極尚大喜屋 (鱷魚恤中心)

營業中

休息中

又系放題!事關疫情原因，都有一排無出街食飯啦。行開APM，肚仔慌慌，一於就過隔離鱷魚恤中心食放題。上都去都超級多人，排曬長龍。等咗一陣，順利安排入座。餐廳都好大，樓底夠高，唔壓抑。自助區食物種類都好豐富，沙律小食齊全，熟食甜品都肯定唔會少噶。個人比較鐘意距地無骨鳳爪同埋中華海草。Btw，自助區仲有凍蝦同埋凍蜆，可惜等我翻轉頭再去攞，就已經無曬，睇黎同場各位食肉獸的戰鬥力好猛。飲品都系正常果啲，汽水，啤酒，支裝茶飲等，個人比較推介距地自己冷泡茶，甜度合適，茶味清香。黎得放題，肯定要刺身先上啦，食物質素唔錯，食材新鮮，帶子鮮甜，八爪魚刺身少少鹹香夠煙韌。花雕鮑魚勁有酒香味，肉質鮮味，彈牙，個人十分推介。叫埋壽司，都好唔錯哦。蟹柳壽司同埋左口魚壽司系我的摯愛，火炙過後更有風味。一口牛細細粒，黑椒味撲面，咬落Juicy，都系個人必點。其他出品都keep住水準，就唔一一講啦。值得一贊的是店員服務真系好到位，上菜爽手，收碟夠快，難怪排曬隊黎食啦。