極尚大喜屋 (鱷魚恤中心)

營業中

休息中

每一次食放題都一定會諗起大喜屋先，因為夠穩陣，講求實際，食物味道唔錯，定期有唔同嘅食物更新。出邊擺放小食有章魚燒、炸餃子、麻辣雞翼尖、東風螺及雞湯。凍櫃有凍蝦、蜆，另外有中華沙律、泡菜、帶子裙邊、酸辣雞腳、沙律、生果等等。甜品櫃有Tiramisu、冬甩、牛乳布甸、乳酪，仲有唔同口味嘅雪條，今次發現有韓國嘅黑糖珍珠奶茶雪條，即刻試咗。主食方便，除咗一般嘅魚生、壽司、熟食之外，仲多咗咖喱軟殻蟹，當然特別推介好食一定係海膽手卷、一品花膠同埋串燒，牛舌及雞軟骨必試。飲品方便除咗一般飲品，細心位有熱蜜糖菊花茶，仲有近期最Hit嘅零糖分零卡路里飲品，飲品種類選擇多。總括而言唔錯，食物以款式多為主，味道都唔錯，維持到水準。

我今日同朋友去咗觀塘呢間大喜屋食日本放題，地方好大。餐廳食物款式有很多選擇，除咗可以QR code 落單，餐廳仲設有多個自助區域，包括飲品區，甜品區，熟食區都有多款選擇給客人，未落單就出去醫下肚先。QR code落單有超級多食物包括刺身，創作壽司，火焰壽司，手卷，軍艦，不同的卷物，日式料理，炸物，天婦羅和串燒。西京燒比目魚比目魚燒得好香脆，肉質嫩滑，厚肉冇咩骨，醬汁好惹味。鹽燒牛舌牛舌燒到好香，口感爽口不膩，牛香味濃，加咗椒鹽好惹味，推薦。鹽燒雞軟骨雞軟骨好爽脆，鹽燒後好香脆。香草牛油煮鮮大蜆蜆肉好大隻好鮮味，經過香草同牛油煮可以帶出鮮味。炸蠔外面炸得好酥脆，內裏餡料熱辣辣，creamy多汁。炸芝士竹輪外面香脆，咬開會有香濃芝士軟心。刺身食日式放題刺身係重點項目，呢度款式多、質素都唔錯，三文魚好肥美，希靈魚好爽脆，赤貝同甜蝦都鮮甜爽口。豬軟骨拉麵拉麵熱辣辣，面身爽口掛湯，黑蒜油豬骨湯底都幾香濃，豬軟骨炆得幾入味幾淋。風味淋燒魚乾口感好似魷魚乾咁樣，不過除咗鹹香中帶點魚香味同醬油味，燒得好香脆好惹味，點埋沙律醬同七味粉食非常夾。牛油粟米好香甜好重牛油味最後甜品區有多款雪條和雪糕很多選擇，

今日嚟觀塘大喜屋食放題，食飯時間好旺場，地方好大，連自助區域都分咗幾個區，包括飲品區，甜品區，沙律及小食…😙我哋兵分兩路，一個負責出去自助區拎嘢食；一個負責落單。呢度用QR code落單，可以喺網上系統睇到自己點咗啲乜嘢同有咩未嚟，減少漏單錯單嘅機會。自助區款式好多，可以喺嘢食未到之前醫下肚先，有凍海鮮🦐，熱食🍲，水果🍉，沙律🥗，湯品，甜品🍮，雪糕🍨，飲品🧃… 連飲品都有暖櫃飲品同多款熱飲，仲有清酒同梅酒🍶食物全部都有蓋蓋住，好衛生👍🏻呢度熱食選擇好豐富，特別係小炒類好夠熱好有鑊氣：特別推薦薑蔥爆鱔球&黑椒蜜汁一口牛，有中菜餐廳的水準，薑蔥爆鱔球醬汁好香好惹味，鱔球都幾大塊多肉，黑椒蜜汁一口牛牛肉結實又唔韌，黑椒蜜汁好香好惹味燒物都燒好香，牛油翠玉瓜燒到好香好爽脆；燒菠蘿酸酸甜甜，開胃消滯；蒲燒鰻魚厚肉冇咩骨，配埋蒲燒汁好惹味；鹽燒鯖魚燒到外皮香脆好香口。刺身整體新鮮，冇咩雪味，款式都好多，order數量一致。赤貝同象拔蚌爽脆鮮甜，花海哲都幾特別，除咗爽脆之外仲好滑身，三文魚厚身鮮味😊手卷我叫咗海膽，三文魚子，吞拿魚蓉3款，上碟嘅時候手卷嘅紫菜都仲係脆嘅👍🏻，大細啱啱好；海膽鮮甜Cre

