極尚大瀛喜日本料理 (已結業)

又就嚟聖誕節，同朋友去食聖誕大餐慶祝就最岩啦，但唔一定要食自助餐既， 食放題有人送到你枱面咪仲嘆。 呢間位於銅鑼灣既放題店係正崇光百貨後面， 食完飯去Shopping都仲得。 講番餐廳先， 坐落舒適， 唔會覺逼， 黑色裝修， 感覺高雅。 食野先食下凍野開下胃， 刺身選擇多， 用料新鮮， 食完想再叫！ 食放題點少得海膽， 呢度以海膽手卷黎出海膽，雖然係手卷，但其實只有一粒壽司咁大， 唔會覺得頂胃， 即管叫十零廿件啦。 去食放題又唔一定要食壽司刺身， 熱食都可以試下， 天氣凍可以試下唔同既煲仔暖下胃， 蟹粥味道鮮甜， 清酒煮蜆甜味酒味平衡，其次仲有大人細路都鍾意食既雞翼。 最後食完一定要食甜品， 雪糕唔啱仲有健康乳酪做選擇， 俾你睇埋有咩野飲， 唔洗上到黎左諗右諗。

我想和三五知己吃日式放題，莫過於是大喜屋系列的放題餐廳，之前吃過大喜屋、樂天大喜屋，大瀛喜都是第一次吃。今晚約了兩個朋友到銅鑼灣大瀛喜，很久之前已經訂檯，吃過大喜屋的人都會知道，不訂檯有機會等好耐，來到侍應安排我們坐卡座，這間店有卡座確實加了不少分數。出面有沙律、甜品自助吧，款式非常多，有豬手、田螺、沙律、支豆、壽司等......個人較推薦田螺非常入味，吃了兩大碗。至於自己點的食物都不用多說、刺身、炸物、煱物等....刺身必須推薦油甘魚、帶子、珍寶大赤蝦，看得出是用上等貨，顏色靚、味道鮮甜，👍🏽。炸物方面有個蝦餅和芝麻雞翼都是必點。天婦羅必點炸蠔天婦羅，夠特別創新，味道也不錯！燒物鰻魚、鹽燒海蝦、羊架都是非常出色，而且是回本首選😛。還有很多食物推介不能盡錄，餐廳還有清酒、梅酒、啤酒、多款果汁汽水任飲，CP值超高。總評：服務態度好，食物保持高水準。

在香港，日式放題，定價$250左右多的是。而眾所週知，大XX及XX屋最初也是同一班老闆，其後分拆出來的。因經常聽到極尚系是該品牌中較好食的品牌，反正今日中午無食飯，就5:30試過早場，還特意來到銅鑼灣分店，看看是否同一個價錢，是否真的有更好選擇。7:30半前埋單，有85拆，計完加一之後$250左右。我5:30到，環境不用多說，旁邊不用左手頂右手，兩個人坐張4人枱，食物任意放，就算臨走時候，都不算爆座，始終食放題坐得好，都算是一種享受。清酒任飲，口味算不錯。自助區有20種冷盤食物，田螺、心太軟、茄子、豬手，我都有試，不錯。食物款式算多，應該人流多，去貨快，質素不錯，食物細細件，方便食多幾味。評價看圖片。比起旺角一帶，呢間係我試既日式放題最好的一間。的確，同一個價錢，是有更好的選。

呢間放題已經食過好多次，真係食過番尋味！主要原因係平靚正！想食咩都有！大愛的甜品種類繁多，整係雪糕雪條雪米糍已經令人心心眼！多款糕點都好吸引，細細柸，其實無可能樣樣食盡，只好揀我最愛的豆腐花，迷你板豆腐花真係無敵！仲有自助雪糕機呀，大人細路都會鍾意，口味及配料自由創作，好食又好玩！刺身，壽司，軍艦呢d就一定多款。反而想講吓炸物，炸雞翼同炸芋丸係必食㗎！！！炸雞翼保持一貫的脆口肉嫩，硬落係有汁㗎！而炸芋丸就唔係隨便食到，皮薄甜度適中，一定要食呀！

趁著家人生日，又食放題，食來食去還是覺得極上比較喜歡。我們訂了5:30-7:30優惠時段。但今次令人失望。優點：款式和平時的一樣，食物品種多，飲料櫃也很多選擇，出菜很快。雪糕較差，味道不佳，無咗雪糕機。缺點：員工Yan/Money態度很差，基本上傳遞食物上枱，會無嗱嗱係你後面傳入，如果熱的東西，人哋又唔知你會係後面拎食物入嚟，起碼都講聲：小心！睇後！叫拎牙簽，掟落枱面就走人。最不滿意是未夠時間就已經提早半小時執枱，陸續將你的碗筷撤走。好似趕你走咁。難道是現在的風格嗎？希望維持原有的員工態度

