榮式燒雞扒 (已結業)

從灣仔第一間店時就知道有出名嘅雞扒，但礙於地點問題，一直都無機會去食！今晚我哋打算買外賣返屋企食！其實仲未諗到食咩架，臨放工前收到SMS話佢買咗榮式燒雞扒外賣嘩！真係一個surprise呀！$28一份嘅雞扒，買了兩份，返到屋企食嘅時侯仲係微暖，我諗係因為天氣實在太太太熱喇，所以都唔使翻熱就食得！一份有兩片薄身但都幾大塊嘅雞扒，份量都算OK，味道亦好，相信如果堂食一定仲好味啫！不過如果唔係有人買，我都唔會有得食呢！THANKS！

星期一, 晚8點, 在公司OT的我收到齋妹的MSN, 說在北角上堂好悶, 傾傾下我說, 不如接妳放學啦, 同意了之後, 諗諗北角有什麼好食呢, 一諗之下, 不如去探探榮哥既北角分店, 慢慢食, 慢慢等佢十點落堂.地方環境, 比起其他三間店大得多. 而且個Menu設計, 好似同其他分店不同呢. 美麗的名字如雞藕天城, 雞同鴨講沒有了, 只是簡單的榮式燒雞扒配藕餅, 榮式燒雞扒配鴨胸.......飯食得多, 今次吃別的, 但不離其招牌雞扒. 於是叫個雞扒炒烏東吧. 價錢同其他榮式的一樣, 沒有套餐, 野飲全部另計. 咁....天氣熱到死, 就叫杯檸茶解解暑吧.雞扒即叫即燒, 所以都要等上一會, 反正是邊食邊等人, 你慢慢出, 我完全不介意. 因為我都是慢慢的等人. 來到的烏東香氣四溢, 雞扒一樣燒得咁香兼皮脆. 不過, 黑椒味落得重了些少. 而且炒烏冬個味不夠濃. 感覺差了DD野..........總之, 都係飯好d.食下食下, 都硬係覺得差樣野.........差乜野.........只欠榮哥囉.

榮式燒雞扒有幾出名相信不用我多講, 平時經過都爆到坐出店外, 是日趁剛開門, 沒什麼人的時候來吃。比起以前去過的灣仔總店, 這兒地方大得多了, 像茶餐廳, 坐得舒適。無須考慮, 當然吃雞扒, 不過配什麼好呢? 藕餅吃過了, 而且太滯, 其餘的不太吸引, 記得有食評寫過車喱茄肉醬還不錯, 感覺上也清新一點。問明肉醬是豬肉之後, 便點下了榮式雞扒配車喱茄蘑菇肉醬飯, 配凍檸茶 ($38, 冷熱飲品同價)。雞扒仍是即叫即燒, 故得耐心等候。想不到榮哥由小店做起, 如今已是集團式經營, 有自己口麥頭的餐具了。雞扒仍然是薄薄的一片 (理解的, 不然等它熟都等到天光), 雞皮烤的金黃香酥, 灑上少許黑胡椒, 忍不住吃了兩口; 雞肉有豉油的香味, 油/汁不缺, 令人百吃不厭! 至於新東西肉醬呢, 是分開上的, 見到有不少切半的車厘茄, 有誠意。不過醬汁整體有點過甜和稀了一些, 跟濃香的雞扒不大搭配, 不過伴飯吃其實還不錯。當然, 可以在煮汁底時混入車厘茄, 而不是現在般像是之後加入的, 相信更有風味。肉醬其實是肉絲, 口感更佳。反而伴菜有點失色了: 我記得上次吃雞藕天成的時候, 伴菜是有蔥油和炸菜粒

之前係合和返工已經想試...次次去到都見好多人排隊...所以都未試到...今次係過去北角返工~終於有機會試喇入到去,d 同事話呢間裝潢最正常~哈哈但睇哂成個menu大部份都係雞扒由於之前果日係城坤廣場food court食左生牛肉湯檬..所以今日揀食炒烏冬~炒就$39,撈就$36,湯粉就$25見價錢差咁遠~就問下個waiter啦~「請問...炒同撈有咩分別?湯粉同烏冬份量有咩分別?炒烏冬係咪好大碟呢?」個waiter就話:「炒就即係炒囉..撈就比d豉油你撈囉~大唔大碟..er...都係一人份量囉..個碟都幾大嫁.」「....................er...................咁即係??算啦...」一人份量...我只係想知係女生定男生份量??算啦..叫左個炒既~雞扒炒烏冬$39~冇野飲包嫁..雞扒有2塊~燒得好令喎真係!即刻試左一啖~嗯~好好味~好濃味~唔錯...不過食多幾啖之後...發覺好咸,可能好多味精....同事已經叫左杯soda飲...但佢話唔得lor..我見個樽好米酒feel就映左張相喇再食....d烏冬唔敢再食...食左一半度啦...唔係我飽....而係