約半年前黎過食lunch set 覺得質素唔錯，當時見到隔離位食放題好吸引！一路都諗住call 班朋友黎食🥴 點知就嚟個禁堂食。。。最近班朋友終於按耐不住，決定黎個晚市情深對話😂傾吓近況7:15pm到達已經好多人walk in 排隊，估唔到平日都咁多捧場客！😳好在餐廳位置好充足，好快有得入👍🏻  餐廳景觀開陽，樓底極高坐得好舒服放題可以享受自助吧多款前菜、炸物、椰子雞湯、🦐凍海鮮、甜品、🍦雪糕等等！凍櫃飲品有廿幾款，熱飲居然有清酒🍶而我最欣賞嘅係🍈熱蜜瓜豆奶！食物方面，質素中上～　🍣刺身非常新鮮，而且款式都幾多！特別係三文魚刺身入口肥美，貝殼類彈口新鮮炸物方面，朋友最喜歡榴槤波波，佢話咬落去爆漿好濃味😂而我最欣賞係炸鮮奶！細細個最鍾意食，估唔到呢度都有❤️❤️❤️ 新鮮炸出嚟非常之好食，另外天婦羅系列都唔錯放題有提供日式小鍋同燒物（牛舌，羊架，雞軟骨，燒菠蘿好正）等都好正常丫🥸但估佢唔到有中式菜式 (例如香葱爆鱔球，黑椒蜜汁一口牛，花膠烏雞湯) 都好出色~ 😋落單採用QR Code 手機落單，同枱點左咩野，到左咩野都好清晰～不會出現漏單情況～

鱷魚恤中心3樓極尚大喜屋👉🏻是日Mission：飲飽食醉✅都幾大間，近門口嘅位置係自助區有熟食、飲品吧、沙律吧、甜品櫃。熟食見到有炸餃子炸雞同八爪魚丸，飲品嘅種類多，有支裝嘅茶，汽水同啤酒等等。甜品櫃有唔同嘅糕點，唔同嘅雪糕雪條。點單食物方面有刺身、壽司、手卷、卷物、炸物、天婦羅、串燒、燒物、一品料理、煮物等等。而點餐系統用QR Code 落單，叫咗乜到咗乜一目了然，冇漏單嘅情況，出餐快。大路嘅日式放題食品之外，仲有一啲估唔到嘅食物，例如泰式軟殼蟹，中式嘅花膠都有。整體質素👍🏻，作為放題係一個唔錯嘅選擇

