極尚大瀛喜日本料理

營業中

休息中

其實都有一段時間冇食放題啦，自從冇咗晚市之後都冇乜點樣再出街食放題，嗰日放工時間約咗朋友食飯，所以就近近地揀咗元朗嘅放題平日嘅時間都幾多人下，不過值得一讚嘅係餐廳嘅服務都有進步，收碟嘅速度快咗好多同埋員工嘅態度都睇落好咗我哋叫咗幾轉刺身，比較好食嘅有飯立貝同埋油甘魚其他嘅刺身上碟速度都幾快，過吓口引都唔錯㗎除咗刺身我哋仲叫咗壽司，估唔到呢間放題嘅壽司竟然比起刺身更加好食，而且好精緻味道做得一啲都唔馬虎，仲有驚喜嘅竟然係手握壽司，特別係吞拿魚茸、辣三文魚同埋牛油果，配埋調校過嘅壽司飯同埋芝麻嘅口感食落去真係幾正火焰壽司嘅選擇都幾多，我自己最鍾意就係食火焰左口魚裙邊同埋火焰三文魚腩熟食方面牛舌一定唔可以錯過因為牛舌好厚而且食得出係新鮮燒嘅然後熟悉仲有酸菜魚同埋蒜香帆立貝，都係平時比較少見嘅熟食選擇飲品除咗汽水之外仲有維他奶、樽裝解茶同埋其他韓國罐裝飲品，選擇都幾多適合唔同謚號嘅客人

今日響附近收工，返工咁辛苦，想食好嘢，見到有間放題好多人食，而且食物種類多，於是入去食晚餐🌟 刺身刺身好新鮮，而且好甜，大頭蝦肉質爽口，蝦膏新鮮，帆立貝厚身，吞拿魚同埋油甘魚肥美，赤貝同榮螺爽口，加上擺盤好靚，好吸引，有大量既冰塊響底，可以保持刺身新鮮👍🏻🌟 炸物 x 串燒炸物即叫即炸，芝麻雞翼香脆，唔會好咸😋榴蓮炸彈入面係流心，好濃郁既榴蓮味，必點😋香芋波煙韌，芋頭味重😋牛舌都係即叫即燒，而且係厚燒好爽口😋🌟 創作料理😋創作料理好特別，有兩種係用蒜蓉餅做底，香脆可口，配上海鮮沙律，龍蝦沙律，味道好夾😋沙律塔唔錯，細細件，食落唔會覺得好飽，拖羅蓉新鮮，而辣味三文魚唔會太辣😋🌟 雪糕雪糕好多選擇，有本地品牌，亦都有其他國家牌子，有一隻雪糕必食，丸作自家出產既雪糕，用仙人掌汁，雪糕入面有珍珠，真係好特別，而且賣相吸引，加上味道配搭得唔錯，必點😋

📍極尚大瀛喜日本料理 (元朗)呢間放題都食過幾次了，今次餐牌好似少左食物，不過質素都保持到👍🏻用手機scan qr code 自己落order，成餐飯都冇漏過單，上菜速度同收碟速度都好快！刺身新鮮，魚生鮮甜，記得叫多啲先會有冰盤黎，梗係相機食先啦！📸✨魚生推薦：三文魚、螺片仔、大甜蝦火炙壽司都唔錯👀😋✨熟食推薦：羊架、牛舌串燒、炸香芋丸、蒜蓉帶子、燒菠蘿🍍、一口牛、鹽燒蝦🦐。最後記得食雪糕🍦雪條先走呀☺️⭐️極尚大瀛喜日本料理⭐️元朗朗日路9號形點1期2樓2001A舖

當約左成班朋友既時候，最適合就係去食放題作為首選，因為點都實有野岩你食！！鋪頭位置好大，座位舒適闊落，職員好有禮貌咁檢查每位入場客人掃QR code，確保客人安心食用。入到去當然就馬上落單，有好多款式，例如：刺身盤（好新鮮、甜蝦同三文魚必點❗️）、大量壽司🍣（竟然有鮑魚仔壽司）、炸蝦🍤、海膽手捲、芝士焗蠔（超正，必食‼️）、海鮮烏冬、白酒蜆湯、花膠湯（呢個好少有，要試好滋補🙈）補充一下，上菜速度算快，都冇出現漏單情況，呢個抵讚！飲品、甜品、雪糕、小菜等等係要自行出去拎既，人流管制得好，職員會從旁協助，客人唔會拎野拎到打蛇餅，爭先恐後咁去搶住，大家可以好優雅咁拎完野食坐返埋自己個位慢慢食。總括而言，價錢、服務、環境、食物都好滿意，成場都食得好盡興愉快，下次會再幫襯

