極尚大喜屋 (鱷魚恤中心)

營業中

休息中

觀塘真係有好多聚會好去處，今次大胃王們約咗一齊去鱷魚恤中心3樓食極尚大喜屋的晚市放題！✨ / 價錢 Price / 晚市放題（成人)： ▪️5:30PM - 8:00PM：$258 (一至四) $268（五、六、日、公眾假期）▪️6:30PM 之後入座兩小時： $278 (一至四) $288（五、六、日、公眾假期）我認為這間放題價錢同一般放題差唔多，勝在性價比高。另外，餐廳設有特價時段，詳情可以參閱餐牌。/ 食物 Food /🤎刺身壽司卷物炸物🍣🍙🍘晚市刺身選擇豐富有三文魚、油甘魚、針魚、希靈魚、北寄貝、八爪魚、花海哲、赤蝦、甜蝦，每樣都好新鮮甜美。🐙🦪🍥 厚切三文魚同甜蝦刺身唔錯，肉質好鮮甜。今次我無咩特別食壽司同卷物，不過試咗幾件創作壽司同埋海膽手卷都幾好食！🍣🤎串燒、炸物、天婦羅特別推薦大家一定要食燒香草羊鞍！羊鞍肉質juicy，咬落去會feel到肉汁爆出嚟!🍖🍗😍 羊肉醃得好入味，孜然味超香超惹味~ 鹽燒牛舌都好正，口感爽彈，我地食咗好多塊！🐂🔥 燒溫室菠蘿🍍好香甜解膩，食完炸物食一塊即刻無咁飽滯。溫室南瓜、炸蝦同甜番薯天婦羅嘅炸粉好薄，唔會覺得好heavy。🍤 咁多樣炸物入面，我

今晚同朋友食生日飯，朋友話最想食日本放題，咁就佢放工，就去左觀塘極尚大喜屋，貪放題有好多唔同種類既野食，可以滿足大家既口味。放題食足兩個鐘，呢度又坐得舒服，食得開心又傾得暢快。呢度好多野飲，最正又有啤酒、有清酒同梅酒，今晚可以不醉無歸。yoyo ~~平時都無乜食出面自助區既食物，但行過呢個區，啲炸物同湯都好香，就忍唔住夾啲黎食，炸雞粒、餃子、小丸子熱辣辣好香口。椰子雞湯好清甜，仲飲左兩碗添。呢度啲刺身好新鮮，但我仲鐘意啲壽司，好多款式，細細舊，可以試多幾款。天婦羅好香口，特別係個獅子狗，原來係竹輪芝士卷黎架，一咬啲芝士爆哂汁，小心。羊架好嫩，食多幾件。呢度除左刺身、壽司、天婦羅正之外，啲煮物都好唔錯。鱔球，魚肉鮮嫩，味道正。蝦球超彈牙。煮蜆好鮮甜呀。食埋甜品當蛋糕啦，壽星一樣咁開心。

今日老細請食飯 係我哋呢到極尚大瀛喜度食晚市放題 餐廳喺觀塘站行過嚟都係五分鐘 超級方便 地方闊落而且卡位坐得夠曬舒服 可以邊食邊傾計真係十分滿足首先就去自助沙律吧度拎啲前菜啦 除咗螺肉 中華沙律等等 仲有泰式鳳爪 同埋我最愛嘅芝豆呀梗係要喪食刺身啦 三文魚 甜蝦 油甘魚 帶子等等全部都應有盡有 十分新鮮值得 一提既係三文魚肥瘦均勻鮮甜無比比目魚西京燒 燒得外脆內嫩滑 魚油十足配埋特製嘅醬汁 非常惹味燒羊架外皮燒得香口惹味 入面仲係嫩滑多汁 七成熟啱啱好 加上淡淡嘅孜然味非常惹味