大喜屋系列嘅餐廳之前都有食過，但係第一次黎極尚大喜屋食，估唔到佢嘅午市都幾抵食，難怪我平日放假黎食lunch 都成個場坐滿咁濟！呢度嘅食物款式都唔算少，除左手機落單之外，外面都有好多自助嘅冷熱食，飲品同甜品，睇到眼花飲品除左各類罐裝同紙包飲品外，仲有2款自家製冷泡茶，白桃烏龍同洛神花茶，兩款都係無糖嘅，健康又解膩！勁多人都攞黎飲！雖然我麻麻地飲酒但都試左一試D清酒同梅酒，個人覺得梅酒酸酸甜甜好飲D～刺身款式都唔少，仲有比較高價嘅赤貝，象拔蚌同帶子，其中我最鐘意赤貝，幾有鮮味，質素唔錯！壽司我都叫左幾款黎試，最出色嘅係火炙左口魚，燒得勁香！蟹膏蟹肉壽司嘅蟹膏量都唔吝嗇～燒物勁推薦食燒牛舌，燒得香口，而且肉質好爽口彈牙，encore 左幾串燒菠蘿都幾juicy而且菠蘿夠甜，正～炸物最推薦就係炸鮮奶！呢個仲要唔係間間放題都有得食，要好好把握！叫左個中式牛柳黎食，其實平身期望不大，但估唔到一食就驚艷到牛肉唔韌而且好夠味，又有鑊氣，就連配菜都好入味，係有大排檔嘅水準！而且份量唔算太多，唔怕會食到好飽，好值得叫黎食呀！唔知有冇人同我一樣對蟹粥有種無法抗拒嘅感覺每次見到就會想食，理得佢感覺抵唔抵！呢

送餐又送錯，永遠送錯格離枱🤬之後落單嗰個apps又顯示送左🤬甘請問我係咪比錢黎食空氣呢🤬哩間嘢真係食一次就夠喇🤬可一不可再！🤬同埋啲員工真係無腦🤬仲要叫我比部電話佢令入廚房對單🤬甘點解吾可以用自己電話影呢？🤬

有兩種餐廳係大佬間唔中都會幫襯：就係自助餐同埋放題（雖然都係任食，但兩樣嘢唔同㗎吓）平日嚟到的人山人海，好彩訂咗位，準時入座坐低擺低野之後第一件事就睇吓出邊有咩飲同埋有咩食，雪櫃嘅飲品非常之齊全，大路嘅嘅汽水無糖茶或者啤酒都有。自取嘅熟食有湯、炸物、沙律吧等等。甜品櫃嘅種類都唔少，不過呢個就最後先食（因為我見到好多雪糕同雪條）行完返嚟Scan返個QR code就可以落單。出單嘅效率都非常快，落完單冇耐就送到刺身嘅種類都有幾款，質素唔錯幾新鮮。串燒同炸物嘅選擇都唔少，大佬心水推介就係雞翼牛舌同埋羊架，全部嘢送上嚟都係熱辣辣。炸物方面梗係唔少得天婦羅，天婦羅蝦爽口彈牙，南瓜又軟綿綿。仲有鰻魚都係大佬推介，用嘅係厚身蒲燒鰻魚，都係熱辣辣爽口彈牙。埋單每人$300左右（唔同時段有唔同收費）

性價比⭐️⭐️⭐️⭐️回頭率⭐️⭐️⭐️⭐️雖然牙仔胃口唔算大, 不過就鍾意食放題, 因為放題可以食到好多唔同款式份量又可以因應自己喜好黎調節叫幾多 =) 今日去左極尚大喜屋, 地點近自己屋企, 同屋企人shopping 完上去排左陣隊等walkin 位坐低首先當然係look下有咩叫~ 分左幾個種類, 有刺身, 壽司, 炸物, 串燒等等最驚喜係唔只日式野食, 少少中式同泰式嘢都有得點, 加埋出邊可以自助拎既野食真係好多野揀刺身有三文魚/ 吞拿魚等等常見既, 貝類都有螺片同北寄貝, 刺身送上黎嘅時候用冰墊底去保持溫度, 串燒同燒物送上黎既都係好熱,應該都係即點即整. 又估唔到麻辣牛肉同埋黑椒炒牛柳都好好食. 我仲偷偷地叫左炸榴槤球自取甜品同埋飲品都好多種類,完全唔驚食唔飽.

