樂園大排檔 (已結業)

住係沙田, 真係幫襯咗十幾廿年, 近年啲質素真係唔知佢想點。上個月去食蠔仔粥，南乳腩仔柚皮，豬耳，真係食咗唔夠一半走人。南乳腩仔完全無南乳味，唔知真係以為南乳好貴，柚皮又唔新蘚，一陣怪味。蠔仔粥竟然係廣東粥　＋　１０幾隻蠔仔　＋　十粒怱粒，無其他野啦，大佬你收我四十幾蚊，整啲咁既野俾客食，感覺係所有材料就咁放落去，完全無咪囉。食咗唔夠一半超身走人，俾完錢。見幫襯咗咁多年，一場好心同老闆講，竟然話下次叫什錦蠔仔粥會好啲，大佬你成個餐牌就係得一個蠔仔粥，就係什錦蠔仔粥，我咪叫佢囉，跟手重要話清清地好喎。好，十幾廿年的客就係咁俾老闆你趕走囉。一定唔會再幫襯。