平時落堂都想試呢度既雞扒, 但次次經過都大排長龍, 今次揀左星期六去, 少好多人, 又唔駛share枱雞藕天成當然要試出名既雞扒同蓮藕餅, 雞扒製法獨特, 即叫即整, 雞皮好脆又惹味, 就算食埋都唔覺得罪過, 太好味。平時我甚少食蓮藕, 今次一試難忘, 我覺得仲好過雞扒。榮式燒雞扒配車喱茄磨菇肉醬本來想試豬頸肉但無, 於是叫左差唔多既飯, 車喱茄磨菇肉醬溫溫吞吞, 汁要熱辣辣加落d飯度先好味, 呢味比較普通不過雞扒同蓮藕餅已經拎左唔少分數, 應該會有下次。

平日見好多人排隊幫襯，我就幕名而去試吓。Order 了一個雞扒飯，一個雞扒意粉，飲品。坐的是酸枝枱椅，環境都几迫，不太舒適。以為咁嘅環境好快有得食，　點知等咗２０分鐘先有得食。跟其他人的意見差不多，雞扒几滑，皮脆，不過無雞味。個飯同意粉都只用普通燒汁，無持別。成間歺廳只有筷子同匙, 食意粉食得好章苦，又要成塊雞扒食。連埋飲品，二人埋單要１００蚊，早知去附近茶歺廳算啦。又快又好食。

榮式燒雞扒最初只是在灣仔開了一間街坊式餐館，由於用心烹調，於是連食家蘇絲黃都大為稱讚，於是廣為人知。老闆榮哥年青時用了新穎的方法烹調雞扒，效果唔錯，於是後來改了個名稱叫榮式雞扒，於是街知巷聞，其實創新是香港發展的重要原素。現在榮式雞扒衝出灣仔和銅鑼灣把店舖開到北角，仍然大排長龍，雞扒是即叫即製，用烤板煎的，非常惹味香口，雞扒肉質嫩滑，脆脆的雞皮不太肥好像不太熱氣，應該是雪藏雞肉，可是雞肉也能能夠保持原有的雞味，簡單的食材只要肯加心思，也能夠成功做出"佳餚"，榮式雞扒的致勝之道，也值得香港人參考。配料也是很出色，美味的甜鼓油和薑蔥，非常美味。此外，這裡的餐牌還有港式爛gag，如雞藕天成、雞同鴨講、火併阿粟、極有香港的特色，其實香港旅遊協會大力宣傳舶來品迪迪尼，倒不如發掘香港地道的草根文化來作旅遊宣，不過又可能那些達官貴人根本看不起平民的美食。環境是一般新式茶餐廳的格局，服務勤力有禮，算清潔衛生，中午午餐四十蚊，一碟飯加上冷熱飲品同價，雖然偏貴，但是很美味，不過要小心中午食飯時間要大排長龍。http://icuteee.mysinablog.com/index.php?op=ViewArt

曾經見到上報,於是一去嘗一嘗,叫了一個咖哩汁雞扒飯及一個雞扒拼蓮藕餅,我覺得佢燒雞扒的醬汁非常野味,不過咖哩汁就一般係普通d加了小小薯仔同紅蘿蔔,以及價錢都比較貴咖哩雞扒飯都要成$38唔包飲品,雞扒拼蓮藕餅要$36,我覺得都幾貴,連埋野飲要成$50幾.整體味道都ok,不過食後覺得都幾口渴

同男朋友去左呢度食晚餐, 因為聽講雞扒好似幾出名佢叫左個雞扒飯x咖哩汁, 我就叫左雞扒x藕餅佢果個飯上黎先, 見到"哇"一聲, 駛唔駛咁大塊扒呀, 仲要x2 (感覺好似m叔一個雙層既板燒雞腿包咁豪華...)鐘意食肉既一定喜歡, 2塊扒可以填滿一隻碟而且雞扒唔錯, 一來夠新鮮整起, 夠熱, 二來醃得幾入味, 仲有好香既黑椒扒上面既坑紋證明係即烤既, 而且有少脆口, 惹味非常, 不過2塊雞扒帶來的副產品, 就係好多雞油~~ 另外個咖哩汁幾好食, 少少辣又唔會無味我果個飯上黎果陣, 係一件扒同2塊藕餅, 個餅真係幾好食, 唔係一味得豬肉, 而且食落仲有章魚味, 重要既係貌似新鮮煎起, 肉汁夠熱, 好快就食哂 !!飲品個青檸七都唔錯, 幾清新總括來說, 一間好似茶記既餐廳, 食物唔錯, 熱度又足夠, 作晚餐來說都唔貴, 不過如果作為係茶記心態既話就少偏貴, 畢竟只係扒飯一碟, 2個人食個飯+飲品都會過百........味道係唔錯, 不過感覺食完有d口渴, 不知是否味精作怪?港式烤雞扒, 誠意可嘉, 可以比好評

