影片
更多
2018-12-04
353 瀏覽
我估我前世可能係餓死，所以宜家無時無刻都要食飽先覺得舒服。前排由於太太話我肥到就快出唔到個門口，所以唔再俾我放題。但係頂唔順啦...決定攞假偷食放題成件事咁緊要，緊係要揀間正嘅呢食㗎啦，所以就揀咗極上大瀛喜。大家可以睇吓呢個聖誕放題價目表，如果你身邊有一個食極都唔飽嘅朋友或者親戚，即係好似我咁嘅話，揀去食放題可能會係一條出路。甜蝦，赤蝦，北寄貝，我嚟啦~每一樣都好新鮮，甜蝦頭啲蝦膏好鮮味，赤蝦就比較爽身。發現有新嘢，天婦羅蠔啊~脆粉包住肥大嘅蠔，一口咬落去啲蠔汁都咇晒出嚟海膽小手卷，份量係細啲，但係都係鮮甜嘅。呢個炒牛柳粒，好有鑊氣，牛柳肉質好林，完全冇根。免治吞拿魚軍艦，size係平時食開嘅，食落都有魚油香。成日都俾人話放題得沙律菜食，宜家放題仲可以食到馬拉盞炒蕃薯苗。呢個我推介!野味唔會太咸。每次食放題都必食嘅燒蝦，燒到啲蝦殼脆卜卜，裏面嘅肉又保留到肉汁。花膠啊～仲要係大大塊嘅抆花膠，花膠都抆得幾林，鮑汁味都幾濃。最後食埋呢個小杯子甜品。size啱啱好細細杯，木糠布甸好味。超級大滿足!
大家可以睇吓呢個聖誕放題價目表，如果你身邊有一個食極都唔飽嘅朋友或者親戚，即係好似我咁嘅話，揀去食放題可能會係一條出路。
甜蝦，赤蝦，北寄貝，我嚟啦~每一樣都好新鮮，甜蝦頭啲蝦膏好鮮味，赤蝦就比較爽身。
發現有新嘢，天婦羅蠔啊~脆粉包住肥大嘅蠔，一口咬落去啲蠔汁都咇晒出嚟
海膽小手卷，份量係細啲，但係都係鮮甜嘅。
呢個炒牛柳粒，好有鑊氣，牛柳肉質好林，完全冇根。
免治吞拿魚軍艦，size係平時食開嘅，食落都有魚油香。
成日都俾人話放題得沙律菜食，宜家放題仲可以食到馬拉盞炒蕃薯苗。呢個我推介!野味唔會太咸。
每次食放題都必食嘅燒蝦，燒到啲蝦殼脆卜卜，裏面嘅肉又保留到肉汁。
花膠啊～仲要係大大塊嘅抆花膠，花膠都抆得幾林，鮑汁味都幾濃。
最後食埋呢個小杯子甜品。size啱啱好細細杯，木糠布甸好味。超級大滿足!
張貼
