極尚大瀛喜日本料理 (已結業)

上星期跟朋友在維園捉精靈之後，真的筋疲力盡，差不多9點多，我們去了附近的極尚大瀛喜，一間日式放題，特別的是，不論飲品、甜品、小食，還是主食，選擇都非常多，想吃什麼都有。 刺身新鮮，最愛大蝦刺身，三文魚夠肥美，北寄貝頗彈牙夠爽口。 燒物串燒上台時都熱辣辣 雞軟骨很爽脆、牛肉粒又嫩又多汁、 榴槤波波皮夠脆軟，有QQ的感覺，咬開中間滲出榴槤香！非常正~ 黃金燒原隻帆立貝 帆立貝不是太大粒，但醬汁調得美味，帶點點酸的味道，非常開胃 極品和牛壽司、黑松露三文魚壽司、極尚穴子壽司 壽司飯的份量是平時的一半，小小一口一個，份量Perfect 味道普普通通，還可以。 咖哩蟹，咖哩味帶點辣，蟹身肉味鮮甜，加上咖哩汁，味道很惹， 第一次放題有蟹吃，有新意！ 無飯不歡的朋友點了3個主食，主食的份量都是小小一碗 有肥牛鍋、雲吞及稻庭烏冬 肥牛鍋湯底有打邊爐feel，雲和中有肉有大蝦，稻庭烏冬夠彈牙，我們一人自製一碗牛肉雲吞烏冬，吃得滋味！ 最後以乳酪做終結，可以自己配朱古力豆， 味道酸酸解飽滯，我超喜歡這種酸味道，所以添了很大一杯 馬卡龍色彩繽紛，夠脆又不太甜，外面圓要20多塊錢，這下可以

捱左一星期終於到星期五，要去食放題放任下！佢地既點菜紙有A-L甘多頁,真係眼花撩亂。我決定比朋友決定，而我就出去自助bar度攞野食。刺身一睇就知夠凍夠新鮮，色澤都好靚，每樣都鮮甜彈牙，脂香濃而唔腥。串燒叫左鹽燒蝦、牛舌同鰻魚。鰻魚燒得好入味，吸晒鰻魚汁既精華；牛舌點上檸檬汁能帶出牛味，入口唔韌；鹽燒蝦肉甜彈牙。本身以為燒得太乾，點個入口係兩回事，羊架咬開多汁有羊蘇香味，肉質夠嫩。芝士波天富羅係用芝士放入獅子狗再炸，果然芝士係流心既，而且唔會太膩。同樣地以為菠蘿燒得太乾，但其實都ok, 菠蘿肉甜多汁。甜品時間去雪糕櫃拎雪糕食嚟替今日劃上一個完美句號。

同班朋友去食飯最佳選擇就係食放題，銅鑼灣呢間極尚大瀛喜暫時係我食咁多間放題款式又多 質素又好既一間放題。除左可以寫紙叫野食，仲提供埋自助吧 沙律 冷盤 熟食 飲品 甜品一樣多選擇，飲品種類非常多 汽水、果汁、啤酒、茶都有 最估唔到既係竟然連楊枝甘露都有 西利！ 食放題第一樣叫既野食 唔洗問，一定係 刺身（≧∇≦）一大盤送上已經好興奮，再加埋佢有乾冰伴碟，更加提高食慾 而且用黎影相更一流！^_^。三文魚同正常既差不多 都幾肥美，甜蝦就比一般既大隻 正！！仲有赤蝦就大大隻 一啖一隻 勁有滿足感，而帶子就非常鮮甜 ！前菜方面 螺肉 八爪魚 呢d基本野正正常常，但意想唔到個麻辣鴨腎同個醉雞翼咁有驚喜 大家可以試下！ 本身平時都比較少食小丸子 因為街好多都整到好粉好粘口，不過呢到整得幾好 即使係整定左 放係到 都唔會失水準👍🏻👍🏻 而且d粉唔太厚 加埋d醫汁 值得推介！！ 呢個香草蒜香牛油帆立貝都幾好味，非常之入味唔會太鹹 都好重牛油味 叫返一次即刻要再返叫多幾轉 哈哈哈 另外呢個花之戀不得不讚佢個size，一開頭驚太大舊，所以叫住一舊先 點知細細粒 一啖一舊 岩岩好，就算小朋友食都唔驚食唔哂

🍻🍻🍻同朋友食放題點少得呢個👀吸睛大刺身👅👧🏼4個女仔諗都唔洗諗 😝每樣15件啦🍣🍘🍙🤘🏻食放題梗係要叫到先枱都係先夠型😝好似食緊滿漢全席😅食放題都可以任食macaron🍩🍮仲有咁多口味選擇 😄實在太興奮😝

