極尚大喜屋 (鱷魚恤中心)

營業中

休息中

極尚大喜屋一直都係我心目中嘅放題首選，皆因食物款式包羅萬有，座位闊落，舒舒服服中任食～🍣午市放題💰$218@1✅推薦：串燒：鹽燒牛舌、燒溫室甜菠蘿、牛油燒翠玉瓜、燒香草羊鞍熟食：雪花牛肉鍋、牛肉湯烏冬、芝麻雞翼、榴槤炸彈刺身：北海道帶子、象拔蚌、赤貝、甜蝦壽司：蒜香青蔥燒牛肉壽司食日本放題，第一輪當然要點一盤刺身拼盤，每款幾塊，拼起一個大拼盤，睇到好滿足☺️我最鍾意食帶子，鮮甜美味，象拔蚌、赤貝爽口，喺我嘅至愛！下一輪點咗啲熟食，串燒嚟講，我最鍾意食燒菠蘿，燒完一啲都唔乾身，保持到菠蘿本身嘅水份；牛舌火炙焦香，嚼勁十足；香草、羊鞍十分夾，燒至油香四溢熟食嘅雪花牛肉鍋配料豐富，壽喜燒汁甜度恰到好處；牛肉湯烏冬湯底清，兩者一樣咁出色👏🏻最衰食唔落，唔係一定會encore！甜品有自家製甜品及雪條等，我新嘗試Ekselence系列嘅雪糕批，最鍾意食經典迷你杏仁雪糕批，脆身杏仁朱古力皮，配上雲呢拿雪糕口味，經典！🔅環境鱷魚恤呢間分店地方好大，枱夠大所以坐得舒服，不過枱與枱之間嘅距離較窄，同其他分店一樣，前菜、沙律、飲品、甜品區一律喺大堂，任君選擇

疫情後已經好少食放題喇🥲；以往同朋友食放題一般會約係MK，貪就腳😆，今日約左係apm行街，所以就係鱷魚恤中心揀左呢間，食飽先有力行🤣🤣🤣📝餐廳採用QR code點餐，方便快捷；一坐低就即刻點刺身同壽司🍣 ，款式選擇有好多，質素亦都唔錯，非常新鮮😋；三文魚、希靈魚、仿鮑片、象拔蚌、甜蝦，仲有😍我至愛嘅北寄貝、油甘魚🐟、螺片同埋帶子，新鮮鮮甜；赤蝦🦐大隻得來仲有膏🥰；🧊冰鎮花雕鮑魚軟淋淋帶小小花雕香；壽司款式多，飯團大小適中，一啖一件，十分方便食，值得一讚👍；🧀芝士鰻魚玉子燒層次豐富，🧀芝士蟹籽伴櫻花蝦多士囗感好特別，帶子吞魚蓉塔味道清新，🔥鹽燒三文魚腩同🔥蒜香清蔥燒牛肉用火炙過，香氣四溢，醬燒帝皇蟹棒既蟹腳好長🤣，蟹肉蟹膏軍艦壽司同海膽手卷都好鮮味🤤，新嚐試鮑魚壽司，鮑魚應該係罐頭鮑魚，但都唔錯😎⭐️好味的熟食推介：蔥爆鱔球有驚喜🤩，味道濃郁，鮮甜肥美😋好惹味，蒜蓉牛油🧈芝士🧀焗開邊蝦🍤，醬汁內有三色椒🫑蟹柳同埋🦀️蟹子，好味👍，可以encore🍡🍢好味的串燒推介：🐂鹽燒牛舌牛味十足，而且唔un，encore左8串🙊，燒羊鞍有孜然味，唔so😉，🔥燒菠蘿🍍夠甜，解膩至good👍，重點一提，串燒

之前都要用紙落單🤔，宜家已經upgrade 到用網上就可以下單😮，仲有參考圖片睇，唔會唔知自己叫左啲咩，感覺好好唔需要拆盲盒咁講少少熱食，當中令我有深刻印象嘅係😍1.花雕醉鮑魚😋，去放題竟然有得任食鮑魚，用酒醉過既新鮮鮑魚，好入味，散發陣陣酒香。2.鹽燒牛舌😋，牛舌好唔好食真係要睇師傅嘅技巧，只要燒過頭少少就會好韌，呢度嘅火候啱啱好，牛舌爽脆。3.天婦羅同炸物😋，粉漿唔會太厚，生熟程度啱啱好，咬落去脆卜卜。其實仲有好多好好食嘅嘢，但係真係文字上表達唔到咁多🤣總括嚟講係高汁嘅放題😋