同屋企人去食放題，入面裝修都幾唔錯，用餐區好大～雖然平日晚市爆曬場，但係都好有空間感，食得舒服。除咗自助區，其餘大部份都係QR code落單，上菜極快完全冇漏單，好方便～刺身選擇多，我哋點左三文魚丶象拔蚌丶八爪魚丶甜蝦等等，擺盤靚，整體都好新鮮。🥳依度嘅串燒選擇都多，全部上枱都熱辣辣～每次都會叫鹽燒牛舌，彈牙味美！蒲燒鰻魚好肥美又鮮香，而燒香草羊鞍，啖啖肉👍🏼充滿孜然香。仲有泰式咖喱軟殻蟹～個咖喱汁好食！黃金焗開邊蝦，同埋蒜蓉粉絲蒸扇貝都唔錯喎。仲有中式Feel極尚花膠盛宴～清清地👍🏼花膠軟腍入味。出面自助區除咗有飲品仲有好多小食eg. 凍蝦丶薯條丶東風螺丶沙律吧丶水果等等。仲有清酒🍶丶小杯裝甜品丶乳酪丶豆腐花丶雪糕丶雪條丶軟雪糕⋯兩個鐘不停食真係好豐富。

好耐冇去食放題🥳呢次去咗觀塘極尚大喜屋擦翻餐👍🏼入面超大～裝修雅致舒服，兩個人坐卡位都好闊落。我哋星期一至四18:30-20:30時段，食足兩個鐘，每位$288～好抵食。刺身有三文魚丶油甘魚丶吞拿魚丶希靈魚丶北寄貝丶北海道帶子丶象拔蚌丶赤貝丶八爪魚丶甜蝦等等～選擇好多，我哋點左其中幾樣都好新鮮。壽司細細件，唔會好飽肚～所以都可以好放心叫😀點左蟹肉蟹膏軍艦，唔錯！而柚子胡椒左口魚邊壽司好有魚脂香，我哋點左幾轉🤤串燒丶炸物選擇都唔少～鹽燒牛舌，啖啖肉好彈牙，而蒲燒鰻魚超肥美，燒菠蘿多汁酸酸甜甜消膩一流！我同屋企人都好鍾意燒香草羊鞍，好好肉👍🏼加咗孜然粉好惹味，有再encore。仲有幾樣海鮮料理～黃金焗開邊蝦丶蒜蓉粉絲蒸扇貝丶香草牛油煮大蜆丶泰式咖喱軟殻蟹⋯其中我最鍾意蒜蓉粉絲蒸扇貝，扇貝大隻彈牙，蒜味好香💗仲有好多拉麵丶烏冬選擇，我哋點左瑤柱鮮蟹粥～一大鍋，粥好綿密，我覺得分量超多，如果有三四個人先叫就啱啦。榴槤炸彈～係邪惡啲，但係半溶流心好正！兩個鐘好夠食👍🏼食到捧住個肚🥳

返工咁辛苦慰勞吓自己夜晚去觀塘食日本放題平日晚市連加一$316 性價比高餐廳環境優美乾淨 適合坐低慢慢嘆餐廳沙律吧熟食吧食物新鮮飲品有冷暖自助十分貼心而且飲品種類多👍🏻刺身肉質鮮嫩 肥美又鮮甜 強烈推薦食赤貝、象拔蚌以及帶子壽司手卷大小剛剛好 唔會食到太飽可以叫多啲唔同種類試味 火炙壽司火候剛剛好簡直係入口即化 尤其係左口魚壽司完全係半融化狀態呢一間放題啲炸物都出色上到嚟熱辣辣 外脆內嫩最重要係完全冇油膉味推薦大家食吉列蠔同埋榴槤波波食完鹹嘢之後梗係想食甜嘢啦呢間甜品種類好多雪條、自助雪糕吧同埋杯裝小甜品