忙到死的星期一，仲要突然OT，好不容易等到放工，都已經9點。同同事大膽提議去食宵夜放題，估唔到大家竟然同我癲。可見大家今日都好需要食餐好野撫慰疲累的星期一。中環無咩選擇，所以返左落銅鑼灣揾食。問同事有咩提議，佢就提議我去極尚大瀛喜。諗都無諗就直接去，因為時候都不早。我地食930嗰場，閒日九點幾，雖然唔使等位，但入面食緊嘅人都唔少。門口細細，但入面都幾大。感覺有啲似韓燒咁，食物飲品湯品都設有自助區，不同沙律菜，餐前小食及甜品都自己拎黎食。而且選擇都幾多。尤其甜品同飲品，竟然有維他盒裝奶茶、啡走、罐裝咖啡，連馬卡龍都有，雪糕有自助乳酪雪糕，仲有脆皮雪條可以揀，好正，啱我。上菜算好快，我地落完單出去拎完野飲埋位，啲刺身已經送到。我拎左每次必食嘅芝麻八爪魚、螺肉同中華沙律食住先。啲八爪魚大大隻，一啖一隻，好正。然後就食刺身，甜蝦又係大大隻好肥美，係咁食食食，鮑片、北寄貝、螺頭都幾鮮甜，幾好食，反而三文魚就薄切，而且唔特別肥美。所以我地專注食甜蝦。呢度啲燒物值得一讚，燒得好好。燒菠蘿必食，好甜好juicy，燒帶子大大隻，有好多沙律醬係面，好味。牛舌及鰻魚，完全唔乾，又夠入味，又係好食。唔知道係咪

我和老婆見到網上很多好評，決定試一試，由於我哋喜歡吃刺身，所以叫左三轉刺身，都覺得很好吃。之後再試幾個熟食都可以如果擬呢個價錢，淨食刺身都覺得回本，因為五點半前有文字所以埋單都係＄445。唯一覺得不足，就是食物熱度不夠利益申報：此收據證明本人並沒有收取該集團任何利益，我不是打手。

呢間放題有好多款式嘅野食，我猶其鐘意d熟食，其中最愛係芝士焗扇貝，厚厚嘅芝士汁覆蓋住大大隻扇貝，香濃嘅芝味加上爽口彈牙嘅扇貝，令我忍吾住encore再encore😋另外，燒鰻魚都好正！蒲燒汁同鰻魚係絕配，甜甜地嘅汁配合香滑嘅鰻魚，點煮都冇得輸！芝麻雞翼都好好味，雞翼整到外皮微脆，上面加上芝麻，食落份外香口👍🏻除左可以逐樣點嘅野食，呢間餐廳仲有小食吧，有多款吾同嘅小食，例如涼拌青瓜，醉雞翼，炸薯角等等，啱曬好肚餓即食頂下肚先🙈蔬菜類都有大把選擇，牛油粟米，好香好甜。仲有炒雜菌，幾款菇菌炒埋一齊，味道濃郁好爽口！ 水果方面，燒菠蘿係必食嘅，燒完之後嘅菠蘿比平時就咁食嘅更加甜，依然咁juicy！甜品方面我最愛榴槤羅米池，軟棉棉嘅外皮薄薄嘅，包住好多榴槤肉，啖啖榴槤香😋當然吾少得甜品吧，有各款吾同甜品同自己斟嘅乳酪食，酸酸甜甜嘅乳酪食落好開胃！食親放題都一定會捧住大大個肚皮走🙈

今日一行4人放工去食9:30pm 放題：自助位置有幾邊，包含有餐前小食、飲品雪櫃、沙律、甜品雪糕area! 我食左沙律同呢個凍豆腐- 夠凍又夠滑，加埋麻醬真係絕配。壽司都包得夠實 唔會散開。 紅色既香蔥吞拿魚拖羅蓉軍艦,入口溶化鮮甜美味。刺身點左： 北海道帶子、三文魚、鱆紅魚、酒煮榮螺、劍魚腩、貴妃蜜汁飽魚。刺身夠凍的確令口感更佳！每款都鮮甜，完全無腥味。飽片都容易咀嚼。極品和牛壽司：牛肉多汁 牛味濃，稔身沒有渣。柚子皮左口魚壽司：油脂香濃，入口即溶，柚子既甜味同左口魚好夾。蟹粥 - 食完生冷野想食d熱野，呢個share食唔錯。粥幾綿唔會水。唔太鹹應該無咩味精。鰻魚係我至愛，所以食左十串都有。唔係十分十分肥美，但呢個質素認真唔差，入口啖啖肉，而且燒到魚皮小脆，入口更香。牛舌係串燒類必點項目。唔厚肉但用海鹽燒得入味同稔度適中。環境：每張4人枱都算寬落，唔做肩貼肩。服務：店員好忙，但有求必應、反應快。