好耐無食放題,難得放假,當然約埋閨密一邊食下嘢一邊girls talking啦。朋友食過觀塘鱷魚恤中心呢間極尚大喜屋,佢話除咗交通方便外,餐廳都好大坐得舒服。午市三小時任飲任食,都係二百零蚊。QR code落單,簡單方便又環保,隨時check我的訂單,睇下自己嗌咗咩嘢！鹽燒雞翼串,金黃色甘甘鹹鹹哋,滴上檸檬汁,幾香口。點上沙律醬嘅西京燒比目魚肉質軟嫩鮮甜,一條主骨過,好適合我呢啲怕被骨刺到又想食🐟嘅🐱🐱。朋友喜歡乾煎鯖魚肉質又油又軟,加上檸檬汁,鹹中帶酸。而炸鮮奶都幾特別！大蝦三食法,天婦羅炸蝦外鬆脆,炸粉吾厚。上湯露筍燴蝦球好有大酒樓嘅味道,露筍鮮嫩無渣。凍蝦無添加,原汁原味。三款蝦同樣有口感彈牙。瑤柱鮮蟹粥底奶白香綿,料足熱辣辣鮮甜。全部刺身都好新鮮無雪味,估吾到仲有爽口花雕醉鮑魚添！壽司、火炙壽司同軍艦都吾錯,款式多樣。三種水果都甜而多汁,加埋暖笠笠飲品同滑劣劣奶凍,已經再無地方擺雪糕雪條啦！🙏😋仲有好多款式嘅炸物、天婦羅、一品料理、煮物、刺身、壽司、甜品……美食,約定閨密再來encore!離開時,服務員溫馨提示我哋吾好留低個人物品,好貼心👍🙏

今日約咗一班舊同學食飯 最啱就係食放題啦因為乜嘢都有唔使就大家嚟到觀塘嘅呢間極上大瀛喜 建議預先book位先好嚟呀因為真係勁多人幫襯餐廳除咗一般嘅食物之外仲有好多唔同嘅自取小食例如 凍蝦 螺肉 當然仲有飲品 炸物都係自取啦 超級推薦花雕鮑魚 酒香濃郁又唔會太苦 鮑魚嘅質地充滿彈性 一啲都唔煙韌 而且仲有淡淡嘅鮮甜味十分高質串燒牛舌 燒得夠曬香口 而且唔會過火 一啲都唔油膩食放題點少得刺身呀 呢度嘅甜蝦同赤蝦都做得好出色 非常新鮮而且鮮甜肉質彈牙

「食咩好？」「是但～」同朋友出街永遠都諗唔到食咩好，討論咗10分鐘都仲係停留喺「冇所謂啊，你揀啦」🤣🤣🤣🤣 喺呢個情況下，搵間抵食嘅放題餐廳一定係最明智嘅選擇😆 今次同朋友嚟咗觀塘嘅極尚大喜屋，方便快捷，上菜速度極快！ 絕對符合又快又有好嘢食嘅呢個期望！刺身當然係放題中嘅主角，呢間餐廳嘅師傅毫不吝嗇！每片都切得好厚🥹 令人食落好滿足！當然佢味道亦都非常好啦！三文魚、油甘魚、帶子、北寄貝同甜蝦係我嘅最愛～熟食方面，燒牛舌、西京燒比目魚同煮蜆都非常吸引同好味。（忍唔住encore咗比目魚！）原來而家放題會有埋花膠湯飲，湯料十分足，蟲草花、花膠等等都有齊😋😋👍🏻至於甜品方面，我好欣賞佢大部份嘅甜品都係細細份，就連雪條都係細細條～ 如果你已經食到飽哂冇乜位再食甜品，都唔洗怕😙 試咗呢款細細條嘅almond雪條好好味，佢細條所以食落感覺好多脆皮😆😆 好正📍極尚大喜屋 (鱷魚恤中心) (觀塘)觀塘開源道79號鱷魚恤中心3樓