疫情關係好耐都冇食放題，趁依家放寬咗限制就約咗朋友出嚟食，元朗大瀛喜不嬲都多人食，建議要一早預約先可以確保有位，雖然即場排隊唔係唔得，但係可能都要等一個鐘頭或以上。佢地勝在上菜速度快，而且質素正常，性價比唔錯。晚市放題 $317刺身種類同一般食都既放題差唔多，有三文魚、油甘魚、帶子、八爪魚、赤貝、北寄貝和赤海蝦等等，整體嚟講刺身類都新鮮，切出嚟既手工都幾靚😄壽司類就冇嗌咁多，主要叫啲比較特別嘅。比較欣賞個鮑魚仔手捲，精細手捲上面放咗一粒迷你鮑魚，鮑魚汁味道合適，一口一個十分滋味😋炸物嗌咗芝麻雞翼、熔岩蝦球同榴槤炸彈等等。雞翼香脆惹味，都返食咗幾次。熔岩蝦球十分推薦，香酥嘅蝦球裏面流住鹹鹹的醬汁，十分好吃。榴槤炸彈榴槤味好重，本身鍾意食榴槤嘅朋友應該好鍾意食。燒物類嗌羊架同比目魚。羊架味道濃沃，而且已經切走最側邊嘅肥肉，啖啖肉十分一流😋比目魚味道都唔錯，肉質軟淋，唯獨係偏多細骨，食嘅時候要小心啲。鹽燒蝦同蒲燒鰻魚都唔錯，值得一試。真心推薦龍蝦沙律拌櫻花蝦多士😆沙律醬嘅味道配搭脆脆嘅多士，一口一啖，非常之好食，而且喺其他放題好少食到。佢有自助嘅甜品區同生果區，甜品主要係雪糕同糕點，味道一般

🐳位於元朗形點1期的大瀛喜，正正在戲院上層，可以食完看電影或看完電影食放題。😂🐳如果喜歡吃日本壽司刺身，極力推薦《極尚大瀛喜》，二百幾蚊就能任食刺身，這個價錢絕對冇得輸。🤩 刺身壽司種類繁多，熟食也不少，還有很多特色日式食品，也有適合香港人的中湯(花膠雞）和中式高級食物，例如蒜蓉蒸扇貝，鮑汁扣花膠，黃金醬燒開邊蝦，黃金蝦等等……食物方面真的包羅萬有！🍟🥘🍣🥗🍉🍍🍮🍦🥧🐳至於味道方面，刺身又大又肥美，而且十分新鮮，乾淨衛生。其他食物也十分可口，飲品，甜品，雪糕也有十分多選擇，真的大人細佬也會喜歡的。👍👍👍🐳雖然平日，但都滿座，而且還有很多人在門外排隊，可想而知，食物有幾好味和受歡迎啦！🥳絕對值得推薦給親戚朋友們！

啲食物唔錯，性價比高，嗰啲其他食評已講哂就唔再重覆了本來今晚都無咩野，普普通通食個放題。直到埋單比錢遇到風一般的經理⋯想問吓信用卡優惠，同我地埋單個店員話唔太清楚你都係行出去問經理啦咁我地行出去問，見佢喺入口位置招呼啲等緊位/入緊去既客見佢好忙，仲要做埋帶客去枱位，次次行過都有風咁，咁我等吓啦見佢終於忙完返嚟櫃台「唔該我想問⋯」佢一路行開一路同我講「問咩呀！想問咩呀！」我嗰刻係呆咗，以為自己聽錯，但佢繼續來回我身邊既時候係繼續重覆呢幾句說話到佢終於肯再停低時佢再話「問咩呀！？唸清楚要問咩未呀！」其實已經嬲嬲地，但店員話要問佢咁唯有繼續問佢只係回答「無呀無呀無呢啲優惠呀！信用卡話有既你就揾返信用卡公司傾啦唔關我事！」全程都極晦氣，極無耐性，態度極差我都明晚市係忙，有客問野係煩，只係想我地食完嗱嗱聲比錢走人但絕對無理由將自己既壓力發洩落去啲客度無咩事唔想再去食了👍

每次食放題一定會去極尚大瀛喜，價錢合理及食物質素都不錯，入到店內地方寛敞坐得好舒服😌埸外亦設有自助區，有沙津，幾款小菜，炸物，雪糕，水果，冷熱飲品等…好豐富！食放題當然唔少得點刺身啦，刺身都有大約十幾款，特別最鍾意食三文魚，魚肉新鮮肥美，螺肉好爽口，帶子入口清甜。黃金醬燒開邊蝦，蝦肉開邊容易入口，醬汁酸酸甜甜好開胃！金銀蒜蓉醬蒸扇貝，熱辣辣蒜蓉味香濃，扇貝肉質雖然細粒但食落好清甜！榴槤炸彈/香芋丸每次都必點的小食，炸到脆卜卜煙煙韌韌，鍾意食榴槤呢個真係要試下，芋丸甜度適中好好食😋比目魚燒得好香口，魚的邊位燒至微焦，魚肉嫩滑！燒羊架基本每一台都必點的，咬落多汁好惹味，食唔停口！燒菠蘿好甜又多汁😋

