榮式燒雞扒 (已結業)

又到午飯時間，特登同夫人去北角試下「男女」都有介紹既雞扒~星期日下晝點半左右去到，舖頭唔難搵正正港大對面。等兩左檯都算快手~坐低打開menu諗左一陣，夫人就決定一試雞扒撈丁而我就叫左份雞扒蕃茄肉醬飯~另加青檸梳打同T (熱奶茶)。係主角出現前先令我地surprise既既然係支梳打水~!! 泰國貨，未見過~得意。由於佢地聲稱係即叫即製~所以大家千祈唔好用茶記既速度去比較。等左十分鐘左右，開飯!!雞扒 - 皮夠脆，肉夠嫩 (唔好以為我係打手~~睇埋先)，真係正!!撈丁 - 蔥味太勁~甚至乎有草味，無乜油。最頂癮就係...唔知點解有青爪絲，好一丁沙律feel肉醬 - 茄味同燒雞扒係唔夾，因為佢grill既扒同酸酸地既sauce撈埋...味道我自己唔鍾意總括黎講，食物方面雞扒唔駛懷疑~放心去食!! 但係飯麵方面，佢地都仲要放多d心機~所以蘭芳園既地位佢地未可以單挑得到!!