今日甘岩約左三五知己係銅鑼灣開餐,成班都係大胃王所以就去左極尚大瀛喜食9:30既第二埸放題。唔洗多講,首先叫左刺身拼盤先。賣相都幾精美,仲會有樽乾冰壼噴煙出來,影相絕對一流。呢一輪既刺身絕對要讚個帶子刺身,勁鮮甜肥美。另外都好欣賞個新推出既劍魚腩,肉質鮮甜而且唔多筋,整體其他刺身都有水準,重點係夠冰凍。第二輪刺身再翻炒帶子同劍魚腩刺身,另外再叫埋珍寶赤蝦又係好得勁多蝦高同埋啖啖蝦肉。之後再叫左少量壽司,葱呑那魚腩幾香身而且好新鮮,而北寄背沙律就略嫌份量少左d同埋冇乜醬汁。和牛壽司都值得一試架,入口即溶。另外都試埋池魚王同左口魚都幾新鮮。壽司之後就係燒物,當然不得不叫我地既至愛既鹽燒牛舌,一d都唔“un”而且非常入味。另外叫左兩串燒日本甜番薯比唔係太食肉既朋友,好香甜而且唔會燒到過熟。雞軟骨就正常不過不失。番叫次數最多絕對係蒲燒鰻魚,燒得火候岩岩好,唔會太乾配埋特制鰻魚汁燒非常惹味。黃金燒凡立貝 - 鍾意食芝士或者沙律醬既朋友必叫。主食我地只叫左個蟹粥,比想像中好食,蟹件份量算多,食得出冇放味精。除左可以叫放題紙上既食物外,出面都有自助既沙律吧,熱盤,小食,甜點及各類飲品。

對於一個住係新界區既我黎講,出黎銅鑼灣真係少之有少,但為左食我可以準時五點半就到,因為地方較窄,一去到已經有人龍,幸好時間一到就入得喇。極尚放題比之前食既放題唔同,除左飲品係自助之外,更有不少小食係自助,例如沙律,甜品,泰式小食等等,味道不錯！既方便又可減少浪費,鐘意食幾多就拎幾多首先當然係刺身, 珍寶赤蝦,甜蝦鮮甜美味, 北寄貝爽口,新菜式酒煮榮螺帶點酒味也不錯,整體刺身十分新鮮咖哩蟹半只蟹啖啖肉,加上醬汁,若果有薄餅配上,一定更滋味個人十分喜愛他他汁比目魚,味道不會太濃,肉質十分嫩滑壽司每款細細件,賣相亦非常精致,份量剛剛好燒物也十分美味,燒蝦不會過鹹,鰻魚配上醬汁一流,雞軟骨及牛舌簡單配上檸檬汁就已好好味當然唔少得芝麻雞翼,外皮又脆又香,內裡肉質嫩滑,推介榴槤炸彈,咬一口滿滿榴槤香,忍唔住一粒又一粒甜品選擇也相當多,牛乳布甸,豆腐花,乳酪,馬卡龍,蛋糕,食埋甜品好滿足時間5:30-7:30 價錢$248+10%

港九新界周圍都有好多放題，經常都會同家人或者朋友一齊食，又多選擇，而且質素不俗。今次就去在銅鑼灣極尚大灜喜，感覺幾好。芝士蟹棒壽司蟹捧可以，鮮甜而且加上少少芝士味，一流芒果熟蝦壽司平時都比較鍾意點fusion，味道特別，而且可以試下新囗味，間中會有驚喜，近排芒果當造，芒果特別鮮甜，加上熟蝦做壽司，感覺清新，適合夏日口味酒煮青口青口好大隻，而且用酒煮唔會腥，其實酒味於烹調時已經揮發哂，唔會有酒味讚歧烏冬讚歧烏冬不嬲都好彈牙，而且呢個醬油湯底，味道唔會太濃，再點客天婦羅食，perfect!