極尚大瀛喜放題一直都係人氣信心保證💖~日日爆棚滿座就知口碑有幾堅! 今次嚟到元朗分店, 超高樓底同復古裝潢, 打造出超闊落空間感😍~星期一至四晚市黃金時段都只係$278(加一), 價格咁親民, 食物選擇繁多, 質素仲要抵讚, 確實係性價比之冠👍🏻! 🍽️🅕🅞🅞🅓&🅕🅔🅔 💸♦️鍋物有驚喜! 推薦燜花膠、壽喜燒牛肉鍋同酸菜魚~花膠好大塊又軟糯, 伴碟的枝豆極新鮮! 🐮牛肉更大塊得誇張, 不是肥牛, 是扎扎實實的牛肉厚片, 底下的豆腐非常嫩~酸菜魚🐟較平時食的清淡很多, 卻可試出魚肉鮮甜味, 底下的豆苗亦是超新鮮~用料真係抵讚!♦️刺身帶住仙氣✨出場~最推牡丹蝦🦐大隻鮮甜 又咬落夠gel感; 帶子爽甜足肉! 虎蝦亦爽口彈牙!♦️壽司🍣壽司飯好迷你, 唔怕食多會冇quota~推薦🥭🦞芒果龍蝦沙律塔、🥑牛油果沙律塔、京蔥拖羅蓉塔, 創意又好味! 而且飯亦帶有微微麻油香~老公就推薦左口魚壽司同黑松露玻璃蝦壽司, 有清甜亦有濃香~♦️串燒/燒物/炸物/熟食· 天婦羅蝦 (裏面好大隻蝦), 榴槤炸彈, 炸香芋丸, 炸南瓜🎃都非常好味!炸粉薄身, 熱辣辣即叫即炸~· 鹽燒海蝦, 黃金炒海中蝦(好似披薩蝦,滿滿邪

兩日前好彩一早book定位元朗《大瀛喜》食放題，一黎到門外巳經大排長龍，入座後就到自助區取食物，有冷熱盤、熱湯、沙律、甜品及飲品，好豐富！.這裏是用QR code落單，方便快捷完全没有漏單情況出現。第一輪當然唔少得點刺身啦！三文魚、北寄貝、螺肉同帶子刺身都很新鮮！炸物就點了蝦、蟹柳和南瓜天婦羅，熱辣辣炸至金黃色，好香口！.殿堂宴客醉鮑魚，鮑魚好淋好入味，食到淡淡清純的酒香味！辣酒煮黃金螺，麻辣味香濃，螺肉大大粒啖啖肉！.酸菜魚這個是新菜式， 酸辣度適中，魚肉好香好滑，味道不錯👍最後食埋甜品好滿足！.👀環境 ：9/10👅味道 ：9/10😋回頭度：10/10💰人均消費 : 240.📍 極尚大瀛喜日本料理 (元朗)元朗朗日路9號形點1期2樓2001A舖

極尚大瀛喜係yoho都開左分店，之前旺角分店放題質素一直有保證，呢間既環境都唔錯，相對較細間但唔會有擠逼既感覺，乾淨企理。平日食$278/人，都已經幾多人，所以最好book定位。刺身拼盤佢既刺身以放題既質素黎講，都非常滿意，相當新鮮，特別要推介甜蝦同三文魚。甜蝦好鮮甜，咬落好creamy，而三文魚厚身，好有油香，油脂分布平均。所以都另外再encore左一輪。壽司我鐘意佢壽司既份量，細細舊，好岩我呢種樣樣都鐘意試下既人，唔會食幾舊就飽曬，黎食放題就希望食多d唔同種類既野，鵝肝壽司都幾特別，上面鵝肝煎得好香，加埋下面芝麻，口感豐富。熟食串燒呢到熟食種類唔算太多，但勝在味道唔錯。我鐘意佢既燒牛舌，唔會過火之餘，咬落甘香。羊鞍都幾大件，少少羶味，加埋檸檬點綴下，就平衡返。燒菠蘿係必點，好多汁仲好清甜，食到差唔到尾聲用黎解膩剛好。總結黎講，呢個價錢食放題都算抵食，而且質素平均都唔錯，飲品選擇多連清酒同梅酒都有，而且上菜都快，所以有機會都會再食。