我估我前世可能係餓死，所以宜家無時無刻都要食飽先覺得舒服。前排由於太太話我肥到就快出唔到個門口，所以唔再俾我放題。但係頂唔順啦...決定攞假偷食放題成件事咁緊要，緊係要揀間正嘅呢食㗎啦，所以就揀咗極上大瀛喜。大家可以睇吓呢個聖誕放題價目表，如果你身邊有一個食極都唔飽嘅朋友或者親戚，即係好似我咁嘅話，揀去食放題可能會係一條出路。甜蝦，赤蝦，北寄貝，我嚟啦~每一樣都好新鮮，甜蝦頭啲蝦膏好鮮味，赤蝦就比較爽身。發現有新嘢，天婦羅蠔啊~脆粉包住肥大嘅蠔，一口咬落去啲蠔汁都咇晒出嚟海膽小手卷，份量係細啲，但係都係鮮甜嘅。呢個炒牛柳粒，好有鑊氣，牛柳肉質好林，完全冇根。免治吞拿魚軍艦，size係平時食開嘅，食落都有魚油香。成日都俾人話放題得沙律菜食，宜家放題仲可以食到馬拉盞炒蕃薯苗。呢個我推介!野味唔會太咸。每次食放題都必食嘅燒蝦，燒到啲蝦殼脆卜卜，裏面嘅肉又保留到肉汁。花膠啊～仲要係大大塊嘅抆花膠，花膠都抆得幾林，鮑汁味都幾濃。最後食埋呢個小杯子甜品。size啱啱好細細杯，木糠布甸好味。超級大滿足!

今日難得放假，又想食放題，就決定咗去極尚大瀛喜去任性一下。平時都係夜晚去多，未試過食晏晝就睇吓會唔會唔同先~宜家落order 方便咗好多，用app落就得喇，又可以支持環保。氣水，雪糕同甜品櫃晏晝都一樣照開，但係就好似少咗個軟雪糕機同埋凍蝦，青口。大至上同夜晚都一樣。嚟到食放題第一件事就梗係食刺身先啦～油甘魚，甜蝦，北寄北，元貝，希靈魚同埋赤蝦都係咁新鮮。串燒就叫咗串燒五花腩，蝦，同鰻魚。五花腩嘅調味做得啱啱好少少嘅黑椒加埋海鹽已經好似食緊韓國五花腩咁。小炒類就叫咗個黑松露炒雜菌，黑松露味濃郁加埋新鮮菌炒，驚喜之作。最後就叫埋個瑤柱水蟹粥，一絲絲嘅瑤柱舖起粥上面，令到粥底變得更加甜，宜水蟹我就覺得一啲都啱水，因為我食嗰件啲蟹肉，係實的的仲要係鮮甜嗰隻。其實食完之後，都覺呢間食lunch都抵嘅，因為差唔多有9成半都係同夜晚一樣。

本身無打算要食放題。但係見到銅鑼灣二期間間都裝修，就諗都唔想諗，食放題算因為泰萊冇食放題嘅關係，都唔記得咗極尚大灜喜有咩食😂😂😂一嚟到見到有好多嘅頭盤可以即時食，個感覺幾良好，雖然你度是特別出色，但勝在款多！最苦到嘅係格列說高都有兩款你可以揀！講返要落單的食物方面，我最愛嘅燒菠蘿絕對冇令我失望。多汁而且燒得好香！！！另外竟然有美國蠔食，還有紫菜伴碟。蠔的味道不算10分新鮮，吃得出是雪藏的。但這個價錢來說是十分抵👍🏻👍🏻👍🏻今次比較欣賞嘅係豬肋骨和羊架。不但燒得10分多汁，而且肉質依然嫩滑。至於刺身方面則達到水平。如果對刺身要求唔係太高，咁哩度既放題應該滿足到你。至於左口魚裙邊則份量太少！如果可以大塊啲就好。