大喜屋呢幾年真係開到鬧市區總有一間👍，而且經常爆滿，呢排見疫情緩和左少少，今日特登係平日諗住去食下，一上到大堂😂依然排緊長龍等入座，不過店員都好快安排到🤩，我地大概等左5分鐘就入座，6:30-8:30 收費$278加一叫咗刺身，就即刻出去自助吧睇下，嗰度有熱食，嘢飲，甜品，沙律等…一應俱全🥳，自己可以拎鍾意嘅份量，唔會造成浪費一坐底梗係照舊要order魚生先！魚生種類好多有成13款🤭，例如係帶子，油甘魚，仲有一款出面好少見叫做花海哲，魚生好新鮮😋，同埋切得好平均，花海哲亦都爽口新鮮，連蝦既刺身都有兩款，真係眼花撩亂😵‍💫，樣樣都想試！

這家大喜屋我也吃過超過十次了，曾經是我最喜歡的餐廳之一，但自從2022年開始食物的質言之真係越來越差，當然明白疫情加上食物來貨價錢上升的問題。但作為一間日式放題，連刺身都可以差成咁我覺得唔合格了。我個女最愛食三文魚刺身，但最近呢幾次都唔太食，有根，又唔新鮮，佢話無爭鮮的三文魚壽司上面的三文魚好食，真係無誇張，我都覺得係，可以話唔止三文魚，幾乎所有刺身都係無咩味，完全唔會有鮮味，就算賣唔差，食落都唔知自己食緊咩，就係一塊肉，無鮮味，無魚味。真心失望。

觀塘｜極尚大喜屋🇯🇵多蝦料理🦐🦐🦐- 有自助區，冷盤、生果、甜品、飲品都好多選擇。- 場地幾大，唔會好迫～觀塘｜極尚大喜屋🇯🇵多蝦料理🦐🦐🦐🔸星期一至四：$238 /一位 (再加一)————————————————————————- 蝦多士：偏咸、硬- 鰻魚玉子：味道唔錯，一口大小～- 壽司、卷物：都ok✅ 比目魚：燒至乾身，唔會太甜，入味👍🏻- 牛舌：濃味，但偏實正🥲✅ 芝士蒜蓉開邊蝦：蝦肉爽口，上面嘅醬似(沙律醬+白汁)🤣✅ 牛肉粒：炒得幾香，偏甜蜜糖味🍯✅ 薑蔥爆鱔球：好有鑊氣，推薦👍🏻👍🏻👍🏻✅ 天婦羅：🍤蝦夠爽、芝士竹輪微微爆漿🥰✅ 炸雞翼：更加唔洗講，做過放題幾年，但每次食返放題都會點👍🏻必食🤓百吃不慣- 豬骨湯烏冬：有啲似出前一丁豬骨湯底(?)✅ 牛油蒜蓉炒蜆：冇沙，有鮮味- 但我都係鐘意之前嘅豉椒炒蜆多啲🤪- 刺身：一般，做過放題嘅同事都認同😏- 因為識人，所以送海膽，所以就唔多講喇😋- 凍蝦麻麻…🔺有加一服務費整體而言▪️味道 4 / 5▪️環境 3.5 / 5▪️抵食 4.5 / 5📍觀塘開源道79號鱷魚恤中心3樓

難得閒日放假 身為「為食專家」既我當然唔會放過依個可以捐窿捐罅搵美食既機會. 下午胃口大開，諗都唔洗諗就決定食放題.見觀塘最近開左間極尚大喜屋，一於去試下.一出𨋢就比依個大招牌震攝住，好有氣派.入面飲品齊備，有凍飲有熱飲，任君選擇.按照傳統，一坐低當然就係先叫左啲美味又新鮮既魚生食先，你睇下啲生蝦有幾大隻😎😎😎食完一輪魚生後，當然輪到壽司同串燒. 當中牛舌、羊架係必嗌既，包你食完encore再encore.野食方面最後以一碗暖粒粒既烏冬做結尾！雖然已食到好飽，但甜品係唔可以錯過！依間甜品種類都算比較多，想每樣試下都難，囉有揀一啲自己鐘意食既口味！真係食到好飽！依間野位同位之間比較多空間，而且環境開揚，野食又高質，值得推薦比大家！