食過銅鑼灣分店榮式雞扒包﹐雖然無傳聞中誇張地好食但都算唔錯﹐所以一而再﹑再而三番轉頭幫襯。最近聽朋友講榮式北角開分店﹐坐得舒服﹐新店跟灣仔總店煮法一樣雞扒比較juicy﹐銅鑼灣店則因應顧客要求較乾身﹐一向食開乾身雞扒既我特地走去北角一嘗juicy雞扒究竟有幾juicy。去到新店感覺良好﹐又大又光猛﹐充滿期待。當雞扒包來到我面前﹐心底一沉......「點解無生菜同青瓜絲﹖」有蔬菜陪襯下肉類才會特別鮮甜﹐不過算啦﹐可能鋪租貴所以係無加價既情況下減少用料情有可原。既然今趟主要試雞扒﹐雞扒至係主角......「但係點解好似細塊左咁多﹖!」都算﹐自我安慰﹐重質不重量﹐味道最重要。咬下﹑滴汗......「點解個包好似硬硬地?」而所謂juicy雞肉同之前都無物大分別﹐不過又有一個問題......「點解雞皮唔脆﹑霖'bet bet'﹐仲要有層肥膏?! 好肥呀!」個包唔熱唔凍﹐極度失望下食得好慢好慢﹐五分鐘後終極問題出現......「點解個包邊硬到指甲彈落去會有聲??!!」最中意食麵包既我唔可以再自欺欺人﹐決定放棄﹐食埋塊雞肉就算。十萬個點解......「點解?!點解?!點解?!」期望越大﹑失望越大~~

前幾個星期黎食啦.2個人叫左一個撈檬一個雞扒肉醬飯 價錢同平時茶餐聽差不多 不過講真冇咩突別.同埋有好多飛飛下0既蚊一路食一路"嬲"我地d食物不過塊雞都幾好味好大塊.以呢個價黎講係北角都正常..但味道真係好普通.但上野食上得好快.一叫之後2分鐘就有得食.另外都客似雲來咁..

　　難得”五一”有假期，所以去試下只係開咗幾個星期嘅”榮式燒雞扒”　　行到門口，見到ｄ裝修超正，好有特色。　　點咗雞扒撈丁，ｄ雞扒真係勁好食，係值得推介嘅菜式。　　但係佢ｄ食物偏貴，小食平均都要廿幾蚊，係最美中不足嘅地方。　　總括來說，都值得一試嘅。

又到午飯時間，特登同夫人去北角試下「男女」都有介紹既雞扒~星期日下晝點半左右去到，舖頭唔難搵正正港大對面。等兩左檯都算快手~坐低打開menu諗左一陣，夫人就決定一試雞扒撈丁而我就叫左份雞扒蕃茄肉醬飯~另加青檸梳打同T (熱奶茶)。係主角出現前先令我地surprise既既然係支梳打水~!! 泰國貨，未見過~得意。由於佢地聲稱係即叫即製~所以大家千祈唔好用茶記既速度去比較。等左十分鐘左右，開飯!!雞扒 - 皮夠脆，肉夠嫩 (唔好以為我係打手~~睇埋先)，真係正!!撈丁 - 蔥味太勁~甚至乎有草味，無乜油。最頂癮就係...唔知點解有青爪絲，好一丁沙律feel肉醬 - 茄味同燒雞扒係唔夾，因為佢grill既扒同酸酸地既sauce撈埋...味道我自己唔鍾意總括黎講，食物方面雞扒唔駛懷疑~放心去食!! 但係飯麵方面，佢地都仲要放多d心機~所以蘭芳園既地位佢地未可以單挑得到!!

跟靚妹在太古睇完戲，便乘地鐵到北角一試雜誌介紹的榮式燒雞扒。到達時，已是9:20分，她也差不多打烊了。而我們又是最後一枱客，心想不知還有沒有聞名的雞扒飯供應...幸好，皇天不負有心人，廚師還是為我們送上了一客熱騰騰的雞扒飯。雞扒燒得香脆，一點也不油膩。伴飯的配菜，酸酸的，也蠻開胃。由於已是入夜時分，我們叫廚房給我們'半飯"好了。所以，整體來說，食物份量也足。唯一美中不足的地方，是食物品種選擇示算很多，如能夠多一至兩款相關的招牌菜，便真的是名符其實的"特色小店"!

見越開越多，終於的起心肝走來試試。沒理由不叫雞扒藕餅飯。招牌雞扒又確是有其特色，聲稱即叫即煎，薄薄的雞皮煎得脆而不肥不油，雞肉質感亦幾嫩滑。兩塊熱辣的藕餅應是即炸起，相當香，而且同樣並不油膩。不過食落就覺豬肉與蓮藕的比例失了平衡，半肥瘦豬肉似乎過多，吃不到有幾多蓮藕。另一碟滷豆腐豬軟骨飯就不過不失。預早整定，豬軟骨且有點鞋口。兩碟差不多價錢，比起雞藕飯就欠了點誠意。抱住幾大期望來試，雖然都算不錯，不過就不致令人感覺震撼。如果食厭了一般茶餐廳的普通雞扒煮法，這裏不失為另一選擇。