畢後,一行7人到此食晚飯,本來建議到火炭大排檔試試,但老豆話火炭近馬路較大塵,於是end up黎左呢度.幸好男友先攞位,如果吾系果個鐘數去到都要等位.之前同男友黎點菜點吾到太多,今次我地叫左4和菜餐$168,4送1湯:煎蠔餅,菜遠炒田雞,沙拉鴛鴦球,粟米斑塊.另加豬骨煲$55,黃金焗蟹蓋$78,椒鹽豆腐$18.煎蠔餅---最差呢樣!炸蠔餅無落旦,淨系食到d脆漿,蠔仔都ok既,無沙,但吾夠大隻.菜遠炒田雞---菜心嫩綠鮮甜,田雞亦新鮮.推介:必叫沙拉鴛鴦球---極力推介!雞球+魚球,不過食2舊已覺好溜!建議一大班人先好叫.黃金焗蟹蓋---肉蟹咬咬肉,而且頗多膏!椒鹽豆腐---外脆內軟!粟米斑塊---粟米汁稀杰度適中,魚塊微脆無雪味.豬骨煲---胡椒味頗濃,豬骨肉質頗嫩!加埋枝竹蘿蔔,都吾錯!糖水系自助,但果陣已剩餘蕃薯糖水,下次要攞定先!埋單$350,真系平,靚,正!不過要預左無人會serve你,因實在人太多.

我成日去樂園食野架~平嘛! 10點後好多野食都係28蚊咋~勁多frd都成日去食ka!我鍾意食乳甲la,辣酒螺同埋黃金蝦~推介推介!!!d 黃金蝦用旦黃整完再炸架,好正~蟹王飯都好好食wo!又唔係貴!仲有糖水同可樂送..抵呀!!最方便係佢有埋糖水賣,食飽飯又可以買返屋企食~仲要全部糖水唔過廿蚊~~~~真係超值囉~

大排檔係學生放lunch time 時o既好去處,又平又大碟,好食過o個個乾炒牛河,好好味呀,不過好多油,都ok啦,仲有附近有個檔口係賣甜品嫁,雖然係細左d,不過好好味嫁,o個度開下午四點鐘o既,我成放左學都去o個度食野,我最中意食o個度d刨冰, yummy yummy!