好耐冇食放題，今日就要黎個大解放！下午已經咁多人，誇張！自助區有各色甜品、飲品，仲有沙律生果吧！燒鰻魚都幾肥美，食落有Ｄ魚脂香，味道更加係惹味，質素唔錯芝士蟹籽櫻花蝦多士，烘得幾香脆，蟹籽同櫻花蝦好鮮甜，非常夾帶子吞拿魚蓉塔，帶子同吞拿魚蓉都幾新鮮，有少少黑松露點綴令佢更加香好少可放題會有鮑魚，而且幾鮮甜爽口芝士鰻魚玉子燒都唔錯，燒得好香好惹味呢到既炸物都好有水準，特別係芝麻雞翼，炸得超級香，但同時Ｄ肉質依然嫩滑，而且咸香味十足炸榴槤既榴槤味都好出，炸蠔亦夠晒新鮮唔會腥吞拿魚蓉手卷，細細份唔洗怕食到太飽，又可以食到有鮮甜既吞拿魚甜品就極力推薦食呢個脆皮雪糕佢單係朱古力脆皮已有兩層，夠晒誠意而且朱古力味同雪糕味都好濃

今日同幾個同事偷走去食個長LUNCH，講真，午餐食任食真係有D偖侈。但唔黎過唔知，原來大喜屋午餐係有SET+BUFFET BAR任食架！對我依D精明既師奶黎講，緊係食個最平既SET，然後食曬佢出面既食物啦！重點係佢地既蝦質素真係非常高，好彈牙呀！

疫情所限，好耐都冇食放題，今日就要去盡佢！新式裝修，環境舒服各種熟食、炸物都好吸引甚至仲有各種海鮮任拎特別之處係仲有生果吧，夠晒健康甜品、雪糕呢Ｄ當然唔少得仲有自制軟雪糕機添各式雪條，其中有個叫Ekselence雪糕系列，好似幾特別咁，一定要食當然唔少得仲有飲品除左常見既罐裝、包裝飲品之外，呢到都有唔少熱飲暖飲，岩晒各位女士呢個芝麻雞翼都可以話係呢個放題集團既名品炸得勁香脆，入面勁嫩勁ＪＵＩＣＹ，仲有少少芝麻味做點綴，推薦估唔到放題都有鮑魚食！而且質素都唔錯，食落幾爽口彈牙特別推薦呢個烤雞泡魚乾，甜甜地咸咸地，更滲有陣陣鮮味，送酒送汽水一流花之戀有勁多蟹子勁足料，三文魚都幾新鮮蝦多士超高質，又香又脆，蝦肉勁鮮甜呢個焗蝦都唔錯，蝦肉幾彈牙，而且味道香濃呢個係上面提過既Ekselence雪糕比雀巢果Ｄ脆皮雪糕好食好多外層朱古力脆皮有更香濃既朱古力味入面既雪糕亦更幼滑

又系放題!事關疫情原因，都有一排無出街食飯啦。行開APM，肚仔慌慌，一於就過隔離鱷魚恤中心食放題。上都去都超級多人，排曬長龍。等咗一陣，順利安排入座。餐廳都好大，樓底夠高，唔壓抑。自助區食物種類都好豐富，沙律小食齊全，熟食甜品都肯定唔會少噶。個人比較鐘意距地無骨鳳爪同埋中華海草。Btw，自助區仲有凍蝦同埋凍蜆，可惜等我翻轉頭再去攞，就已經無曬，睇黎同場各位食肉獸的戰鬥力好猛。飲品都系正常果啲，汽水，啤酒，支裝茶飲等，個人比較推介距地自己冷泡茶，甜度合適，茶味清香。黎得放題，肯定要刺身先上啦，食物質素唔錯，食材新鮮，帶子鮮甜，八爪魚刺身少少鹹香夠煙韌。花雕鮑魚勁有酒香味，肉質鮮味，彈牙，個人十分推介。叫埋壽司，都好唔錯哦。蟹柳壽司同埋左口魚壽司系我的摯愛，火炙過後更有風味。一口牛細細粒，黑椒味撲面，咬落Juicy，都系個人必點。其他出品都keep住水準，就唔一一講啦。值得一贊的是店員服務真系好到位，上菜爽手，收碟夠快，難怪排曬隊黎食啦。