Work from home當然要出外吃好西！手機在手，隨便找我，有問必答，只是未能立刻完成工作🤣 大喜屋我有到訪過，不過最近我家的分店還是第一次幫襯，我覺得環境、整潔度等等都不錯。在這我是必點壽司的，我覺得壽司比魚生更好吃，大概是因為新鮮製造，當然魚生即叫即切的，不過像軍艦壽司夾雜脆口紫菜，實在難以抗拒！ 由於我是早餐都未食便工作，然後偷走出來食放題，所以甫坐下便瘋狂點餐，見自己早餐都未吃更點了一個蟹粥，簡直就像去了泰國resort的早餐般，然後看見那麼多賣相吸引的魚生壽司，毫不豫疑地自行tune至午餐mode！ 其實自助區的餃子及甜品糯米糍是不錯的，沒有浪費quota。 而我是靠迷你的海膽手卷及柚子胡椒左口魚邊壽司回本的，迷你並不要緊，只要你能吃得下便放心點吧，沒有人白眼你的！ 這𥚃的軍艦壽司真的不錯，卜卜脆，吃出新鮮來，蟹肉蟹膏壽司也是必點，當然不少得鮑魚、刺身這些例牌。最後，食放題當然揀選些平時不會買的雪糕雪條啦，這個薑味奶條很有驚喜，下次見到7仔有都可買！ 一至五午市放題 ＄208 . . 味道：😍😍😍😍 抵食：😋😋😋😋😋 

有時約咗朋友唔知食咩好，呢啲時候食日式放題就啱晒🤓貪食物款式較多，總有款啱食🤪極尚大喜屋一直係放題信心保證🌟開返晚市第一次食，水準依舊高質🤟🏻.餐廳裝修別緻，大部份都係卡位座，地方寬敞坐得舒服😌全程用QR code落單，夠晒方便✅.🌟晚市放題💰$278（另加一）.🐟刺身食放題又點少得叫刺身🤪三文魚件件厚切又肥美😋油甘魚入口甘香😚比較特別嘅有花海蜇&鮑魚，爽口彈牙😄.🍣壽司由於太多款，唔逐一介紹😅特別喜歡辣味三文魚軍艦，入口惹味又重魚油香味🤟🏻新品千島醬廣島蠔卷夠晒特別😋.🔥燒物、串燒大推西京燒比目魚❣️煎香後嘅比目魚油香四溢，加埋酸甜西京燒汁勁開胃😆燒牛舌夠彈牙重肉味😚燒菠蘿酸甜到啱啱好，入口勁多汁💦.🍲一品料理花膠雞湯好足料，內裏有一大片花膠、烏雞、瘦肉、菜，味道鮮甜濃郁😚黑椒蜜汁一口牛好入味又唔韌😌.🧃飲品成幅牆咁大嘅飲品櫃任君選擇，汽水、果汁、茶飲、啤酒、什至連清酒都有😂而且有凍有熱，夠晒體貼🥰.🍰甜品雖然食到好飽，但點都要食甜品先夠完美🤣甜品櫃有各種小點心選擇🧁雪糕都有好多種類，連軟雪糕都有🍦當中有個熊仔雪糕勁得意，即刻揀咗佢🤪.久違嘅晚市放題，極尚大喜屋依舊保持水準，無令人失望

今次食放題有幾款特別推介，大家去到都一定要點嚟試吓。〈櫻花蝦沙律多士〉多士即係好香口卜卜趣嘅蒜蓉麵包脆，同上面嘅沙律好夾，甜甜地咁，令人想一啖接一啖咁食。〈燒羊架〉估唔到食放題都可以有咁好嘅質素，羊肉唔會燒到好硬，好有羊臊味，啖啖肉咁，正！〈酒浸鮑魚〉連鮑魚都有得食嘅放題，點會唔係物超所值呢，龍龍嘅酒香同鮑魚嘅味道好夾，鮑魚大大隻，都要食四五啖先食得晒呀！〈雪花牛肉鍋〉食放題都會想食啲暖笠笠嘅嘢，所以就點咗呢個牛肉鍋試吓，牛肉份量都唔少，而且係我最鍾意嘅壽喜燒湯底，真係令人食得好滿足！