無不散之筵席，除了套用到今日的同事，不久也用在我身上。說好的放題聚餐，想不到推無可推，變作今天的再見晚宴。 說得感性，總究都要食物好吃。在銅鑼灣，要上乘的不難，要便宜也不難，兩者兼得卻很難。全靠開飯友仔，找到能夠於17:30到20:30時段又吃又喝。價格$248加一(Friday)。 出菜尚算準確無遺漏，油甘魚是我的最愛，但刀工差。有厚切，也有薄切。甜蝦十分出色，這裡更有數款刺身蝦，有新鮮感。 炸物、串燒都喜愛，芝麻雞翼肉汁鎖緊、香氣四溢。海蝦串燒出單有點慢，但都是值得，夠新鮮。壽司要數燒牛肉及左口魚邊，是迷你版，不會一吃就填滿你肚子。 外間更設有小食專區、甜品專區及飲品，大大減低了工作人員的勞動性，也加快整個操作形式。熟食有豆皮壽司，辣酒煮螺、還有藥材雞腳燉湯，甜品有法式燉蛋、心太軟，或是乳酪、豆腐花等。個人認為甜品多樣，但味道卻有點失望，賣相比味道更吸引。 最大的意外卻是有清酒，雖然不是配有酒瓶，飲居酒屋似的。但味道卻有驚喜，不錯喔。 叮叮和我都不太願出席，但還是到了。雖然未能二人世界吃一個心甘情願的放題，但味道還好了，我們又可以過一個我們的週末。何樂而不為。

要慶祝朋友生日，佢選擇食放題慶祝，平時都有食過唔同大型連鎖式餐廳嘅放題，都覺得一般般，有時諗去日式餐廳散點，可能貴少少，但質素一定有保證！但今次朋友開到聲，就上網搵到呢一間食評頗高而有質素嘅日式放題餐廳！好彩有預約定，冇諗過午市都多人，walk in 客要等reserve咗啲客入哂先可以入！入到去，原來要download app, 直接用電話點餐，都幾方便，而且唔駛同一爭用同一個平板電腦點嘢食！一出到去自取區，好多飲品選擇！由於太肚餓，我地叫咗小食區拎小食食咗先，小食種類都唔少，有薯條，八爪魚小丸子，泡菜等等！之後就番埋位點壽司同刺身，甜蝦刺身好鮮甜，帶子大大片，吞拿魚都好肥美！到壽司類，飯粒唔會重壽司醋味，黑松露赤蝦壽司係至愛，好香黑松露味！至於熱食種類都好多，叫咗個清酒煮硯，芝麻雞翼，牛舌串燒等等，每樣都嚟得好快，而且有水準，串燒亦唔會燒到好乾身！總括嚟講，呢間日式放題價錢唔會好貴，但水準係超出預期，特別係刺身部分，值得推薦！

極尚大瀛喜呢間放題店本人都食過好多次，翻叮緊係有原因。 我通常都係食中午放題，一來無咁多人，二來緊係價錢較平。今次周末中午時段就到達，由於已一早訂定位，店員好快安排入座。講講餐廳環境設施，座位尚好，唔會太迫，望落去整間餐廳都幾乾淨。餐廳採用mobile app下單，好方便又環保，要比個讚！ 落左單，就行去出面個自助小食區攞野食，章魚小丸子係比較值得推薦。一返位刺身壽司已經有得食，油甘魚，帶子同珍寶蝦特別正，三文魚同吞拿魚比其他放題店質數好好多。壽司款式多，極度推薦要食三文魚腩壽司，左口魚裙邊壽司同埋黑松露油甘魚壽司！熟食點左芝麻雞翼，焗元貝，清酒煮硯，燒牛舌，雞軟骨，燒鰻魚，真心唔錯，值得一試！

好耐都冇寫食評喇！今次帶著抵食的午市定食🍱返來了～在銅鑼灣食lunch，閑閑地都要四五十元，有時仲要冇嘢飲😢如果想食返餐豐富嘅lunch，呢間就最適合不過🤤——————————❗午市套餐附：前菜丶沙律丶麵豉湯丶飲品及甜品可追加 壽司($2)及 和食($10)——————————🔹 雜錦天婦羅拼烏冬定食 $48 📍7/10天婦羅嘅款式唔多，只有兩隻蝦🍤，一條蟹棒，一塊南瓜和一塊茄子🍆。整體普通，南瓜和茄子亦冇乜甜味。烏冬面🍜熱辣辣兼且滑溜彈牙，面上有兩塊鳴門卷和一大堆紫菜，湯底使用淡淡的昆布高湯，清淡又健康～🔹三文魚拖羅蓉丼 拼炸物 $48 📍8.5/10三文魚和拖羅蓉新鮮肥美，壽司飯份量好多，加上適量的醬油拌勻，正🤤可惜三文魚只有三塊，如果份量多點就好喇！拼物有炸蝦餅和炸蠔，新鮮炸起熱辣辣，脆卜卜好好味😍🔸加配：壽司🍣 $2/1件📍8.5/10叫咗三種壽司：三文魚腩丶醬燒三文魚及椒鹽左口魚裙邊壽司。雖然壽司好細件，但係塊刺身好大塊好肥美，值得嗌多幾件❗🔸加配：黑松露炒雜菌🍄 $10 📍8.5/10呢碟炒雜菌一嚟到，就聞到好重黑松露味，每塊菇🍄都沾上黑松露醬，份量好多又好食，但可能一次過