收工好攰，想食好嘢，就同朋友去咗附近極尚大喜屋食放題食物質素十分高，選擇好多，包括自助雪糕區、甜品區、沙律區和飲品區首先，刺身十分新鮮，一上枱凍冰冰，特別是帆立貝和北寄貝，十分鮮甜美味三文魚刺身都好好食，厚薄適中，入口十分肥美，又唔會膩🥰壽司都做得好出色，特別係火炙左口魚壽司，真係做到入口即溶軟殼蟹壽司都做得好好，蟹肉十分鮮嫩，又夠香口。炸物方面，真係好鍾意食榴槤波波呀一咬落去，即刻爆榴槤漿，外脆內軟， 100分😝天婦羅都做得好出色，炸粉厚度剛剛好蝦亦好新鮮，紫薯都好好味。扇貝粉絲和串燒好正，特別係牛舌，烤得剛剛好，唔會太熟，好入味而雞軟骨亦保持一貫水準燒菠蘿直頭係一絕👍🏼我哋叫咗兩三轉燒菠蘿。最有驚喜係甜品區，牛奶布丁和焦糖布丁真係好好味好香牛奶味，布甸好香滑，而且甜度剛剛好❤️

其實食自助餐就是隨，食咩先同食幾多就由你個胃決定，等我推薦一些最美味的比大家先啦：🔹️刺身壽司拼盤(自選)自選刺身有甜蝦、大蝦、帶子、三文魚、吞拿魚、希靈魚。三文魚超肥美蝦大大隻又彈牙，帶子又鮮甜，其他刺身質素都好好，新鮮有光澤，食落鮮甜唔會有雪味。🔹️花雕醉鮑魚冰鎮鮑魚鎖住肉質，爽口有彈性，加咗花雕酒好入味，軟淋淋散發陣陣酒香。🔹️蟲草花煲花膠烏雞湯湯底非常足料，有大大舊花膠，排骨同雞肉，湯底非常清甜。🔹️香草羊架香草羊鞍燒至油香四溢肉質軟淋，勁有咬口。🔹️天婦羅蝦大大隻蝦夠爽口，外層炸得好香脆，炸粉又不會過厚。🔹️香葱爆鱔球/香草牛油煮大蜆兩款均好有鑊氣，鱔球肉嫩彈牙，大蜆肉鮮甜無沙。🔹️黑椒蜜汁一口牛/鹽燒牛舌兩款都整到好入味又juciy，上菜時熱辣辣，咬落去口感豐富又有油脂香味，嚼勁十足，火候啱啱好，唔會燒過頭又唔韌。🔹️蒜香燒牛肉壽司壽司款式多，飯團大小適中，一口一件，十分方便食，愛吃牛牛必試蒜香燒牛肉壽司。🔹️風味燒魚乾特別推薦呢個烤魚乾，陣陣鮮味咸咸地好有咬口，前後叫了3碟，送酒首選。🔹️益力多雪糕甜品櫃有超多選擇，我覺得最有特色又勁好味, 微微酸酸甜甜。㊙️身邊有太多人推薦，所以就去了比較寬

今日放假去咗觀塘極尚大喜屋食個中午放題。星期一至五食足三粒鐘都係$218-真係抵食。一入到餐廳已經見到自助區好多熟嘢食物可以攞嚟食。凍蝦、蜆、炸物、菜仲有酸菜魚tim 。再行前啲又有沙律小食，飲品區、雪糕甜品連軟雪糕機都有😆真係好happy！坐埋位梗係即刻叫刺身食先啦！油甘魚、希靈魚、北海道帶子、象拔蚌、赤貝、螺片、赤蝦。樣樣都好新鮮好味呀😋和風黑松露吞拿魚、蝦膏海佬、魚子醬伴文甲魷魚、柚子胡椒左口魚邊、醬燒赤鯥魚、黑松露油甘魚、池魚王。平時食放題好少叫壽司食，但今次見到啲壽司好特色，好似赤鯥平時好少食到。同埋啲壽司飯細細舊，食多幾舊都唔怕飽😆風味淋燒魚乾我最愛送啤酒一流🍻西京燒比目魚、黑椒蜜汁一口牛、鹽燒牛舌、燒溫室甜菠蘿🍍呢啲都係我食放題必食之選一口牛同牛舌又淋又好味、燒菠蘿勁鮮甜西京燒比目魚都唔錯😋蟲草花煲花膠烏雞湯個湯勁大塊花膠正呀😋香草牛油煮大蜆啲蜆大隻啖啖肉香草牛油好香😍食埋兩個手卷仔真係飽飽啦！