閨蜜月尾全家要移民,恭喜佢之餘當然唔捨得啦！約咗佢鍾意食嘅放題午餐,盡訴離別情。呢間餐廳由觀塘港鐵站行過去唔駛五分鐘,非常方便, 環境舒適又闊落。QR code點食物,非常方便又衛生,刺身、壽司、炸物、天婦羅、一品鍋、串燒……想點就點。點完心頭好,出去睇下有咩嘢食先！沙律、小食、甜品、冷熱飲品、清酒、梅酒、軟雪糕、多種熱食……等食物都出得好快,冰鎮北寄貝味道甘甜、肉質肥厚。三文魚刺身口感軟綿。赤蝦鮮甜,全部都新鮮冇雪味！喜歡手卷、壽司同軍艦嘅飯團吾會大大舊,食三兩件就飽晒。熟芥辣八爪魚軍艦做得吾錯,八爪魚爽口,芥辣去除魚腥味。另外蟹肉蟹膏軍艦卜卜脆。香草牛油煮大蜆,蜆肉鮮甜無沙。上湯露筍會蝦球,蝦肉彈牙入味,露筍幼嫩。估吾到放題都食到咁有水準嘅中菜。餃子外脆內有肉汁,章魚小丸子都好味！天婦羅新鮮炸起,甜蕃薯細細粒,超甜容易食！凍蝦大大隻,同樣彈牙, 食完再encore。最後食埋西瓜、龍眼同提子,加碗雪耳元肉甜水,超超滿足！

極尚大喜屋 (鱷魚恤中心)觀塘開源道79號鱷魚恤中心3樓大喜屋已經變左好似食堂咁，成日約朋友聚會第一時間都會唸起黎呢到，因為選擇夠多，有唔同既種類，岩晒唔同朋友既口味，而家價錢合理，今日就黎左觀塘分店，可能因為岩岩開返晚市堂食既關係，我地book左8點，一上到黎見到勁多人好full呀，不過職員好快已經安排左我地入座啦而家全部轉晒用QR Code落單真係好方便，既環保又可以防止到漏單既情況，真係唔錯。。除左手機落單之外，仲有部份小食同冷盤係自助形式既，一坐低我地已經囉左d食住先啦，飲品方面既種類都好多，有啤酒，汽水，果汁，茶類都係任囉，好方便刺身方面就一向高質，我地叫左 三文魚，油甘魚，北寄貝，帶子，仿鮑片，象拔蚌，赤貝，螺片，赤蝦。。每次都唔會令我地失望，好新鮮，我地總共叫左3 Round 呀。今次我地仲試左幾款創作壽司，原來都好有驚喜，我最鐘意就係帶子吞拿魚蓉塔，係大大粒既帶子上面鋪滿左吞拿魚蓉，仲有三文魚子同埋松露，估唔到放題都有咁高質既食物，另外我仲試左芝士蟹子伴櫻花蝦多士， 芝士鰻魚玉子燒都一樣覺得吸引，絕對值得一試

難得今日放假，約咗媽咪去觀塘嘅極尚大喜屋食一個豐富嘅下午放題。一去到鱷魚恤中心嘅升降機大堂，排隊嘅市民已經多到不得了，放寬咗限聚令嘅威力真係不得了，等咗大約5分鐘之後，我哋終於上到去餐廳。由於我哋已經訂咗枱，職員都好快安排到再俾我哋。坐低咗之後，職員教導我哋用QR code落單。咁我哋就即刻瘋狂咁嗌嘢食啦。刺身同壽司🍣講到食放題，第一樣必食嘅當然係刺身啦，我同媽咪叫咗三文魚，油甘魚，象拔蚌，帶子，赤蝦，希靈魚等等。全部刺身都非常新鮮，職員亦都好細心咁放喺冰盤上邊，並且擺放得非常精緻。而我最鍾意食嘅刺身就係三文魚，大喜屋嘅三文魚比起出邊嘅日本餐廳更加大塊更加厚實，食落更加有啖啖肉口感。壽司就叫咗芝士蟹子伴櫻花蝦多士，濃郁嘅芝士蟹子醬，配上櫻花蝦，再加埋香脆嘅多士，簡直一絕。仲帶咗兩件帶子呑拿蓉塔，新鮮嘅帶子配上吞拿魚茸，塔嘅最頂更加有幾粒魚子，令到壽司更加鮮味十足。燒物同炸物除咗刺身之外，我哋都叫咗好多燒物同埋炸物。有芝麻雞翼啦，吉列蠔，吉列牛乳炸鮮奶，燒羊架，燒菠蘿，燒翠玉瓜等等。全部都非常出色。師傅將食物炸得香脆可口之餘，亦唔會覺得太過油膩，處理得剛剛好。另外燒羊架，牛舌等等嘅肉類亦