今日同朋友食放題,要食就食好d,揀左呢間極尚大瀛喜,叫得極尚感覺都正啲果然食物選擇非常多,由刺身、壽司、卷物、迷你手卷、火炙壽司、軍艦、串燒、天婦羅、炸物到燒物真係多到怕擺唔晒入肚呀首先有鵝肝北海道帶子同龍蝦膏甜蝦,就咁聽個名都吸引呀一啖一粒好易食,帶子同甜蝦都鮮甜美味刺身有甜蝦、虎蝦、劍魚腩、帶子、油甘魚、三文魚上菜猶如仙境一樣,估唔到放題都咁有心思食落都好鮮味,唔錯唔錯壽司差唔多每款都有食,其實款款都唔錯,不過比較鍾意既有極品和牛同海膽黃金蝦,食完繼續encore另外熟食都係樣樣有嗌,無論燒蝦定天婦羅樣樣都唔錯呀,真係值得食飲品款式都好多,又有雪糕同甜品地方闊落唔會迫,食放題既一個好選擇

前兩日又同朋友食放題，食放題多數會揀極尚xxx或者至尊xxx。因為要食放題加多幾十蚊又可以有多d野食！呢日就黎左極尚大瀛喜，交通方便，一出地鐵站行多幾步就到！一黎就當然出去自助區去睇下有咩食啦！自己就揀左d前菜食下，有中華沙律、螺肉沙律同埋泰式鳳爪。最好食係泰式鳳爪，又有去骨，酸酸甜甜好開胃。食放題點都要叫刺身！一上檯就煙霧瀰漫，都keep住放煙放足成分鐘，好有效果！不過刺身就一般質素，勝在多種類，又有鮑片同玉子（我認我好鍾意食玉子）。叫左迷你海膽手卷，海膽刺身係好新鮮，有少少海水味，唔腥，而且手卷又唔會話好多飯，一口食哂。叫左兩件天婦羅，左邊係皇帝蟹棒天婦羅；右邊係流心芝士丸天婦羅。蟹棒好厚肉，唔會太小家。芝士丸天婦羅好流心，無呃你有圖為證。芝士醬好有芝士味唔會話太稀。黑松露醬炒雜菇，味道好濃同D菇好夾，而且黑松露一D都唔姑寒勁多。卡邦尼三文魚小酥盒既卡邦尼醬好多好Creamy，另外個酥盒好鬆脆，卜卜脆。到最後出去攞甜品，最好味係芒果卷同紅豆卷，唔太甜又唔會話雪硬哂。最後出返斟返個frozen yogurt。乳酪唔算易溶，味道唔會偏甜，酸酸地，可以揀朱古力醬、棉花糖粒粒、糖針同爆爆珠

銅鑼灣廣場是銅鑼灣其中一個著名食肄集中地，位於廣場二期十一樓的極尚大瀛喜日本料理是以放題為賣點。今晚食的是星期四9:30pm 時段$238+10%。大熱天時，特別喜歡吃得淸涼，二話不説，跟朋友瘋狂購物完一輪就直上極尚大吃一頓放題，到達十-樓就已見人頭溶溶，原來大家都是尚極日本放題的捧場客。一到入座時間，當然要第一時間挑選心頭好，點選了帶子，虎蝦，牛舌，鰻魚，芝士焗凡立貝，蟹肉粟米粥最後還點選了芒果糯米滋，芝士蛋糕同小撻作飯後甜品其實甜品在menu裏面祇佔很少選擇，因自助美食吧就在店舗最當眼處，美食吧有沙律，不同的甜品，雪糕，飲料包括啤酒甚至有餐前小吃例如曰式墨魚，日式海草和醉鷄翼，不同的選擇。極能滿足貪咀—族的我，難怪在非假期的日子，在任何時段，極尚日式放題都是坐無虛席。當從自助美食吧返回座位時，一大盤烟霧迷離，色彩繽紛的魚生就已放在桌面上。我曾經和朋友在佐敦某廣場上一間日本料理吃放題，除了食材要新鮮，服務態度亦是令顧客再次幫襯的重要原因，但上述日式料理連最重要吸客條件都欠奉，從此再末有再幫親。所以極尚日式放題真的給我少許驚喜，食材新鮮兼食物選擇多，美食吧就好像吃自助餐般食物豐富，雖然

本身我都勁鐘意食放題，專登簡呢間食物種類都好多 , 刺身都好新鮮 , 仲有雞翼同羊架冇得彈 , 又有榴連炸彈同炸蠔 , 都好好味 , 仲有自助任拎沙拉 , 甜品 , 糯米糍 , 同雪糕 , 野飲任拎仲要好多款口味 , 價錢都幾抵 , 值得再去多次