影片
更多
2022-05-18
136 瀏覽
難得今日放假，約咗媽咪去觀塘嘅極尚大喜屋食一個豐富嘅下午放題。一去到鱷魚恤中心嘅升降機大堂，排隊嘅市民已經多到不得了，放寬咗限聚令嘅威力真係不得了，等咗大約5分鐘之後，我哋終於上到去餐廳。由於我哋已經訂咗枱，職員都好快安排到再俾我哋。坐低咗之後，職員教導我哋用QR code落單。咁我哋就即刻瘋狂咁嗌嘢食啦。刺身同壽司🍣講到食放題，第一樣必食嘅當然係刺身啦，我同媽咪叫咗三文魚，油甘魚，象拔蚌，帶子，赤蝦，希靈魚等等。全部刺身都非常新鮮，職員亦都好細心咁放喺冰盤上邊，並且擺放得非常精緻。而我最鍾意食嘅刺身就係三文魚，大喜屋嘅三文魚比起出邊嘅日本餐廳更加大塊更加厚實，食落更加有啖啖肉口感。壽司就叫咗芝士蟹子伴櫻花蝦多士，濃郁嘅芝士蟹子醬，配上櫻花蝦，再加埋香脆嘅多士，簡直一絕。仲帶咗兩件帶子呑拿蓉塔，新鮮嘅帶子配上吞拿魚茸，塔嘅最頂更加有幾粒魚子，令到壽司更加鮮味十足。燒物同炸物除咗刺身之外，我哋都叫咗好多燒物同埋炸物。有芝麻雞翼啦，吉列蠔，吉列牛乳炸鮮奶，燒羊架，燒菠蘿，燒翠玉瓜等等。全部都非常出色。師傅將食物炸得香脆可口之餘，亦唔會覺得太過油膩，處理得剛剛好。另外燒羊架，牛舌等等嘅肉類亦
刺身同壽司🍣
講到食放題，第一樣必食嘅當然係刺身啦，我同媽咪叫咗三文魚，油甘魚，象拔蚌，帶子，赤蝦，希靈魚等等。全部刺身都非常新鮮，職員亦都好細心咁放喺冰盤上邊，並且擺放得非常精緻。而我最鍾意食嘅刺身就係三文魚，大喜屋嘅三文魚比起出邊嘅日本餐廳更加大塊更加厚實，食落更加有啖啖肉口感。
壽司就叫咗芝士蟹子伴櫻花蝦多士，濃郁嘅芝士蟹子醬，配上櫻花蝦，再加埋香脆嘅多士，簡直一絕。仲帶咗兩件帶子呑拿蓉塔，新鮮嘅帶子配上吞拿魚茸，塔嘅最頂更加有幾粒魚子，令到壽司更加鮮味十足。
燒物同炸物
除咗刺身之外，我哋都叫咗好多燒物同埋炸物。有芝麻雞翼啦，吉列蠔，吉列牛乳炸鮮奶，燒羊架，燒菠蘿，燒翠玉瓜等等。全部都非常出色。師傅將食物炸得香脆可口之餘，亦唔會覺得太過油膩，處理得剛剛好。另外燒羊架，牛舌等等嘅肉類亦都唔會燒得太過過火，令到肉質變老，恰到好處。
一品料理
喺呢一個項目入邊，我哋淨係嗌左兩隻花雕鮑魚。鮑魚非常之爽口彈牙，每一啖都充滿着花雕嘅香味。可想而知鮑魚應該喺花雕酒入邊浸左一段時間，非常之入味。
中式食品和煮物
雖然大家喺放題入邊主要食嘅都係日式嘅食物，但係今次同媽咪你食放題，平時比較少食生冷野嘅佢都可以揀選到佢鍾意食嘅中式菜式。我哋嗌左一個水蟹粥，水蟹粥嘅份量比較多，適合兩至到三個人嘅份量，如果比較細食嘅朋友就建議唔好叫啦，費事浪費食物，熱水蟹嘅肉同埋膏都好豐富，蟹嘅鮮味融入晒入粥入邊。另外亦都係自助吧攞咗一啲酸菜魚返嚟食，酸菜魚唔算太辣，但係夠酸，真係啱晒我媽咪嘅口味。
最後就係各式各樣嘅甜品同埋飲品提供俾大家選擇，有茶類飲品啦，汽水飲品啦，熱飲，橙汁，仲有清酒飲添，真係啱晒鍾意飲酒嘅我啦。甜品更加有不同嘅雪條雪糕，仲有師傅親手整嘅蛋糕類甜品，例如木糠布甸，蛋糕等等。
張貼