鍾意健身已經戒咗口好耐嘅我，今日終於忍唔住同朋友去咗觀塘食極尚大喜屋嘅放題。難得今日cheat day，我決定唔理咁多啦，同朋友食盡佢。刺身款式多樣化，三文魚切得幾厚身，食落肥美；象拔蚌爽口鮮美，希靈魚有鮮味得來不腥，最後赤蝦大大條，連埋蝦頭啲膏一齊食舔舔脷。壽司食完刺身就食創作壽司，款式真係出面搵唔到。我同朋友就叫咗芝士蟹子伴櫻花蝦多士同埋帶子吞拿蓉塔各兩個，一聽個名就知道係廚師自家創作。焗得香脆嘅多士，再配合埋芝士蟹子同埋櫻花蝦真係非常之襯。而帶子吞拿蓉兩者亦都非常之配合，再配合埋魚子同埋飯，鮮味十足。炸物燒物炸物就嗌左芝麻雞翼、榴連波同埋牛奶波，榴槤波榴槤味十足，真係鍾意食榴槤先好試。炸嘢好似好油膩，但其實唔會，由於粉唔多，油炸得夠乾身，所以食落會覺得非常香脆可口，並且唔會太油，所以真係食多幾舊都唔怕。燒物叫咗牛舌，真係非常之彈牙，有咬口，牛味亦都好重，非常推薦。中菜食咗咁多刺身壽司，突然間想試吓餐廳嘅中式菜。一出到去自助區就見到有幾款中菜，分別係酸菜魚，南乳豬手，娃娃菜，比較少食魚嘅我就揀咗另外嗰兩款，南乳豬手幾入味，而娃娃菜亦都夠清新，可以中和一下放題嘅飽滯感覺。自助吧亦提供

又食放題！食埋呢次會戒喇…真係會戒喇…………呢間同亞太中心果間只差一個字，形式和食物差不多，但地方寛敞舒適好多！吾駛迫住坐！午市12點食到3點，每人$218+10%。超抵！都係用手機QR Code落單，上菜快，收碟和清理桌面亦快。吾駛同時間競賽，可以慢慢食住傾。自選刺身拼盤上菜時好有氣氛，鮮甜好味，龍蝦和海胆手捲和壽司ok。瘋狂下單，好快上菜。後悔在自助吧取了一大碟XO醬四季豆魚餅…比目魚西京燒，香口美味！燒魚干惹味，不過有d實，要d牙力。芝士焗開邊蝦是熱的，彈牙好食！鰻魚厚身。爆鱔球亦是熱食，包了粉漿走油後爆炒，味道濃厚，件件厚切！花膠烏雞排骨湯足料！當然花膠是平價膠，不可期望太高。食食吓變咗食中菜，個人口味始終愛熱食和熟食…蘆筍煮蝦球吾錯！還叫了蟹粥熱食，清甜，食完個胃暖返晒！飲品選擇多，還有日本清酒任飲。海鹽和朱古力扭紋軟雪糕，味道卻似薄荷朱古力…第一次食Cocoberry微熱山丘土鳳梨雪糕！有果肉、帶微酸，正！仲話戒食放題…點算？！