影片
更多
2009-02-22
36 瀏覽
呢晚十點先來到呢度，見對上兩個星期都吃左陳根記，今次幫趁隔離的樂園﹗樂園原來每晚十點之後就有宵夜特價，不少小炒減到29-35蚊就有得食，睇一睇餸牌之前食要成四十幾五十蚊，當然唔執輸揀番兩碟﹗先來每次來到都會叫的椒鹽三寶，三寶是白飯魚、鮮魷及腰果，沒有因減到35蚊而偷工減料，依然係大大碟，岩岩炸起又熱又香脆，魷魚吃落新鮮彈牙有嚼勁，白飯魚鬆軟而惹味，是佐酒必叫的食物，睇住電視播住肥姐及鏢叔的富貴迫人系列，夠哂過癮﹗呢度威樂啤酒只係九蚊支，都好少有大排檔飲到十蚊以下的啤酒，呢支野都係生力廠製味道差不多，抵飲﹗再來是有番0的蔬菜的川辣雞柳炒雜菇，相當大碟，金菇、雞肶菇、秀珍菇等用辣醬炒起夠惹味亦有火喉，雞柳亦嫩滑多汁好食﹗要留意呢碟野都幾辣，要有心理準備﹗埋單只係$79，一人四十皮有找，份量多到大食的我兩碟都已經飽哂，抵抵抵﹗宵夜來呢度準沒錯﹗
樂園原來每晚十點之後就有宵夜特價，不少小炒減到29-35蚊就有得食，睇一睇餸牌之前食要成四十幾五十蚊，當然唔執輸揀番兩碟﹗
先來每次來到都會叫的椒鹽三寶，三寶是白飯魚、鮮魷及腰果，沒有因減到35蚊而偷工減料，依然係大大碟，岩岩炸起又熱又香脆，魷魚吃落新鮮彈牙有嚼勁，白飯魚鬆軟而惹味，是佐酒必叫的食物，睇住電視播住肥姐及鏢叔的富貴迫人系列，夠哂過癮﹗
呢度威樂啤酒只係九蚊支，都好少有大排檔飲到十蚊以下的啤酒，呢支野都係生力廠製味道差不多，抵飲﹗
再來是有番0的蔬菜的川辣雞柳炒雜菇，相當大碟，金菇、雞肶菇、秀珍菇等用辣醬炒起夠惹味亦有火喉，雞柳亦嫩滑多汁好食﹗要留意呢碟野都幾辣，要有心理準備﹗
埋單只係$79，一人四十皮有找，份量多到大食的我兩碟都已經飽哂，抵抵抵﹗宵夜來呢度準沒錯﹗
張貼