已經好耐冇幫襯過呢一間餐廳，今次再幫襯，好多嘢都有好大嘅改善，打俾我嘅新驚喜係，用客人的電話Scan QR code方法落單,減省左大量嘅Order紙、又慳咗人手、有減少出錯。呢個簡直係一個大進步，相信第日香港大部份餐廳都會用一種方法，可能喺內地都已經廣泛使用了！講返食物質素，各款刺身、壽司、炸物、天婦羅都係仍然保持中上嘅質素，屬於上等優質，非常抵食！特別深刻印象嘅係燒羊鞍，調味入味，燒得外脆內軟，令人回味。另外仲有炸榴槤波，非常好味，少甜，榴槤味香，每次去都一定要點。刺身方面，相當新鮮甜蝦、大蝦、帶子、鮑魚、象拔蚌都實在係必點的佳品。中午幫襯就最抵，都係每位$200左右，食物款式多，甜品款式亦都非常多有雪糕、奶凍、tiramisu, 應有盡有，飲品方面亦有勁多選擇，好多都係我市面上未見過嘅韓式飲品。呢一個午餐影真豐富！

吃放題一定要配合天時地利人和：有大食伙伴，有不怕肥的衝動，最好配合前後高度運動量！今次選這所放題，一開始滿以為只是一般般，怎料一進去便不得了！有美人魚，白天鵝和神龍吐龍珠陪你吃放題，你可以不興奮嗎？除了吸睛室內設計，眼前任飲冷熱清酒也是不可多得！好了！還是去點菜！首先當然點點點題作品：天鵝刺身！以乾冰製造噴煙的仙境效果令到食慾大增之餘，還可以清楚感受到刺身何其新鮮！刺身之後就選吃與它有關的壽司，當然有我的至愛花之戀和火炙系列，飯糰小小刺身大大，十分迎合香港人的口味！然後到熟食！當中羊架大到像斧頭扒一樣！最後當然要吃我的至愛甜品！嘩！真的各式各樣都有！中式西式日式法式……全部應有盡有！有些還可以自己製作，有得玩又有得吃！有機會一定要再來吃個痛快！

睇完<周遊東京2>，又係時候去放毒，揀左呢度，日式裝修用上木色配黑色，甚有deluxe的感覺，坐位不會太逼，幾有空間感。人長大了，對放題食物比較有要求，唔想再做焚化爐，這裡星期日午市3小時放題$188加一(12-3pm)，食物也很有質量，cp值很高。先掃描QR code，然後落單，concept幾好，可減少紙張浪費。冷盤有自助沙律、枝豆、中華沙律、八爪魚、螺肉等，炸物有章魚燒、薯角，鳳爪都幾好食，少少辣，酸味味又爽口，好開胃。香葱鵝肝帶子寿司推介，帶子鮮甜加少少鵝肝能提升整個口感。刺身有三文魚、油甘魚、帶子、希靈魚、甜蝦、珍寶大赤蝦、酒煮榮螺片、虎蝦，都幾新鮮，不過賣相可以再好些，放得緊密點，依家太散。鹽燒海蝦天婦羅虎蝦、温室南瓜、皇帝蟹棒，都炸得唔錯，炸粉唔會好厚，都冇好油。炸物芝麻雞翼、榴槤炸彈、泰式蝦餅。燒物也很有質素，鹽燒牛舌、風味燒五花腩、燒有機新鮮菠蘿、鹽燒雞軟骨，一定唔會錯。清酒煮蜆幾好味，可以encore。一品料理醬炒珊瑚海鮮盛，放題黎講賣相非常精緻，海鮮好彈牙，味道濃郁。避風塘炒魷魚鬚、蒜香汁炒牛柳粒、香芒鳳尾蝦，加了很多配菜炒，一d都唔單調，估唔到咁