平時鐘意食日料的我，好多時覺得單點貴，所以日料放題係一個我好嚮往的選擇。來到觀塘商場行街買衫，中午就食個日料放題輕鬆下。來到發現五係紅日週末都好多人來食，仲要排隊預約添，睇來好似五錯。問完價錢，218放題➕1，算係合理的價錢啦，反正來到咪試一下羅。我印象最深有兩點，一係服務態度好，上菜收盤都快，二係菜式好多，單係自己動手夾的品种就有各種炸物，湯，甜品，飲料等等。講翻食物味道，個刺身係新鮮既，食五出異味，口感都係我鐘意的，三文魚質素很好哦。值得一提的是，個一口牛好好食啊，比較嫩口，薯仔都入味。呢度我發現距地滴壽司有一定的創意，花雕醉鮑魚有濃濃的花雕味，又食得出鮑魚鮮味。仲有其他有創意的壽司，品種都多，試完會發覺，原來又真係几match。左口邊魚壽司，蟹柳壽司都係我可以order 幾輪的選擇。距地滴選擇真係好多，下次會再去，起碼食翻回本

食物味道大致正常，係牛舌同一口牛不好食，一口牛舊舊都太多筋，完全唔想食。炸榴槤好食。飲品種類都多選擇。收碟方面，係開頭收過2次，同最後收枱趕人走收1次，之後枱面擺滿吉碟，侍應見到或者放低食物後也不會收走。通常食放題，都會預咗你落單數量到食物上枱數量會有差異，但是叫咗有幾樣食物，都無送過來，搵咗侍應3次，3個不同侍應都話會幫你跟，到最後夠鐘走都係無送上枱，但就不停見到侍應送相同食物上其他人枱。這感覺特別差。完。

📌 極尚大喜屋📍 觀塘 Kwun Tong📎 @daikiyakt 最近完考試即刻想食一餐好🤣 同人出APM行街, 順便行去隔離鱷魚恤大廈食個放題, 超級方便!! 最重要可以地方夠大, 空間充足, 坐得舒服!!!😍-(👑爲推薦）三文魚刺身👑希靈魚刺身👑燒香草羊鞍👑鹽燒牛舌👑燒溫室菠蘿溫室南瓜天婦羅炸蝦天婦羅花雕醉鮑魚👑雪花牛肉鍋花膠雞湯👑-❥ ❥ 三文魚刺身放題必食嘅刺身🏝三文魚水準好穩定✨有輕煙飄出嘅賣相💯配上新鮮嘅刺身❤️‍🔥食得好涼爽同滋味✨😋❥ ❥ 花膠雞湯值得一提湯底非常足料!!!👍🏻有大大舊花膠, 雞肉, 青菜🐔烏雞熬湯底非常清甜!!唔係平時飲嘅咁多味精🤓❥ ❥ 鹽燒牛舌呢個超級惹味🔥每塊牛舌都好入味, 每啖都有孜然味!!肉質都鮮美有咬口記得趁熱食,凍咗會有啲硬🙈❥ ❥ 花雕醉鮑魚平日無咩幾可食鮑魚🤣呢個鮑魚係一口size🙆🏻‍♀️加咗花雕酒食落幾香～用咗冰鎮住keep住肉質爽口有彈性啲🤩❥ ❥ 湯烏冬湯底係清湯, 配牛肉片😋湯底略嫌有啲味精嘅味道🙈同埋作為麵條控 呢個烏冬比較淋同無麵條嘅香味🙈❥ ❥ 飲品飲品大推!!!✨ 好多選擇,仲可以揀暖飲☁️我自己就鐘意飲蜂蜜雪梨茶💛蜂蜜

自從第五波疫情以來，一直心心念念好想去食餐勁嘅日式放題，彌補一下冇得去日本嘅空虛感！是日咁啱放假，就一個人嚟到位於鱷魚恤中心嘅著名連鎖日式放題餐廳「極尚大喜屋」食午市放題（平日$218+10%）。先講吓餐廳嘅環境：餐廳地方好大，裝修企理舒服，一入到去就一個好大嘅自助熟食同飲品區。自助熟食區都有幾多選擇：當中嘅章魚小丸子、凍蝦同埋蜆都好受食客歡迎。至於飲品嘅選擇，可謂包羅萬有！有汽水、涼茶、即沖自助熱咖啡、茶包等之外，更加有好多唔同嘅啤酒、果酒，連近期好受歡迎嘅無酒精啤酒都有得飲！如果你同我一樣都唔係好鍾意食生冷刺身，咁嚟到呢度食日式放題都一定好開心，因為佢嘅熟食非常多元化，而且味道非常好！我喺呢度推介幾款俾大家，包保你唔食刺身都可以回本同盡興！火炙壽司：配料選擇好多沙律醬焗大蝦：蝦好新鮮爽脆，配合好好味嘅沙律醬，我encore左三次原隻醉鮑魚：鮑魚肉厚，口感一流！烤羊架：非常juicy，而去唔會燒得太老卷物：餡料好足燒牛舌：好香口雪糕雪條：回本貴價雪條任食