極尚大喜屋 (鱷魚恤中心)

營業中

休息中

今晚同朋友食生日飯，朋友話最想食日本放題，咁就佢放工，就去左觀塘極尚大喜屋，貪放題有好多唔同種類既野食，可以滿足大家既口味。放題食足兩個鐘，呢度又坐得舒服，食得開心又傾得暢快。呢度好多野飲，最正又有啤酒、有清酒同梅酒，今晚可以不醉無歸。yoyo ~~平時都無乜食出面自助區既食物，但行過呢個區，啲炸物同湯都好香，就忍唔住夾啲黎食，炸雞粒、餃子、小丸子熱辣辣好香口。椰子雞湯好清甜，仲飲左兩碗添。呢度啲刺身好新鮮，但我仲鐘意啲壽司，好多款式，細細舊，可以試多幾款。天婦羅好香口，特別係個獅子狗，原來係竹輪芝士卷黎架，一咬啲芝士爆哂汁，小心。羊架好嫩，食多幾件。呢度除左刺身、壽司、天婦羅正之外，啲煮物都好唔錯。鱔球，魚肉鮮嫩，味道正。蝦球超彈牙。煮蜆好鮮甜呀。食埋甜品當蛋糕啦，壽星一樣咁開心。