【Background】一向好評眾多嘅「極上大瀛喜」，相信大家都聽過，甚至係食過🙊 晚市時段中，最平$228/位(未加一）就有交易，而黃金時段都只係加多$50，食盡日式美食，款式多同時保持食物質素，確係CP值高呢👍.元朗分店裝修以復古為題，懷舊氣氛濃厚，店內空間感十足，地方極為寬敞，可容納嘅數目眾多，即使等位都不會太耐，呢點不錯🥳────────────────────【價錢】黃金時段7:00入座，$278/位（星期一至四）任食2小時.【刺身。壽司】食日式放題，主角當然係刺身，壽司類，同時亦係回本之選，值得encore多幾轉🥳 刺身冰底上，保持新鮮度👍壽司即叫即製，特別係火炙系列，入口係暖笠笠的微微焦香😁推薦：刺身：吞拿魚，珍寶赤海蝦，三文魚壽司：醬燒蟹柳，蒜香極尚牛肉火炙，鮑魚手卷.【串燒。燒物】串燒同燒物嘅人氣都好高！件件都係熱辣辣上枱😆 吾會燒到起哂柴，不會輸比一般串燒店呢～推薦：紐西蘭香草羊鞍：鮮嫩冇臊味蒜蓉醬蒜扇貝：肉質蒜香滿滿燒菠蘿：一咬爆汁.【炸物。一品料理。天婦羅】去到小編最中意既環節，就係炸物啦😂 雖然熱氣，但真係忍吾住係咁食😍推薦：榴槤炸彈：勁爆榴槤餡，一咬feel

☀︎ 𝗦𝘂𝗺𝗺𝗮𝗿𝘆：「極上大瀛喜」一直保持住「神級放題」水準主打多款日本料理，選擇性多食材新鮮，即叫即製，同時上菜速度快星期一至四晚市黃金時段都只係$²⁷⁸(加一）咁高既ᴄᴘ值，真係無得輸！其中，元朗分店環境更係超闊落樓底高，吾會有壓迫感之餘營造出空間感，視覺更係寬敞.◈ 自助區近大門設置左自助區供應一系列飲品，沙律，冷盤，熟食炸物，雪糕，甜品等飲品：汽水，啤酒，韓國果汁，清酒先生椰青水，咖啡，奶茶，綠茶仲有數款熱飲添，滿足大眾需求沙律。冷盤：水果，沙律菜，青口，冷蝦熟食。炸物：碗仔翅，老火湯，薯條，葡撻雪糕。甜品：自製雪糕有雲尼拿味，朱古力味，Cᴏᴄᴏʙᴇʀʀʏ雪糕，維記雪糕糯米糍雀巢雪條，韓國雪條，自家迷你杯仔ᴄᴀᴋᴇ乳酪，豆腐花等等.✦ 日式料理超過三十款嘅日式料理，囊括刺身，壽司火炙壽司，手卷，創作料理Tᴏᴘ ³ ᴇɴᴄᴏʀᴇ ɪᴛᴇᴍs:❶ 刺身：俄羅斯甜蝦，虎蝦，三文魚❷ 壽司：蒜香牛油帶子，牛肉火炙，火炙蟹柳❸ 手卷。創作料理：牛油果沙律塔，海膽手卷.✦ 串燒。燒物。炸物食完刺身壽司緊係食番ᴅ熱野香口野，暖下個胃～超過三十款，有天婦羅蝦，榴槤炸蛋，香芋丸瑤柱雞粥，炸蝦，香

住元朗既朋友仔話想去食放題，我就立即介紹上次食過既旺角大瀛喜俾佢，佢話元朗都有間極上大瀛喜，咁我就決定去元朗探下店，睇下質素有無分別。平日既午市放題竟然都滿座，午市時段由12點至3點食足3小時，$218就可以食到過百款美食，性價比非常高。一坐低店員就會俾個QR code 落單，食物種類真係算幾多，刺身、壽司、料理、炸物、燒物等，應有盡有，估吾到連鮑魚、花膠都有，上菜速度好快又無漏單真抵讚。除QR code落單外，出面仲有自助區，雪糕、飲品、沙律、熟食、炸物、餐湯同冷盤等，食物質素也不錯， refill得也夠快。總括而言，兩間分店既食物質素同款式都係相約，而上菜速度都一樣係咁快，難怪連元朗區都咁多人食。

刺身一如以往的新鮮，三文魚，赤蝦，太子必不可少，手卷有鮑魚，海胆，壽司細細件不會太飽，炸物外皮稍為厚左啲，蒸開邊蝦調味醬汁很好，手機掃碼落單好方便，元朗這間環境比旺角更舒適，值得再來。